Just In
- 2 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 4 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 5 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 6 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
Don't Miss
- Lifestyle പുതിയ ഭൂമിയാകുമോ എന്സിലാഡസ്? ശനിയുടെ ഈ ചന്ദ്രനില് ജീവന് വേണ്ട എല്ലാ ചേരുവകളും
- Movies വീട്ടിൽ ഇൻകം ടാക്സ് റെയ്ഡ്; കൂസലില്ലാതെ രേഖ; നടിക്കൊപ്പം ഇന്റിമേറ്റ് രംഗങ്ങളിൽ അഭിനയിച്ചപ്പോൾ; ശേഖർ സുമൻ
- News അംബേദ്കറെ അപമാനിച്ചു, രാജ്യത്തെ തകര്ക്കാന് നോക്കുന്നു; കോണ്ഗ്രസിനെ വിടാതെ പ്രധാനമന്ത്രി
- Sports IPL 2024: തലയെ വീഴ്ത്തി റുതുരാജ്, ധോണിയുടെ വമ്പന് റെക്കോഡ് തകര്ന്നു! ഇനി ഒന്നാമന്
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
വില കാത്ത് എസ്യുവി പ്രേമികൾ, Scorpio N ഓട്ടോമാറ്റിക് വേരിയന്റുകളുടെ കൂടുതൽ വിവരങ്ങളുമായി Mahindra
പുതുപുത്തൻ സ്കോർപിയോ N മാനുവൽ വേരിയന്റിനെ ഇന്ത്യയിൽ അവതരിപ്പിച്ച് വിലയും പ്രഖ്യാപിച്ച് ശ്രദ്ധനേടിയ മഹീന്ദ്ര ആൻഡ് മഹീന്ദ്ര എസ്യുവിയുടെ ആറ്, ഏഴ് സീറ്റ് ഓപ്ഷനുകളിലുള്ള പെട്രോൾ, ഡീസൽ ഓട്ടോമാറ്റിക് വേരിയന്റുകളുടെ വില ജൂലൈ 21-ന് പ്രഖ്യാപിക്കാനിരിക്കുകയാണ്.
ഓട്ടോമാറ്റിക് വേരിയന്റുകൾക്ക് കൂടുതൽ ഡിമാന്റ് ലഭിക്കുന്ന ഈ കാലഘട്ടത്തിൽ സ്കോർപിയോ N മോഡലും ഗിയർലെസിലേക്ക് എത്തുമ്പോൾ മാറ്റുകൂടും. സ്പോർട്സ് യൂട്ടിലിറ്റി വാഹനത്തിന്റെ ഓട്ടോമാറ്റിക് ഓപ്ഷനുകളുടെ വില വെളിപ്പെടുത്തുന്നതിന് മുമ്പ് വേരിയന്റിനെക്കുറിച്ചും കളർ ഓപ്ഷനുകളെക്കുറിച്ചുമുള്ള വിവരങ്ങൾ പുറത്തുവിട്ടിരിക്കുകയാണ് കമ്പനിയിപ്പോൾ.
മഹീന്ദ്ര സ്കോർപിയോ N പെട്രോൾ ഓട്ടോമാറ്റിക് ആറ് സീറ്റ്, ഏഴ് സീറ്റ് ഓപ്ഷനുകളിൽ ലഭ്യമാകും. സെവൻ സീറ്റർ പതിപ്പ് Z4, Z8, Z8L എന്നീ മൂന്ന് വേരിയന്റ് ഓപ്ഷനുകളിൽ ലഭിക്കും. ആറ് സീറ്റർ ഓപ്ഷൻ സിംഗിൾ ടോപ്പ് എൻഡ് Z8L വേരിയന്റിലാവും ലഭ്യമാവുക.
MOST READ: ദീപാവലി കളറാക്കാനൊരുങ്ങി കാർ നിർമ്മാതാക്കൾ; ഉടനടി വിപണിയിൽ എത്താനൊരുങ്ങുന്ന മോഡലുകൾ
ഡാസ്ലിംഗ് സിൽവർ, ഡീപ് ഫോറസ്റ്റ്, എവറസ്റ്റ് വൈറ്റ്, നാപ്പോളി ബ്ലാക്ക്, റെഡ് റേജ് എന്നിങ്ങനെ അഞ്ച് സ്റ്റാൻഡേർഡ് കളർ ഓപ്ഷനുകളാണ് എസ്യുവിക്ക് മഹീന്ദ്ര സമ്മാനിക്കുക. ഈ സ്റ്റാൻഡേർഡ് കളർ ഓപ്ഷനുകൾക്ക് പുറമേ സ്കോർപിയോ N പതിപ്പിന്റെ Z8, Z8L വേരിയന്റുകളിൽ ഗ്രാൻഡ് കാന്യോൺ, റോയൽ ഗോൾഡ് എന്നീ രണ്ട് കളർ ഓപ്ഷനുകൾ കൂടി ലഭിക്കും.
മഹീന്ദ്ര സ്കോർപിയോ N ഡീസൽ ഓട്ടോമാറ്റിക് മോഡലുകളും ആറ് സീറ്റ്, ഏഴ് സീറ്റ് ഓപ്ഷനുകളിൽ സ്വന്തമാക്കാനാവും. എസ്യുവിയുടെ ഏഴ് സീറ്റർ പതിപ്പ് Z4, Z6, Z8, Z8 4WD, Z8L, Z8L 4WD എന്നിങ്ങനെ ആറ് വേരിയന്റ് ഓപ്ഷനുകളിലാണ് വാഗ്ദാനം ചെയ്യുക. 6 സീറ്റുകളുള്ള ഓപ്ഷൻ ഒരൊറ്റ ടോപ്പ് എൻഡ് Z8L വേരിയന്റിലുമാവും കമ്പനി വിപണിയിൽ അണിനിരത്തുക.
എസ്യുവിയുടെ ഡീസൽ പതിപ്പിന് അഞ്ച് സ്റ്റാൻഡേർഡ് കളർ ഓപ്ഷനുകളാവും ഉണ്ടായിരിക്കുക. ഡാസ്ലിംഗ് സിൽവർ, ഡീപ് ഫോറസ്റ്റ്, എവറസ്റ്റ് വൈറ്റ്, നാപ്പോളി ബ്ലാക്ക്, റെഡ് റേജ്. ഈ സ്റ്റാൻഡേർഡ് കളർ ഓപ്ഷനുകൾക്ക് പുറമേ Z8, Z8 4WD, Z8L, Z8L 4WD വേരിയന്റുകളിൽ ഗ്രാൻഡ് കാന്യോൺ, റോയൽ ഗോൾഡ് എന്നീ രണ്ട് കളർ ഓപ്ഷനുകൾ കൂടി മഹീന്ദ്ര സ്കോർപിയോയെ അണിനിരത്തും.
പുത്തൻ സ്കോർപിയോ N മോഡലിനായുള്ള ബുക്കിംഗുകൾ ജൂലൈ 30 മുതൽ ആരംഭിക്കും. 11.99 ലക്ഷം മുതൽ 19.49 ലക്ഷം രൂപ വരെയാണ് പുത്തൻ സ്കോർപിയോ N പതിപ്പിന്റെ പെട്രോൾ, ഡീസൽ മാനുവൽ വേരിയന്റുകൾക്കായി ഇന്ത്യയിൽ മുടക്കേണ്ടി വരുന്ന എക്സ്ഷോറൂം വിലയെന്നാണ് മഹീന്ദ്ര അറിയിച്ചിരിക്കുന്നത്.
എന്നാൽ നിലവിലെ വിലകൾ (ഓട്ടോമാറ്റിക്, 4WD എന്നിവയുൾപ്പെടെ) ആദ്യത്തെ 25,000 ബുക്കിംഗുകൾക്ക് മാത്രമേ ബാധകമാകൂ എന്നതാണ് അതിൽ ശ്രദ്ധിക്കേണ്ടത്.അതിനുശേഷം ആമുഖ വിലയിൽ കമ്പനി വില വർധനവും പ്രഖ്യാപിക്കും.
എസ്യുവികളുടെ ബിഗ് ഡാഡി എന്നു വിശേഷിപ്പിക്കുന്ന സ്കോർപിയോ N മോഡലിന് രണ്ട് എഞ്ചിൻ ഓപ്ഷനുകളാണ് തുടിപ്പേകാൻ എത്തുന്നത്. അതിൽ 203 bhp കരുത്തുള്ള 2.0 ലിറ്റർ ടർബോ പെട്രോൾ, 132 bhp അല്ലെങ്കിൽ 175 bhp എന്നിങ്ങനെ രണ്ട് വ്യത്യസ്ത ട്യൂണിലുള്ള 2.2 ലിറ്റർ ഡീസൽ എന്നിവയാണ് ഉൾപ്പെടുന്നത്.
6 സ്പീഡ് മാനുവൽ, ഓട്ടോമാറ്റിക് ഗിയർബോക്സുകൾക്കൊപ്പം സ്കോർപിയോ N ഉപഭോക്താക്കൾക്ക് യഥേഷ്ടം തെരഞ്ഞെടുക്കാം. മിഡ്-സൈസ് സ്പോർട്സ് യൂട്ടിലിറ്റി വാഹനത്തിന്റെ ഡീസൽ വേരിയന്റുകൾക്ക് ഓപ്ഷണൽ ഷിഫ്റ്റ്-ഓൺ-ഫ്ലൈ 4WD, ലോ-റേഞ്ച് ഗിയർബോക്സ്, ഫ്രണ്ട് ലോക്ക് ബ്രേക്കിംഗ് ഡിഫറൻഷ്യൽ, റിയർ മെക്കാനിക്കൽ ഡിഫറൻഷ്യൽ, ട്രാക്ഷൻ കൺട്രോൾ മോഡുകൾ എന്നിവയെല്ലാം മഹീന്ദ്ര വാഗ്ദാനം ചെയ്യുമെന്നതാണ് മറ്റൊരു പ്രത്യേകത.
ഇലക്ട്രിക് സൺറൂഫ്, ഡ്യുവൽ സോൺ എസി, ക്രൂയിസ് കൺട്രോൾ, ഇൻ-ബിൽറ്റ് അലക്സയും കണക്റ്റഡ് കാർ ടെക്, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവ ഉള്ള 8 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ്, വയർലെസ് ചാർജിംഗ്, 17.78 സെന്റിമീറ്റർ ഡിജിറ്റൽ MID ഡിസ്പ്ലേ, സ്പോർട്ടി സ്റ്റിയറിംഗ് വീൽ എന്നീ അത്യാധുനിക ഫീച്ചർ സംവിധാനങ്ങളുമായാണ് സ്കോർപിയോ N എസ്യുവിയെ ഇത്തവണ മിനുക്കിയെടുത്തിരിക്കുന്നത്.