Just In
- 9 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 11 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 12 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 13 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Sports IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ്
- News ലോക്സഭ തിരഞ്ഞെടുപ്പ്; കേരളം നാളെ ബൂത്തിലേക്ക്.. ഇന്ന് നിശബ്ദ പ്രചരണം, 4 ജില്ലകളിൽ നിരോധനാജ്ഞ
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ടീസർ ചിത്രവും പുറത്തുവിട്ട് Kia, EV6 ഇലക്ട്രിക്കിന്റെ ബുക്കിംഗ് ആരംഭിക്കാൻ ദിവസങ്ങൾ മാത്രം
വരാനിരിക്കുന്ന EV6 ഇലക്ട്രിക് ക്രോസ്ഓവർ മോഡലിന്റെ ആദ്യ ടീസർ പുറത്തുവിട്ട് ദക്ഷിണ കൊറിയൻ വാഹന നിർമാതാക്കാളായ കിയ മോട്ടോർസ്. 2022 മെയ് 26-ന് ഇവിക്കായുള്ള ഔദ്യോഗിക ബുക്കിംഗ് ആരംഭിക്കുന്നതിനു മുന്നോടിയായാണ് കിയ ടീസർ ചിത്രം പങ്കുവെച്ചിരിക്കുന്നത്.
2022 യൂറോപ്യൻ കാർ ഓഫ് ദി ഇയർ അവാർഡ് സ്വന്തമാക്കിയ EV6 ഇലക്ട്രിക്കിനെ കംപ്ലീറ്റ്ലി ബിൽറ്റ്-അപ്പ് (CBU) ഇറക്കുമതി യൂണിറ്റായാകും കമ്പനി ഇന്ത്യൻ വിപണിയിൽ അവതരിപ്പിക്കുക. അതിനർത്ഥം മോഡലിന് വളരെ ഉയർന്ന വില മുടക്കേണ്ടി വരുമെന്നാണ്.
കിയ EV6 ഇവിക്കായുള്ള വില പ്രഖ്യാപനവും വിപണനവും ഈ വർഷം ഓഗസ്റ്റിൽ നടക്കുമെന്ന് പ്രതീക്ഷിക്കുന്നു. മോഡലിന്റെ വരവോടെ ദക്ഷിണ കൊറിയൻ ബ്രാൻഡ് ഇന്ത്യൻ കാർ വിപണിയിലെ ഇലക്ട്രിക് വാഹന രംഗത്തേക്ക് പ്രവേശിക്കും എന്ന കാര്യവും ഏറെ ശ്രദ്ധേയമാവും.
ഇന്ത്യൻ അരങ്ങേറ്റത്തിനു മുന്നോടിയായുള്ള ഇലക്ട്രിക് ക്രോസ്ഓവറിന്റെ നിരത്തുകളിലെ പരീക്ഷണയോട്ടവും കമ്പനി അടുത്തിടെ പൂർത്തിയാക്കിയിരുന്നു. നിലവിൽ സെൽറ്റോസ്, കാർണിവൽ, സോനെറ്റ്, കാരെൻസ് തുടങ്ങിയ വമ്പൻ മോഡലുകളിലൂടെ രാജ്യത്ത് നിലയുറപ്പിച്ച കിയയുടെ അഞ്ചാമത്തെ വാഹനം എത്തുമ്പോൾ ഏവർക്കും പ്രതീക്ഷകൾ വാനോളമാണ്.
ഈ വർഷം EV6 ഇവിയുടെ 100 യൂണിറ്റുകൾ മാത്രമായിരിക്കും കിയ ഇന്ത്യക്കായി അനുവദിക്കുകയുള്ളൂവെന്നാണ് റിപ്പോർട്ടുകൾ. ഹോമോലോഗേഷൻ ഒഴിവാക്കാനാണ് ഇന്ത്യയിൽ പരിമിതമായ യൂണിറ്റുകൾ മാത്രം കമ്പനി ഇറക്കുമതി ചെയ്യുന്നത്. മാത്രമല്ല ബ്രാൻഡിന്റെ തെരഞ്ഞെടുത്ത ഡീലർഷിപ്പുകൾ വഴി മാത്രമേ വാഹനം വിൽക്കുകയുമുള്ളൂ.
ഇന്ത്യയിലെന്ന പോലെ തന്നെ ആഗോള തലത്തിലും സെമി കണ്ടക്ടർ ചിപ്പ് ക്ഷാമ പ്രശ്നങ്ങൾ കാരണമാണ് കിയ ഇന്ത്യയിൽ EV6 ഇവിയുടെ ലഭ്യത വെറും 100 യൂണിറ്റുകളായി പരിമിതപ്പെടുത്തിയിരിക്കുന്നത് എന്ന അഭ്യൂഹങ്ങളും പുറത്തുവരുന്നുണ്ടെങ്കിലും ഇതുസംബന്ധിച്ച വാർത്തകളോടൊന്നും കമ്പനി ഇതുവരെ പ്രതികരിച്ചിട്ടില്ല.
മിക്കവാറും മെട്രോ നഗരങ്ങളിൽ മാത്രമായിരിക്കും EV6 ഇവിക്കായുള്ള വിപണനം നടക്കുക. എന്തായാലും ഇന്ത്യൻ വിപണിയിൽ കിയയുടെ കന്നി ഇലക്ട്രിക് കാർ ചൂടപ്പം പോലെ വിറ്റഴിക്കുമെന്നു തന്നെയാണ് പ്രതീക്ഷിക്കുന്നത്. അന്താരാഷ്ട്രതലത്തിൽ ഇലക്ട്രിക് ക്രോസ്ഓവർ സ്റ്റാൻഡേർഡ് റേഞ്ച്, ലോംഗ് റേഞ്ച്, ജിടി എന്നിങ്ങനെ മൂന്നു വേരിയന്റുകളിൽ ലഭ്യമാണ്.
സ്റ്റാൻഡേർഡ് റേഞ്ച് പതിപ്പിന് 58 kWh ബാറ്ററി പായ്ക്കാണ് തുടിപ്പേകുന്നത്. ഇത് 2WD കോൺഫിഗറേഷനിൽ 170 bhp കരുത്തും 350 Nm torque ഉം ഉത്പാദിപ്പിക്കാൻ പ്രാപ്തമായിരിക്കും. അതേസമയം 4WD സജ്ജീകരണത്തിൽ 235 bhp, 605 Nm torque എന്നിങ്ങനെയായിരിക്കും കണക്കുകൾ.
ലോംഗ്-റേഞ്ച് പതിപ്പിന് വലിയ 77.4 kWh ബാറ്ററി ലഭിക്കുന്നു. കൂടാതെ ഇതും 2WD കോൺഫിഗറേഷനിലും (228 bhp, 350 Nm) 4WD കോൺഫിഗറേഷനിലും (325 bhp, 605 Nm) ലഭ്യമാണ്. ജിടി പതിപ്പിന് 77.4 kWh ബാറ്ററി പായ്ക്കാണ് കമ്പനി ഒരുക്കിയിരിക്കുന്നത്. എന്നാൽ ഇത് കൂടുതൽ ശക്തമാണെന്ന് കിയ പറയുന്നു.
EV6 ക്രോസ്ഓവറിന്റെ ജിടി പതിപ്പിന് 585 bhp പവറിൽ 740 Nm torque വരെ നിർമിക്കാനാവും. കിയ ഇന്ത്യൻ വിപണിയിൽ ടോപ്പ് എൻഡ് ജിടി വേരിയന്റിലാവും വാഹനത്തെ അവതരിപ്പിക്കൂവെന്നാണ് അനുമാനം. WLTP സൈക്കിളിൽ ഒറ്റ ചാർജിൽ ഏകദേശം 510 കിലോമീറ്റർ ഡ്രൈവിംഗ് റേഞ്ചാണ് കിയ EV6 ഇവിയിൽ വാഗ്ദാനം ചെയ്യുന്നത്.
ഇതിന് ഏകദേശം 60 ലക്ഷം രൂപ വരെയായിരിക്കും എക്സ്ഷോറൂം വില. നമ്മുടെ രാജ്യത്ത് കിയ EV6 മോഡലിന് നേരിട്ടുള്ള എതിരാളികളൊന്നും ഉണ്ടാകില്ലെങ്കിലും ഹ്യുണ്ടായി അയോണിക് 5 ഈ വർഷം അവസാനത്തോടെ ഇന്ത്യയിൽ എത്തുന്നതോടെ ചിത്രം മാറും. CKD യൂണിറ്റായതിനാൽ വിലയും കുറവായിരിക്കുമെന്നത് EV6 ഇലക്ട്രിക്കിന് ചിലപ്പോൾ തിരിച്ചടിയായേക്കും.
ഹ്യുണ്ടായിയുടെ സമർപ്പിത ഇ-ജിഎംപി പ്ലാറ്റ്ഫോമിൽ ഇരിക്കുന്ന ആദ്യത്തെ കിയ മോഡലാണ് EV6. ഡിമാൻഡ് നിലനിൽക്കുകയും വിതരണ ശൃംഖലയിലെ പ്രശ്നങ്ങൾ ലഘൂകരിക്കുകയും ചെയ്താൽ സമീപഭാവിയിൽ ചെറിയ ബാറ്ററി പായ്ക്കുള്ള വേരിയന്റുകളെ കൂടി അവതരിപ്പിക്കാനും കിയ പദ്ധതിയിട്ടിട്ടുണ്ട്.
EV6 ഇലക്ട്രിക്കിൽ 800 V ചാർജിംഗ് സിസ്റ്റമാണ് കമ്പനി ഉപയോഗിക്കുന്നത്. അത് 350 kW വരെ ഫാസ്റ്റ് ചാർജിംഗ് ശേഷിയും പ്രാപ്തമാക്കും. അങ്ങനെ 10 മുതൽ 80 ശതമാനം വരെ ചാർജ് വെറും 18 മിനിറ്റിനുള്ളിൽ നിറയ്ക്കാനാകും.
ഒരു ക്ലാംഷെൽ ബോണറ്റ്, ഷോർട്ട് ഓവർഹാംഗുകൾ, മിനുസമാർന്ന എൽഇഡി ഹെഡ്ലൈറ്റുകൾ, 'ഡിജിറ്റൽ ടൈഗർ ഫെയ്സ്' പൂരകമാകുന്ന ബൂമറാംഗ് ആകൃതിയിലുള്ള എൽഇഡി ഡേടൈം റണ്ണിംഗ് ലൈറ്റുകൾ എന്നിവയാണ് ഇലക്ട്രിക് എസ്യുവിയുടെ പ്രധാന ഡിസൈൻ ഹൈലൈറ്റുകൾ.