Just In
- 22 min ago പുതിയത് അങ്ങനെയാരും വാങ്ങുന്നില്ല, പക്ഷേ സെക്കൻഡ് ഹാൻഡ് വിപണിയിൽ ഈ കാർ വാങ്ങാൻ ലേഡീസിന്റെ കൂട്ടിയിടി
- 1 hr ago വൈബ്രേഷനില്ലാതെ കംഫര്ട്ട് ഓഫ്റോഡിംഗ്! ഇന്ത്യ കാത്തിരുന്ന അഡ്വഞ്ചര് ബൈക്കിന്റെ വില പ്രഖ്യാപിച്ച് സുസുക്കി
- 1 hr ago ഉഷ്ണം ഉച്ചിയിൽ അടിക്കേണ്ട! കൊടും ചൂടിൽ ഓട്ടോമാറ്റിക് എസിയുമായി വരുന്ന ബജറ്റ് എസ്യുവികൾ ഇവയൊക്കെ
- 3 hrs ago ഇത് ശരിക്കും ഇവി വിപ്ലവം! റേഞ്ച് ആശങ്കയ്ക്ക് ബൈബൈ; വെറും 15 മിനിറ്റ് ചാർജിൽ 510 കിലോമീറ്റർ ഓടും ഷവോമിയുടെ കാർ
Don't Miss
- Sports IPL 2024: വിക്കറ്റ് പോയി, കട്ടക്കലിപ്പില് റിഷഭ്; സ്ക്രിനില് ബാറ്റുകൊണ്ട് അടിച്ചു! വീഡിയോ വൈറല്
- News കോൺഗ്രസിന്റെ കുരുക്ക് മുറുകുന്നു; വീണ്ടും ആദായ നികുതി നോട്ടീസ്, 1700 കോടി അടയ്ക്കണമെന്ന് നിർദ്ദേശം
- Movies മൂന്ന് ദിവസം വെള്ളവും കാപ്പിയും മാത്രം കുടിച്ചു, മൂന്നാമത്തെ ദിവസം രാത്രി കുഴഞ്ഞു വീണു; ഗോകുല്
- Technology അരലക്ഷം രൂപയുടെ ഡിസ്കൗണ്ട്; വിലക്കുറവിൽ ഐഫോൺ15 പ്രോ സ്വന്തമാക്കാൻ ഇതിലും മികച്ച അവസരമില്ലെന്ന് ഫ്ലിപ്പ്കാർട്ട്
- Finance ഹൃദയം തകർത്ത് സ്വർണം, പവന്റെ വില ആദ്യമായി 50,000 കടന്നു, ഒറ്റ രാത്രി കൂടിയത് 1,040 രൂപ
- Lifestyle Good Friday 2024: പള്ളികളിലെ മണിയൊച്ച നിലക്കും, മെഴുകുതിരി കത്തില്ല, കറുത്ത വസ്ത്രമണിയുന്ന ആ ദിനം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
വെള്ളത്തിലൂടെ വാഹനമോടിക്കുമ്പോള് ചെയ്യരുത് ഈ ആറു കാര്യങ്ങള്
കനത്തമഴയില് വിറങ്ങലിച്ച് നില്ക്കുകയാണ് കേരളം. പല ജില്ലകളിലും വെള്ളപ്പൊക്കവും ഉരുള്പൊട്ടലും രൂക്ഷം. റോഡുകളില് ജലനിരപ്പ് ഉയര്ന്നതോടുകൂടി ഗതാഗത സംവിധാനങ്ങള് മിക്കയിടത്തും താറുമാറായി. വെള്ളം നിറഞ്ഞ റോഡുകളില് മണിക്കൂറുകള് കാത്തുകിടക്കേണ്ട അവസ്ഥ. ഈ അവസരത്തില് വെള്ളക്കെട്ടിലൂടെ കടന്നുപോകുമ്പോള് വാഹന ഉടമകള് ശ്രദ്ധിക്കേണ്ട ചില കാര്യങ്ങള് —
വെള്ളം തെറിപ്പിച്ചോടിക്കരുത്
നാലുപാടും വെള്ളം തെറിപ്പിച്ച് വാഹനമോടിക്കാന് പലര്ക്കും ഉത്സാഹമാണ്. എന്നാല് ഈ ശീലം എഞ്ചിന് ദോഷം ചെയ്യും. വേഗത്തില് അശ്രദ്ധമായി ഓടിക്കുമ്പോള് ഇന്ടെയ്ക്കിലൂടെ വെള്ളം എഞ്ചിനിലേക്ക് കടക്കാന് സാധ്യത കൂടും.
വെള്ളം അകത്തുകടന്നാല് എഞ്ചിന് തകരാര് സംഭവിക്കുമെന്ന് പ്രത്യേകം പറയേണ്ടതില്ല. വെള്ളക്കെട്ടുകളില് സാവധാനമാണ് വാഹനമോടിക്കേണ്ടത്. വെള്ളക്കെട്ടുകളില് ഉയര്ന്ന ആര്പിഎം നിലനിര്ത്തി താഴ്ന്ന ഗിയറില് ഓടിച്ചാല് എക്സ്ഹോസ്റ്റിനകത്ത് വെള്ളം കയറുന്നത് ഒരുപരിധി വരെ തടയാം.
എഞ്ചിന് ഇരമ്പിപ്പിക്കുമ്പോള് എക്സ്ഹോസ്റ്റ് വാതകങ്ങള് ശക്തിയില് പുറന്തള്ളപ്പെടും. ഇക്കാരണത്താല് വെള്ളം പുകക്കുഴലിനകത്ത് കടക്കില്ല.
പാലിക്കണം കൃത്യമായ അകലം
വെള്ളക്കെട്ടുകളിലൂടെ നീങ്ങുമ്പോള് വാഹനങ്ങള് തമ്മില് കൃത്യമായ അകലം പാലിക്കാന് ഓടിക്കുന്നവര് ശ്രദ്ധിക്കണം. കാരണം മുന്നില് പോകുന്ന വാഹനം സൃഷ്ടിക്കുന്ന ഓളത്തില് ജലനിരപ്പ് പൊടുന്നനെ ഉയരാം.
വാഹനങ്ങള് തമ്മില് കൃത്യമായ അകലം പാലിച്ചില്ലെങ്കില് പിന്നിലുള്ള വാഹനത്തിന്റെ ഇന്ടെയ്ക്കിലേക്ക് വെള്ളം കടന്നുകയറും. അതുകൊണ്ടു മുന്നിലുള്ള വാഹനം വെള്ളക്കെട്ടിലൂടെ നീങ്ങിപോയതിന് ശേഷം മാത്രമെ പിന്നിലുള്ള വാഹനം മുന്നോട്ടെടുക്കാവൂ.
മുന്നിലെ വാഹനത്തിന് പിന്നാലെ പോകരുത്
വെള്ളക്കെട്ടിലൂടെ ഓടിക്കുമ്പോള് റോഡില് ഒളിഞ്ഞിരിക്കുന്ന കുഴികളെപ്പറ്റി വലിയ ധാരണ വാഹനമോടിക്കുന്നവര്ക്ക് ലഭിക്കില്ല. അതുകൊണ്ടു മുന്നില് സഞ്ചരിക്കുന്ന വാഹനം വെള്ളക്കെട്ടിലൂടെ പോകുന്നതു കണ്ട് സധൈര്യം വണ്ടി മുന്നോട്ടെടുത്താല് അപ്രതീക്ഷിത അപകടങ്ങള് സംഭവിക്കാം.
വെള്ളക്കെട്ടിലൂടെ നീങ്ങുന്നതിന് മുമ്പ് സ്ഥിതിഗതികള് ആദ്യം വിലയിരുത്തുന്നതാണ് ഉത്തമം. മാത്രമല്ല സ്വന്തം വാഹനത്തിന്റെ ശേഷിയെ കുറിച്ചും ഓടിക്കുന്നയാള്ക്ക് ബോധ്യമുണ്ടായിരിക്കണം.
വെള്ളക്കെട്ടുകളിലൂടെ നീങ്ങുമ്പോള് ടര്ബ്ബോചാര്ജ്ഡ് കാറുകള്ക്ക് കുറച്ചേറെ ശ്രദ്ധ നല്കേണ്ടതായുണ്ട്. നാച്ചുറലി ആസ്പിരേറ്റഡ് എഞ്ചിനുകളെക്കാള് കൂടുതല് വായു ടര്ബ്ബോചാര്ജ്ജര് ഒരുങ്ങുന്ന കാറുകള് വലിച്ചെടുക്കും.
റോഡിന് നടുവിലൂടെ ഓടിക്കുക
വെള്ളം കയറിയ പ്രദേശങ്ങളിലൂടെ ഓടിക്കുമ്പോള് എപ്പോഴും റോഡിന് നടുവില് കൂടി നീങ്ങാന് ശ്രമിക്കണം. താരതമ്യേന റോഡിന് വശങ്ങളില് താഴ്ച്ച കൂടുതലായിരിക്കും. ഇനി വെള്ളത്തിലൂടെ ഓടുമ്പോള് എഞ്ചിന് നിശ്ചലമായാല് വീണ്ടും പ്രവര്ത്തിപ്പിക്കാന് ശ്രമിക്കരുത്.
ഈ അവസരത്തില് വാഹനം വലിച്ചു കൊണ്ടുപോകാന് മറ്റൊരു വാഹന വാഹനത്തിന്റെ സഹായം തേടണം. എഞ്ചിനില് വെള്ളം കയറിയതുകൊണ്ടാകാം വാഹനം നിന്നുപോയത്. വീണ്ടും എഞ്ചിന് പ്രവര്ത്തിപ്പിക്കാന് ശ്രമിക്കുന്നത് കാര്യങ്ങള് വഷളാക്കും.
അരുത് പൊടുന്നനെയുള്ള ബ്രേക്കിംഗ്
വെള്ളത്തിലൂടെ നീങ്ങുമ്പോള് റോഡില് കുഴിയില് പെട്ടെന്നു തിരിച്ചറിഞ്ഞാല് ബ്രേക്ക് ചവിട്ടരുത്. ആക്സിലറേറ്റര് മിതമായ നിരക്കില് ചവിട്ടി നിലനിര്ത്തണം. അല്ലാത്തപക്ഷം എക്സ്ഹോസ്റ്റിനകത്ത് വെള്ളം കയറും. അപ്രതീക്ഷിതമായി ബ്രേക്ക് ചെയ്യുമ്പോള് എക്സ്ഹോസ്റ്റ് വാതകങ്ങള് പുറന്തള്ളപ്പെടുന്നതിന്റെ ശക്തി കുറയും. എഞ്ചിനകത്തേക്ക് വെള്ളം ഇരച്ചെത്തും.
വെള്ളക്കെട്ട് കടന്നതിനുശേഷം ബ്രേക്ക് പരിശോധിക്കണം
വെള്ളക്കെട്ടു മറികടന്നയുടനെ വാഹനമോടിച്ചു പോകരുത്. വെള്ളമുള്ള പ്രദേശത്തുനിന്നും മാറിക്കഴിഞ്ഞാലുടന് വാഹനം നിര്ത്തി അടിഭാഗം പരിശോധിക്കണം. വെള്ളത്തിലൂടെ ഓടുമ്പോള് ബ്രേക്കുകളിലും താഴ്ഭാഗത്തും മാലിന്യം വന്നടിയാനുള്ള സാധ്യത കൂടുതലാണ്. വാഹനം നിര്ത്തിയതിന് ശേഷം രണ്ടു, മൂന്നു തവണ ബ്രേക്ക് ചവിട്ടി ബ്രേക്കിംഗ് മികവ് പരിശോധിക്കണം.