Just In
- 51 min ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
- 1 hr ago ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ
- 2 hrs ago തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
- 4 hrs ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
Don't Miss
- Movies ജാസ്മിനെപ്പോലൊരു കൂതറ മത്സരാര്ത്ഥി ചരിത്രത്തിലില്ല; ഇക്കൊല്ലം ടോക്സിക് റാണി: ശ്രീലക്ഷ്മി
- Sports T20 World Cup 2024: ഒരൊറ്റ ഷോട്ട്, റിഷഭാണ് ബെസ്റ്റെന്ന് അന്നു ഉറപ്പിച്ചു! ടീമില് വേണമെന്ന് ബ്രോഡ്
- Finance സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ്
- News 'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി
- Technology മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട്
- Travel ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
ഹൈബ്രിഡ് എഞ്ചിൻ, പുതിയ പ്ലാറ്റ്ഫോം; തലമുറ മാറ്റവുമായി Fortuner എസ്യുവി അടുത്ത വർഷം എത്തും
ഇന്ത്യയിൽ ടൊയോട്ടയ്ക്കായി വർഷങ്ങളായി അതത് സെഗ്മെന്റുകളിൽ ആധിപത്യം പുലർത്തുന്ന ഏറ്റവും മികച്ച വിൽപ്പനയുള്ള രണ്ട് മോഡലുകളാണ് ഫോർച്യൂണറും ഇന്നോവ ക്രിസ്റ്റയും. നിലവിൽ രണ്ട് മോഡലുകളുടെയും പുതുതലമുറ ആവർത്തനങ്ങളുടെ പണിപ്പുരയിലാണ് ജാപ്പനീസ് വാഹന നിർമാതാക്കൾ.
ഒരു പുതിയ മോണോകോക്ക് പ്ലാറ്റ്ഫോമിനെ അടിസ്ഥാനമാക്കി ഈ വർഷാവസാനം ഒരു പുതിയ തലമുറയിലേക്ക് മാറുന്നതിനാൽ ഇന്നോവയ്ക്ക് ഒരു വലിയ നവീകരണം ലഭിക്കും. അതേസമയം ഒരു പുതിയ ഫോർച്യൂണർ അടുത്ത വർഷം തുടക്കത്തോടെ വിപണിയിൽ എത്തുമെന്നാണ് പ്രതീക്ഷിക്കുന്നത്.
തലമുറമാറ്റം ലഭിക്കുന്ന ഫുൾ-സൈസ് എസ്യുവി അടുത്ത വർഷം ആദ്യം തായ്ലൻഡിലും പിന്നീട് ലോകമെമ്പാടുമുള്ള തെരഞ്ഞെടുത്ത മറ്റ് വിപണികളിലും അവതരിപ്പിക്കുമെന്നാണ് ലഭിക്കുന്ന സൂചനകൾ. നിലവിലുള്ള രണ്ടാം തലമുറ ഫോർച്യൂണർ 2015 മുതൽ ആഗോള വിപണിയിൽ വിൽപ്പനയ്ക്ക് എത്തുന്ന മോഡലാണ്. പഴയ മോഡലിന്റെ നേതൃത്വം നിലനിർത്താൻ ഇത് 2016-ൽ ഇന്ത്യയിലും പ്രവേശിച്ചു.
MOST READ: Maruti Vitara Brezza Vs Nissan Magnite: സ്പെസിഫിക്കേഷന് & ഏറ്റവും പുതിയ വില താരതമ്യം
മൂന്നാം തലമുറ ഫോർച്യൂണർ ഇന്ത്യയിലെത്തുന്നതിന് മുമ്പ് തായ്ലൻഡ് പോലുള്ള വിപണികളിൽ വിൽപ്പനയ്ക്കെത്തും. വലിയ ഹരിതഗൃഹത്തെ പ്രാപ്തമാക്കുന്ന ഉയരമുള്ള പില്ലറുകളുള്ള ഫോർച്യൂണറിന്റെ അടിസ്ഥാന രൂപഘടന നിലനിർത്തിയാകും ടൊയോട്ട ഫുൾ-സൈസ് എസ്യുവിയുടെ പുതിയ മോഡലിനെയും അണിയിച്ചൊരുക്കുക.
പുതിയ പരിഷ്ക്കാരങ്ങളിലേക്ക് നോക്കിയാൽ സ്വൂപ്പിംഗ് ബോണറ്റിന് പുറമെ ഷാർപ്പ്-ലുക്ക് ഹെഡ്ലാമ്പുകൾ, ഫോഗ് ലാമ്പ് സെക്ഷൻ, ഗ്രിൽ എന്നിവയിൽ ചെറിയ മാറ്റങ്ങൾ കാണാനായേക്കും. സംയോജിത സ്പോയിലർ, ഷാർക്ക് ഫിൻ ആന്റിന, റാപ്പ്റൗണ്ട് ടെയിൽ ലാമ്പുകൾ, ടെയിൽഗേറ്റ് എന്നിവയുള്ള പിൻഭാഗം ചെറിയ അപ്ഡേറ്റുകളോടെ തുടരാം.
MOST READ: Jimny മുതൽ Gurkha 5 ഡോർ വരെ; ഇന്ത്യയിൽ ഉടൻ വരാനിരിക്കുന്ന ഓഫ്റോഡ് എസ്യുവികൾ
ഇന്നോവ ക്രിസ്റ്റയുടെയും ഹിലക്സിന്റെയും അതേ iMV പ്ലാറ്റ്ഫോമിലാണ് നിലവിലുള്ള മോഡൽ ഇരിക്കുന്നത്. ടിഎൻജിഎ-ബി പ്ലാറ്റ്ഫോമിന്റെ പരമ്പരാഗത FWD ലേഔട്ടിലേക്ക് ഇന്നോവ മാറുമെന്ന് ടൊയോട്ട ഇതിനോടകം സ്ഥിരീകരിച്ചിട്ടുണ്ടെങ്കിലും ഫോർച്യൂണർ എങ്ങനെയാവും ഒരുക്കുക എന്നതിൽ ഇതുവരെ ഒരറിവും ലഭ്യമായിട്ടില്ല. പക്ഷേ ഓഫ്-റോഡിങ്ങിന് നൽകിയിരിക്കുന്ന നേട്ടങ്ങൾ കാരണം ലാഡർ ഫ്രെയിം ഷാസി തുടരാനാണ് സാധ്യതയേറുന്നത്.
ബ്രാൻഡിന്റെ വലിയ ബോഡി-ഓൺ-ഫ്രെയിം എസ്യുവികൾക്കും ഫുൾ സൈസ് പിക്കപ്പ് ട്രക്കുകൾക്കും അടിവരയിടുന്ന ടൊയോട്ടയുടെ TNGA-F പ്ലാറ്റ്ഫോമിനെ അടിസ്ഥാനമാക്കിയായിരിക്കും അടുത്ത തലമുറ ഫോർച്യൂണർ നിർമിക്കുക എന്ന ശക്തമായ അഭ്യൂഹങ്ങളും നിലവിലുണ്ട്.
2,850-4,180 mm വീൽബേസ് ദൈർഘ്യത്തെ ഈ പ്ലാറ്റ്ഫോം പിന്തുണയ്ക്കുന്നുണ്ട്. ഈ ആർക്കിടെക്ച്ചർ നിലവിൽ ലാൻഡ് ക്രൂയിസ് J300, ലെക്സസ് എൽഎക്സ്, ടൊയോട്ട സെക്വോയ, ടൊയോട്ട തൺട്ര എന്നിവയ്ക്ക് അടിവരയിടുന്നതിനാലാണ് പുതിയ ഫോർച്യൂണറും ഇതേ രീതിയിലേക്ക് മാറുമെന്ന വാർത്തകൾ പുറത്തുവരാൻ കാരണം.
എന്തായാലും പുതിയ ഫീച്ചറുകളും സാങ്കേതികവിദ്യയും ചേർക്കുന്നതിനൊപ്പം മെക്കാനിക്കൽ മാറ്റങ്ങൾക്കും എസ്യുവി വിധേയമാകുമെന്നാണ് ഉറപ്പാണ്. കൂടുതൽ എളുപ്പമുള്ള ഡ്രൈവിനായി ഫോർച്യൂണറിലെ ഹൈഡ്രോളിക് പവർ സ്റ്റിയറിംഗ് ഒരു പുതിയ ഇലക്ട്രിക് പവർ സ്റ്റിയറിംഗിന് അനുകൂലമായി ഒഴിവാക്കപ്പെടും.
കൂടാതെ ഇത് ഇലക്ട്രോണിക് പ്ലാറ്റ്ഫോമിൽ വലിയ മാറ്റം ആവശ്യപ്പെടുന്നുണ്ട്. മെച്ചപ്പെട്ട ഇലക്ട്രോണിക് നിയന്ത്രിത VSC (വെഹിക്കിൾ സ്റ്റെബിലിറ്റി കൺട്രോൾ) എന്നിവയും ഇത് പ്രശംസിക്കും. ആഗോളതലത്തിൽ ആക്റ്റീവ് ക്രൂയിസ് കൺട്രോൾ, പ്രീ-കൊളിഷൻ വാർണിംഗ്, ലെയിൻ ഡിപ്പാർച്ചർ വാണിംഗ് തുടങ്ങിയ സഹായ സാങ്കേതികവിദ്യകളോടെയാണ് ഫോർച്യൂണർ ഇതിനകം വിറ്റഴിക്കപ്പെടുന്നത്.
മൂന്നാം തലമുറയ്ക്ക് ഇന്ത്യയിലും അത്തരം സാങ്കേതികവിദ്യ ലഭിക്കുമെന്ന് നമുക്ക് പ്രതീക്ഷിക്കാം. ഇത് പനോരമിക് സൺറൂഫിനൊപ്പം പുതിയ ടൊയോട്ട ഫോർച്യൂണർ എസ്യുവി വരുന്നതിനാൽ ചെലവ് വർധിപ്പിക്കും. ഉയർന്നു വരുന്ന മത്സരത്തിന് മറുപടിയായി ടൊയോട്ട സേഫ്റ്റി സെൻസ് സ്യൂട്ടിനും പുതിയ കൂട്ടിച്ചേർക്കലുകൾ ലഭിക്കുമെന്നാണ് അനുമാനം.
മൊത്തത്തിലുള്ള കാര്യക്ഷമത മെച്ചപ്പെടുത്തുന്നതിനും കർശനമായ മലിനീകരണ നിയന്ത്രണങ്ങൾ പാലിക്കുന്നതിനുമായി ഒരു സംയോജിത സ്റ്റാർട്ടർ ജനറേറ്റർ സാങ്കേതികവിദ്യ ഉപയോഗിച്ച് ഡീസൽ ഹൈബ്രിഡ് എഞ്ചിനും പുതുതലമുറ മോഡലിൽ ടൊയോട്ട അവതരിപ്പിക്കും. എംജി ഗ്ലോസ്റ്റർ, ഇസൂസു MU-X, മഹീന്ദ്ര ആൾട്യൂറാസ് G4, അടുത്തിടെ പുറത്തിറക്കിയ ജീപ്പ് മെറിഡിയൻ, ഫോക്സ്വാഗൺ ടിഗുവാൻ, സ്കോഡ കൊഡിയാക് എന്നിവയ്ക്കെതിരെയാണ് ഫുൾ സൈസ് എസ്യുവി മത്സരിക്കുന്നത്.
പുതുതലമുറ ഫോർച്യൂണർ അവതരിപ്പിക്കുന്നതിനു മുന്നോടിയായി മാരുതി സുസുക്കിയുമായി സഹകരിച്ച് വികസിപ്പിച്ചെടുത്ത ഏറ്റവും പുതിയ ഗ്ലാൻസ, പുതുതലമുറ ഇന്നോവ, പുതിയ ഇടത്തരം എസ്യുവി എന്നിവ ഇന്ത്യയിലേക്ക് എത്തും.