Just In
- 6 hrs ago കേരളത്തിൽ കിട്ടിയില്ലെങ്കിൽ തമിഴ്നാട്ടിലോട്ട് പോകണ്ട, തമിഴ്നാട് എംവിഡി കട്ട കലിപ്പിലാണ്
- 10 hrs ago 160 കി.മീ. റേഞ്ചുള്ള ഇവിയുടെ ഏത് വേരിയന്റ് വാങ്ങുമെന്ന കൺഫ്യൂഷനോ? ഇതൊന്ന് വായിച്ചാൽ അതെല്ലാം മാറും
- 10 hrs ago കപ്പിത്താൻ എന്ന സ്വപ്നം പൂവണിഞ്ഞു; ആഡംബര നൗകയ്ക്കായി മാധവൻ മുടക്കിയത് കോടികൾ
- 11 hrs ago എത്ര റോള്സ് റോയ്സ് വേണമെങ്കിലും വാങ്ങാന് ശേഷിയുള്ള മനുഷ്യനാ... സ്വന്തമാക്കിയത് മൂന്നാമത്തെ ഇലക്ട്രിക് ഓട്ടോ
Don't Miss
- News ഇസ്രായേല് ലക്ഷ്യമിട്ടത് ഇറാന് വ്യോമ പ്രതിരോധ സംവിധാനം? എസ്300 സംവിധാനത്തിന് തകരാര്
- Movies പറ്റുന്നില്ല, സിബിൻ പുറത്തേക്ക്; പ്രേക്ഷകരെ ഞെട്ടിച്ച് തീരുമാനം; അമ്പരപ്പ് മാറാതെ മത്സരാർത്ഥികളും
- Sports IPL 2024: അനായാസ ക്യാച്ചുകള് പാഴാക്കി, മുംബൈ സംശയത്തിന്റെ നിഴലില്! നേരത്തെ തീരുമാനിച്ചു?
- Lifestyle നീളമുള്ള മുടി വേണോ, മുടി വേഗത്തില് വളരാന് ചില വഴികളിതാ
- Technology ഈ രണ്ട് ജില്ലകളിലെ ഏത് റബർതോട്ടത്തിലോ കാട്ടിലോ ഇനി പോകാം! ഫുൾ റേഞ്ച് കിട്ടുമെന്ന് എയർടെൽ
- Finance ‘പോളിസി മാറ്റാം’; കടബാധ്യത കൈകാര്യം ചെയ്യാൻ ഇൻഷുറൻസ്, വിശദമായി അറിയാം
- Travel കേരളത്തിലെ ഏറ്റവും ചെലവ് കുറഞ്ഞ വിമാന യാത്ര; കൊച്ചിയിൽ നിന്ന് ഈ നഗരത്തിലേക്ക് വെറും 630 രൂപ
മുഖംമിനുങ്ങിയെത്തിയിട്ടും Baleno ഹാച്ചിന്റെ വിൽപ്പനയിൽ ഇടിവ്, തലപുകഞ്ഞ് Maruti Suzuki
പുതുക്കിയ 2022 മോഡൽ മാരുതി സുസുക്കി ബലേനോ ഈ വർഷം ഫെബ്രുവരിയിലാണ് ഇന്ത്യയിൽ അവതരിപ്പിക്കുന്നത്. പുതിയ മോഡൽ കൂടുതൽ മാറ്റങ്ങളോടെയും തികവോടെയുമാണ് വിപണിയിൽ എത്തുന്നതു തന്നെ. അഗ്രസീവ് ഡിസൈൻ, ധാരാളം അധിക ഫീച്ചറുകൾ എന്നിവ ചേർത്ത് മുൻഗാമിയേക്കാൾ മിടുക്കനായാണ് പ്രീമിയം ഹാച്ച്ബാക്ക് വിപണിയിൽ ഇടംപിടിച്ചത്.
എന്നാൽ ഈ മാറ്റങ്ങളൊന്നും വിൽപ്പനയിൽ സഹായകരമായില്ലെന്നാണ് കണക്കുകൾ സൂചിപ്പിക്കുന്നത്. വിപണിയിൽ വളരെ ജനപ്രിയമായി തുടരുമ്പോൾ ഹാച്ച്ബാക്കിന് കഴിഞ്ഞ മാസം വിൽപ്പനയിൽ ഗണ്യമായ ഇടിവാണ് രേഖപ്പെടുത്തിയിരിക്കുന്നത്. 2022 ഏപ്രിലിൽ മാരുതി സുസുക്കി ഇന്ത്യയിൽ മൊത്തം 10,938 യൂണിറ്റ് ബലേനോയാണ് വിറ്റഴിച്ചത്.
വാർഷിക അടിസ്ഥാനത്തിൽ മോഡലിന്റെ വിൽപ്പനയിൽ 33.24 ശതമാനം ഇടിവാണ് മാരുതി നേരിട്ടിരിക്കുന്നത്. കഴിഞ്ഞ വർഷം ഇതേ മാസത്തിൽ ബലേനോയുടെ 16,384 യൂണിറ്റുകളാണ് നിരത്തിലെത്തിയിരുന്നത്. 2022 മാർച്ച് മാസത്തിൽ 14,520 യൂണിറ്റുകളുടെ വിൽപ്പന മാരുതി ബലേനോ കൈവരിച്ചു. പ്രതിമാസ കണക്കുകൾ നോക്കിയാലും കഴിഞ്ഞ മാസത്തെ വിൽപനയിൽ 24.67 ശതമാനം ഇടിവുണ്ടായിട്ടുണ്ട്.
മാരുതി സുസുക്കി ചെയർമാൻ ആർസി ഭാർഗവ അടുത്തിടെ അഭിപ്രായപ്പെട്ടത് ഇന്ത്യയിൽ ചെറുകാർ വിൽപ്പന കുറയുകയാണെന്നും ബലേനോയുടെ വിൽപ്പന പ്രകടനം ആ പ്രസ്താവനയ്ക്ക് അനുസൃതമാണെന്നുമാണ്. വാസ്തവത്തിൽ സെലേറിയോ ഒഴികെയുള്ള മറ്റെല്ലാ മാരുതി ഹാച്ച്ബാക്കുകളും കഴിഞ്ഞ മാസവും വിൽപ്പനയിൽ ഗണ്യമായ ഇടിവ് രേഖപ്പെടുത്തിയിട്ടുണ്ട്.
1.2 ലിറ്റർ നാച്ചുറലി ആസ്പിറേറ്റഡ് 4 സിലിണ്ടർ എഞ്ചിനാണ് പുതിയ മാരുതി സുസുക്കി ബലേനോയ്ക്ക് തുടിപ്പേകുന്നത്. ഈ എഞ്ചിന് പരമാവധി 90 bhp കരുത്തിൽ 113 Nm torque വരെ ഉത്പാദിപ്പിക്കാൻ പ്രാപ്തമാണ്. ഈ 1.2 ലിറ്റർ ഡ്യുവൽജെറ്റ് K12N എഞ്ചിൻ പുതിയൊരു യൂണിറ്റാണ്. ഒരു ഐഡിൾ സ്റ്റാർട്ട്-സ്റ്റോപ്പ് സിസ്റ്റം സ്റ്റാൻഡേർഡായും വാഗ്ദാനം ചെയ്യുന്നുണ്ട്.
MOST READ: ഇത്തിരി കുഞ്ഞൻ കാർ! എന്തായിരുന്നു ടാറ്റ നാനോയ്ക്ക് പിന്നിലെ പ്രചോദനം?
5 സ്പീഡ് മാനുവൽ, 5 സ്പീഡ് എഎംടി ഓട്ടോമാറ്റിക് ഗിയർബോക്സ് ഓപ്ഷനുകളാണ് പുത്തൻ ബലേനോയിൽ ഒരുക്കിയിരിക്കുന്നത്. കൂടുതൽ സുഗമമായ ഗിയർ ഷിഫ്റ്റ് അനുഭവം നൽകുന്നതിനായി ക്ലച്ച് സംവിധാനവും മെച്ചപ്പെടുത്തിയിട്ടുണ്ട്. മൈലേജിന്റെ കാര്യത്തിലേക്ക് നോക്കിയാൽ ബലേനോയുടെ മാനുവൽ പതിപ്പ് 22.35 കിലോമീറ്റർ നൽകുമ്പോൾ എഎംടി വേരിയന്റുകൾ 22.94 കിലോമീറ്റർ ഇന്ധനക്ഷമതയാകും നൽകുക.
മാരുതി ന്യൂ ഏയ്ജ് ബലേനോ എന്നുവിളിക്കുന്ന ഈ പ്രീമിയം ഹാച്ച്ബാക്കിൽ സൈഡ്, കർട്ടൻ ബാഗുകൾ, ഡ്രൈവർ, കോ-ഡ്രൈവർ എയർബാഗുകൾ എന്നിവയുള്ള 6 എയർബാഗുകളും മെച്ചപ്പെട്ട സുരക്ഷക്കായി ഒരുക്കിയിട്ടുണ്ട്.
കാറിന് സറൗണ്ട് വ്യൂ സിസ്റ്റം, റിയർ വ്യൂ ക്യാമറ, റിവേഴ്സ് പാർക്കിംഗ് സെൻസറുകൾ, ഹൈ സ്പീഡ് അലേർട്ട് സിസ്റ്റം, ഇമോബിലൈസർ, ഐഎസ്ഒഫിക്സ് ആങ്കറേജുകൾ, എബിഎസ്, ഇബിഡി എന്നിവയും മാരുതി സുസുക്കി കാറിൽ വാഗ്ദാനം ചെയ്യുന്നുണ്ട്.
പ്രീമിയം ഹാച്ചിന്റെ പുതിയ ആവർത്തനം മാരുതിയുടെ ഹാർട്ട്ടെക്റ്റ് പ്ലാറ്റ്ഫോമിലാണ് സ്ഥാപിച്ചിരിക്കുന്നത്. അതേസമയം അതിന്റെ ഷാസിയും ബോഡി പാർട്സുകളും ശക്തമായ ഗ്രേഡ് സ്റ്റീൽ കൊണ്ടാണ് നിർമിച്ചിരിക്കുന്നത്. ആയതിനാൽ സുരക്ഷയുടെ കാര്യത്തിൽ വാഹനം കൂടുതൽ മെച്ചപ്പെടുത്താൻ രാജ്യത്തെ ഏറ്റവും വലിയ നിർമാണ കമ്പനിക്ക് സാധിച്ചിട്ടുണ്ട്.
9 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, ഇൻസ്ട്രുമെന്റ് കൺസോളിൽ TFT MID, 360 ഡിഗ്രി പാർക്കിംഗ് ക്യാമറ, ഹെഡ്സ്-അപ്പ് ഡിസ്പ്ലേ (HUD), ഓട്ടോമാറ്റിക് ക്ലൈമറ്റ് കൺസോൾ, കീലെസ് എൻട്രി ആൻഡ് ഗോ, എന്നിവയാണ് ഹാച്ച്ബാക്കിന്റെ ടോപ്പ് എൻഡ് വേരിയന്റുകളിൽ വരുന്നത്. കൂടാതെ ക്രൂയിസ് കൺട്രോൾ, സുസുക്കി കണക്റ്റ് (കണക്റ്റഡ് കാർ ടെക്) മുതലായവയും പുത്തൻ ബലേനോയിൽ ലഭ്യമാക്കിയിട്ടുണ്ട്.
മാരുതി ബലേനോയുടെ ഇപ്പോഴത്തെ എക്സ്ഷോറൂം വില 6.49 ലക്ഷം രൂപ മുതൽ 9.71 ലക്ഷം രൂപ വരെയാണ്. ഇന്ത്യൻ വിപണിയിൽ ടാറ്റ ആൾട്രോസ്, ഹ്യുണ്ടായി i20, ഹോണ്ട ജാസ്, അതിന്റെ റീബാഡ്ജ് ചെയ്ത ടൊയോട്ട ഗ്ലാൻസ എന്നിവയോടാണ് മാറ്റുരയ്ക്കുന്നത്.
സ്പ്ലെൻഡിഡ് സിൽവർ, ഗ്രാൻഡിയർ ഗ്രേ, ഒപ്പുലന്റ് റെഡ്, സെലസ്റ്റിയൽ ബ്ലൂ എന്നീ മെറ്റാലിക് കളർ ഓപ്ഷനുകളാണ് പുത്തൻ ബലേനോയിൽ തെരഞ്ഞെടുക്കാൻ സാധിക്കുന്നത്.ആകർഷകമായ വിലയ്ക്ക് പുറമെ മാരുതിയുടെ സബ്സ്ക്രിപ്ഷൻ പദ്ധതിയിലൂടെയും ന്യൂ ഏയ്ജ് ബലേനോ ഉപഭോക്താക്കൾക്ക് സ്വന്തമാക്കാം.