Just In
- 5 hrs ago ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ്
- 8 hrs ago ഇതൊരു ബൂം ചിക്കാ വാവ മൊമെന്റ്; കേരളത്തിന് ആദ്യമായി ഡബിൾ ഡക്കർ ട്രെയിൻ
- 8 hrs ago ഉന്നം നെക്സോണും ബ്രെസയും തന്നെ, ഹൈപ്പുയർത്തി മഹീന്ദ്രയുടെ കുഞ്ഞൻ എസ്യുവിയുടെ പുത്തൻ ടീസർ
- 9 hrs ago 150 രൂപക്ക് വിമാനത്തില് പറക്കാം! സിനിമ ടിക്കറ്റിന്റെ പൈസക്ക് വിമാനയാത്ര സാധ്യമാകുന്ന റൂട്ട് കേരളത്തിലുമുണ്ട്
Don't Miss
- Movies മകൻ അച്ഛനെ കാണാറുണ്ട്; ആദ്യ വിവാഹ ബന്ധം പിരിഞ്ഞപ്പോൾ; തനിക്ക് മാത്രമല്ല ഇത് സംഭവിച്ചതെന്നും മേതിൽ ദേവിക
- News ശൈലജക്കെതിരായ ദുഷ്പ്രചരണം; പിന്നില് ഈ മൂവര്സംഘമെന്ന് വികെ സനോജ്
- Lifestyle അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക്
- Sports IPL 2024: ഗില്ലിനെക്കൊണ്ടാവില്ല! ഹാര്ദിക് പാണ്ഡ്യ മടങ്ങി വരൂ..., ആവശ്യപ്പെട്ട് ജിടി ആരാധകര്
- Finance എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി
- Technology 2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും
- Travel ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
കാഴ്ച്ചയിൽ സുന്ദരൻ, ഫീച്ചറിൽ ധാരാളി! യാരിസിന്റെ പുതുതലമുറ മോഡലുമായി അവതരിച്ച് Toyota
ഇന്ത്യയിൽ പുതിയ തന്ത്രങ്ങൾ ആവിഷ്ക്കരിക്കുന്നതിന്റെ ഭാഗമായി മോഡൽ നിരയിലാകെ മാറ്റം നടപ്പിലാക്കുകയാണ് ടൊയോട്ട. ഇന്നോവ, ഫോർച്യൂണർ ബ്രാൻഡുകൾ സൃഷ്ടിച്ച വിജയ തരംഗം മറ്റുമോഡലുകളിലൂടെ ആവർത്തിക്കാനാണ് ജാപ്പനീസ് വാഹന നിർമാതാക്കളുടെ പദ്ധതി.
അതിന്റെ ഭാഗമായി ഡിമാന്റില്ലാതിരുന്ന യാരിസ് സെഡാനെയെല്ലാം ലൈപ്പിൽ നിന്നും ഒഴിവാക്കിയ ടൊയോട്ട ഹൈറൈഡർ എന്ന പുത്തൻ മിഡ്-സൈസ് എസ്യുവി പോലെയുള്ള കിടിലൻ വാഹനങ്ങളുമായാണ് ഇനി വരുന്നത്. ഗ്ലാൻസയും അർബൻ ക്രൂയിസറും മുമ്പ് ശരിക്കും റീബ്രാൻഡ് ചെയ്ത വാഹനങ്ങളായിരുന്നു.
എന്നാൽ ഇപ്പോൾ ഗ്ലാൻസയിൽ കണ്ടതു പോലെ ഒരു പുതുമ സൃഷ്ടിക്കാൻ ടൊയോട്ട ഡിസൈനുകളിൽ തങ്ങളുടേതായ സംഭാവ നൽകിയാണ് മിനുക്കിയെടുക്കുന്നത്. AWD, സ്ട്രോംഗ് ഹൈബ്രിഡ് ആർക്കിടെക്ച്ചർ എന്നിവയ്ക്കൊപ്പം ടൊയോട്ട ഇന്ത്യയിൽ ഹൈറൈഡറും അവതരിപ്പിക്കുകയാണ്. കുറച്ച് വർഷങ്ങൾക്ക് മുമ്പേ ടൊയോട്ട ചെയ്യേണ്ടിയിരുന്നതാണ് ഇക്കാര്യങ്ങൾ.
MOST READ: വേഗതയുടെ രാജകുമാരൻ; പോൾ വാക്കറിന്റെ 1973 Porsche 911 Carrera RS 2.7 ലേലത്തിനെത്തുന്നു
എന്തായാലും അൽപം വൈകിയാണെങ്കിലും ബോധം വന്ന ടൊയോട്ട പുതിയ പദ്ധതികളിലൂടെയാണ് ഇപ്പോൾ മുന്നോട്ടുപോവുന്നത്. നേരത്തെ മാരുതി സുസുക്കിയുമായി ബിസിനസ് റീബ്രാൻഡ് ചെയ്യുന്നതിനിടയിൽ ടൊയോട്ട ഇന്ത്യയിൽ ഒരു തദ്ദേശീയ വാഹനമായ യാരിസ് സെഡാൻ പുറത്തിറക്കി.
എന്നിലിത് TNGA പ്ലാറ്റ്ഫോമിനെ അടിസ്ഥാനമാക്കിയുള്ള യൂറോപ്പിലുണ്ടായിരുന്ന യാരിസിൽ നിന്ന് ഉരുത്തിരിഞ്ഞതല്ല. പകരം ഏഷ്യൻ വിപണികളിൽ നിന്ന് കുറഞ്ഞ വിലയുള്ള DNGA പ്ലാറ്റ്ഫോം അടിസ്ഥാനമാക്കിയാണ് പ്രീമിയം സി-സെഗ്മെന്റ് സെഡാനെ കമ്പനി മെനഞ്ഞെടുത്തത്.
MOST READ: Honda CB300F vs KTM Duke 250 vs Bajaj Dominar 400 vs Suzuki Gixxer; വില വ്യത്യാസം ഇങ്ങനെ
എന്നാൽ ഹോണ്ട സിറ്റി, ഹ്യുണ്ടായി വേർണ പോലുള്ള എതിരാളികൾക്ക് മുന്നിൽ പിടിച്ചു നിൽക്കാനാവാതിരുന്ന യാരിസിനെ പോയ വർഷം കമ്പനി നിർത്തലാക്കുകയും ചെയ്തു. ദേ ചില ആകർഷകമായ പരിഷ്ക്കാരങ്ങളോടെ യാരിസ് വീണ്ടും വിപണിയിലെത്തിയിരിക്കുകയാണ്. പക്ഷേ, ഇന്ത്യയിൽ അല്ലെന്നു മാത്രം. ചില ഏഷ്യൻ വിപണികളിൽ യാരിസ് ആറ്റിവ്, വിയോസ് എന്നീ പേരുകളിലാണ് അറിയപ്പെടുന്നത്. എങ്കിലും നമുക്ക് പരിചിതമായി പേരിൽ വാഹനത്തെ വിശേഷിപ്പിക്കുന്നതല്ലേ നല്ലത്?
യാരിസ് സെഡാന്റെ പുതിയ ജെൻ മോഡൽ ടൊയോട്ട തായ്ലൻഡിലാണ് അരങ്ങേറ്റം കുറിച്ചിരിക്കുന്നത്. ഈ പുതുതലമുറ മോഡലും ഡൈഹാറ്റ്സു-ഉത്ഭവിച്ച DNGA പ്ലാറ്റ്ഫോമിനെ അടിസ്ഥാനമാക്കിയുള്ളതാണ്. എന്നാൽ നിലവിലുണ്ടായിരുന്ന പതിപ്പുകളെ അപേക്ഷിച്ച് കൂടുതൽ മിടുക്കനായി ഫീച്ചറുകളാൽ സമ്പന്നവുമായാണ് പുതുതലമുറ ആവർത്തനം ഇപ്പോൾ പുറത്തിറക്കിയിരിക്കുന്നത്.
MOST READ: അമ്പോ ഗൂർഖയുടെ 13 സീറ്റർ! പുതിയ വേരിയന്റും വിപണിയിലേക്കോ? ആദ്യ ചിത്രങ്ങൾ പുറത്ത്
പുതിയതും വലുതുമായ ഗ്രില്ലും സ്റ്റൈലിഷ് പുതിയ എൽഇഡി ഹെഡ്ലൈറ്റുകളും എൽഇഡി ഡിആർഎല്ലുകളും ലഭിക്കുന്നതിനാൽ മുൻവശത്താണ് മിക്ക മാറ്റങ്ങളും കാണാനാവുന്നത്. കാമ്രിയിൽ കണ്ടതുപോലെ ഗ്രില്ലിന് തിരശ്ചീന സ്ലാറ്റുകൾ ഉണ്ട്. ഹെഡ്ലൈറ്റിന്റെ ആകൃതി ലെക്സസിൽ നിന്ന് പ്രചോദനം ഉൾക്കൊണ്ടതാണെന്നും തോന്നിയേക്കാം.
അതേസമയം സെഡാന്റെ ടെയിൽ വിഭാഗത്തിന് ഇപ്പോൾ പുത്തൻ എൽഇഡി ടെയിൽ-ലൈറ്റുകളും തുടർച്ചയായി സ്പന്ദിക്കുന്ന എൽഇഡി ഇൻഡിക്കേറ്ററുകളും കൂപ്പെ-പ്രചോദിതമായ ആകൃതിയാണ് വിളിച്ചോതുന്നത്. പിൻവശത്തായി ഒരു സ്പോയിലർ സമ്മാനിച്ചിരിക്കുന്നതും ഏറെ ആകർഷകമായ കാര്യമാണ്.
ഇനി അകത്തളത്തിലേക്ക് നോക്കിയാൽ 2023 ടൊയോട്ട യാരിസ് സെഡാന് ആൻഡ്രോയിഡ് ഓട്ടോയും ആപ്പിൾ കാർപ്ലേയും ഉള്ള 9 ഇഞ്ച് ഫ്രീ സ്റ്റാൻഡിംഗ് ഇൻഫോടെയ്ൻമെന്റ് സ്ക്രീൻ, നല്ല മെറൂൺ ഷേഡ് അപ്ഹോൾസ്റ്ററി, 6 സ്പീക്കറുകളുള്ള പയനിയർ സൗണ്ട് സിസ്റ്റം എന്നിവയെല്ലാം കാണാം.
അതോടൊപ്പംക്ലൈമറ്റ് കൺട്രോൾ, ആംബിയന്റ് ലൈറ്റിംഗ്, ഇലക്ട്രോണിക് ഹാൻഡ്ബ്രേക്ക്, 360 ഡിഗ്രി ക്യാമറ , ലെവൽ-1 ഡ്രൈവർ സഹായ സവിശേഷതകളും ഒരു ഫങ്ഷണൽ ഡാഷ്ബോർഡ് ലേഔട്ട് എന്നീ സംവിധാനങ്ങളുമെല്ലാം ടൊയോട്ട ഒരുക്കിയിട്ടുണ്ട്.
തായ്ലൻഡിൽ സ്പോർട്ട്, സ്മാർട്ട്, പ്രീമിയം, പ്രീമിയം ലക്ഷ്വറി എന്നിങ്ങനെ നാല് വേരിയന്റുകളിലാണ് പുതിയ ടൊയോട്ട യാരിസ് വാഗ്ദാനം ചെയ്യുന്നത്. 2023 യാരിസിന്റെ വില 539,000 തായ് ബാറ്റ് മുതൽ ആരംഭിക്കുന്നു. സ്പോർട് വേരിയന്റിന് ഏകദേശം 12.08 ലക്ഷം രൂപ വരെയും മുടക്കേണ്ടി വരും.
എഞ്ചിൻ സ്പെസിഫിക്കേഷനുകളെക്കുറിച്ച് പറയുമ്പോൾ എല്ലാ വേരിയന്റുകളിലും 1.2 ലിറ്റർ പെട്രോൾ എഞ്ചിനാണ് പ്രവർത്തിക്കുന്നത്. എന്നാൽ ഗിയർബോക്സ് ഓപ്ഷനിൽ സിവിടി ഓട്ടോമാറ്റിക് മാത്രമാണ് ലഭ്യമാവുക. കാറിന്റെ ഇന്ധനക്ഷമത ഉയർന്നതാണെന്നും ഏഷ്യൻ വിപണികളെ ആകർഷിക്കുമെന്നും ഇത് ഉറപ്പാക്കുന്നു.
പുതിയ യാരിസ് ഇന്ത്യയിൽ അവതരിപ്പിക്കാനുള്ള പദ്ധതികൾ ടൊയോട്ട സ്ഥിരീകരിച്ചിട്ടില്ല. എങ്കിലും സ്കോഡ സ്ലാവിയ പോലുള്ള പ്രീമിയം സെഡാനുകൾക്ക് ഡിമാന്റ് ലഭിക്കുന്നത് കണക്കിലെടുക്കുമ്പോൾ ടൊയോട്ട യാരിസിനെ കൂടുതൽ മിടുക്കനാക്കിയിരിക്കുന്നതിനാൽ പഴയതിനേക്കാൾ ഉയർന്ന ഡിമാന്റ് ലഭിച്ചേക്കാം.