Just In
- 2 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 5 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 6 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 6 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Movies ഒരു സ്പെല്ലിംഗ് മിസ്റ്റേക്ക് തോന്നി, പ്രണയം പൊക്കിയത് ഞാനും ബേസിലും; വൈറല് ആയി വിനീതിന്റെ വാക്കുകള്
- Sports IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- News തിരഞ്ഞെടുപ്പ് ദിനത്തില് പൊതു അവധി, എന്തെല്ലാം അടയ്ക്കും, തുറന്നിരിക്കുന്നത് ഇവ; അറിയാം വിവരങ്ങള്
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ജൂലൈയിൽ വിപണി പിടിക്കാൻ കിണ്ണംകാച്ചി ഓഫറുകളുമായി Honda
വിപണിയിലെ ഏറ്റകുറച്ചിലുകളും ട്രെൻഡുകളും അനുസരിച്ച് വാഹന നിർമ്മാതാക്കൾ തങ്ങളുടെ മോഡലുകൾക്ക് നിരവധി അനവധി ഡിസ്കൗണ്ടുകളും, ഓഫറുകളും വാഗ്ദാനം ചെയ്യാറുണ്ട്.
വിൽപ്പന മെച്ചപ്പെടുത്താനും മാർക്കറ്റ് ഷെയർ ഉർത്താനുമായി നിരവധി നിർമ്മാതാക്കൾ ഈ മാസവും പല ആനുകൂല്യങ്ങളും വാഗ്ദാനം ചെയ്യുന്നുണ്ട്. ജാപ്പനീസ് വാഹന ഭീമനായ ഹോണ്ടയും ഓഫറുകൾ നൽകുന്ന കാര്യത്തിൽ ഒട്ടും പിന്നിലല്ല.
ഈ മാസവും തെരഞ്ഞെടുത്ത മോഡലുകളിൽ ഹോണ്ട ഓഫറുകൾ അപ്ഡേറ്റ് ചെയ്തിട്ടുണ്ട്, കൂടാതെ ബ്രാൻഡിന്റെ പുതിയ ഉപഭോക്താക്കൾക്ക് 27,396 രൂപ വരെ ആനുകൂല്യങ്ങൾ ലഭിക്കും.
ഹോണ്ട സിറ്റി നാലാം തലമുറ, ഹോണ്ട സിറ്റി അഞ്ചാം തലമുറ, ഹോണ്ട അമേസ്, ഹോണ്ട ജാസ്, ഹോണ്ട WR-V തുടങ്ങിയ മോഡലുകളിൽ ഓഫറുകൾ ലഭ്യമാണ്.
ഈ അഞ്ച് മോഡലുകളിൽ, ഹോണ്ട സിറ്റി നാലാം തലമുറയ്ക്കാണ് ഏറ്റവും കുറവ് ഓഫറുള്ളത്, അതേസമയം ഹോണ്ട സിറ്റി അഞ്ചാം തലമുറയ്ക്കാണ് ഏറ്റവും ഉയർന്ന ഓഫർ.
ഹോണ്ട സിറ്റി നാലാം തലമുറ (5,000 രൂപ വരെ ഓഫറുകൾ)
മുൻ തലമുറ മോഡലാണെങ്കിലും, ഹോണ്ട സിറ്റി നാലാം തലമുറ ഇപ്പോഴും ഇന്ത്യൻ ഓട്ടോമൊബൈൽ വിപണിയിൽ മാന്യമായ വിൽപ്പന കണക്കുകളോടെ ശക്തമായി മുന്നേറുകയാണ്. എന്നിരുന്നാലും, ബ്രാൻഡിന്റെ പോട്ട്ഫോളിയോയിൽ ഏറ്റവും കുറഞ്ഞ ഓഫറുകളുള്ള മോഡൽ കൂടിയാണിത്.
2022 ജൂലൈയിൽ, ഹോണ്ട സിറ്റി നാലാം തലമുറയിൽ ഉപഭോക്താക്കൾക്ക് ലഭിക്കുന്ന ഏറ്റവും മികച്ച ഓഫർ കസ്റ്റമർ ലോയൽറ്റി ബോണസാണ്. നാലാം തലമുറ ഹോണ്ട സിറ്റിക്കൊപ്പം 5,000 രൂപയുടെ ഓഫർ ഈ ഓഫർ നിങ്ങൾക്ക് നൽകുന്നു.
പഴയ മോഡൽ ആണെങ്കിലും, ഹോണ്ട സിറ്റി നാലാം തലമുറയ്ക്ക് യൂറോപ്പിൽ നിന്നുള്ള ആധുനിക എതിരാളികളോടും സ്വന്തം സഹോദരങ്ങളോട് പോലും ഇപ്പോഴും നിലകൊള്ളാൻ കഴിയും.
ഹോണ്ട അമേസ് (8,000 രൂപ വരെ ഓഫറുകൾ)
രാജ്യത്തെ ഏറ്റവും ആനുപാതികമായി കാണപ്പെടുന്ന സബ് ഫോർ മീറ്റർ സെഡാനുകളിൽ ഒന്നായതിനാൽ അമേസിന്റെ രൂപകൽപ്പനയിൽ ഹോണ്ട പ്രശംസനീയമായ ഒരു വർക്ക് തന്നെയാണ് ചെയ്തിരിക്കുന്നത് എന്ന് പറയാം. മാത്രമല്ല, ഷാർപ്പ് ഡിസൈൻ ശൈലി മുൻ മോഡലിനെ അപേക്ഷിച്ച് സെഡാനെ കൂടുതൽ മികച്ചതാക്കാൻ സഹായിച്ചിട്ടുണ്ട്.
ഈ മാസം, 8,000 രൂപ വരെ ആനുകൂല്യങ്ങളോടെ ഹോണ്ട അമേസ് സെഡാൻ വാങ്ങാനാകും. കസ്റ്റമർ ലോയൽറ്റി ബോണസായി 5,000 രൂപയും കോർപ്പറേറ്റ് ഡിസ്കൗണ്ടായി 3,000 രൂപയും ഇതിൽ ഉൾപ്പെടുന്നു.
ഹോണ്ട ജാസ് (25,000 രൂപ വരെ ഓഫറുകൾ)
മാന്യമായ ഫീച്ചറുകളുള്ള വളരെ വിശാലമായ പ്രീമിയം ഹാച്ച്ബാക്കാണ് ഹോണ്ട ജാസ്. ഹൈവേകളിലും തിരക്കേറിയ മെട്രോ നഗരങ്ങളിലും ഒരുപോലെ വീട് പോലെ വിശാലമായ കാർ തിരയുന്ന ആർക്കും ഈ ഹാച്ച്ബാക്ക് അനുയോജ്യമാണ്.
പുതുക്കിയ ഓഫർ നിലവിൽ വരുന്നതോടെ, ഹോണ്ട ജാസ് ഹാച്ച്ബാക്കിൽ ഉപഭോക്താക്കൾക്ക് 25,000 രൂപ വരെ ആനുകൂല്യങ്ങൾ ലഭിക്കും. ഇതിൽ 10,000 രൂപയുടെ കാർ എക്സ്ചേഞ്ച് ഡിസ്കൗണ്ട്, 5,000 രൂപ കസ്റ്റമർ ലോയൽറ്റി ബോണസ്, 7,000 രൂപയുടെ കാർ എക്സ്ചേഞ്ച് ബോണസ്, 3,000 രൂപയുടെ കോർപ്പറേറ്റ് ഡിസ്കൗണ്ട് എന്നിവ ഉൾപ്പെടുന്നു.
ഹോണ്ട WR-V (27,000 രൂപ വരെ ഓഫറുകൾ)
ഇന്ത്യയിലെ ഉയർന്ന മത്സരാധിഷ്ഠിത സബ് ഫോർ മീറ്റർ എസ്യുവി സെഗ്മെന്റിലേക്ക് പ്രവേശിക്കാനുള്ള ജാപ്പനീസ് വാഹന നിർമ്മാതാക്കളുടെ ശ്രമത്തിന്റെ ഫലമാണ് ഹോണ്ട WR-V. മോഡൽ വലിയ വിജയമായില്ലെങ്കിലും, ഹോണ്ടയ്ക്ക് ഉൽപ്പാദനം തുടരാൻ ആവശ്യമായ വിൽപ്പന ഇത് കൈവരിച്ചു.
ഹോണ്ട WR-V -യിലെ ഏറ്റവും പുതിയ ഓഫറുകൾക്ക് 27,000 രൂപ വരെ ആനുകൂല്യങ്ങൾ ലഭിക്കും. കാർ എക്സ്ചേഞ്ചിൽ 10,000 രൂപയുടെ കിഴിവ്, 5000 രൂപ കസ്റ്റമർ ലോയൽറ്റി ബോണസ്, 7,000 രൂപയുടെ കാർ എക്സ്ചേഞ്ച് ബോണസ്, 5,000 രൂപയുടെ കോർപ്പറേറ്റ് കിഴിവ് എന്നിവ ഇതിൽ ഉൾപ്പെടുന്നു.
ഹോണ്ട സിറ്റി അഞ്ചാം തലമുറ (27,396 രൂപ വരെ ഓഫറുകൾ)
അഞ്ചാം തലമുറ ഹോണ്ട സിറ്റി ഇന്ത്യൻ ഓട്ടോമൊബൈൽ വിപണിയിൽ മാന്യമായ ട്രാക്ഷൻ നേടിയിട്ടുണ്ട്, കൂടാതെ ജാപ്പനീസ് വാഹന നിർമ്മാതാക്കൾ സെഡാന്റെ ഹൈബ്രിഡ് പതിപ്പും പുറത്തിറക്കി. ശക്തമായ വിൽപ്പന കണക്കുകൾ കൂടാതെ, സെഡാനിലെ ഓഫറുകളും ഹോണ്ട അപ്ഡേറ്റ് ചെയ്തിട്ടുണ്ട്.
ഈ മാസത്തേക്ക്, ഹോണ്ട സിറ്റി അഞ്ചാം തലമുറയ്ക്ക് 27,396 രൂപ വരെ ആനുകൂല്യങ്ങൾ ലഭിക്കും. 5,000 രൂപ ക്യാഷ് ഡിസ്കൗണ്ടുമായാണ് വാഹനം വരുന്നത്. എന്നിരുന്നാലും, ഉപഭോക്താക്കൾക്ക് ക്യാഷ് ഡിസ്കൗണ്ടിന് പകരം 5,396 വരെ FOC ആക്സസറികൾ തെരഞ്ഞെടുക്കാം.
ഹോണ്ടയുടെ ഏറ്റവും പുതിയ ഓഫറുകളെക്കുറിച്ചുള്ള ഞങ്ങളുടെ അഭിപ്രായങ്ങൾ:
ഹോണ്ട കാറുകളിലെ പുതിയ ഓഫറുകൾ തീർച്ചയായും കൂടുതൽ ഉപഭോക്താക്കളെ തങ്ങളുടെ ഷോറൂമുകളിലേക്ക് ആകർഷിക്കുകയും ജാപ്പനീസ് വാഹന നിർമ്മാതാക്കളുടെ ഇന്ത്യയിലെ മൊത്തത്തിലുള്ള വിൽപ്പന കണക്കുകൾ മെച്ചപ്പെടുത്തുകയും ചെയ്യും.