Just In
- 1 hr ago മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി
- 3 hrs ago ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
- 4 hrs ago ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി
- 7 hrs ago കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
Don't Miss
- News രാഹുല് ഗാന്ധി തോല്ക്കും, വയനാട്ടില് താമര വിരിയുമെന്ന് ജെപി നദ്ദ: രാഹുലിന് ആത്മവിശ്വസമില്ല
- Lifestyle ശ്വാസകോശത്തിന്റെ ആയുസ്സിന് ഭീഷണി: ഈ അപകട സൂചന അവഗണിക്കരുത്
- Movies വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ്
- Sports IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര
- Technology റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം
- Finance സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ
- Travel പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
സെഗ്മെന്റ് ഫസ്റ്റ് AWD ഫീച്ചറുമായി HyRyder; പുത്തൻ ടീസർ പങ്കുവെച്ച് Toyota
ഇന്നോവ ക്രിസ്റ്റയുടെയും ഫോർച്യൂണറിന്റെയും വൻ വിജയ തരംഗത്തിലാണ് ടൊയോട്ട ഇന്ത്യ പിടിച്ചു നിൽകുന്നത്. എന്നാൽ ബ്രാൻഡിന്റെ നിരയിലെ ബാക്കിയുള്ള മോഡലുകൾ അത്ര മികവ് പുലർത്തുന്നില്ല എന്നതാണ് ശ്രദ്ധേയം.
കാമ്രി സെഡാൻ, പ്രീമിയം വെൽഫയർ എംപിവി, അടുത്തിടെ പുറത്തിറക്കിയ ഹൈലക്സ് പിക്കപ്പ് ട്രക്ക് എന്നിവ ജാപ്പനീസ് നിർമ്മാതാക്കളുടെ ഇന്ത്യൻ ലൈനപ്പിലുണ്ട്. എന്നാൽ ഇവ niche (പ്രത്യേകമായ) ഡെമോഗ്രാഫിക് ടാർഗെറ്റുചെയ്യുന്ന വാഹനങ്ങളാണ്. മെയിൻസ്ട്രീം കാർ സെഗ്മെന്റുകളിലെ മുഖ്യധാരാ ഉപഭോക്തൃ ജനസംഖ്യയുമായി ഇവ കണക്ട് ചെയ്യുന്നില്ല.
ഗ്ലാൻസയും അർബൻ ക്രൂയിസറും അതിന് ഒരു മാറ്റം സൃഷ്ടിക്കാൻ വേണ്ടി ഇറക്കിയതായിരുന്നു. മാരുതി സുസുക്കി കാറുകളുടെ റീബാഡ് ചെയ്ത പതിപ്പുകൾ ഉപഭോക്താക്കൾ മികച്ച രീതിയിൽ സ്വീകരിച്ചു. എന്നിരുന്നാലും മാസ് സെഗ്മെന്റിൽ ടൊയോട്ട ശരിക്കും പുതിയ എന്തെങ്കിലും അവതരിപ്പിക്കാനുള്ള സമയം വന്നിരിക്കുകയാണ്. പുത്തൻ ഹൈറൈഡർ മോഡൽ ഇതിന് ഒരു ഉത്തരം ആയേക്കാം.
വരാനിരിക്കുന്ന ഹൈറൈഡർ എസ്യുവി മാരുതി സുസുക്കിയുമായി സഹകരിച്ചാണ് ടൊയോട്ട വികസിപ്പിച്ചിരിക്കുന്നത്. എന്നാൽ രണ്ട് കമ്പനികൾക്കും അവരുടെ ഡിസൈനുകളിൽ സ്വതന്ത്രമായ നിലപാടുകളുണ്ട്, അത് ടെസ്റ്റ് റണ്ണിനിടയിൽ ക്യാമറയിൽ പതിഞ്ഞ ടെസ്റ്റ് മോഡലുകളിലും പ്രതിഫലിക്കുന്നു.
ടൊയോട്ടയ്ക്കും മാരുതി സുസുക്കിക്കും C സെഗ്മെന്റ് എസ്യുവി സ്പെയ്സിനായി ഒരു നല്ല എസ്യുവി മോഡൽ ഇതുവരെ ഉണ്ടായിരുന്നില്ല, ഈ സെഗ്മെന്റിൽ ദക്ഷിണ കൊറിയൻ, ജർമ്മൻ നിർമ്മാതാക്കളാണ് എല്ലായ്പ്പോഴും ആധിപത്യം പുലർത്തിയിരുന്നത്.
അതിനാൽ, രണ്ട് കമ്പനികളും ഈ വിഭാഗത്തിലേക്ക് പ്രവേശിക്കാൻ അവരുടെ രണ്ട് എസ്യുവികളും ഒരുക്കാൻ പ്രാപ്തമായ ഒരു ഹൈ-ടെക് ഹൈബ്രിഡ് പ്ലാറ്റ്ഫോം വികസിപ്പിക്കുന്നതിൽ കൈകോർത്തു.
പുതിയ ഹൈറൈഡറിന്റെ ഇന്റീരിയറുകളും എക്സ്റ്റീരിയറുകളും ടൊയോട്ട അടുത്തിടെ ടീസ് ചെയ്തിരുന്നു, ഇപ്പോൾ, ഓട്ടോമാറ്റിക് വേരിയന്റിന്റെ ചില ഡൈനാമിക് ഡ്രൈവിംഗ് ഷോട്ടുകളാണ് ബ്രാൻഡ് പങ്കുവെയ്ക്കുന്നത്.
നമുക്ക് കാണാനും വ്യാഖ്യാനിക്കാനും കഴിയുന്നതിൽ നിന്ന്, ടൊയോട്ട ഇന്ത്യ തങ്ങളുടെ മികച്ച ആഗോള മോഡലായ RAV4 -ൽ നിന്ന് ധാരാളം ഡിസൈൻ പ്രചോദനം എടുത്തതായി തോന്നുന്നു, പ്രത്യേകിച്ച് മുൻവശത്ത്.
വാഹനത്തിന് വലിയ ജ്യോമെട്രിക്കൽ എയർ ഡാം, ട്രിപ്പിൾ സ്ലാറ്റ് ഡിസൈനുള്ള ആംഗുലാർ എൽഇഡി ഡിആർഎൽ, ബ്ലൂ കളർ സ്കീം എന്നിവ ഉപയോഗിച്ച് ഇത് RAV4 -നെ ഒരുപാട് ഓർമ്മപ്പെടുത്തുന്നു. വീലുകളും ശ്രദ്ധേയമാണ്. ഹൈറൈഡർ AWD -യുടെ പിൻ ഡിസ്ക് ബ്രേക്കുകളും ടീസറിൽ കാണിക്കുന്നു.
ഹൈറൈഡർ AWD -ഓൾ വീൽ ഡ്രൈവ് സിസ്റ്റത്തോടൊപ്പമാണ് വരുന്നത് എന്നതാണ് വളരെ ഇന്ററസ്റ്റിംഗായ കാര്യം. സെഗ്മെന്റിലെ ആദ്യ ഫീച്ചറാണിത്. അതിന്റെ എതിരാളികളൊന്നും AWD സജ്ജീകരണവുമായി വരുന്നില്ല. ഹൈറൈഡർ എന്ന പേരിലേക്ക് വരുമ്പോൾ, ഇത് ഒരു ഹൈബ്രിഡ് വാഹനമായിരിക്കുമെന്ന് ടൊയോട്ട ഊന്നിപ്പറയുന്നു.
മോഡൽ രണ്ട് വ്യത്യസ്ത പവർട്രെയിൻ ഓപ്ഷനുകളുമായാണ് വരുന്നത്. ലോവർ സ്പെക് ട്രിമ്മുകൾക്ക് മൈൽഡ് ഹൈബ്രിഡ് സിസ്റ്റവും ടോപ്പ് സ്പെക്ക് ട്രിമ്മുകൾക്ക് കൂടുതൽ കരുത്തുറ്റ ഹൈ-വോൾട്ടേജ് ആർക്കിടെക്ചർ ഹൈബ്രിഡ് സിസ്റ്റവും ലഭിക്കും.
രണ്ട് സിസ്റ്റങ്ങളും 1.5 ലിറ്റർ K15 പെട്രോൾ എഞ്ചിനുമായി ബന്ധിപ്പിച്ചിരിക്കുന്നു, അവ PHEV (പ്ലഗ്-ഇൻ ഹൈബ്രിഡ് ഇലക്ട്രിക് വെഹിക്കിൾ) അല്ല. ആദ്യത്തേത് എഞ്ചിൻ സ്റ്റാർട്ട്/സ്റ്റോപ്പ്, എനർജി റിക്കപ്പറേഷൻ എന്നിവയിൽ മാത്രമായി പരിമിതപ്പെടുത്തും.
രണ്ടാമത്തേതിന് പ്രൊപ്പൽഷനിൽ ഇലക്ട്രിക് അസിസ്റ്റന്റ് പോലുള്ള അധിക സവിശേഷതകൾ ലഭിക്കും. ഇലക്ട്രിക് എനർജിയിൽ മാത്രം ചെറിയ ദൂരം വാഹനം പിന്നിടുമെന്നും നമുക്ക് പ്രതീക്ഷിക്കാം.
ഫീച്ചറുകളുടെ കാര്യത്തിൽ, സെഗ്മെന്റിൽ നിലവിൽ ഓഫർ ചെയ്യുന്ന എല്ലാ ഫീച്ചറുകളും കംഫർട്ടുകളും ഹൈറൈഡറിന് ലഭിക്കുമെന്ന് നമുക്ക് പ്രതീക്ഷിക്കാം. കണക്റ്റഡ് കാർ ടെക്, സൺറൂഫ്, ആപ്പിൾ കാർപ്ലേയും ആൻഡ്രോയിഡ് ഓട്ടോയുമുള്ള ഫ്രീ-സ്റ്റാൻഡിംഗ് ടച്ച്സ്ക്രീൻ സിസ്റ്റം, ഓട്ടോമാറ്റിക് ക്ലൈമറ്റ് കൺട്രോൾ, പവർഡ് ഡ്രൈവർ സീറ്റ്, HUD, മികച്ച മ്യൂസിക് സിസ്റ്റം എന്നിവയും അതിലേറെയും ഫീച്ചർ ലിസ്റ്റിൽ പ്രധാനപ്പെട്ടവയാണ്.
AWD സംവിധാനവും ടൊയോട്ട വാഗ്ദാനം ചെയ്യും. മാരുതി സുസുക്കിയും വരാനിരിക്കുന്ന കോംപാക്ട് എസ്യുവിയിൽ ഇത് ഉൾപ്പെടുത്തിയില്ലെങ്കിൽ ഈ വിഭാഗത്തിൽ AWD വാഗ്ദാനം ചെയ്യുന്നത് ടൊയോട്ട ഹൈറൈഡർ മാത്രമായിരിക്കും എന്നതും ശ്രദ്ധേയമാണ്.
വിലനിർണ്ണയത്തിന്റെ കാര്യത്തിൽ, ഏകദേശം 10 ലക്ഷം രൂപ മുതൽ ആരംഭിക്കുന്ന ആമുഖ വിലകൾക്കൊപ്പം ഹൈറൈഡറിന് ഒരു കോംപറ്റീറ്റീവ് വില നൽകുമെന്ന് നമുക്ക് പ്രതീക്ഷിക്കാം. ടോപ് ലൈനിൽ ടൊയോട്ട ഹൈറൈഡർ ഓൾ വീൽ ഡ്രൈവ് ഓട്ടോമാറ്റിക് വേരിയന്റിന് ഏകദേശം 20 ലക്ഷം രൂപയോളം വില വരാം.
ടൊയോട്ട ഹൈറൈഡർ AWD എസ്യുവി ജൂലൈ ഒന്നിന് അനാവരണം ചെയ്യും, സമാനമായ പ്ലാറ്റ്ഫോമിനെ അടിസ്ഥാനമാക്കിയുള്ള മാരുതി സുസുക്കി എസ്യുവി പിന്നാലെ എത്തും. ലോഞ്ച് ചെയ്യുമ്പോൾ, സെഗ്മെന്റ് ലീഡർ ഹ്യുണ്ടായി ക്രെറ്റയും കിയ സെൽറ്റോസ്, എംജി ആസ്റ്റർ, ഫോക്സ്വാഗണ് ടൈഗൂൺ, സ്കോഡ കുഷാഖ്, വരാനിരിക്കുന്ന മാരുതി വിറ്റാര കോംപാക്ട് എസ്യുവി എന്നിവയുമായും ഇത് മത്സരിക്കും.