Just In
- 31 min ago ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
- 1 hr ago ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി
- 4 hrs ago കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
- 16 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
Don't Miss
- Movies ഷൂട്ടിനിടെ തമിഴ് നടന് മോശമായി ടച്ച് ചെയ്തു, ആരും കൂടെ നിന്നില്ല, വഴക്ക് കേട്ടത് എനിക്ക്: മാല പാര്വ്വതി
- Finance 485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...?
- Lifestyle വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം
- Travel പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
- News ചെമ്മീൻ കറി കഴിച്ചതിന് പിന്നാലെ ശ്വാസംമുട്ടൽ; വരാപ്പുഴയിൽ 46കാരൻ മരിച്ചു
- Sports IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
- Technology ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
ബൈക്കുകളില് ഡീസല് എഞ്ചിന് ഉപയോഗിക്കാത്തതിന് കാരണം
അടിക്കടി ഉയരുന്ന പെട്രോള് വില, ഇന്ധനക്ഷമത, ടോര്ഖ്... വിപണിയില് ഡീസല് കാറുകള്ക്ക് പ്രചാരമേറാന് കാരണങ്ങള് ഇങ്ങനെ ഒത്തിരി. എന്നാല് ബൈക്കുകളുടെ കാര്യം എടുത്താലോ ആകെ പെട്രോള് പതിപ്പുകള് മാത്രം.
'ബൈക്ക് ഡീസലെങ്കില് ഇന്ധനചെലവ് എന്തുമാത്രം കുറഞ്ഞേനെ', ഈ ചിന്ത കടന്നുപോകാത്തവര് ചുരുക്കമായിരിക്കും. അതെന്താണ് ഡീസല് ബൈക്കുകള് വിപണിയില് എത്താത്തത്?
മുമ്പ് ഡീസല് ബുള്ളറ്റുകള് വിപണിയിലുണ്ടായിരുന്നു; എന്നാല് ഇപ്പോള് അതുമില്ല. ബൈക്കുകളില് ഡീസല് എഞ്ചിന് ഉപയോഗിക്കാത്തതിന് കാരണങ്ങള് പരിശോധിക്കാം —
ഉയര്ന്ന കമ്പ്രഷന് അനുപാതം
പെട്രോള് എഞ്ചിനുകളെക്കാള് കൂടിയ കമ്പ്രഷന് അനുപാതമാണ് ഡീസല് എഞ്ചിനുകള്ക്കുള്ളത്. പെട്രോള് എഞ്ചിനില് 11:1 അനുപാതത്തിലാണ് കമ്പ്രഷന് നടക്കുന്നതെങ്കില് ഡീസല് എഞ്ചിനില് കമ്പ്രഷന് അനുപാതം 24:1 എന്ന തോതിലാണ്.
ഉയര്ന്ന കമ്പ്രഷന് അനുപാതം കൈകാര്യം ചെയ്യാന് വേണ്ടിയാണ് ഭാരവും വലുപ്പവുമേറിയ ലോഹഘടകങ്ങള് ഡീസല് എഞ്ചിന്റെ ഭാഗമാകുന്നത്. പെട്രോള് എഞ്ചിനെക്കാള് ഡീസല് എഞ്ചിന് ഭാരം വര്ധിക്കാന് കാരണവും ഇതാണ്. അതിനാല് മോട്ടോര്സൈക്കിള് പോലുള്ള ചെറിയ വാഹനങ്ങളില് ഡീസല് എഞ്ചിന് പ്രായോഗികമല്ല.
വിറയല്
ഉയര്ന്ന കമ്പ്രഷന് അനുപാതത്തിന്റെ പശ്ചാത്തലത്തില് കൂടുതല് ശബ്ദവും വിറയലും ഡീസല് എഞ്ചിന് പുറപ്പെടുവിക്കും. ശക്തമായ വിറയലും ശബ്ദവും ഏറെക്കാലം കൈകാര്യം ചെയ്യാന് ഡീസല് മോട്ടോര്സൈക്കിളുകള്ക്ക് സാധിച്ചെന്നു വരില്ല. ഇതും ഡീസല് എഞ്ചിനുകളെ മോട്ടോര്സൈക്കിളില് ഉപയോഗിക്കാത്തതിന് കാരണമാണ്.
വില
ഉയര്ന്ന കമ്പ്രഷന് അനുപാതത്തിന്റെയും ഭാരമേറിയ എഞ്ചിന്റെയും പശ്ചാത്തലത്തില് ഡീസല് എഞ്ചിനുകള്ക്ക് താരതമ്യേന വില കൂടും. കൂടാതെ ഡീസല് എഞ്ചിനില് ടര്ബ്ബോചാര്ജ്ജര് മുഖേനയാണ് സിലിണ്ടറിലേക്ക് കൂടുതല് വായു എത്തുന്നത്. ഇതും ഡീസല് എഞ്ചിന്റെ വില വര്ധിക്കാനുള്ള കാരണമാണ്.
വിപണിയില് പെട്രോള്, ഡീസല് എഞ്ചിനുകള് തമ്മില് കുറഞ്ഞ പക്ഷം 50,000 രൂപയുടെയെങ്കിലും വില വ്യത്യാസം ഉടലെടുക്കും. ഉയര്ന്ന പ്രൈസ് ടാഗില് എത്തുന്ന ഡീസല് എഞ്ചിന് മോട്ടോര്സൈക്കിളുകള്ക്ക് വിപണിയില് ആവശ്യക്കാരെ ലഭിക്കുക ബുദ്ധിമുട്ടാണ്.
മലിനീകരണം
പെട്രോള് എഞ്ചിനുകളെ അപേക്ഷിച്ച് ഡീസല് എഞ്ചിനുകള് കൂടുതല് പരിസര മലിനീകരണം സൃഷ്ടിക്കും. ഏകദേശം 13 ശതമാനം കൂടുതല് കാര്ബണ് ഡൈ ഓക്സൈഡാണ് മൂന്ന് ലിറ്റര് ഇന്ധനത്തില് നിന്നും ഡീസല് എഞ്ചിന് പുറന്തള്ളുക. അതിനാല് ഡീസല് എഞ്ചിനുകള് പരിസ്ഥിതിക്ക് കൂടുതല് ഹാനികരമാണെന്നത് വ്യക്തം.
അറ്റകുറ്റപ്പണി
ഉയര്ന്ന സമ്മര്ദ്ദത്തില് പ്രവര്ത്തിക്കുന്നതിനാല് ഡീസല് എഞ്ചിനുകള്ക്ക് തുടരെ അറ്റകുറ്റപ്പണികള് ആവശ്യമാണ്. തകരാറുകളുടെ തോത് കുറയ്ക്കുന്നതിന് ഓരോ 5,000 കിലോമീറ്ററിലും ഡീസല് എഞ്ചിനില് ഓയില് മാറ്റേണ്ടതായി വരും. അതേസമയം പെട്രോള് എഞ്ചിനുകളില് 10,000 കിലോമീറ്റര് പിന്നിടുമ്പോഴാണ് ഓയില് മാറ്റാറുള്ളത്.
കുറഞ്ഞ എഞ്ചിന് വേഗത
ടോര്ഖിന്റെ കാര്യത്തില് ഡീസല് എഞ്ചിന് കേമനാണ്. എന്നാല് എഞ്ചിന് വേഗത അല്ലെങ്കില് ആര്പിഎമ്മിലേക്ക് വരുമ്പോള് പെട്രോള് എഞ്ചിന് പിന്നിലാണ് ഡീസല് എഞ്ചിന്റെ സ്ഥാനം.
മോട്ടോര്സൈക്കിളുകളെ സംബന്ധിച്ചു വേഗത അനിവാര്യമാണ്. അപ്പോള് പിന്നെ ഇരുചക്രവാഹനങ്ങളില് ഡീസല് എഞ്ചിന് ഒരുങ്ങുന്നതില് അര്ത്ഥമില്ല.
ഊര്ജ്ജ ഉത്പാദനം
പ്രതിലിറ്റര് ഇന്ധനത്തില് നിന്നും കൂടിയ അളവില് ഊര്ജ്ജം ഉത്പാദിപ്പിക്കാന് ഡീസല് എഞ്ചിന് സാധിക്കും. ഡീസല് കത്തുമ്പോള് എഞ്ചിനില് താപഉത്പാദനവും ഗണ്യമായി വര്ധിക്കും.
ഉയര്ന്ന താപം കൈകാര്യം ചെയ്യുന്നതിന് വേണ്ടി കൂടുതല് പ്രതല വിസ്തീര്ണവും ശരിയായ കൂളിംഗ് സംവിധാനവും ഡീസല് എഞ്ചിന് ആവശ്യമാണ്. സ്വാഭാവികമായും ഈ നടപടികള് ഡീസല് എഞ്ചിന്റെ വലുപ്പം വര്ധിപ്പിക്കും.
Image Source: WikiMedia Commons