Just In
- 35 min ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 1 hr ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 1 hr ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 1 hr ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- News 89 സീറ്റുകള്, 55ലും ബിജെപി, രണ്ടാം ഘട്ടത്തില് പോരാട്ടം ഈ സീറ്റുകളില്; കേസ് കൂടുതല് കേരളത്തില്
- Lifestyle പ്രശ്നം നിങ്ങളുടേതായിരിക്കില്ല, പക്ഷേ പങ്കാളി എത്ര പ്രകോപിപ്പിച്ചാലും ഈ ഒരു കാര്യം ചെയ്യരുത്
- Movies ഞാനും അണ്ഡം ശീതികരിച്ച് വെക്കുകയാണ്! പിന്നീട് കുഞ്ഞിന് ജന്മം കൊടുക്കാൻ ഉദ്ദേശിക്കുന്നതിനെ പറ്റി മൃണാൽ താക്കൂർ
- Sports T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത്
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Technology ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
Glanza, Urban Cruiser മോഡലുകള്ക്ക് ഫെയ്സ്ലിഫ്റ്റ് പതിപ്പുമായി Toyota
മാരുതി നിരയില് നിന്നും വൈകാതെ പുതുതലമുറ ബലേനോയും ബ്രെസയും വരും ആഴ്ചകളില് അരങ്ങേറുമെന്നതിനാല്, ടൊയോട്ടയും റീബാഡ് ചെയ്ത പതിപ്പുകളായി വിപണിയില് എത്തിക്കുന്ന ഗ്ലാന്സയിലും അര്ബന് ക്രൂയിസറിലും ഈ മാറ്റങ്ങള് നടപ്പാക്കിയേക്കുമെന്ന് റിപ്പോര്ട്ട്.
ഗ്ലാന്സയ്ക്കും അര്ബന് ക്രൂയിസറിനും മാന്യമായ വിപണി പ്രതികരണമാണ് ലഭിച്ചക്കുന്നത്. നിലവിലെ ഈ സ്ഥിതി നിലനിര്ത്താനാണ് ടൊയോട്ടയും ആഗ്രഹിക്കുന്നത്. ഗ്ലാന്സയുടെയും അര്ബന് ക്രൂയിസറിന്റെയും പുതുക്കിയ പതിപ്പുകള് വില്പ്പന വര്ധിപ്പിക്കാന് സഹായിച്ചേക്കുമെന്നും കമ്പനി വ്യക്തമാക്കി.
2022 ടൊയോട്ട ഗ്ലാന്സ
2022 ബലെനോയില് അവതരിപ്പിക്കുന്ന മിക്ക അപ്ഡേറ്റുകളും ഗ്ലാന്സയ്ക്ക് ലഭിക്കും. ഏറ്റവുമധികം വിറ്റഴിക്കപ്പെടുന്ന പ്രീമിയം ഹാച്ച്, പുറംഭാഗത്തും അകത്തളങ്ങളിലും കോസ്മെറ്റിക് മെച്ചപ്പെടുത്തലുകള് ഉള്പ്പെടെ ഒരു വലിയ നവീകരണത്തിനാണ് വിധേയമാകുന്നത്.
ഡാഷ്ബോര്ഡും ക്യാബിനും പൂര്ണ്ണമായും പുതിയതായിരിക്കുമെന്ന് പ്രതീക്ഷിക്കുന്നു. 2022 ബലേനോയ്ക്കൊപ്പം നിരവധി ക്ലാസ്-ലീഡിംഗ് ഫീച്ചറുകള് വാഗ്ദാനം ചെയ്യാനും സാധ്യതയുണ്ട്.
ഹ്യുണ്ടായി, കിയ എന്നിവയില് നിന്നുള്ള അതാത് ഓഫറുകള്ക്കെതിരെ മികച്ച കഴിവുകള് സൃഷ്ടിക്കുക എന്നതാണ് ഇതിന്റെ പ്രാഥമിക ലക്ഷ്യം. ദക്ഷിണ കൊറിയന് കാര് നിര്മ്മാതാക്കള് സെഗ്മെന്റ്-ഫസ്റ്റ്, മികച്ച ഇന്-ക്ലാസ് സവിശേഷതകള് വാഗ്ദാനം ചെയ്ത് ശ്രേണിയില് മുന്നേറുകയാണ്. ഇത് മനസ്സിലാക്കിയാകും പുതിയ മോഡലിനെ മാരുതിയും കളത്തില് ഇറക്കുക.
ബലേനോയ്ക്കും ഗ്ലാന്സയ്ക്കും സമാനമായ പ്രശസ്തി സൃഷ്ടിക്കുന്നതിന്, കാറുകള്ക്ക് ഫ്രീ-സ്റ്റാന്ഡിംഗ് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, ഹെഡ്സ് അപ്പ് ഡിസ്പ്ലേ (HUD), വയര്ലെസ് ചാര്ജിംഗ്, ആന്ഡ്രോയിഡ് ഓട്ടോ, ആപ്പിള് കാര്പ്ലേ എന്നിവയ്ക്കുള്ള പിന്തുണ തുടങ്ങിയ സവിശേഷതകളും ലഭിക്കും.
ഒരു പുതിയ കണക്റ്റിവിറ്റി ഫീച്ചറുകളും വാഹനത്തില് പ്രതീക്ഷിക്കാം. ശക്തമായ ഷാസി, പാസഞ്ചര് കര്ട്ടന് എയര്ബാഗുകള്, ഇലക്ട്രോണിക് സ്റ്റെബിലിറ്റി പ്രോഗ്രാം (ESP) തുടങ്ങിയ ഫീച്ചറുകള്ക്കൊപ്പം സുരക്ഷാ കിറ്റും അപ്ഡേറ്റ് ചെയ്തേക്കുമെന്നാണ് സൂചന.
പുതിയ ബലേനോ, ഗ്ലാന്സ എന്നിവയുടെ എഞ്ചിന് ഓപ്ഷനുകള് നിലവിലെ മോഡലിന് സമാനമായിരിക്കും. രണ്ട് എഞ്ചിന് ഓപ്ഷനുകള് ലഭ്യമാണ്, 83 bhp കരുത്ത് നല്കുന്ന 1.2 ലിറ്റര് പെട്രോള്, 90 bhp പരമാവധി കരുത്ത് പകരുന്ന 1.2 ലിറ്റര് മൈല്ഡ്-ഹൈബ്രിഡ് യൂണിറ്റ്.
രണ്ട് എഞ്ചിനുകള്ക്കും 113 Nm ആണ് ടോര്ക്ക് ഔട്ട്പുട്ട്. പെട്രോള് വേരിയന്റിന് 5-സ്പീഡ് മാനുവല്, CVT ഓപ്ഷനുകള് ഉണ്ടെങ്കിലും, മൈല്ഡ്-ഹൈബ്രിഡ് വേരിയന്റിന് 5-സ്പീഡ് മാനുവല് ട്രാന്സ്മിഷന് മാത്രമേ നല്കൂ.
2022 ടൊയോട്ട അര്ബന് ക്രൂയിസര്
പുതിയ അര്ബന് ക്രൂയിസര് 2022 മാരുതി ബ്രെസയെ അടിസ്ഥാനമാക്കിയുള്ളതാണ്. പുതിയ സെന്റര് കണ്സോള്, മെച്ചപ്പെട്ട നിലവാരമുള്ള പ്ലാസ്റ്റിക്കുകള്, പുതുക്കിയ ഡാഷ്ബോര്ഡ്, ഫ്രീ സ്റ്റാന്ഡിംഗ് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, പുതിയ ഇന്സ്ട്രുമെന്റ് പാനല് എന്നിവ ചില പ്രധാന അപ്ഡേറ്റുകളില് ഉള്പ്പെടുന്നു.
കണക്റ്റിവിറ്റി ഫീച്ചറുകളുടെ ഒരു ശ്രേണിയെ പിന്തുണയ്ക്കാന് എസ്യുവിക്ക് എംബഡഡ് ഇ-സിം ലഭിക്കും. മറ്റ് അപ്ഡേറ്റുകള് 2022 ബലെനോയുടേതിന് സമാനമായിരിക്കുമെന്നും റിപ്പോര്ട്ടില് പറയുന്നു.
ഉപഭോക്തൃ ഫീഡ്ബാക്ക് അടിസ്ഥാനമാക്കി, പുതിയ ബ്രെസയ്ക്കും അര്ബന് ക്രൂയിസറിനും സണ്റൂഫ് ലഭിക്കും. ഈ ഫീച്ചര് ലഭിക്കുന്ന ആദ്യത്തെ മാരുതി കാറായി ഇതോടെ ബ്രെസ മാറുകയും ചെയ്യും. ഈ സമയം വരെ സണ്റൂഫ് ഓപ്ഷന് മാരുതി ഒഴിവാക്കിയിരുന്നു.
സണ്റൂഫ് നിര്മ്മാണ, പരിപാലനച്ചെലവ് വര്ധിപ്പിക്കുമെന്ന് തോന്നിയതുകൊണ്ടാണ് മാറി നിന്നതെന്നും കമ്പനി അധികൃതര് വ്യക്തമാക്കിയിരുന്നു. സണ്റൂഫിനോടുള്ള വര്ധിച്ചുവരുന്ന മുന്ഗണന കമ്പനിയെ അതിന്റെ തീരുമാനങ്ങളില് നിന്ന് മാറി ചിന്തിക്കാന് പ്രേരിപ്പിച്ചതായും റിപ്പോര്ട്ടില് പറയുന്നു.
എന്നാല് എഞ്ചിന് ഓപ്ഷന് നിലവിലെ മോഡലിന് സമാനമായിരിക്കും. 105 bhp കരുത്തും 138 Nm പീക്ക് ടോര്ക്കും നല്കുന്ന 1.5 ലിറ്റര് പെട്രോള് മോട്ടോര് തന്നെയാകും നവീകരണത്തോടെ എത്തുന്ന മോഡലിനും കരുത്ത് നല്കുക.
ട്രാന്സ്മിഷന് ഓപ്ഷനുകളില് 5-സ്പീഡ് മാനുവല്, 5-സ്പീഡ് ഓട്ടോമാറ്റിക് എന്നിവ ഉള്പ്പെടുന്നു. അപ്ഡേറ്റുകള്ക്കൊപ്പം, പുതിയ ബലേനോ, ബ്രെസ എന്നിവയുടെയും അവയുടെ റീബാഡ് ചെയ്ത പതിപ്പുകളായ ഗ്ലാന്സ, അര്ബന് ക്രൂയിസറിന്റെയും വിലകള് പരിഷ്കരിക്കുമെന്ന് പ്രതീക്ഷിക്കുന്നു.
എന്നിരുന്നാലും, ഈ വിഭാഗത്തിലെ ശക്തമായ മത്സരം കണക്കിലെടുത്ത്, മാരുതിയും ടൊയോട്ടയും ഈ നവീകരിച്ച കാറുകള് മത്സരാധിഷ്ഠിത വിലയില് അവതരിപ്പിക്കാനാകും ശ്രമിക്കുക. അവതരണ വേളയില് മാത്രമേ പുതുക്കിയ വില വ്യക്തമാകുകയുള്ളു.
അതേസമയം 2022-ല് ഏതാനും പുതിയ മോഡലുകളെക്കൂടി എത്തിച്ച് വിപണിയില് ശക്തരാകാനൊരുങ്ങുകയാണ് കമ്പനി. വില്പ്പനയില് നിലവില് അഞ്ചാം സ്ഥാനത്താണ് ഈ ജാപ്പനീസ് ബ്രാന്ഡ്. ടൊയോട്ടയില് നിന്നും വാഹന വിപണി ഏറെ പ്രതീക്ഷയോടെ കാത്തിരിക്കുന്ന മോഡലുകളില് ഒന്നാണ് ഹൈലക്സ്.
നിലവില് ഇസൂസു V-ക്രോസ് മാത്രമുള്ള വിപണിയിലെ ലൈഫ്സ്റ്റൈല് പിക്കപ്പ് ട്രക്ക് സെഗ്മെന്റ് ഈ മോഡല് കൂടി എത്തുന്നതോടെ വിപുലീകരിക്കും. ജനുവരി 20-ന് പുറത്തിറക്കാന് ഉദ്ദേശിക്കുന്ന വാഹനം, ഇന്നോവ ക്രിസ്റ്റയ്ക്കും ഫോര്ച്യൂണറിനും അടിവരയിടുന്ന അതേ IMV-2 പ്ലാറ്റ്ഫോമിനെ അടിസ്ഥാനമാക്കിയുള്ളതാണ്.