Just In
- 18 min ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
- 47 min ago അടിച്ചു ഫിറ്റായി ആഡംബര വാഹനങ്ങൾ! പിടിച്ച് അകത്തിട്ട് ഒഡീഷ പൊലീസ്, വൈറൽ വീഡിയോ കാണാം
- 1 hr ago ആക്ടിവയും ഷൈനും വാങ്ങാൻ ആളുകളുടെ ക്യൂ, ഹോണ്ട ഇതുവരെ വിറ്റത് 6 കോടി ഇരുചക്ര വാഹനങ്ങൾ
- 1 hr ago ഇരട്ട പുരസ്കാര നേട്ടവുമായി കിയ EV9! 2024 വേള്ഡ് കാര് അവാര്ഡ്സില് ഇവികളുടെ ആധിപത്യം
Don't Miss
- Lifestyle സ്പോഞ്ച് പോലുള്ള ഇഡ്ഡലിക്ക് വെറും ഗോതമ്പ് പൊടി മാത്രം
- Travel അവധിക്കാലത്തെ ഒറ്റദിവസം മതി; കറങ്ങിവരാൻ ഇഷ്ടംപോലെ സ്ഥലങ്ങൾ.. ചതുരംഗപ്പാറ , റിപ്പിൾസ്, ആനയിറങ്കൽ...
- News 238 തിരഞ്ഞെടുപ്പിൽ തോറ്റുതൊപ്പിയിട്ടു; റെക്കോർഡും കിട്ടി; ഈ തിരഞ്ഞെടുപ്പിലും പത്മരാജൻ മത്സരിക്കും
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
- Movies കല്യാണത്തിനായി മതം മാറി, വീട്ടില് പ്രശ്നമായി; പ്രണയ കഥ പറഞ്ഞ് നിഷാനയും ഭര്ത്താവും
- Sports IPL 2024: ആരും തളരരുത്, ഡ്രസിങ് റൂമില് ഹാര്ദിക്കിന്റെ പ്രസംഗം; വീഡിയോ വൈറല്
- Technology സർവ്വവും എഐ മയം; വാട്സ്ആപ്പിലും എഐ ഫീച്ചറുകൾ എത്തുന്നു, ചാറ്റ്ബോട്ടും ഇമേജ് എഡിറ്ററും ഉടൻ എത്തും
പെർഫോമൻസ് എന്താണെന്ന് കാണാം; Hyundai Venue N Line വേരിയന്റിന്റെ അവതരണം സെപ്റ്റംബർ ആറിന്
കോംപാക്ട് എസ്യുവി സെഗ്മെന്റിന് പുതുമാനം സമ്മാനിച്ച മോഡലാണ് ഹ്യുണ്ടായി വെന്യു. അടുത്തിടെ മുഖംമിനുക്കിയെത്തിയ സബ്-4 മീറ്റർ സ്പോർട്സ് യൂട്ടിലിറ്റി വാഹനത്തിന് കൂടുതൽ സ്പോർട്ടിയായ N ലൈൻ വേരിയന്റിനെ കൂടി കൊണ്ടുവരികയാണ് ദക്ഷിണ കൊറിയൻ ബ്രാൻഡ്.
കഴിഞ്ഞ വർഷം ഇന്ത്യൻ വിപണിയിൽ i20 N ലൈൻ അവതരിപ്പിച്ചതിന് ശേഷം ഹ്യുണ്ടായി ഇപ്പോൾ വെന്യു N ലൈൻ സെപ്റ്റംബർ ആറിന് അവതരിപ്പിക്കുമെന്ന് ഔദ്യോഗികമായി സ്ഥിരീകരിച്ചിരിക്കുകയാണ്. 2022 ജൂണിൽ വിൽപ്പനയ്ക്കെത്തിയ ഫെയ്സ്ലിഫ്റ്റ് വെന്യുവിന്റെ പെർഫോമൻസ് പതിപ്പിനെ കാത്തിരിക്കാൻ തുടങ്ങിയിട്ട് കുറച്ചു കാലമായി.
ഈ കാത്തിരിപ്പിനാണ് സെപ്റ്റംബർ ആറിന് വിരമമാവുന്നത്. നിലവിലെ മോഡലിൽ നിന്നും ചില കോസ്മെറ്റിക് പരിഷ്ക്കാരങ്ങകൾ അവതരിപ്പിക്കുന്നതിനു പുറമെ സസ്പെൻഷനിലും എക്സ്ഹോസ്റ്റിലും മാറ്റങ്ങൾ വരുത്താൻ സാധ്യതയുണ്ടെന്നാണ് ഹ്യുണ്ടായി വൃത്തങ്ങൾ നൽകുന്ന സൂചന. എന്തായാലും i20 N ലൈനിൽ കണ്ട സമാനമായ മാറ്റങ്ങൾ തന്നെയാവും കോംപാക്ട് എസ്യുവിക്കും സംഭവിക്കുകയെന്നാണ് അനുമാനം.
എഞ്ചിനും വേരിയന്റും
പുതിയ വെന്യു N ലൈൻ 1.0 ലിറ്റർ ടർബോ പെട്രോൾ എഞ്ചിനുമായി മാത്രമാവും വിപണിയിലെത്തുക. ഇത് പരമാവധി 120 bhp കരുത്തോളം ഉത്പാദിപ്പിക്കാനും പ്രാപ്തമായിരിക്കും. i20 N ലൈനിൽ നിന്ന് വ്യത്യസ്തമായി iMT, DCT ഗിയർബോക്സ് ഓപ്ഷനിലായിരിക്കും പുതിയ എസ്യുവിയുടെ പെർഫോമൻസ് പതിപ്പ് വിപണിയിലെത്തുക.
N6, N8 എന്നിങ്ങനെ രണ്ട് വേരിയന്റുകളിലായിരിക്കും ഹ്യുണ്ടായി വെന്യു N ലൈൻ വിപണിയിൽ അണിനിരക്കുക. മറ്റ് മെക്കാനിക്കൽ പരിഷ്ക്കാരങ്ങളെ സംബന്ധിച്ചിടത്തോളം വെന്യു N ലൈൻ സ്റ്റാൻഡേർഡ് മോഡലിൽ നിന്ന് വളരെ വ്യത്യസ്തമാകാൻ സാധ്യതയില്ലെന്ന് ഇപ്പോഴെ മനസിൽ കുറിക്കേണ്ട കാര്യമാണ്.
എന്നാൽ i20 N ലൈൻ വേരിയന്റിനെപ്പോലെ സ്പോർട്ടിയർ സജ്ജീകരണത്തിനായി സസ്പെൻഷനും എക്സ്ഹോസ്റ്റും മാറ്റാൻ ഹ്യുണ്ടായിക്ക് കഴിയുമെന്നത് സ്വീകാര്യമായ നടപടിയാണ്.
എക്സ്റ്റീരിയറും ഇന്റീരിയറും
ഹ്യുണ്ടായി വെന്യുവിന്റെ പെർഫോമൻസ് പതിപ്പിന്റെ ഫ്രണ്ട് ഫെൻഡറിൽ 'N ലൈൻ' ബാഡ്ജിംഗ് ലഭിക്കുമെന്നാണ് പ്രതീക്ഷിക്കുന്നത്. ഒപ്പം പുതിയ ഫ്രണ്ട്, റിയർ ബമ്പറുകൾ, താഴത്തെ ഭാഗങ്ങളിൽ ചുവന്ന ആക്സന്റുകൾ, റൂഫ് റെയിലുകളിൽ ചുവന്ന ഇൻസെർട്ടുകൾ, അലോയ് വീലുകൾക്ക് പുതിയ ഡിസൈൻ, കൂടാതെ ഡ്യുവൽ-ടിപ്പ് എക്സ്ഹോസ്റ്റും സ്പോർട്ടിയർ വേരിയന്റിന്റെ പ്രത്യേകതയാവും.
ഇനി അകത്തളത്തിലേക്ക് നോക്കിയാൽ വെന്യു N ലൈൻ നിലവിലെ മോഡലിന്റെ അതേ ഡിസൈനും ലേഔട്ടും മുന്നോട്ട് കൊണ്ടുപോകും. എന്നിരുന്നാലും മറ്റ് N ലൈൻ മോഡലുകളെപ്പോലെ ക്യാബിനിൽ 'N' ലോഗോകൾ ഉൾപ്പെടുത്തിക്കൊണ്ട് റെഡ് ആക്സന്റുകളോടുകൂടിയ കറുപ്പ് നിറത്തിലായിരിക്കും വാഹനത്തിന്റെ ഇന്റീരിയർ ഹ്യുണ്ടായി ഒരുക്കുക.
ടോപ്പ് N8 വേരിയന്റ് ടോപ്പ് എൻഡ് സ്റ്റാൻഡേർഡ് വെന്യൂവിന്റെ സവിശേഷതകൾ പ്രതിഫലിപ്പിക്കും. കൂടാതെ വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയുള്ള 8.0 ഇഞ്ച് ടച്ച്സ്ക്രീൻ, കണക്റ്റഡ് കാർ ടെക്, പവർഡ് ഡ്രൈവർ സീറ്റ്, എൽഇഡി പ്രൊജക്ടർ, കോർണറിംഗ് ഹെഡ്ലാമ്പുകൾ, ബോസ് മ്യൂസിക് സിസ്റ്റം എന്നിവ പോലുള്ള ഉപകരണങ്ങളും എസ്യുവിയുടെ N ലൈൻ വേരിയന്റിന് ലഭിക്കും.
MOST READ: പുത്തൻ Maruti എസ്യുവി കൂപ്പെയ്ക്ക് തുടിപ്പേകാൻ എത്തുന്നത് ബലേനോ RS മോഡലിന്റെ ടർബോ എഞ്ചിൻ
സെപ്റ്റംബർ ആറിന് ഇന്ത്യൻ വിപണിയിലേക്ക് എത്തുന്ന വെന്യു N ലൈനിന് സ്റ്റാൻഡേർഡ് മോഡലിനേക്കാൾ ഏകദേശം 1.00 ലക്ഷം രൂപ മുതൽ 1.50 ലക്ഷം രൂപ വില കൂടുതലായിരിക്കുമെന്ന് പ്രതീക്ഷിക്കുന്നു.
ലോഞ്ച് ചെയ്യുമ്പോൾ കിയ സോനെറ്റ്, ടാറ്റ നെക്സോൺ, മഹീന്ദ്ര XUV300, മാരുതി സുസുക്കി ബ്രെസ തുടങ്ങിയ മോഡലുകൾ ഉൾപ്പെടുന്ന കോംപാക്ട് എസ്യുവി വിഭാഗത്തിൽ വെന്യു N ലൈൻ കൂടുതൽ ഡ്രൈവർ-ഫോക്കസ് ബദലായി സ്ഥാനംപിടിക്കും.
വെന്യു N ലൈനിന് പുറമെ ഹ്യുണ്ടായി അയോണിക് ഇലക്ട്രിക് എസ്യുവിയും സെപ്റ്റംബറിൽ പുറത്തിറക്കുമെന്നാണ് ലഭിക്കുന്ന വിവരം. വരും വർഷങ്ങളിൽ ദക്ഷിണ കൊറിയൻ ബ്രാൻഡിന്റെ എസ്യുവി ഉൽപ്പന്ന നിര വികസിപ്പിക്കാൻ ലക്ഷ്യമിടുന്നതിനാൽ എൻട്രി ലക്ഷ്വറി എസ്യുവി സെഗ്മെന്റിനെ ലക്ഷ്യമിട്ട് ടൊയോട്ട ഫോർച്യൂണർ, മഹീന്ദ്ര XUV700, ഫോക്സ്വാഗൺ ടിഗുവാൻ എന്നിവയുടെ എതിരാളികളെ കമ്പനി കൊണ്ടുവരും.