Just In
- 6 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 8 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 8 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 9 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Movies അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ
- News കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Sports IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ?
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കാണാൻ തന്നെ എന്തൊരു ഗാംഭീര്യം, Q6 ലക്ഷ്വറി എസ്യുവി അവതരിപ്പിച്ച് Audi
ചൈനയിൽ പുതിയ 2023 മോഡൽ Q6 ലക്ഷ്വറി എസ്യുവിയെ അവതരിപ്പിച്ച് ജർമൻ ആഡംബര വാഹന നിർമാതാക്കളായ ഔഡി. MQB ഇവോ പ്ലാറ്റ്ഫോമിനെ അടിസ്ഥാനമാക്കി ലോകത്തിലെ ഏറ്റവും വലിയ കാർ വിപണിയിൽ ജർമ്മൻ ബ്രാൻഡ് പുറത്തിറക്കുന്ന ഏറ്റവും വലിയ എസ്യുവിയാണ് Q6 എന്ന പ്രത്യേകതയും ഇത്തവണയുണ്ട്.
'ഫ്ലാഗ്ഷിപ്പ് റോഡ്ജെറ്റ് ലാൻഡ് പ്ലെയിൻ' എന്ന് ഔഡി വിളിക്കുന്ന പുതിയ Q6 ഈ വർഷം കമ്പനി അവതരിപ്പിക്കുന്ന മൂന്നാമത്തെ മോഡലാണ്. വലിപ്പത്തിന്റെ കാര്യത്തിൽ 5,099 മില്ലീമീറ്റർ നീളവും 2,014 മില്ലീമീറ്റർ വീതിയും 1,784 മില്ലീമീറ്റർ ഉയരവും 2,980 മില്ലീമീറ്റർ വീൽബേസും ഉള്ള ഔഡി Q6 എസ്യുവി Q7 മോഡലിനേക്കാൾ വലിപ്പമേറിയ പതിപ്പാണ്.
ചൈനീസ് വിപണിക്കു മാത്രമായി SAIC നിർമിക്കുന്ന ഫോക്സ്വാഗൺ അറ്റ്ലസുമായി ഇതിന് വളരെയധികം സാമ്യമുണ്ട്. എന്നിരുന്നാലും ഇന്റീരിയറിന്റെ കാര്യത്തിൽ ഔഡി Q6 എസ്യുവി കൂടുതൽ പ്രീമിയമാണ്. ഡിസൈനിലേക്ക് നോക്കിയാൽ കിരിൻ എന്ന ചൈനീസ് സാങ്കൽപ്പിക മൃഗത്തിൽ നിന്ന് പ്രചോദനം ഉൾക്കൊണ്ടാണ് ലക്ഷ്വറി സ്പോർട്സ് യൂട്ടിലിറ്റി വാഹനത്തിന്റെ രൂപകൽപ്പന പൂർത്തിയാക്കിയിരിക്കുന്നത്.
സിംഗിൾ-ഫ്രെയിം ഫ്രണ്ട് ഗ്രിൽ, ഫുൾ-വീഡ്ത്ത് എൽഇഡി സിസ്റ്റങ്ങൾ, കറുപ്പിൽ ഒരുക്കിയിരിക്കുന്ന 21 ഇഞ്ച് അലോയ് വീലുകൾ എന്നിവയെല്ലാമാണ് വാഹനത്തിന്റെ പ്രധാന സവിശേഷതകൾ. അതോടൊപ്പം തന്നെ മസ്ക്കുലർ ബോഡി വർക്കിന്റെ സാന്നിധ്യത്തോടെ ഇത് പ്രൊഡക്ഷൻ മോഡലിന് അനുസൃതമായാണ് നിൽക്കുന്നത്.
പ്രബലമായ വീൽ ആർച്ചുകൾ, ഡ്യുവൽ-ടോൺ എക്സ്റ്റീരിയർ ഷേഡുകൾ തുടങ്ങിയവയും ഔഡി എസ്യുവിയുടെ സൗന്ദര്യം എടുത്തുകാണിക്കുന്നുണ്ട്. അകത്തളത്തിലേക്ക് നോക്കിയാൽ 2022 ഔഡി Q6 ലെതർ സീറ്റ് അപ്ഹോൾസ്റ്ററി, വെന്റിലേഷൻ, ഹീറ്റിംഗ്, മസാജ് ഫംഗ്ഷനുകൾ എന്നിവയുള്ള 12-വേ പവർ അഡ്ജസ്റ്റ് ചെയ്യാവുന്ന സീറ്റുകൾ, ഏറ്റവും പുതിയ കണക്ടിവിറ്റി ടെക് ഉള്ള 10.1 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം എന്നിവയെല്ലാം കമ്പനി പരിചയപ്പെടുത്തിയിട്ടുണ്ട്.
തീർന്നില്ല, ഇതുകൂടാതെ 12.3 ഇഞ്ച് ഓൾ-ഡിജിറ്റൽ ഇൻസ്ട്രുമെന്റ് ക്ലസ്റ്റർ, ക്ലൈമറ്റ് പ്രവർത്തനങ്ങൾക്കായുള്ള 8.6 ഇഞ്ച് സ്ക്രീൻ, പ്രീമിയം മെറ്റാലിക് ആക്സന്റുകൾ, ആംബിയന്റ് ലൈറ്റിംഗ്, 14-സ്പീക്കർ ബാംഗ് ഒലുഫ്സെൻ ഓഡിയോ മുതലായവയും ജർമൻ ആഡംബര വാഹന നിർമാതാക്കളായ ഔഡി അവതരിപ്പിച്ചിട്ടുണ്ട്.
പുതിയ ഔഡി Q6 ലക്ഷ്വറി ക്രോസ്ഓവർ ആറ്, ഏഴ് സീറ്റർ ലേഔട്ടുകളിൽ തെരഞ്ഞെടുക്കാനാവും. പിൻസീറ്റുകൾ മടക്കിവെക്കുന്നത് ആകർഷകമായ രീതിയിൽ ഏകദേശം 2,400 ലിറ്റർ ബൂട്ട്സ്പേസ് സ്വതന്ത്രമാക്കുമെന്നാണ് കമ്പനി അവകാശപ്പെടുന്നത്.
MOST READ: സെലേറിയോ ആളൊരു സംഭവമാ.. പക്ഷേ സെക്കൻഡ് ഹാൻഡ് വാങ്ങുമ്പോൾ ഇക്കാര്യങ്ങൾ ഒന്നു ശ്രദ്ധിക്കാം
ഔഡി AI പ്രോ പൈലറ്റ് പാക്കേജിന്റെ സഹായത്തോടെ ലെവൽ 2+ ADAS സംവിധാനങ്ങൾ ഉൾപ്പെടെയുള്ള സുരക്ഷാ ഫീച്ചറുകളും എസ്യുവിയിൽ വാഗ്ദാനം ചെയ്യുന്നുണ്ട്. 45 TFSI മുതൽ 50 TFSI വരെയുള്ള ഒന്നിലധികം എഞ്ചിൻ ഓപ്ഷനുകളാണ് പുത്തൻ ഔഡി മോഡലിന് തുടിപ്പേകാൻ എത്തുന്നത്.
Q6 എസ്യുവിയിലെ 2.0 ലിറ്റർ നാല് സിലിണ്ടർ യൂണിറ്റ് 262 bhp കരുത്തിൽ 400 Nm torque വികസിപ്പിക്കാൻ ശേഷിയുള്ളതാണ്. അതേസമയം 2.5 ലിറ്റർ ആറ്-പോട്ട് എഞ്ചിൻ പരമാവധി 295 bhp പവറിൽ 500 Nm torque വരെയും നൽകാൻ പ്രാപ്തമാണെന്നും കമ്പനി പറയുന്നു. ഇത് 7.3 സെക്കൻഡിൽ പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാനും സാധ്യമാക്കുന്നുണ്ട്.
MOST READ: ദ്രൗപദി മുര്മുവിന്റെ യാത്രയിനീ മെർസിഡീസ് മെയ്ബാക്ക് S600 പുൾമാനിൽ, അറിയാം പ്രത്യേകതകൾ
Ingolstadt അടിസ്ഥാനമാക്കിയുള്ള ബ്രാൻഡ് ഒരു ഓട്ടോമാറ്റിക് ഗിയർബോക്സ്, അഡാപ്റ്റീവ് ഡൈനാമിക് സസ്പെൻഷൻ സിസ്റ്റം, ക്വാട്രോ AWD കോൺഫിഗറേഷൻ എന്നിവ സ്റ്റാൻഡേർഡായി നൽകുന്നുണ്ടെന്നതും ശ്രദ്ധേയമാണ്. ഈ എസ്യുവിയെ യൂറോപ്യൻ വിപണികളിലോ ഇന്ത്യയിലോ അവതരിപ്പിക്കാനുള്ള ഒരു പദ്ധതിയും ഔഡി ഇതുവരെ വെളിപ്പെടുത്തിയിട്ടില്ല