Click it and Unblock the Notifications
Just In
-
220 കിലോമീറ്റർ വരെ റേഞ്ച്, LY, DT 3000 ഇലക്ട്രിക് സ്കൂട്ടറുകളെ ഇന്ത്യയിൽ അവതരിപ്പിച്ച് Komaki -
പുത്തൻ ഹൈബ്രിഡ് എസ്യുവിയ്ക്കായി Hyryder നെയിംപ്ലേറ്റ് രജിസ്റ്റർ ചെയ്ത് Toyota -
C-ക്ലാസ് ഇവിയുടെ അവതരണം 2024 ഓടെ; പുതിയ പ്ലാറ്റ്ഫോം എന്ന് Mercedes -
Ather ഇലക്ട്രിക് സ്കൂട്ടറുകളിൽ ഇനി TPMS സംവിധാനവും, സ്വന്തമാക്കാൻ മുടക്കേണ്ടത് 5,000 രൂപ
Don't Miss
-
'ഇതാണോ ഫ്രണ്ട്ഷിപ്പ്? ദില്ഷയെ കണ്ട് പഠിക്ക്'; സുഹൃത്തുക്കള് കാഴ്ചക്കാരല്ലെന്ന് അഖിലിനോട് സുചിത്ര -
'നവാസ് വന്ന വഴി ശരിയല്ല, അവനെ മാറ്റണം'; ഹരിത വിഷയത്തില് പികെ നവാസിനെതിരെ ഇ.ടി മുഹമ്മദ് ബഷീര് -
വാരണാസിയും അലഹബാദും ബോധ്ഗയയും കാണാം.. കുറഞ്ഞ നിരക്കില് പാക്കേജുമായി ഐആര്സിടിസി -
കുറഞ്ഞ വിലയും ആവശ്യത്തിന് ഡാറ്റ സ്പീഡും; 329 രൂപയുടെ ഭാരത് ഫൈബർ പ്ലാനിനെക്കുറിച്ച് അറിയാം -
കൊതിപ്പിക്കുന്ന ആദായം! അഞ്ചാം വർഷം 70% നേട്ടം നൽകുന്ന മ്യൂച്വൽ ഫണ്ട് ഇതാ -
IPL 2022: റോയല്സ് എന്തു കൊണ്ട് തോറ്റു? പിഴച്ചത് സഞ്ജുവിനോ? കാരണങ്ങളറിയാം -
വയറ് ശരിയാക്കി ആരോഗ്യം കാക്കും; കഴിക്കണം ഈ സാധനങ്ങള്
പകരക്കാരനായി Virtus എത്തുന്നു; Vento-യുടെ ഒന്നിലധികം വേരിയന്റുകളെ പിന്‍വലിച്ച് Volkswagen
ഇന്ത്യന്‍ വാഹന വ്യവസായത്തിലെ സെഡാന്‍ മേഖലയില്‍ ഫോക്‌സ്‌വാഗണ്‍ വെന്റോയ്ക്ക് മാന്യമായ ഒരു സ്ഥാനം തന്നെയാണുള്ളത്. കഴിഞ്ഞ കുറച്ച് നാളുകളായി വാഹനത്തിന് കാര്യമായ ഒരു അപ്ഡേറ്റ് ലഭിച്ചിട്ടില്ലെങ്കിലും, വന്ന നാള്‍ മുതല്‍ ശ്രേണിയില്‍ ശക്തമായ മത്സരം കാഴ്ചവെയ്ക്കാന്‍ മോഡലിന് സാധിച്ചിട്ടുണ്ടെന്ന് വേണം പറയാന്‍.
ഇന്ത്യ പ്രൊജക്റ്റ് 2.0 ഉപയോഗിച്ച് സ്‌കോഡയും ഫോക്‌സ്‌വാഗണും ഇപ്പോള്‍ പുതിയ സെഡാനുകള്‍ പുറത്തിറക്കാന്‍ ഒരുങ്ങുകയാണ്. സ്‌കോഡയെ സംബന്ധിച്ചിടത്തോളം ഇത് സ്ലാവിയയും ഫോക്‌സ്‌വാഗണിനെ സംബന്ധിച്ചിടത്തോളം ഇത് വിര്‍ചസും ആയിരിക്കും (പ്രതീക്ഷിക്കുന്ന പേര്).
റാപ്പിഡിന് പകരം സ്ലാവിയയും വെന്റോയ്ക്ക് പകരം വിര്‍ചസും കളത്തിലിറങ്ങാന്‍ ഒരുങ്ങുകയാണ്. വിര്‍ചസിന്റെ ലോഞ്ചിന് മുന്നോടിയായി, ഫോക്‌സ്‌വാഗണ്‍ കമ്പനിയുടെ ഔദ്യോഗിക വെബ്സൈറ്റില്‍ വെന്റോ ലൈനപ്പില്‍ നിന്ന് ഒന്നിലധികം വകഭേദങ്ങള്‍ പിന്‍വലിച്ചിരിക്കുകയാണ് ഇപ്പോള്‍.
ജര്‍മ്മന്‍ കാര്‍ നിര്‍മാതാക്കളുടെ ഇന്ത്യന്‍ വെബ്‌സൈറ്റ് ഇപ്പോള്‍ മിഡ്-സൈസ് സെഡാന്റെ ഹൈലൈന്‍ ട്രിമ്മും മാറ്റ് എഡിഷനും മാത്രമേ കാണാന്‍ സാധിക്കൂ. കംഫര്‍ട്ട്ലൈന്‍, ഹൈലൈന്‍, ഹൈലൈന്‍ പ്ലസ് ട്രിമ്മുകളെ കുറിച്ച് പരാമര്‍ശമില്ല.
എന്നിരുന്നാലും, വെന്റോയുടെ മാറ്റ് എഡിഷന്‍ ഇപ്പോഴും ഹൈലൈന്‍, ഹൈലൈന്‍ പ്ലസ് വേരിയന്റുകളില്‍ ലഭ്യമാണ്. എല്ലാ സാധ്യതകളിലും, വെന്റോ അതിന്റെ വില്‍പ്പന അവസാനിപ്പിക്കുന്നതിന്റെ സൂചനകളാണ് ഇതിലൂടെ വ്യക്തമാക്കുന്നത്. 2011 മുതല്‍ ഇതുവരെ ഒരു ജനറേഷന്‍ അപ്ഗ്രേഡും കൂടാതെ സെഡാന്‍ ഇന്ത്യന്‍ വിപണിയില്‍ വില്‍പ്പനയ്ക്കെത്തുന്നു.
ആപ്പിള്‍ കാര്‍പ്ലേ, ആന്‍ഡ്രോയിഡ് ഓട്ടോ എന്നിവയ്ക്കൊപ്പം 6.5 ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, മള്‍ട്ടി-ഫംഗ്ഷനും ഫ്‌ലാറ്റ്-ബോട്ടം സ്റ്റിയറിംഗ് വീല്‍, ഓട്ടോമാറ്റിക് ക്ലൈമറ്റ് കണ്‍ട്രോള്‍, ക്രൂയിസ് കണ്‍ട്രോള്‍, ടില്‍റ്റ് ആന്‍ഡ് ടെലിസ്‌കോപ്പിക് അഡ്ജസ്റ്റബിള്‍ സ്റ്റിയറിംഗ്, ഓട്ടോ-ഡിമ്മിംഗ് ഐആര്‍വിഎം, എല്‍ഇഡി ഹെഡ്‌ലാമ്പുകള്‍ തുടങ്ങിയ സവിശേഷതകളോടെയാണ് സെഡാന്‍ വാഗ്ദാനം ചെയ്യുന്നത്.
സുരക്ഷയുടെ കാര്യത്തില്‍ വാഹനം ഒട്ടും പിന്നിലല്ലെന്ന് കമ്പനി അവകാശപ്പെടുന്നു. നാല് എയര്‍ബാഗുകള്‍, ഇബിഡി മാത്രമുള്ള എബിഎസ്, പിന്‍ പാര്‍ക്കിംഗ് സെന്‍സറുകള്‍ എന്നിവയാണ് ഓഫറിലുള്ള സുരക്ഷാ ഫീച്ചറുകള്‍.
109 bhp കരുത്തും 175 Nm torque ഉം ഉത്പാദിപ്പിക്കുന്ന 1.0 ലിറ്റര്‍, മൂന്ന് സിലിണ്ടര്‍ TSI ടര്‍ബോ പെട്രോള്‍ എഞ്ചിനാണ് വെന്റോയ്ക്ക് കരുത്തേകുന്നത്. ഈ മോട്ടോര്‍ 6-സ്പീഡ് മാനുവല്‍ അല്ലെങ്കില്‍ 6-സ്പീഡ് ഓട്ടോമാറ്റിക് ഗിയര്‍ബോക്‌സുമായി ജോടിയാക്കിയിരിക്കുന്നു.
മാനുവല്‍, ഓട്ടോമാറ്റിക് ഗിയര്‍ബോക്സ് ഓപ്ഷനുകളുള്ള അതേ പവര്‍ട്രെയിന്‍, ഉയര്‍ന്ന സ്റ്റേറ്റില്‍ ആണെങ്കിലും വരാനിരിക്കുന്ന വിര്‍ചസിലും ഇതുതന്നെയാകും ഫോക്‌സ്‌വാഗണ്‍ അവതരിപ്പിക്കുക. വെന്റോയുടെ പുതിയ തലമുറ ഇന്ത്യയിലേക്ക് വരുന്നില്ലെന്ന് കഴിഞ്ഞ വര്‍ഷം ആദ്യം തന്നെ ഫോക്‌സ്‌വാഗണ്‍ സ്ഥിരീകരിച്ചിരുന്നു.
വെന്റോയ്ക്ക് പകരം ഒരു പുതിയ സെഡാന്‍ വരും, അത് അതിന്റെ മുന്‍ഗാമിയേക്കാള്‍ വലുതായിരിക്കുമെന്നും കമ്പനി വെളിപ്പെടുത്തിയിരുന്നു. 'വിര്‍ചസ്' എന്ന് നാമകരണം ചെയ്യപ്പെടുമെന്ന് പ്രതീക്ഷിക്കുന്നു, ഈ പുതിയ സെഡാന്‍ ഇന്ത്യന്‍ വിപണിക്ക് വേണ്ടി പ്രത്യേകം വികസിപ്പിച്ചെടുക്കും, കൂടാതെ വന്‍തോതില്‍ പ്രാദേശികവല്‍ക്കരിച്ച MQB A0 IN ആര്‍ക്കിടെക്ചറിലാകും വാഹനം നിര്‍മ്മിക്കുക.
വരാനിരിക്കുന്ന മിഡ്-സൈസ് സെഡാന്റെ പരീക്ഷണയോട്ടം സമീപ മാസങ്ങളില്‍ നിരവധി അവസരങ്ങളില്‍ നിരത്തുകളില്‍ കണ്ടെത്തിയിട്ടുണ്ട്. അടുത്തിടെ പുറത്തുവന്ന റിപ്പോര്‍ട്ട് അനുസരിച്ച്, സെഡാന്‍ മാര്‍ച്ച് ആദ്യം ലോക പ്രീമിയര്‍ ചെയ്യും, തുടര്‍ന്ന് മൂന്നാം ആഴ്ച മോഡല്‍ അവതരണം നടക്കും.
വിര്‍ചസ് സെഡാന്‍ 2018 മുതല്‍ പല തെക്കേ അമേരിക്കന്‍ വിപണികളിലും വില്‍പ്പനയ്ക്കെത്തിയിട്ടുണ്ടെങ്കിലും, ഇത് ഒരു ഫെയ്‌സ്‌ലിഫ്റ്റിന് വേണ്ടിയുള്ളതാണ്, അത് ഇന്ത്യയില്‍ ആഗോളതലത്തില്‍ അരങ്ങേറ്റം കുറിക്കുന്ന മോഡലാണ്.
ഇത് ആദ്യം ഇന്ത്യന്‍ ഉപഭോക്താക്കള്‍ക്കും വില്‍പ്പനയ്ക്കെത്തും, അതിനുശേഷം തെക്കേ അമേരിക്കയിലും മറ്റ് വിപണികളിലും ലോഞ്ച് ചെയ്യുമെന്നാണ് കമ്പനി വ്യക്തമാക്തുന്നത്.
വിര്‍ചസ് ഫെയ്‌സ്‌ലിഫ്റ്റിന് പുറത്ത് സാധാരണ കോസ്മെറ്റിക് മാറ്റങ്ങള്‍ ലഭിക്കുമെന്നാണ് പ്രതീക്ഷിക്കുന്നത്. പുതുക്കിയ ബമ്പറുകള്‍, ഗ്രില്‍, ഹെഡ്‌ലാമ്പുകള്‍, അലോയ് വീലുകള്‍, കൂടാതെ ഉള്ളില്‍ പുതിയതും അപ്ഡേറ്റ് ചെയ്തതുമായ ഉപകരണങ്ങള്‍.
വെന്റോയെക്കാള്‍ വളരെ വലിയ കാറാണ് വിര്‍ചസ്, അത് ഇന്ത്യയില്‍ വില്‍പ്പനയ്ക്കെത്തുമ്പോള്‍ ക്ലാസ്-ലീഡിംഗ് അളവുകളും ഇന്റീരിയറും ബൂട്ട് സ്പേസും ഉണ്ടായിരിക്കും. വാസ്തവത്തില്‍, ഈ സെഡാനെ ജെറ്റ എന്ന് വിളിക്കാന്‍ കമ്പനിക്കുള്ളില്‍ പദ്ധതിയുണ്ടായിരുന്നതായി നേരത്തെ റിപ്പോര്‍ട്ടുകള്‍ പുറത്തുവന്നിരുന്നു.
സ്ലാവിയയുടെ ഒരു സഹോദര പതിപ്പ് എന്ന നിലയില്‍, വിര്‍ചസ് അതിന്റെ പ്ലാറ്റ്ഫോം, പവര്‍ട്രെയിനുകള്‍, മെക്കാനിക്കലുകള്‍ എന്നിവ മാത്രമല്ല, അതിന്റെ മിക്ക ബോഡി പാനലുകള്‍, വിവിധ ഇന്റീരിയര്‍ ഘടകങ്ങള്‍, സ്വിച്ച് ഗിയര്‍, അതിന്റെ സീറ്റുകള്‍, കൂടാതെ ഡാഷ്ബോര്‍ഡ് എന്നിവയും പങ്കിടും.
ഫോക്‌സ്‌വാഗണ്‍ ബ്രാന്‍ഡ്-നിര്‍ദ്ദിഷ്ട ഇന്റീരിയര്‍ ഫീച്ചറുകള്‍, എന്നിരുന്നാലും, സ്റ്റിയറിംഗ് വീല്‍, അപ്ഹോള്‍സ്റ്ററി കളര്‍ എന്നിവയും അതിലേറെയും പോലെ, അതിന്റെ ചെക്ക് കസിനില്‍ നിന്ന് വേറിട്ടുനില്‍ക്കാന്‍ സഹായിക്കുന്ന ഫീച്ചറുകളും വാഹനത്തിലേക്ക് കൊണ്ടുവരും.
10.0 ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍, വയര്‍ലെസ് ഫോണ്‍ ചാര്‍ജിംഗ്, കണക്റ്റഡ് കാര്‍ ടെക്, ലെതറെറ്റ് അപ്ഹോള്‍സ്റ്ററി, സണ്‍റൂഫ്, കീലെസ് എന്‍ട്രി ആന്‍ഡ് ഗോ, എന്നിങ്ങനെയുള്ള ഫീച്ചറുകള്‍ വാഹനത്തില്‍ പ്രതീക്ഷിക്കാം. ഓട്ടോ ഹെഡ്‌ലാമ്പുകളും വൈപ്പറുകളും, ടയര്‍-പ്രഷര്‍ മോണിറ്റര്‍, എല്‍ഇഡി ഹെഡ്‌ലാമ്പുകള്‍, ഓട്ടോമാറ്റിക് ക്ലൈമറ്റ് കണ്‍ട്രോള്‍, ആറ് എയര്‍ബാഗുകള്‍ എന്നിവയും വാഹനത്തിലെ സവിശേഷതകളാകും.
