Just In
- 9 min ago 17 കി.മീ മൈലേജുള്ള ഫാമിലി എസ്യുവി വാങ്ങുന്നവര്ക്ക് സന്തോഷ വാര്ത്ത! 1 മാസം കൊണ്ട് വണ്ടി കൈയ്യില് കിട്ടും
- 59 min ago കറങ്ങുന്ന കസേരയ്ക്ക് മുടക്കിയ കാശ് ഖുദാ ഹവാ; നവകേരള ബസ് ഇനി റൂട്ടിലോടും
- 3 hrs ago പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
- 4 hrs ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
Don't Miss
- Movies 8 ടേക്കുകള് പോയിട്ടും മമ്മൂട്ടിയ്ക്ക് ശരിയായില്ല; ഡബ്ബിംഗ് സമയത്തും പ്രശ്നമുണ്ടായി; സംവിധായകന്
- Travel വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും
- News 'തെക്ക് കിഴക്ക് നടന്നു എന്നല്ലാതെ പൗരത്വ ബില്ലിനെ കുറിച്ച് രാഹുൽ ഗാന്ധി ഒന്നും പറഞ്ഞിട്ടില്ല'; എംവി ഗോവിന്ദൻ
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- Sports IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ്
- Lifestyle 1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
നവീകരണങ്ങളോടെ Tiguan തിരികെയെത്തുന്നു; അവതരണ തീയതി വെളിപ്പെടുത്തി Volkswagen
പോളോ, വെന്റോ മോഡലുകള് മാത്രമായി അധിക നാള് പിടിച്ച് നില്ക്കാന് കഴിയില്ലെന്ന് മനസ്സിലാക്കിയ ഫോക്സ്വാഗണ് ചുവടുമാറ്റത്തിന്റെ പാതയിലാണ്. അടുത്തിടെ മിഡ്-സൈസ് എസ്യുവി വിഭാഗത്തിലേക്ക് ടൈഗൂണ് എന്നൊരു മോഡലിനെ അവതരിപ്പിച്ച് കമ്പനി തങ്ങളുടെ തിരിച്ച് വരവ് പ്രഖ്യാപിക്കുകയും ചെയ്തു.
എന്നാല് അവിടംകൊണ്ടും അവസാനിക്കുന്നില്ലെന്ന് വേണം പറയാന്. പുതിയ നിരവധി മോഡലുകളെ നിരത്തിലെത്തിച്ച് കളം നിറയനാണ് കമ്പനിയുടെ പദ്ധതി. ഇതിന്റെ ഭാഗമായി നേരത്തെ ഉണ്ടായിരുന്ന അഞ്ച് സീറ്റര് ടിഗുവാനെയും വിപണിയില് എത്തിക്കാനൊരുങ്ങുകയാണ് ജര്മ്മന് ബ്രാന്ഡ്.
ടിഗുവാന് ഓള്സ്പേസിന്റെ അവതരണത്തോടെയാണ് അഞ്ച് സീറ്റര് ടിഗുവാനെ കമ്പനി പിന്വലിക്കുന്നത്. എന്നാല് നവീകരണങ്ങളോടെ ഈ പതിപ്പിനെ തിരികെ കൊണ്ടുവരാനൊരുങ്ങുകയാണ് കമ്പനി ഇപ്പോള്. ഫെയ്സ്ലിഫ്റ്റ് നവീകരണത്തോടെയാകും മോഡല് വിപണയില് തിരിച്ചെത്തുക.
ഈ ഫെയ്സ്ലിഫ്റ്റ് അഞ്ച് സീറ്റര് എസ്യുവി ബ്രാന്ഡിന്റെ ഇന്ത്യ 2.0 സ്ട്രാറ്റജിയുടെ ഭാഗമായാണ് വരുന്നത്, കാര് ബ്രാന്ഡ് ഇന്ത്യയില് അവതരിപ്പിക്കുമെന്ന് പ്രഖ്യാപിച്ച നാല് എസ്യുവികളില് ഒന്നായിരിക്കും ഇതെന്നും വ്യക്തമാക്കിയിട്ടുണ്ട്.
പുതുക്കിയ ടിഗുവാന് 2020-ല് വീണ്ടും ആഗോളതലത്തില് അരങ്ങേറ്റം കുറിച്ചിച്ചിരുന്നു. ഇപ്പോഴിതാ വാഹനം ഇന്ത്യന് വിപണിയില് എത്തുന്ന തീയതി വെളിപ്പെടുത്തിയിരിക്കുകയാണ് നിര്മാതാക്കള്. 2021 ഡിസംബര് 7-ന് വാഹനത്തെ രാജ്യത്ത് അവതരിപ്പിക്കുമെന്ന് ഫോക്സ്വാഗണ് വ്യക്തമാക്കി.
കമ്പനിയുടെ സോഷ്യല് മിഡിയ പേജുകളിലൂടെയാണ് കമ്പനി ഇക്കാര്യം അറിയിച്ചത്. വിപണിയില് എത്തുമ്പോള് പ്രീമിയം എസ്യുവി, ജീപ്പ് കോമ്പസ്, ഹ്യുണ്ടായി ട്യൂസോണ്, സിട്രണ് C5 എയര്ക്രോസ് എന്നിവയ്ക്കെതിരെയാകും മത്സരിക്കുക.
ഇന്ത്യന് വിപണിയില് മറ്റ് മൂന്ന് മോഡലുകളും കൊണ്ടുവരുമെന്ന് ജര്മ്മന് നിര്മാതാവ് മുമ്പ് പ്രഖ്യാപിച്ചിരുന്നു, അതില് പുതിയ ടൈഗൂണ്, ടി-റോക്ക്, ടിഗുവാന് ഓള്സ്പേസ് 7-സീറ്റര് എസ്യുവി എന്നിവയുടെ പുതുക്കിയ പതിപ്പുകള് ഉള്പ്പെടുന്നു.
പ്രീ-ഫെയ്സ്ലിഫ്റ്റ് ടിഗുവാന് പോലെ, ഫോക്സ്വാഗണ് എതിരാളികള്ക്കെതിരെ അതിന്റെ വില നിര്ണ്ണയം മത്സരാധിഷ്ഠിതമായി നിലനിര്ത്താനുള്ള ശ്രമത്തില് ഇന്ത്യയില് മിഡ്-സൈസ് പ്രീമിയം എസ്യുവിയെ പ്രാദേശികമായി കൂട്ടിച്ചേര്ക്കാന് ലക്ഷ്യമിടുന്നു.
ഡിസൈന് മാറ്റങ്ങളെക്കുറിച്ച് പറയുമ്പോള്, 2021 ഫോക്സ്വാഗണ് ടിഗുവാന് ഫെയ്സ്ലിഫ്റ്റ് മറ്റ് സമകാലിക മോഡലുകള്ക്ക് അനുസൃതമായി പുതുക്കിയ സ്റ്റൈലിംഗുമായി വരുമെന്നാണ് പ്രതീക്ഷിക്കുന്നത്.
ക്രോം അലങ്കാരങ്ങള്, എല്ഇഡി മാട്രിക്സ് ഹെഡ്ലാമ്പുകള്, എല്ഇഡി ഡേ ടൈം റണ്ണിംഗ് ലൈറ്റുകള് എന്നിവയ്ക്കൊപ്പം പുതുക്കിയ ബമ്പര് ഹൗസിംഗ് ത്രികോണാകൃതിയിലുള്ള ഫോഗ് ലാമ്പുകള്ക്കൊപ്പം അല്പ്പം പുതുക്കിയ ഫ്രണ്ട് ഗ്രില്ലും ഇതിന് ലഭിക്കുന്നു.
കാറിന്റെ മൊത്തത്തിലുള്ള ഫ്രണ്ട് ഫാസിയ കൂടുതല് ഷാര്പ്പായിട്ടുള്ളതും കൂടുതല് സ്റ്റൈലിഷും ആയി കാണപ്പെടുന്നു. സൈഡ് പ്രൊഫൈലിലേക്ക് നീങ്ങുമ്പോള്, ഇതിന് സ്പോര്ട്ടി, സ്റ്റൈലിഷ് അലോയ് വീലുകള് ലഭിക്കുന്നു.
കൂടാതെ, ഇത് ഷാര്പ്പായിട്ടുള്ള ക്യാരക്ടര് ലൈനുകളോടെയാണ് വരുന്നത്. കാറിന്റെ റിയര് പ്രൊഫൈലില് അതിന്റെ വിഷ്വല് അപ്പീല് വര്ദ്ധിപ്പിക്കുന്നതിന് മെലിഞ്ഞ എല്ഇഡി ടെയില്ലാമ്പുകള് കമ്പനി നല്കിയേക്കും.
MQB പ്ലാറ്റ്ഫോമിനെ അടിസ്ഥാനമാക്കിയാകും 2021 ഫോക്സ്വാഗണ് ടിഗുവാന് ഒരുങ്ങുന്നത്. എഞ്ചിന് സവിശേഷതകളില് 2.0 ലിറ്റര്, ഫോര് സിലിണ്ടര് ടര്ബോചാര്ജ്ഡ് എഞ്ചിന് കരുത്ത് പകരും.
ഈ യൂണിറ്റ് 187 bhp കരുത്തും 320 Nm പീക്ക് ടോര്ക്കും പുറപ്പെടുവിക്കും. എഞ്ചിന് സ്റ്റാന്ഡേര്ഡായി ഏഴ് സ്പീഡ് DSG ഓട്ടോമാറ്റിക് ട്രാന്സ്മിഷനുമായി ജോടിയാക്കും, കൂടാതെ 4 മോഷന് ഓള്-വീല് ഡ്രൈവ് (AWD) സിസ്റ്റവും വാഹനത്തിന് ലഭിക്കും.
സുരക്ഷാ ഫീച്ചറുകളുടെ കാര്യത്തില്, 6-എയര്ബാഗുകള്, ഡ്രൈവര് അലേര്ട്ട് സിസ്റ്റം, ഇബിഡിയുള്ള എഎംഎസ്, ESP, ട്രാക്ഷന് കണ്ട്രോള്, ടയര് പ്രഷര് മോണിറ്ററിംഗ് സിസ്റ്റം, ASR, EDL, ഹില് സ്റ്റാര്ട്ട് അസിസ്റ്റ് തുടങ്ങി ഏറ്റവും പുതിയ എല്ലാ സുരക്ഷാ സങ്കേതങ്ങളും ഫോക്സ്വാഗണ് ടിഗുവാന്റെ അപ്ഡേറ്റ് ചെയ്ത പതിപ്പിന് ലഭിക്കുന്നു.
ഫോക്സ്വാഗണ് ടിഗുവാന്റെ അപ്ഡേറ്റ് ചെയ്ത പതിപ്പ് നിരവധി സ്റ്റാന്ഡേര്ഡ് ഫീച്ചറുകളാല് നിറഞ്ഞതാണ്, കൂടാതെ ഇത് ഒരു പഞ്ച് പെട്രോള് പവര്ട്രെയിന്, എല്ലാ കാലാവസ്ഥാ ശേഷിയ്ക്കായി വിപുലമായ ഓള്-വീല്-ഡ്രൈവ് സിസ്റ്റം എന്നിവയും ഉള്ക്കൊള്ളുന്നു. മൊത്തത്തില്, പ്രീമിയം മിഡ്-സൈസ് എസ്യുവി വിപണിയില് ബ്രാന്ഡിനായി മികച്ച നേട്ടമുണ്ടാകുമെന്നാണ് സൂചന.
അതേസമയം ടി-റോക്കിന്റെ പുതിയൊരു പതിപ്പിനെ കഴിഞ്ഞ ദിവസം കമ്പനി വെളിപ്പെടുത്തിയിരുന്നു. നിരവധി മാറ്റങ്ങളോടെയാണ് ഈ മോഡലിനെ കമ്പനി അവതരിപ്പിച്ചിരിക്കുന്നത്. ഇന്ത്യയിലേക്ക് ഈ പുതിയ പതിപ്പ് എത്തുന്ന കാര്യത്തില് ഇതുവരെ കമ്പനി സ്ഥിരീകരണം ഒന്നും തന്നെ നല്കിയിട്ടില്ല.
എന്നാല് ടി-റോക്കിന് രാജ്യത്ത് ആവശ്യക്കാര് ഏറെയുണ്ടെന്ന് പറയേണ്ടിവരും. അടുത്തിടെയാണ് വില്പ്പനയ്ക്ക് എത്തിച്ച രണ്ടാം ബാച്ചും പൂര്ണമായി വിറ്റഴിച്ചുവെന്നും ബുക്കിംഗ് നിര്ത്തുകയാണെന്നും ഫോക്സ്വാഗണ് അറിയിച്ചത്.