Just In
- 8 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 8 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 9 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 9 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- News മുക്താര് അന്സാരി അന്തരിച്ചു, ജയിലില് വെച്ച് ഹൃദയാഘാതം; യുപിയില് വന് ജാഗ്രത
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
പ്രതിമാസ വിൽപ്പന 10,000 യൂണിറ്റ് മറികടന്ന് മാരുതിയുടെ ഈ എട്ട് മോഡലുകൾ, കണ്ണുതള്ളി എതിരാളികൾ
മൂന്ന് പതിറ്റാണ്ടിലേറെയായി പാസഞ്ചർ കാർ വിൽപ്പനയിൽ മാരുതി സുസുക്കിയെ വെല്ലുവിളിക്കാൻ പാകത്തിന് ഒരു വാഹന നിർമാതാക്കളും ഇതുവരെ ഉയർന്നുവന്നിട്ടില്ല. രാജ്യത്തെ ഏറ്റവും വലിയ വാഹന നിർമാതാക്കളായി മുന്നേറുമ്പോൾ മെയ് മാസത്തെ വിൽപ്പനയിലും ആധിപത്യം പുലർത്തുകയാണ് കമ്പനി.
2022 മെയ് മാസത്തിൽ എട്ട് വ്യത്യസ്ത മാരുതി സുസുക്കി മോഡലുകൾക്ക് 10,000 യൂണിറ്റ് പ്രതിമാസ വിൽപ്പന മറികടക്കാൻ കഴിഞ്ഞതാണ് ശ്രദ്ധേയമാവുന്നത്. അതിൽ ജനപ്രിയ മോഡലായ വാഗൺആർ 16,814 യൂണിറ്റുകൾ നിരത്തിലെത്തിച്ച് ഒന്നാം സ്ഥാനം കൈയ്യടക്കി.
14,133 യൂണിറ്റുകളുമായി സ്വിഫ്റ്റ് രണ്ടാം സ്ഥാനത്തും 13,970 യൂണിറ്റുകളുമായി ബലേനോ പ്രീമിയം ഹാച്ച്ബാക്ക് മൂന്നാമതും എത്തി.
എൻട്രി ലെവൽ മോഡലായ ആൾട്ടോ 12,933 യൂണിറ്റ്, എർട്ടിഗ 12,226 യൂണിറ്റ്, ഡിസയർ 11,603 യൂണിറ്റ്, ഇക്കോ 10,482 യൂണിറ്റ് വിറ്റാര ബ്രെസ 10,312 യൂണിറ്റ് എന്നിവയാണ് പോയ മാസം 10,000 യൂണിറ്റ് മറികടന്ന് വിൽപ്പന നേടിയ മറ്റ് മാരുതി സുസുക്കി കാറുകൾ.
2022 മെയ് മാസത്തെ വിൽപ്പന കണക്കുകൾ അനുസരിച്ച് ഇന്ത്യയിലെ രണ്ടാമത്തെയും മൂന്നാമത്തെയും വലിയ കാർ ബ്രാൻഡുകളായ ടാറ്റയ്ക്കും ഹ്യുണ്ടായിക്കും 10,000 യൂണിറ്റ് വിൽപ്പന കടന്ന ഏതാനും മോഡലുകൾ മാത്രമേ ഉണ്ടായിരുന്നുള്ളൂ.
അതിൽ ടാറ്റ നെക്സോൺ 14,614 യൂണിറ്റ്, ഹ്യുണ്ടായി ക്രെറ്റ 10,973 യൂണിറ്റ്, ടാറ്റ പഞ്ച് 10,241 യൂണിറ്റ് എന്നിവയ്ക്ക് മാത്രമാണ് 10,000 യൂണിറ്റ് വിൽപ്പന മറികടക്കാനായത്. അടുത്ത കാലത്തായി എസ്യുവികളുടെ ഡിമാന്റ് ക്രമാനുഗതമായി വർധിച്ചുകൊണ്ടിരിക്കുകയാണ്.
യൂട്ടിലിറ്റി വാഹനങ്ങളായ എസ്യുവികൾക്കും എംപിവികൾക്കും ഡിമാന്റ് ഉയരുന്ന സാഹചര്യത്തിൽ ചെറുകാറുകളുടെ (ഹാച്ച്ബാക്കുകളും സെഡാനുകളും) ഡിമാൻഡ് ചുരുങ്ങിക്കൊണ്ടിരിക്കുന്നതിനാൽ കമ്പനിയുടെ ഈ പുതിയ പദ്ധതി ഭാവിയിൽ മുതൽകൂട്ടാവുമെന്നു തന്നെയാണ് കണക്കുകൂട്ടൽ.
MOST READ: കോയമ്പത്തൂരിൽ ഒറ്റദിവസം കൊണ്ട് 125 സ്കോഡാ സ്ലാവിയ റെക്കോർഡ് ഡെലിവറി നൽകി ഡീലർഷിപ്പ്
മാരുതി സുസുക്കി ജൂൺ 30-ന് ഏറ്റവും പുതിയ വിറ്റാര ബ്രെസയെ അവതരിപ്പിക്കാൻ തയാറെടുക്കുകയാണ്. കൂടാതെ എസ്-ക്രോസിനെ നിർത്തലാക്കി പകരം ഒരു പുതിയ മോഡൽ കൊണ്ടുവരാൻ ഒരുങ്ങുകയാണ് കമ്പനി എന്നതും ശ്രദ്ധേയമാണ്. പുറത്തുവരുന്ന റിപ്പോർട്ടുകൾ പ്രകാരം ഈ വരാനിരിക്കുന്ന സി-സെഗ്മെന്റ് എസ്യുവി അടുത്ത മാസം വിപണിയിൽ പരിചയപ്പെടുത്തിയേക്കും. തുടർന്ന് ഉത്സവ സീസണോട് അനുബന്ധമായി വിൽപ്പനയും ആരംഭിച്ചേക്കും.
ബലേനോ ഹാച്ച്ബാക്കിനെ അടിസ്ഥാനമാക്കിയുള്ള മറ്റൊരു കോംപാക്ട് എസ്യുവിയും സമീപഭാവിയിൽ തന്നെ ഇന്ത്യൻ വിപണിയിൽ അവതരിപ്പിക്കാനും മാരുതി പദ്ധതിയിടുന്നുണ്ട്. ഒരു പുതിയ ഇലക്ട്രിക് എസ്യുവിക്കൊപ്പം ഒരു പുതിയ മൂന്ന്-വരി എസ്യുവിയും അണിയറയിൽ ഒരുങ്ങുന്നതായാണ് റിപ്പോർട്ട്. വരാനിരിക്കുന്ന ഈ എസ്യുവികളിൽ ചിലത് ടൊയോട്ടയുടെ പങ്കാളിത്തത്തോടെയാണ് നിർമിക്കുന്നത്.
ഇക്കഴിഞ്ഞ മെയ് മാസത്തിൽ ആഭ്യന്തര വിപണിയിൽ 1,61,413 യൂണിറ്റ് കാറുകളാണ് കമ്പനി നിരത്തിലെത്തിച്ചത്. എന്തായാലും പുത്തൻ ബ്രെസയുടെ വരവോടെ കോംപാക്ട് എസ്യുവി സെഗ്മെന്റിൽ നഷ്ടപ്പെട്ട ആധിപത്യം തിരികെ പിടിക്കാനും മാരുതിക്ക് കഴിഞ്ഞേക്കും. അത്രയേറ തികവും മികവുമോടെയാണ് വാഹനത്തിനെ കമ്പനി അണിയിച്ചൊരുക്കിയിരിക്കുന്നത്.
ആധുനിക ഡിസൈനാലും സവിശേഷതകളാലും സമ്പന്നമായിരിക്കും വരാനിരിക്കുന്ന പുതുപുത്തൻ മാരുതി സുസുക്കി ബ്രെസ. ഓള് ന്യൂ ഹോട്ട് ആന്ഡ് ടെക്ക് ബ്രെസ എന്നാണ് മാരുതി ബ്രെസയുടെ പുതിയ മോഡലിന് നല്കിയിട്ടുള്ള വിശേഷണം തന്നെ. ബ്രാൻഡിന്റെ ആദ്യ സണ്റൂഫ് മോഡല് വാഹനമായാണ് ബ്രെസ എത്തുന്നതെന്നാണ് ഏറ്റവും പ്രധാന പ്രത്യേകത.
മാരുതിയുടെ ആദ്യത്തെ ഗ്ലോബൽ എൻക്യാപ് ക്രാഷ് ടെസ്റ്റിലെ 5-സ്റ്റാർ സുരക്ഷാ റേറ്റിംഗ് നേടുന്നതിനുള്ള ഏറ്റവും മികച്ച അവസരമാണ് പുത്തൻ ബ്രെസയിലൂടെ ഒരുങ്ങുന്നത്. അതിനാൽ സുരക്ഷയിലും മികവുറ്റു നിൽക്കുന്നതായിരിക്കും പുതുതലമുറയിലേക്ക് ചേക്കേറിയ കോംപാക്ട് എസ്യുവി.