Just In
- 4 hrs ago ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ്
- 7 hrs ago ഇതൊരു ബൂം ചിക്കാ വാവ മൊമെന്റ്; കേരളത്തിന് ആദ്യമായി ഡബിൾ ഡക്കർ ട്രെയിൻ
- 8 hrs ago ഉന്നം നെക്സോണും ബ്രെസയും തന്നെ, ഹൈപ്പുയർത്തി മഹീന്ദ്രയുടെ കുഞ്ഞൻ എസ്യുവിയുടെ പുത്തൻ ടീസർ
- 8 hrs ago 150 രൂപക്ക് വിമാനത്തില് പറക്കാം! സിനിമ ടിക്കറ്റിന്റെ പൈസക്ക് വിമാനയാത്ര സാധ്യമാകുന്ന റൂട്ട് കേരളത്തിലുമുണ്ട്
Don't Miss
- Movies മകൻ അച്ഛനെ കാണാറുണ്ട്; ആദ്യ വിവാഹ ബന്ധം പിരിഞ്ഞപ്പോൾ; തനിക്ക് മാത്രമല്ല ഇത് സംഭവിച്ചതെന്നും മേതിൽ ദേവിക
- News ശൈലജക്കെതിരായ ദുഷ്പ്രചരണം; പിന്നില് ഈ മൂവര്സംഘമെന്ന് വികെ സനോജ്
- Lifestyle അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക്
- Sports IPL 2024: ഗില്ലിനെക്കൊണ്ടാവില്ല! ഹാര്ദിക് പാണ്ഡ്യ മടങ്ങി വരൂ..., ആവശ്യപ്പെട്ട് ജിടി ആരാധകര്
- Finance എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി
- Technology 2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും
- Travel ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
പുറത്ത് മാത്രമല്ല അകത്തുമുണ്ട് നവീകരണങ്ങൾ; വരാനിരിക്കുന്ന Mahindra Scorpio N -ന്റെ ടോപ്പ് ഇന്റീരിയർ ഫീച്ചറുകൾ
മഹീന്ദ്ര & മഹീന്ദ്ര 2022 ജൂൺ 27 -ന് സ്കോർപിയോ N -ന്റെ ആഭ്യന്തര ലോഞ്ച് നടത്താനുള്ള ഒരുക്കത്തിലാണ്. 2022 മഹീന്ദ്ര സ്കോർപിയോ N -ന് പൂർണ്ണമായും പുനർരൂപകൽപ്പന ചെയ്ത എക്സ്റ്റീരിയറും ഇന്റീരിയറും ലഭിക്കുന്നു, അതോടൊപ്പം XUV700 -മായി എഞ്ചിൻ ലൈനപ്പും പങ്കിടും.
രണ്ട് ശക്തമായ എഞ്ചിനുകൾക്ക് പുറമെ, മഹീന്ദ്ര സ്കോർപിയോ N -ന് കഴിവുറ്റ ഓഫ്-റോഡ് അധിഷ്ഠിത സാങ്കേതികവിദ്യകളും ഉണ്ടായിരിക്കും. പുതിയ ലാഡർ-ഫ്രെയിം ഷാസിയെ അടിസ്ഥാനമാക്കിയാണ് വാഹനം ഒരുക്കിയിരിക്കുന്നത്.
പുത്തൻ ഷാസിയ്ക്കൊപ്പം അകത്തളങ്ങളും പുതിയതാണ്. നിലവിലുള്ള മോഡലുമായി താരതമ്യപ്പെടുത്തുമ്പോൾ 2022 മോഡലിന്റെ ക്യാബിൻ വേറെ ലെവൽ എന്ന് തന്നെ പറയാം, ഇത് ടൊയോട്ട ലാൻഡ് ക്രൂയിസർ 200 -ൽ നിന്ന് പ്രചോദനം ഉൾക്കൊണ്ടതാണ്.
അടിമുടി മാറ്റത്തോടെ എത്തുന്ന സ്കോർപിയോ N -ന്റെ ഗ്രാൻഡ് എൻട്രിക്ക് ഒരാഴ്ച മാത്രം ശേഷിക്കെ, വാഹനത്തെക്കുറിച്ച് അറിഞ്ഞിരിക്കേണ്ട മികച്ച അഞ്ച് ഇന്റീരിയർ ഫീച്ചറുകളാണ് ഞങ്ങൾ ഇവിടെ ലിസ്റ്റ് ചെയ്തിരിക്കുന്നത്.
1. ആഡ്രെനോ X ടെക്നോളജി:
മഹീന്ദ്ര സ്കോർപിയോ N -ന് XUV700 -മായി നിരവധി സാമ്യതകളുണ്ട്. ഇത് ആഡ്രെനോ X സാങ്കേതികവിദ്യയുമായി സജ്ജീകരിച്ചിരിക്കുന്നു. ഇത് അർബൻ-ടെക് വിദഗ്ദ്ധരായ ഉപഭോക്താക്കളെ ലക്ഷ്യമിട്ട് ക്ലാസ്-ലീഡിംഗ് "ഇമ്മേഴ്സീവ് ഫീച്ചറുകളും ഇൻട്യൂട്ടീവ് ടെക്നോളജിയും" വാഗ്ദാനം ചെയ്യുമെന്ന് പറയപ്പെടുന്നു.
ആധുനിക എസ്യുവികളിൽ കണക്റ്റിവിറ്റി ടെക് ഉള്ളത് ഒരു പ്രധാന സവിശേഷതയാണ്, ഇത് ഒരു പ്രീമിയം ഓഫറായി സ്വയം ഉയർത്താൻ സ്കോർപിയോ N -നെ സഹായിക്കും.
2. ഡ്യുവൽ-ടോൺ ഇന്റീരിയർ തീം:
ഡ്യുവൽ-ടോൺ ബ്രൗൺ, ബ്ലാക്ക് ക്യാബിൻ തീം സ്കോർപിയോ N -ന്റെ മറ്റൊരു ഹൈലൈറ്റാണ്, അതോടൊപ്പം ഡാഷ്ബോർഡും സെന്റർ കൺസോളും അപ്മാർക്കറ്റ് സർഫസ് ഫിനിഷുകളുമായി വരുന്നു. കൂടാതെ പുതിയ ഫ്ലാറ്റ്-ബോട്ടം സ്റ്റിയറിംഗ് വീൽ, വലിയ വെർട്ടിക്കൽ എസി വെന്റുകൾ, മെറ്റാലിക് സറൗണ്ടുകൾ മുതലായവ കൊണ്ട് സജ്ജീകരിച്ചിരിക്കുന്നു.
3. സേഫ്റ്റി ഫീച്ചറുകൾ:
ഗ്ലോബൽ NCAP ക്രാഷ് ടെസ്റ്റുകളിൽ സ്കോർപ്പിയോ N ലക്ഷ്യമിടുന്നത് ഫൈവ് സ്റ്റാർ റേറ്റിംഗാണ്. ഇത് ഒരു പുതിയ ഷാസിയെ അടിസ്ഥാനമാക്കിയുള്ളതാണ്, കൂടാതെ ഫ്രണ്ട് ഫെയ്സിംഗ് മൂന്നാം നിര സീറ്റുകൾ വാഗ്ദാനം ചെയ്യുന്നു.
ആറ് എയർബാഗുകളും നിരവധി അസിസ്റ്റീവ് ഫീച്ചറുകളും ഇതിലുണ്ടാകും. ഫ്രണ്ട്, റിയർ ക്യാമറകൾ, ട്രാക്ഷൻ കൺട്രോൾ, ഹിൽ ഡിസന്റ് കൺട്രോൾ, ടയർ പ്രഷർ മോണിറ്ററിംഗ് സിസ്റ്റം (TPMS) എന്നിവയാണ് ചില ഹൈലൈറ്റുകൾ.
4. സോണി 3D ഓഡിയോ & ഡ്യുവൽ സോൺ ക്ലൈമറ്റ് കൺട്രോൾ:
ഫ്ലാറ്റ്-ബോട്ടം സ്റ്റിയറിംഗ് വീലിന് പുറമെ, സോണിയിൽ നിന്നുള്ള 3D സറൗണ്ട് സിസ്റ്റവും XUV700 -ൽ നിന്ന് കടമെടുത്തതാണ്, ഇത് ഇമ്മേഴ്സീവ് ഡ്രൈവിംഗ് എക്സ്പീരിയൻസ് നേടാൻ സഹായിക്കും. കൂടാതെ, ഡ്യുവൽ-സോൺ ക്ലൈമറ്റ് കൺട്രോൾ നിർബന്ധമായും ഉണ്ടായിരിക്കേണ്ട സവിശേഷതകളിൽ ഒന്നാണ്, സ്കോർപിയോ N നഷ്ടപ്പെടുത്തുന്നില്ല!
5. പ്രീമിയം ഫീച്ചറുകൾ:
വലിയ മൾട്ടി ഇൻഫോ ഡിസ്പ്ലേയുള്ള സെമി ഡിജിറ്റൽ ഇൻസ്ട്രുമെന്റ് ക്ലസ്റ്റർ, അഡ്ജസ്റ്റ് ചെയ്യാവുന്ന ഹെഡ്റെസ്റ്റുകൾ, വൈറ്റ് സ്റ്റിച്ചിംഗ് ഉള്ള ബ്രൗൺ ലെതർ സീറ്റുകൾ, ക്രൂയിസ് കൺട്രോൾ, ഡ്രൈവർ ആംറെസ്റ്റ്, റൂഫ് മൗണ്ടഡ് എസി, പുഷ്-ബട്ടൺ എഞ്ചിൻ സ്റ്റാർട്ട്/സ്റ്റോപ്പ്, സൺറൂഫ് എന്നിവയും ഫീച്ചർ പട്ടികയിൽ ഉൾപ്പെടും.