Just In
- 13 min ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
- 1 hr ago കാറിനും ബൈക്കിനും മാത്രമല്ല വാണിജ്യ വാഹനങ്ങൾക്കും സേഫ്റ്റി തന്നെ പ്രധാനം, കാരണമെന്താണെന്നറിയാമോ
- 1 hr ago മഹീന്ദ്ര 'പപ്പടം' അങ്ങനെ ഇറക്കാത്തതാണല്ലോ..! ഈ എസ്യുവിക്ക് ക്രാഷ് ടെസ്റ്റില് കിട്ടിയത് 1 സ്റ്റാര്
- 2 hrs ago സ്കൂട്ടറിനേക്കാൾ ലാഭമാണല്ലോ, 70 കി.മീ. വരെ റേഞ്ചുള്ള ഇലക്ട്രിക് സൈക്കിളുമായി ഹീറോ
Don't Miss
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Sports IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല്
- Technology വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം
- News 'ഇത്രയേറെ ഉപദ്രവിച്ചിട്ട് ഇനി ഞാനാണോ മാപ്പ് പറയേണ്ടത്?' ഷാഫിയോട് ശൈലജ
- Lifestyle ശരീരത്തില് രക്തക്കുറവോ, തലചുറ്റല് സ്ഥിരമോ: ശീലമാക്കണം ഈ പാനീയങ്ങള്
- Movies 'ഇത്രയൊക്കെ പണം നയൻതാര മുടക്കാറുണ്ടോ... ലുക്കിൽ മാത്രമെ സിംപ്ലിസിറ്റിയുള്ളു'; ചർച്ചയായി നയൻതാരയുടെ വാച്ച്!
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഇന്ത്യയിലേക്ക് ഉടന്; C3 മറ്റ് രാജ്യങ്ങളില് വില്പ്പനയ്ക്ക് എത്തിച്ച് Citroen
കഴിഞ്ഞ വര്ഷമാണ് C5 എയര്ക്രോസ് എന്നൊരു പ്രീമിയം മിഡ്-സൈസ് എസ്യുവിയുമായി ഫ്രഞ്ച് നിര്മാതാക്കളായ സിട്രണ് രാജ്യത്ത് ഔദ്യോഗികമായി വില്പ്പനയ്ക്ക് എത്തുന്നത്. പ്രതിമാസം രാജ്യത്ത് മാന്യമായ വില്പ്പന വാഹനത്തിന് ലഭിക്കുന്നുവെന്നും കമ്പനി വ്യക്തമാക്കിയിട്ടുണ്ട്.
പ്രീമിയം മിഡ്-സൈസ് എസ്യുവി മറ്റ് പ്രധാന സെഗ്മെന്റ് എതിരാളികളായ ഹ്യുണ്ടായി ട്യൂസോണ്, ജീപ്പ് കോമ്പസ് എന്നിവയ്ക്ക് എതിരെയാണ് മത്സരിക്കുന്നത്. ഫ്രഞ്ച് കാര് നിര്മാതാക്കളായ ഗ്രൂപ്പ് PSA-യുടെ പൂര്ണ ഉടമസ്ഥതയിലുള്ള സബ്സിഡിയറി ബ്രാന്ഡായ സിട്രണ് അതിന്റെ രണ്ടാമത്തെ ഉല്പ്പന്നം ഇന്ത്യയില് അവതരിപ്പിക്കാന് ഒരുങ്ങുകയാണ്.
സിട്രണ് C3 എന്ന പേരിലാകും ഈ രണ്ടാമത്തെ മോഡല് രാജ്യത്ത് വില്പ്പനയ്ക്ക് എത്തുക. 2021 സെപ്റ്റംബറില്, സിട്രണ് ആഗോളതലത്തില് വരാനിരിക്കുന്ന C3 പുറത്തിറക്കിയിരുന്നു. അത് ഉടന് തന്നെ ഇന്ത്യയില് അരങ്ങേറ്റം കുറിക്കുമെന്നും കമ്പനി വ്യക്തമാക്കിയിട്ടുണ്ട്.
ആന്തരികമായി CC21 എന്ന രഹസ്യനാമമുള്ള ഈ ക്രോസ്ഓവര് മുമ്പ് നിരവധി തവണ ഇന്ത്യന് നിരത്തുകളില് പരീക്ഷണയോട്ടം നടത്തുന്നത് വാര്ത്തകളില് നിറയുകയും ചെയ്തിട്ടുണ്ട്. ഇന്ത്യയില് അവതരിപ്പിക്കുന്നതിന് മുന്നോടിയായി, പുതിയ സിട്രണ് C3-യെ ഇപ്പോള് തെക്കേ അമേരിക്കയിലെ അര്ജന്റീനയില് വില്പ്പനയ്ക്ക് എത്തിച്ചിരിക്കുകയാണ് കമ്പനി.
അതിന്റെ ഔദ്യോഗിക അവതരണ വേളയില്, C3-യെ ഒരു എസ്യുവി എന്ന് വിളിക്കുന്നതിന് പകരം സിട്രണ്, മോഡലിനെ ഒരു ഹാച്ച്ബാക്ക് എന്ന് വിളിക്കുകയാണ് ചെയ്തത്. എന്നാല് ഇത് ഒരു എസ്യുവിയില് നിന്ന് പ്രചോദനം ഉള്ക്കൊണ്ടതാണെന്നും അവര് പറഞ്ഞു.
ഉയര്ന്ന സ്റ്റാന്സ്, ബോഡി ക്ലാഡിംഗുകള്, റൂഫ് റെയിലുകള്, മുന്നിലെയും പിന്നിലെയും ബമ്പറുകളിലെ വലിയ ഫോക്സ് സ്കിഡ് പ്ലേറ്റുകള് എന്നിവ അതിന്റെ എസ്യുവി പോലുള്ള രൂപത്തിന് കൂടുതല് പ്രാധാന്യം നല്കുന്നു.
ഒരു ജോടി റാപ്പറൗണ്ട് എല്ഇഡി ടെയില്ലാമ്പുകള്, ബ്ലാക്ക്-ഔട്ട് റൂഫുള്ള ഡ്യുവല്-ടോണ് പെയിന്റ് സ്കീം, ഫോക്സ് ട്വിന് എക്സ്ഹോസ്റ്റ് ടിപ്പുകള്, 16 ഇഞ്ച് ഡയമണ്ട് കട്ട് അലോയ് വീലുകള് എന്നിവയാണ് മറ്റ് ബാഹ്യ ഹൈലൈറ്റുകള്.
ഇരട്ട അമ്പടയാളങ്ങളുള്ള സിട്രണ് ലോഗോ ടെയില്ഗേറ്റിന്റെ മധ്യഭാഗത്ത് സ്ഥാനം പിടിക്കുന്നു. പരുക്കന് ശൈലിയിലുള്ള ക്രോസ്-ഹാച്ചിന്റെ മുന്ഭാഗം മസ്കുലര് ഫ്രണ്ട് ബമ്പറും സ്പ്ലിറ്റ് എല്ഇഡി ലൈറ്റിംഗ് സജ്ജീകരണവും ഉള്ളതായിരിക്കും.
C3-യുടെ ക്യാബിനും ഇന്റീരിയറും ചെറുതും എന്നാല് പ്രീമിയവും ആയിരിക്കുമെന്നും കമ്പനി വ്യക്തമാക്കി. ഇത് യാത്രക്കാര്ക്ക് ധാരാളം സൗകര്യങ്ങള് നല്കും. ഡോര് പില്ലറുകളോടും മേല്ക്കൂരയോടും ബന്ധപ്പെട്ട് ഡാഷ്ബോര്ഡ് കളര് കോഡ് ചെയ്തിരിക്കും.
വയര്ലെസ് ആന്ഡ്രോയിഡ് ഓട്ടോ, ആപ്പിള് കാര്പ്ലേ എന്നിവ ഉപയോഗിച്ച് പ്രവര്ത്തനക്ഷമമാക്കിയ 10 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, ഓട്ടോ ക്ലൈമറ്റ് കണ്ട്രോള്, വോയ്സ്-ആക്റ്റിവേറ്റഡ് കമാന്ഡുകള്, മള്ട്ടി-ഫംഗ്ഷന്, ഫ്ലാറ്റ്-ബോട്ടം സ്റ്റിയറിംഗ് വീല് എന്നിവ ഓഫറിലെ ചില ശ്രദ്ധേയമായ സവിശേഷതകളില് ഉള്പ്പെടുന്നു.
5-സ്പീഡ് മാനുവല് ഗിയര്ബോക്സുമായി സ്റ്റാന്ഡേര്ഡായി ജോടിയാക്കുമെന്ന് പ്രതീക്ഷിക്കുന്ന 1.2-ലിറ്റര് ടര്ബോ പെട്രോള് എഞ്ചിനാണ് C3-യ്ക്ക് കരുത്ത് പകരുന്നത്.
ഈ പവര്ട്രെയിന് 118 bhp കരുത്തും 150 Nm torque ഉം നല്കും. ഈ എഞ്ചിനില് ഫ്ലെക്സി ഇന്ധന സംവിധാനവും സജ്ജീകരിച്ചിട്ടുണ്ടെന്ന് പറയപ്പെടുന്നു, അതായത് ഇത് മിശ്രിത ഇന്ധനങ്ങളില് പ്രവര്ത്തിക്കാന് കഴിയും - പെട്രോള് അല്ലെങ്കില് എഥനോള് അല്ലെങ്കില് രണ്ടും.
C5 എയര്ക്രോസില് നിന്ന് വ്യത്യസ്തമായി, സിട്രണ് C3 പ്രാദേശികമായി വികസിപ്പിച്ചതും നിര്മ്മിച്ചതുമായ ഉല്പ്പന്നമായിരിക്കും, അത് പ്രാദേശികവല്ക്കരിച്ച കോമണ് മോഡുലാര് പ്ലാറ്റ്ഫോം (CMP) അടിവരയിടും.
90-95 ശതമാനം പ്രാദേശികവല്ക്കരണത്തിന്റെ ഉയര്ന്ന നിലവാരം മത്സരാധിഷ്ഠിത വില ഉറപ്പാക്കുമന്നും കമ്പനി പറയുന്നു. ലോഞ്ച് ചെയ്യുമ്പോള്, ടാറ്റ പഞ്ച്, മഹീന്ദ്ര KUV100, മാരുതി ഇഗ്നിസ്, നിസാന് മാഗ്നൈറ്റ്, റെനോ കൈഗര് തുടങ്ങിയ സബ്-കോംപാക്ട്, ക്രോസ്ഓവറുകള്, മൈക്രോ യുവികള്ക്ക് C3 തികഞ്ഞ എതിരാളിയായിരിക്കും.
നിലവില് വില സംബന്ധിച്ച് സൂചനകള് ഒന്നും തന്നെ ഇല്ലെങ്കിലും, 5 ലക്ഷം മുതല് 10 ലക്ഷം രൂപ വരെയാണ് ഇതിന്റെ വില പ്രതീക്ഷിക്കുന്നത്. ഈ വില പരിധിയില്, ഇത് മാരുതി സ്വിഫ്റ്റ്, ഹ്യുണ്ടായി i10 നിയോസ് എന്നിവയ്ക്കും സിട്രണ് C3 എതിരാളിയാകാം.
നിരവധി സുരക്ഷ ഫീച്ചറുകള്ക്കൊപ്പം സെഗ്മെന്റിലെ ഏറ്റവും വിശാലമായ ക്യാബിനുമായി C3 വരുമെന്നാണ് സിട്രണ് അവകാശപ്പെടുന്നത്. C3-യുടെ അളവുകള് പരിശോധിച്ചാല് വാഹനത്തിന് 3,980 mm നീളവും 2,540 mm വീല്ബേസില് 180 mm ഗ്രൗണ്ട് ക്ലിയറന്സും വാഹനത്തിന് ഉണ്ടായിരിക്കും.