Just In
- 26 min ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- 1 hr ago എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
- 2 hrs ago ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
- 3 hrs ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
Don't Miss
- News അശാന്തിയുടെ താഴ്വരയായി പശ്ചിമേഷ്യ; തുറന്ന യുദ്ധം അകലെയല്ല, ഇറാഖിലെ ആക്രമണം നൽകുന്ന സന്ദേശം എന്ത്?
- Movies 'ദിലീപ് കുഴപ്പിച്ചിരുന്നു, എടീ എന്നൊന്നും വിളിക്കാൻ പറ്റില്ല, സീരിയലിനെ വിമർശിക്കാൻ തോന്നുമായിരുന്നു'
- Sports IPL 2024: സഞ്ജു പ്രതിഭ, 14 വയസ് മുതല് അവനെ അറിയാം; ഇത്തവണ കപ്പ് രാജസ്ഥാനെന്ന് തരൂര്
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
1,000-ത്തിലധികം ബുക്കിംഗുകള് വാരിക്കൂട്ടി 2022 Mercedes Benz C-ക്ലാസ്
ജര്മ്മന് ആഡംബര വാഹന നിര്മാതാക്കളായ മെര്സിഡീസ് ബെന്സ് ഏതാനും ദിവസങ്ങള്ക്ക് മുന്നെയാണ് 2022 C-ക്ലാസ് മോഡലിനെ രാജ്യത്ത് അവതരിപ്പിക്കുന്നത്. C200, C220d, C300d എന്നിങ്ങനെ മൂന്ന് വേരിയന്റുകളിലാണ് വാഹനം വിപണിയില് എത്തിയിരിക്കുന്നത്.
ഇതില് പ്രാരംഭ പതിപ്പിന് 55 ലക്ഷം രൂപയും ഉയര്ന്ന പതിപ്പിന് 61 ലക്ഷം രൂപയുമാണ് എക്സ്ഷോറൂം വില വരുന്നത്. അതേസമയം വാഹനത്തിനായുള്ള ബുക്കിംഗ് കമ്പനി നേരത്തെ തന്നെ ആരംഭിച്ചിരുന്നു. ഇപ്പോഴിതാ നാളിതുവരെ പുതിയ പതിപ്പിന് ലഭിച്ച ബുക്കിംഗ് കണക്കുകള് വെളിപ്പെടുത്തിയിരിക്കുകയാണ് മെര്സിഡീസ്.
ഇന്ത്യയില് അതിന്റെ ഏറ്റവും പുതിയ C-ക്ലാസിനായി 1,000-ത്തിലധികം ബുക്കിംഗുകളാണ് ലഭിച്ചിരിക്കുന്നത്. C-ക്ലാസ് 2001 മുതല് ഇന്ത്യയില് വില്പ്പനയ്ക്ക് എത്തുന്നുണ്ട്. 2021-ന്റെ തുടക്കത്തില് ആഗോളതലത്തില് അരങ്ങേറ്റം കുറിച്ചതിന് ശേഷമാണ് ഈ മോഡല് ഇപ്പോള് ഇന്ത്യയില് എത്തുന്നത്. ഇത് അഞ്ചാം തലമുറ (W206) മോഡലാണ്. ഇന്നുവരെ, മെര്സിഡീസ് C-യുടെ 37,000 യൂണിറ്റുകള് വിറ്റഴിക്കുകയും ചെയ്തിട്ടുണ്ട്.
മെര്സിഡീസ് പുതിയ C-ക്ലാസില് മൂന്ന് എഞ്ചിനുകള് വാഗ്ദാനം ചെയ്യും - 1.5 ലിറ്റര് ടര്ബോ പെട്രോളും 2.0 ലിറ്റര് ഡീസല് എഞ്ചിനും രണ്ട് ട്യൂണുകളില് ലഭ്യമാകും.
കൂടാതെ, മൂന്ന് എഞ്ചിന് ഓപ്ഷനുകള്ക്കും EQ ബൂസ്റ്റിനൊപ്പം ഒരു സംയോജിത സ്റ്റാര്ട്ടര് ജനറേറ്റര് (ISG) ലഭിക്കുന്നു, ഇത് ഗണ്യമായ 15 bhp അധിക ശക്തിയും 200 Nm വരെ അധിക ടോര്ക്കും നല്കുന്നുവെന്ന് വേണം പറയാന്.
മെര്സിഡീസ് പറയുന്നത് C 220d അതിന്റെ ഏറ്റവും ഇന്ധനക്ഷമതയുള്ള കാറുകളിലൊന്നാണ്, 23 kmpl മൈലേജാണ് അവകാശപ്പെടുന്നത്. C 200 പെട്രോളും അതിന്റെ വലിപ്പത്തിന് 16.9 kmpl വാഗ്ദാനം ചെയ്യുന്നു, അതേസമയം C 300d ന് 20.37 kmpl എന്ന അവകാശപ്പെട്ട ഇന്ധനക്ഷമത ലഭിക്കുന്നു.
മുന്നില് നിന്ന് ആരംഭിച്ചാല് ക്യാബ്-റിയര്വേഡ് ഡിസൈന്, ബോണറ്റിലെ പവര് ബള്ജ്, C 300d-യിലെ AMG ട്രിം എന്നിവയ്ക്കൊപ്പം C 200-ലെ അവന്റ് ഗാര്ഡ് ലൈനിനൊപ്പം C 220d-യും അതിനെ ഏറ്റവും സ്പോര്ട്ടി ആക്കുന്നു. C-ക്ലാസിന്റെ ഇതുവരെയുള്ള ഏറ്റവും ആകര്ഷകമായ മോഡലാണിതെന്നാണ് കമ്പനി പറയുന്നത്.
അളവിന്റെ കാര്യത്തില്, പുതിയ C-ക്ലാസ് 10 mm വീതിയും, വീല്ബേസ് 25 mm വര്ദ്ധിക്കുന്നു, മുന്നിലും പിന്നിലും സീറ്റുകള്ക്കിടയില് 21 mm സ്പെയ്സും വര്ദ്ധിച്ചു. സെഡാന്റെ മൊത്തത്തിലുള്ള നീളം ഇപ്പോള് 65 mm വര്ധിക്കുകയും ചെയ്തിട്ടുണ്ട്.
ബാഹ്യ രൂപകല്പ്പനയ്ക്കൊപ്പം, S-ക്ലാസ് പ്രചോദിത തീമുകള് ഉള്ളില് കൂടുതല് പ്രകടമാണ്. NTG 7 അടിസ്ഥാനമാക്കിയുള്ള MBUX-ന്റെ ഏറ്റവും പുതിയ തലമുറ ലഭിക്കുന്ന പുതിയ 11.9-ഇഞ്ച് വെര്ട്ടിക്കല് ടച്ച്സ്ക്രീന് ആണ് ഹൈലൈറ്റ്. ആക്റ്റീവ് ബ്രേക്ക് അസിസ്റ്റ്, ആക്റ്റീവ് പാര്ക്കിംഗ് അസിസ്റ്റ് പോലുള്ള ഒരു കൂട്ടം ADAS (അഡ്വാന്സ്ഡ് ഡ്രൈവര് അസിസ്റ്റന്സ് സിസ്റ്റംസ്) സവിശേഷതകള്ക്കൊപ്പം കണക്റ്റുചെയ്ത കാറാണിത്.
MBUX ഉള്ള മെര്സിഡീസ് കാറുകള്ക്ക് പരസ്പരം ആശയവിനിമയം നടത്താനും തത്സമയം വിവരങ്ങള് പങ്കിടാനും കഴിയുന്ന കാറുകളുടെ സോഷ്യല് നെറ്റ്വര്ക്കിന് സമാനമായ 'കാര്-ടു-എക്സ്' എന്ന ഫീച്ചറും പുതിയ മോഡലിന് ലഭിക്കുന്നു.
ലൈറ്റിംഗിനായി 1.3 ദശലക്ഷം പിക്സലുകള് വരെ ഉപയോഗിക്കുന്ന മെര്സിഡീസിന്റെ സ്മാര്ട്ട് ഡിജിറ്റല് ലൈറ്റുകളും ടോപ്പ്-സ്പെക്ക് C 300d-ക്ക് ലഭിക്കുന്നു, കൂടാതെ ട്രാഫിക്കിന്റെ ദിശ അനുസരിച്ച് ഇത് ക്രമീകരിക്കാനും കഴിയും.
മിക്ക ആധുനിക പ്രീമിയം കാറുകളെയും പോലെ, ടച്ച്സ്ക്രീനിന് മിക്കവാറും എല്ലാ ഇന്-കാര് നിയന്ത്രണങ്ങളും ഉണ്ട്, അതിനാല് ഡാഷ്ബോര്ഡിന് വൃത്തിയുള്ളതും സങ്കീര്ണ്ണവുമായ രൂപം നല്കുന്നു. വ്യത്യസ്ത തീമുകളും ക്രമീകരണങ്ങളും ഉള്ള എച്ച്ഡി ഇന്സ്ട്രുമെന്റ് പാനലാണ് മറ്റൊരു ഹൈലൈറ്റ്.
സ്റ്റിയറിങ്ങിലെ ടച്ച്പാഡ് നിയന്ത്രണങ്ങള് ഇപ്പോള് കൂടുതല് ഫ്ലഷ് ആണ്. നിങ്ങള്ക്ക് ബര്മെസ്റ്റര് സൗണ്ട് സിസ്റ്റം, ആംബിയന്റ് ലൈറ്റിംഗ്, മെര്സിഡീസ് മീ ആപ്പ്, വയര്ലെസ് ചാര്ജിംഗ്, വയര്ലെസ് ആപ്പിള് കാര്പ്ലേ, ആന്ഡ്രോയിഡ് ഓട്ടോ എന്നിവയ്ക്കൊപ്പം പ്രവര്ത്തിക്കുന്ന കണക്റ്റുചെയ്ത കാര് ടെലിമാറ്റിക് സ്യൂട്ട്, അലക്സാ അല്ലെങ്കില് ഗൂഗിള് ഹോം ഇന്റഗ്രേഷന് എന്നിവയും ലഭിക്കും. ഇവയില് ചിലത് C 300d-യില് മാത്രമേ ലഭ്യമാകൂവെന്നും കമ്പനി പറയുന്നു.
മാത്രമല്ല, പുതിയ C-ക്ലാസില് ചില സവിശേഷതകള് നഷ്ടമാകുകയും ചെയ്തിട്ടുണ്ട്. എല്ബോ ബോക്സില് രണ്ടെണ്ണവും ഡാഷ്ബോര്ഡില് ഒരെണ്ണവും ഉണ്ടെങ്കിലും കാറിന് വെന്റിലേറ്റഡ് സീറ്റുകള് ലഭിക്കുന്നില്ല.
പിന്നിലെ എസിയുടെ കണ്ട്രോളുകളും മോഡൽ നഷ്ടപ്പെടുത്തുന്നു, മാത്രമല്ല പിന്വശത്തുള്ള യാത്രക്കാര്ക്ക് ഇപ്പോൾ യുഎസ്ബി ചാര്ജറുകള് ലഭിക്കുന്നില്ല. വിപണിയില് ഓഡി A4, ബിഎംഡബ്ല്യു 3 സീരീസ്, ജഗ്വാര് XE, വോള്വോ S60 തുടങ്ങിയ മോഡലുകള്ക്കെതിരെയാണ് പുതിയ C-ക്ലാസ് മത്സരിക്കുന്നത്.