Just In
- 1 hr ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 2 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 2 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
- 3 hrs ago ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ്
Don't Miss
- Movies റസിയക്കാണോ പ്രാധാന്യമെന്ന് കാവ്യക്ക് സംശയം; എന്നെ വിളിച്ചു; ദിലീപ് ഇങ്ങോട്ട് ആവശ്യപ്പെട്ട റോൾ; കമൽ
- News ഈ രാശിക്കാർക്ക് കര്മ്മപുഷ്ടിയും സാമ്പത്തികനേട്ടവും, ദൂരയാത്രകള് ആവശ്യമായി വരും, രാശിഫലം
- Lifestyle Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഡീസല് കാറില് നിന്നും കറുത്ത പുക വരുന്നുണ്ടോ? കാരണം ഇതാണ്
നിങ്ങളുടെ ഡീസല് കാറില് നിന്നും കറുത്ത പുക വരാറുണ്ടോ? റോഡില് 'കരിമ്പുക' പുറന്തള്ളുന്ന വാഹനങ്ങളെ കാണുമ്പോള് മിക്കവരും അതിരൂക്ഷമായി നോക്കാറുള്ളത്. ശരിക്കും എല്ലാ ഡീസല് എഞ്ചിനുകളും കറുത്ത പുക പുറന്തള്ളാറുണ്ടോ? പരിശോധിക്കാം —
എല്ലാ ഡീസല് വാഹനങ്ങളും കരിമ്പുക പുറന്തള്ളാറില്ല. ലളിതമായി പറഞ്ഞാല് പരിപാലനക്കുറവാണ് ഡീസല് കാറില് നിന്നും കറുത്ത പുക പുറത്തു വരാനുള്ള പ്രധാന കാരണം.
എഞ്ചിനില് നിന്നും കത്തി തീരാത്ത ഡീസലാണ് പുക കുഴലില് നിന്നും കറുത്ത പുകയായി പുറത്ത് വരാറ്. ഉന്നതമര്ദ്ദത്തിലുള്ള വായുവിലേക്ക് ഡീസല് ചീറ്റിയാണ് ഡീസല് എഞ്ചിനുകളുടെ പ്രവര്ത്തനം.
സിലിണ്ടറിലേക്ക് ഡീസല് കടക്കുകയും എന്നാല് എക്സ്ഹോസ്റ്റ് സ്ട്രോക്ക് നടക്കുമ്പോള് കത്താതെ അവശേഷിക്കുന്ന ഡീസലാണ് കരിമ്പുകയ്ക്ക് ആധാരം.
പ്രധാന എഞ്ചിന് ഘടകങ്ങളെല്ലാം കൃത്യമായി പരിപാലിക്കുന്ന സാഹചര്യത്തില് ഡീസല് പൂര്ണമായും എഞ്ചിനുള്ളില് തന്നെ കത്തി തീരും. വായുവും ഇന്ധനവും തമ്മിലുള്ള അനുപാതം തെറ്റുമ്പോഴാണ് എഞ്ചിനില് ഡീസല് കാത്താതെ മിച്ചം വരുന്നത്.
ആവശ്യത്തിലേറെ ഇന്ധനം സിലിണ്ടറിലേക്ക് കടക്കുന്നതാകാം, അല്ലെങ്കില് കൂടുതല് വായു സിലിണ്ടറിലേക്ക് കടക്കുന്നതാകാം ഇതിന് കാരണം. എന്തായാലും ഫലത്തില് മാറ്റമുണ്ടാകില്ല, പുക കുഴലില് നിന്നും കരിമ്പുക പുറത്ത് വരും!
വായു-ഇന്ധന അനുപാതം തെറ്റാനുള്ള കാരണങ്ങള് —
മാലിന്യം അടിഞ്ഞ ഫ്യൂവല് ഇഞ്ചക്ടറുകള്
നിലവാരം കുറഞ്ഞ ഡീസലാണ് കാറില് പതിവായി ഉപയോഗിക്കുന്നതെങ്കില് കാലക്രമേണ സൂക്ഷമമായ കരടുകള് ഫ്യൂവല് ഇഞ്ചക്ടറുകളില് അടിഞ്ഞു കൂടാം.
തത്ഫലമായി ജ്വലനപ്രക്രിയയ്ക്ക് ആവശ്യമായ ഡീസല് ചീറ്റാന് ഇഞ്ചക്ടറുകള്ക്ക് സാധിക്കാതെ വരും. പുക കുഴലില് നിന്നും കറുത്ത പുക പുറത്ത് വരുന്നതിന് ഇതു വഴിതെളിക്കും.
മാലിന്യം അടിഞ്ഞ എയര് ഫില്ട്ടര്
മാലിന്യം അടിഞ്ഞു കൂടി എയര് ഫില്ട്ടര് സംവിധാനം കൃത്യമായി പ്രവര്ത്തിക്കാത്ത പക്ഷം ആവശ്യമായ വായു എഞ്ചിനില് കടക്കില്ല. സിലിണ്ടറില് എത്തുന്ന വായുവിന്റെ അളവ് കുറവാണെങ്കില് ഫ്യൂവല് ഇഞ്ചക്ടറില് നിന്നും വരുന്ന ഡീസല് പൂര്ണമായും കത്തില്ല. സ്വാഭാവികമായി മിച്ചം വരുന്ന കത്താത്ത ഡീസല് പുക കുഴലില് നിന്നും കരിമ്പുകയായി പുറന്തള്ളപ്പെടും.
നിലവാരം കുറഞ്ഞ ഡീസല്
ഡീസലിന് നിലവാരം കുറവെങ്കില് കരടുകളും മാറ്റു മാലിന്യങ്ങളും എഞ്ചിനിലേക്ക് കടക്കും. ഇതും കാറില് നിന്നും കറുത്ത പുക വരാനുള്ള കാരണമാണ്.
ഫ്യൂവല് പമ്പില് തടസ്സം
ഫ്യൂവല് പമ്പില് നേരിടുന്ന തടസ്സങ്ങളും കരിമ്പുക പുറന്തള്ളാനുള്ള കാരണങ്ങളില് ഒന്നാണ്. ഏറെ കാലം നിലവാരം കുറഞ്ഞ ഇന്ധനം നിറയ്ക്കുമ്പോഴാണ് ഫ്യൂവല് പമ്പുകളില് മാലിന്യം അടിഞ്ഞു കൂടാറുള്ളത്.
മോഡിഫിക്കേഷന്
ഡീസല് കാറില് നടത്തുന്ന എഞ്ചിന് മോഡിഫിക്കേഷനുകള് കരിമ്പുക പുറത്തു വരാനുള്ള മറ്റൊരു കാരണമാണ്. കരുത്തുത്പാദനം വര്ധിപ്പിക്കുകയാണ് എഞ്ചിന് റീമാപിംഗ് ലക്ഷ്യമിടുന്നത്.
ഫലമോ, സിലിണ്ടറിലേക്ക് കൂടുതല് ഇന്ധനമെത്തും. സ്വാഭാവികമായി പുക കുഴലില് നിന്നും കറുത്ത പുക വരുന്നതിലേക്ക് ഇതു നയിക്കും.