Just In
- 3 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 3 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 4 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 4 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Lifestyle നെഗറ്റീവ് എനര്ജിയെ പെട്ടെന്ന് കണ്ടെത്തി ഒഴിവാക്കാം
- Sports IPL 2024: 26 പന്തില് 26, പിന്നെ വെടിക്കെട്ട്! സഞ്ജു ഉപദേശിച്ചതെന്ത്? വിജയ മന്ത്രം പരാഗ് പറയുന്നു
- News സാമ്പത്തികനേട്ടങ്ങള് ഉണ്ടാകും, പ്രണയലക്ഷ്യങ്ങള് സാധിക്കും, നിങ്ങളുടെ രാശിഫലം അറിയാം
- Movies ട്രെയിനില് വിശന്നിരുന്ന എനിക്ക് ഭക്ഷണം തന്ന ആ യുവാവ്; സുരേഷ് ഗോപിയെക്കുറിച്ച് മണിയന് പിള്ള രാജു
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ഇന്ത്യൻ വിപണിയ്ക്കായി അണിഞ്ഞൊരുങ്ങി ഫോക്സ്വാഗണ് ടൈഗൂൺ; പ്രൊഡക്ഷൻ ഓഗസ്റ്റ് 18 -ന് ആരംഭിക്കും
ഏറെ നാളായി വളരെ ആകാംഷയോടെ കാത്തിരുന്ന ഫോക്സ്വാഗണ് ടൈഗൂൺ അടുത്ത രണ്ട് മാസത്തിനുള്ളിൽ ഇന്ത്യൻ വിപണിയിലെത്തും.
മിഡ്-സൈസ് എസ്യുവിയുടെ ഉത്പാദനം 2021 ഓഗസ്റ്റ് 18 -ന് ആരംഭിക്കുമെന്ന് കമ്പനി അറിയിച്ചു. ഓഗസ്റ്റ് അവസാനമോ 2021 സെപ്റ്റംബർ ആദ്യ പകുതിയിലോ ഫോക്സ്വാഗണ് എസ്യുവിയുടെ വില പ്രഖ്യാപിക്കും.
ഫോക്സ്വാഗണ് ടൈഗൂൺ ലോഞ്ച് 2021 സെപ്റ്റംബർ മൂന്നാം വാരത്തിൽ നടക്കുമെന്നും ഉപഭോക്തൃ ഡെലിവറികളും ഇതേ സമയത്ത് തന്നെ ആരംഭിക്കുമെന്നും മുൻ മാധ്യമ റിപ്പോർട്ടുകൾ അവകാശപ്പെടുന്നു.
എസ്യുവിക്കായുള്ള ഔദ്യോഗിക ബുക്കിംഗ് ഓഗസ്റ്റ് ആദ്യ വാരം ആരംഭിക്കും. എന്നിരുന്നാലും, ചില ഫോക്സ്വാഗണ് ഡീലർമാർ ഇതിനകം 10,000 രൂപയുടെ ടോക്കൺ തുകയിൽ എസ്യുവിക്കായി പ്രീ-ബുക്കിംഗ് സ്വീകരിച്ചുതുടങ്ങി.
ഫോക്സ്വാഗണ് ഗ്രൂപ്പിന്റെ MQB AO IN പ്ലാറ്റ്ഫോമിനെ അടിസ്ഥാനമാക്കിയുള്ളതാണ് ഫോക്സ്വാഗണ് ടൈഗൂൺ, ഇത് സ്കോഡ കുഷാഖിനും അടിവരയിടുന്നു.
സെഗ്മെന്റിലെ ഏറ്റവും ദൈർഘ്യമേറിയ 2,651 mm വീൽബേസിലാണ് എസ്യുവി വരുന്നത്. പുതിയ ടൈഗൂണിന് 4.2 m നീളമുണ്ട്, കൂടാതെ ഹ്യുണ്ടായി ക്രെറ്റ, കിയ സെൽറ്റോസ്, സ്കോഡ കുഷാഖ് എന്നിവയ്ക്കെതിരെ ഇത് സ്ഥാനം പിടിക്കും.
വിപണിയിൽ ബ്രാൻഡിന്റെ പുതിയ ലോഗോയുടെ അരങ്ങേറ്റവും ഫോക്സ്വാഗണ് ടൈഗൂൺ അടയാളപ്പെടുത്തും. ഡിജിറ്റൈസേഷനും കണക്റ്റിവിറ്റിയും വർധിപ്പിച്ച് ഫോക്സ്വാഗണ് ഇന്ത്യ തങ്ങളുടെ ഡീലർഷിപ്പുകളും പുതുക്കാൻ തുടങ്ങി.
എസ്യുവിയുടെ പ്രാദേശികവൽക്കരണ നില 95 ശതമാനത്തിലധികമായിരിക്കും. അതിനാൽ പുതിയ ടൈഗൂണിന് 10 ലക്ഷം മുതൽ 17 ലക്ഷം രൂപ വരെ വിലയുണ്ടാകുമെന്ന് പ്രതീക്ഷിക്കാം.
ഫോക്സ്വാഗണ് ടൈഗൂൺ എഞ്ചിൻ, ഗിയർബോക്സ് ഓപ്ഷനുകൾ സ്കോഡ കുഷാഖുമായി പങ്കിടും. 1.0 ലിറ്റർ മൂന്ന് സിലിണ്ടർ ടർബോചാർജ്ഡ് പെട്രോൾ, 1.5 ലിറ്റർ നാല് സിലിണ്ടർ ടർബോചാർജ്ഡ് പെട്രോൾ എന്നിങ്ങനെ രണ്ട് എഞ്ചിൻ ഓപ്ഷനുകൾ വാഗ്ദാനം ചെയ്യും.
ആദ്യത്തേത് 113 bhp കരുത്തും 175 Nm torque ഉം പുറപ്പെടുവിക്കും, രണ്ടാമത്തെ 1.5 ലിറ്റർ യൂണിറ്റ് 147 bhp കരുത്തും 250 Nm torque ഉം ഉത്പാദിപ്പിക്കുന്നു. ട്രാൻസ്മിഷൻ ചോയിസുകളിൽ സ്റ്റാൻഡേർഡായി ആറ് സ്പീഡ് മാനുവൽ, 1.0 ലിറ്റർ പെട്രോളിനൊപ്പം ആറ് സ്പീഡ് ഓട്ടോമാറ്റിക്, 1.5 ലിറ്റർ പെട്രോളുള്ള ഏഴ് സ്പീഡ് DSG എന്നിവ ഉൾപ്പെടും.