Just In
- 1 hr ago 17 കി.മീ മൈലേജുള്ള ഫാമിലി എസ്യുവി വാങ്ങുന്നവര്ക്ക് സന്തോഷ വാര്ത്ത! 1 മാസം കൊണ്ട് വണ്ടി കൈയ്യില് കിട്ടും
- 1 hr ago കറങ്ങുന്ന കസേരയ്ക്ക് മുടക്കിയ കാശ് ഖുദാ ഹവാ; നവകേരള ബസ് ഇനി റൂട്ടിലോടും
- 4 hrs ago പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
- 5 hrs ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
Don't Miss
- Movies അതെന്റെ ഭാവിയെ ഭയപ്പെടുത്തുന്നു എന്നത് സത്യാവസ്ഥയാണ്; റിയാസ് പറഞ്ഞത് തന്റെ വ്യക്തിപരമായ അനുഭവമെന്ന് നാദിറ
- News അനിയന്ത്രിതമായ തിരക്ക്, പോളിംഗ് തടസപ്പെട്ടു; നടന് വിജയിക്കെതിരെ പരാതി; വോട്ട് ചെയ്യാനാവാതെ സൂരി
- Travel വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- Sports IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ്
- Lifestyle 1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
ഒരു തരം രണ്ടു തരം മൂന്നു തരം! XUV400 എക്സ്ക്ലൂസീവ് എഡിഷനായുള്ള ലേലം ആരംഭിക്കാൻ മഹീന്ദ്ര
തങ്ങളുടെ ആദ്യ ഇലക്ട്രിക് എസ്യുവിയായ XUV400 ഇവിയുടെ വില പ്രഖ്യാപിച്ച് എതിരാളികൾക്ക് മുന്നിൽ തലയുയർത്തി നിന്നവരാണ് മഹീന്ദ്ര. ടാറ്റ നെക്സോൺ ഇവിയോട് മത്സരിക്കാൻ തുനിഞ്ഞിറങ്ങിയ ഈ വൈദ്യുതി വാഹനം വിപണിയിൽ വലിയ ചലനങ്ങൾ സൃഷ്ടിക്കുമെന്നാണ് പൊതുവേയുള്ള വിലയിരുത്തൽ. EC, EL എന്നീ രണ്ട് വേരിയന്റുകളിലാണ് വൈദ്യുത വാഹനം നിരത്തിലിറങ്ങുക.
എന്നാൽ XUV400 ഇവിയുടെ ഒരു എക്സ്ക്ലൂസീവ് എഡിഷനെയും മഹീന്ദ്ര അവതരണ വേളയിൽ പരിചയപ്പെടുത്തിയിരുന്നു. എന്നാൽ ഇത് ലേലത്തിലൂടെയാണ് കമ്പനി വിറ്റഴിക്കുക. കൂടുതൽ ലേലത്തുക വിളിക്കുന്നയാൾക്ക് ഈ സ്പെഷ്യൽ വേരിയന്റ് വീട്ടിലെത്തിക്കാം. ഇലക്ട്രിക് എസ്യുവിയുടെ എക്സ്ക്ലൂസീവ് എഡിഷൻ ലേലം ചെയ്യാൻ ഒരുങ്ങുകയാണ് ബ്രാൻഡ്. ലേലം ജനുവരി 26-ന് രാവിലെ 11 മണിക്കാണ് തുടങ്ങുക. തുടർന്ന് ജനുവരി 31-ന് രാത്രി 11:59-ന് സമയം സമാപിക്കും വിധമാണ് ഓക്ഷൻ ക്രമീകരിച്ചിരിക്കുന്നത്.
ഈ സമയത്തിനിടെ ഏറ്റവും ഉയർന്ന തുക ലേലം വിളിക്കുന്നവർക്കാണ് ഇവി സ്വന്തമാവുക. 2023 ഫെബ്രുവരി 10-ന്, ഫോർമുല E വാരാന്ത്യത്തിൽ ഹൈദരാബാദിൽ നടക്കുന്ന ഒരു പ്രത്യേക മഹീന്ദ്ര ഇവന്റിൽ XUV400 ഇവിയുടെ സ്പെഷ്യൽ എഡിഷൻ ലേല വിജയിക്ക് കൈമാറുകയും ചെയ്യും. 2022 നവംബറിലാണ് XUV400 ഇവിയുടെ എക്സ്ക്ലൂസീവ് എഡിഷൻ്റെ ടീസർ കമ്പനി ആദ്യമായി പുറത്തുവിടുന്നത്. മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്രയാണ് ഏറ്റവും കൂടുതൽ ലേലം വിളിച്ച ആൾക്ക് XUV400 എക്സ്ക്ലൂസീവ് എഡിഷൻ കൈമാറുന്നത്.
യുവ, വിപ്ലവകാരിയായ ഫാഷൻ ഡിസൈനറായ റിംസിം ദാഡുവിന്റെ സഹകരണത്തോടെ മഹീന്ദ്രയുടെ ചീഫ് ഡിസൈൻ ഓഫീസർ പ്രതാപ് ബോസ് രൂപകൽപ്പന ചെയ്ത എക്സ്ക്ലൂസീവ് എഡിഷൻ 2022 നവംബർ 28-ന് നടന്ന മഹീന്ദ്ര ടെക് ഫാഷൻ ടൂറിൽ ആദ്യമായി പ്രദർശിപ്പിക്കുകയും ചെയ്തിരുന്നു. 2023 ഫെബ്രുവരി 11-ന് ഹൈദരാബാദിൽ നടക്കുന്ന ഓൾ-ഇലക്ട്രിക് FIA ഫോർമുല ഇ ചാമ്പ്യൻഷിപ്പിന്റെ ഇന്ത്യയുടെ ഉദ്ഘാടന റൗണ്ടിലേക്കുള്ള എക്സ്ക്ലൂസീവ് പാസും വിജയിക്ക് ലഭിക്കും.
ലേലത്തിൽ നിന്നുള്ള വരുമാനം ഒരു സാമൂഹിക ലക്ഷ്യത്തിനായി വിനിയോഗിക്കുമെന്ന് കമ്പനി അറിയിച്ചു. 2022 നവംബർ 28-ന് പ്രഖ്യാപിച്ച മഹീന്ദ്ര റൈസ് സസ്റ്റൈനബിലിറ്റി ചാമ്പ്യൻ അവാർഡ് ജേതാക്കളെ പിന്തുണയ്ക്കുന്നതിനായി ലേല വിജയിക്ക് അവരുടെ ബിഡ് സംഭാവന ചെയ്യാനും അല്ലെങ്കിൽ അവർക്ക് ഇഷ്ടമുള്ള ലാഭേച്ഛയില്ലാതെ തുക സംഭാവന ചെയ്യാനും കഴിയും. സ്റ്റാൻഡേർഡ് മോഡലുകളിൽ നിന്നും ചില വ്യത്യാസങ്ങളുമായാണ് ഈ സ്പെഷ്യൽ എഡിഷൻ അണിഞ്ഞൊരുങ്ങുക.
XUV400 എക്സ്ക്ലൂസീവ് എഡിഷൻ റിംസിം ഡാഡു ഡാസിൽ ബ്ലൂ ബോഡി കളറിൽ കോപ്പർ ഘടകങ്ങളോട് കൂടിയാണ് പൂർത്തിയാക്കിയിരിക്കുന്നത്. അതിനാൽ, ഡ്യുവൽ-ടോൺ കോപ്പർ റൂഫും പിയാനോ ബ്ലാക്ക് അലോയ് വീലുകളും പ്രത്യേക ചന്തമാണ് ഇലക്ട്രിക് എസ്യുവിക്ക് സമ്മാനിക്കുന്നത്. മാത്രമല്ല, ചില പ്രദേശങ്ങളിൽ റിംസിം ദാദു x ബോസ് ലോഗോയും XUV400 ഇവിയിൽ കാണാനാവും.
ആഡംബരപൂർവം രൂപകല്പന ചെയ്ത ലെതറെറ്റ് സീറ്റുകൾ, സങ്കീർണമായ റിംസിം ഡാഡു ബ്ലൂ എംബ്രോയ്ഡറി ഉപയോഗിച്ച് ഇന്റീരിയറും പുതുക്കിയിട്ടുണ്ട്. രണ്ടാം നിര സീറ്റ് ആംറെസ്റ്റിന് പ്രീമിയം ലെതറെറ്റ് മെറ്റീരിയലിൽ തയാറാക്കിയ ലോഗോ വിശദാംശങ്ങളും ലഭിക്കുന്നുണ്ട്. റിംസിമിന്റെ എക്സ്ക്ലൂസീവ് മെറ്റാലിക് ഫാബ്രിക് മെറ്റീരിയലിൽ ട്രിം ചെയ്ത കുഷ്യൻസ്, സീറ്റ് ബെൽറ്റ് കവർ, കീഹോൾഡർ, ക്യാരി വിത്ത് യു പൗച്ചുകൾ, പ്രീമിയം ഡഫിൾ ബാഗ് തുടങ്ങി നിരവധി ആക്സസറികളും ഡിസൈനർ-ഡ്യുവോ വിഭാവനം ചെയ്തിട്ടുണ്ട്.
XUV400 പ്രധാനമായും XUV300 എസ്യുവിയുടെ ഇലക്ട്രിക് പതിപ്പാണ്. എന്നിരുന്നാലും മഹീന്ദ്ര ചില സുപ്രധാന മാറ്റങ്ങൾ ഇവി മോഡലിൽ വരുത്തിയിട്ടുണ്ട്. രണ്ട് വേരിയന്റുകളാലായി എത്തുന്ന വാഹനത്തിലെ EC വേരിയന്റിന് 34.5 kWh ബാറ്ററി പായ്ക്കും 375 കിലോമീറ്റര് റേഞ്ചുമാണ് കമ്പനി അവകാശപ്പെടുന്നത്. അതേസമയം രണ്ടാമത്തെ EL വേരിയന്റിന് 456 കിലോമീറ്റര് റേഞ്ച് അവകാശപ്പെടുന്ന 39.4 kWh ബാറ്ററി പായ്ക്ക് ലഭിക്കുന്നു.
ഇനി വിലയുടെ കാര്യത്തിലേക്ക് നോക്കിയാൽ 3.3 kW ചാര്ജറുള്ള മഹീന്ദ്ര XUV400 ഇലക്ട്രിക് EC വേരിയന്റിന് 15.99 ലക്ഷം രൂപ മുതലാണ് വില ആരംഭിക്കുന്നത്. 7.2 കിലോവാട്ട് ചാര്ജറുള്ള അതേ വേരിയന്റിന് 16.49 ലക്ഷം രൂപയാണ് എക്സ്ഷോറും വില. XUV400 EL വേരിയന്റിന്റെ ഏറ്റവും ഉയര്ന്ന എക്സ്ഷോറൂം വില 18.99 ലക്ഷം രൂപയാണ്, ഇത് 7.2 kW ചാര്ജറിനൊപ്പം സ്റ്റാന്ഡേര്ഡായും നൽകുന്നു.