Just In
- 44 min ago 'കുടുംബം' നോക്കാന് ഏഥര്! രാജ്യം കാത്തിരുന്ന ഫാമിലി സ്കൂട്ടറിനായുള്ള ബുക്കിംഗ് തുടങ്ങി
- 1 hr ago ഒരു ഇന്നോവയ്ക്കും തരാൻ പറ്റാത്ത യാത്രാസുഖം, പ്രേമലു നായകന്റെ 'സൂപ്പർബ് കാർ' തിരിച്ചുവരുന്നു
- 2 hrs ago 20 വര്ഷത്തിന് ശേഷം ലംബോര്ഗിനി മാറ്റിയ ലോഗോ കണ്ടോ? ഒരമ്മ പെറ്റ അളിയന്മാരെന്നേ പറയൂ...
- 3 hrs ago പുതിയത് അങ്ങനെയാരും വാങ്ങുന്നില്ല, പക്ഷേ സെക്കൻഡ് ഹാൻഡ് വിപണിയിൽ ഈ കാർ വാങ്ങാൻ ലേഡീസിന്റെ കൂട്ടിയിടി
Don't Miss
- News മുരളീധരൻ പരാജയഭീതി കൊണ്ട് ഓടിപ്പോയതാണ്, ബലിയാടായിട്ടാണ് ഷാഫിയെ കൊണ്ടിട്ടത്; എളമരം കരീം
- Technology വേറൊന്നും ചിന്തിക്കാനില്ല, തട്ടി പോക്കറ്റിൽ കേറ്റ്! എസ് 24 സ്മാർട്ട്ഫോണുമായി ഐടെൽ
- Movies നിങ്ങളുടെ കാമുകനെക്കാള് 4 വയസ് കൂടുതലുണ്ടെനിക്ക്, സര് എന്ന് വിളിക്കരുത്, കത്രീനയോട് കബീര് ഖാന്
- Sports IPL 2024: രണ്ട് വര്ഷത്തിനുള്ളില് ഈ 22 കാരന് ഇന്ത്യന് ടീമിലെത്തും; യുവതാരത്തെക്കുറിച്ച് ഇര്ഫാന് പഠാന്
- Lifestyle നിങ്ങള് എപ്പോള് മരിക്കും, മരണം പ്രവചിക്കുന്ന എഐ അല്ഗോരിതവുമായി ഡാനിഷ് ഗവേഷകര്, പ്രവര്ത്തനം ഇങ്ങനെ
- Finance ഇതിലും മികച്ച പലിശ സ്വപ്നങ്ങളിൽ മാത്രം, പോസ്റ്റ് ഓഫീസ് നിക്ഷേപങ്ങളുടെ പലിശ നിരക്കറിയാം, ഇപ്പോൾ തന്നെ തുടങ്ങൂ
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ഡ്രൈവിംഗിൽ തുടക്കക്കാരാണോ? ഈ ടിപ്പുകള് അറിഞ്ഞിരിക്കൂ...
വാഹനം ഓടിക്കുക എന്നത് പലരുടെയും സ്വപ്നമാണ്. വാഹനം ഓടിക്കാന് പഠിച്ച് അതുമായി ഗമയില് നിരത്തിലൂടെ ഓടിച്ച് പോകുന്നത് പലരും കൊതിക്കുന്നുണ്ട്. എന്നാല് ചിലര് പേടി കാരണം ഡ്രൈവിങ് പഠിക്കാന് താല്പര്യമുണ്ടായിട്ടും പിന്നാക്കം നില്ക്കാറുണ്ട്. ഡ്രൈവിംഗിലെ തുടക്കക്കാര്ക്ക് ഉപകാരപ്പെടുന്ന ചില ടിപ്പുകളാണ് ഇവിടെ പങ്കുവെക്കാന് പോകുന്നത്.
ഡ്രൈവിംഗ് സ്കൂളില് പോയി ലൈസന്സ് എടുത്തിട്ടുണ്ടെങ്കിലും വണ്ടി റോഡില് ഇറക്കാന് പേടിയുള്ള ആള്ക്കാര് ഉണ്ട്. ലൈസന്സ് ലഭിച്ചവര്ക്ക് കൈതെളിയാന് പരിശീലനം നല്കുന്ന ഡ്രൈവിംഗ് സ്കൂളുകള് ഇന്നുണ്ട്.
ആശാന് സൈഡില് ഇരിക്കുമ്പോള് ഉള്ള ധൈര്യം ഒറ്റക്ക് വാഹനം ഓടിക്കുമ്പോള് കിട്ടാത്തതാണ് ചിലര്ക്ക് പ്രശ്നമാകുന്നത്. വണ്ടി സ്വയം റോഡില് ഇറക്കി പരിചയമായാല് മാത്രമേ ഈ ഭയത്തെ മറികടക്കാന് സാധിക്കൂ. തുടക്കത്തില് ഡ്രൈവിംഗിനിറങ്ങുമ്പോള് ശ്രദ്ധിക്കേണ്ട 10 ടിപ്പുകളാണ് പറയുന്നത്. വാഹനമോടിക്കുമ്പോള് ഇക്കാര്യങ്ങള് ശ്രദ്ധിച്ചാല് ഭാവിയില് നല്ല ശ്രദ്ധയും ഉത്തരവാദിത്തമുള്ളതുമായ ഡ്രൈവര് ആകുന്നതിന് അടിത്തറ പാകും.
1. നിങ്ങളുടെ വാഹനത്തെക്കുറിച്ച് നല്ല ബോധ്യമുണ്ടാകുക. നിങ്ങള് പതിവായി റോഡില് വാഹനമോടിക്കാന് തുടങ്ങുമ്പോള് വാഹനത്തിലെ വിവിധ ബട്ടണുകള്, ഫീച്ചറുകള്, പ്രവര്ത്തനക്ഷമത എന്നിവയെക്കുറിച്ച് നിങ്ങള് പരിചിതരാണെന്ന് ഉറപ്പാക്കുക.
ബ്രേക്ക്, ആക്സിലറേറ്റര്, ക്ലച്ച് എന്നിവയെക്കുറിച്ചും അവ എവിടെയാണ് സ്ഥാപിച്ചിരിക്കുന്നതെന്നതിനെക്കുറിച്ചും എല്ലായ്പ്പോഴും ശരിയായ ധാരണ ഉണ്ടായിരിക്കുക. കാലിന്റെ നിയന്ത്രണങ്ങള് ഇടതുവശത്ത് നിന്ന് എബിസി (ആക്സിലറേറ്റര്, ബ്രേക്ക്, ക്ലച്ച്) ആണെന്നും ഓര്ക്കണം. വൈവിധ്യമാര്ന്ന ഗിയര് പൊസിഷനുകളും നോബും നിങ്ങള്ക്ക് പരിചിതമായിരിക്കണം.
2. നല്ല സീറ്റിംഗ് രീതികള്- ഇത് മനസ്സില് സൂക്ഷിക്കേണ്ട ഒരു സുപ്രധാന കാര്യമാണ്. ഓരോ വാഹനവും ഇരിപ്പിട ക്രമീകരണത്തിന് അതിന്േറതായ സംവിധാനത്തോടെയാണ് വരുന്നതെന്ന് പുതിയ ഡ്രൈവര്മാര് അറിഞ്ഞിരിക്കണം. ഇത് സീറ്റ് ആംഗിള് ക്രമീകരിക്കാന് സഹായിക്കുന്നു.
എല്ലാ ഫംഗ്ഷനുകളും, ഗിയര് ലിവര്, സ്റ്റിയറിംഗ്, മറ്റ് ആവശ്യങ്ങള് എന്നിവ നിര്വഹിക്കാന് കഴിയുന്ന സ്ഥാനം വേഗത്തില് കണ്ടെത്തുന്നുവെന്ന് ഉറപ്പാക്കുക. തുടയോ പിന്ഭാഗമോ അമിതമായി ആയാസപ്പെടാത്ത വിധത്തില് ഇരിപ്പിടം ശരിയായി ക്രമീകരിക്കാന് ശ്രദ്ധിക്കണം.
3. ലൈസന്സ് ശ്രദ്ധിക്കുക- നിങ്ങളുടെ ലൈസന്സിന്റെ ആവശ്യകതകള് നിങ്ങള് പാലിക്കുന്നുണ്ടെന്ന് ഉറപ്പാക്കണം. ഉദാഹരണത്തിന് ലേണേഴ്സ് ലൈസന്സുള്ളവര് വാഹനത്തിന്റെ പുറകിലും മുന്നിലും 'എല്' പതിപ്പിക്കണം. ഈ ലൈസന്സുള്ള ആളുകള്ക്ക് തുടക്കത്തില് പാസഞ്ചര് സീറ്റില് ലൈസന്സുള്ള ഡ്രൈവര്മാര് ഉണ്ടായിരിക്കണം. സ്ഥിരം ഡ്രൈവിംഗ് ലൈസന്സ് ലഭിക്കുന്നവര്ക്ക് പ്രത്യേക തരം വാഹനങ്ങള് ഓടിക്കാന് അനുമതിയും ഉണ്ടായിരിക്കും.
4. ഇന്പുട്ടുകള് പ്രധാനം- ഗിയര് ലിവര്, സ്റ്റിയറിംഗ്, പെഡലുകള് എന്നിവ നിങ്ങള് നല്കുന്ന ഇന്പുട്ടുകളെ ആശ്രയിച്ചിരിക്കും പ്രവര്ത്തിക്കുക. ഓരോ ഭാഗത്തിനും ആവശ്യമായ ശരിയായ ഇന്പുട്ട് കണ്ടെത്തുക. എല്ലായ്പ്പോഴും ചെറിയ രീതിയില് ആരംഭിക്കുന്നതാണ് നല്ലത്. പെട്ടെന്നുള്ള ഇന്പുട്ടുകള് അപകടകരമായ പ്രത്യാഘാതങ്ങളിലേക്ക് നയിച്ചേക്കാം. കൃത്യമായ പരിശീലനം നിങ്ങളെ ഏതു സാഹചര്യത്തെയും നേരിടാന് പ്രാപ്തരാക്കും.
5. തുടക്കം കുറഞ്ഞ സ്പീഡില്- നിങ്ങളുടെ ആദ്യ ഡ്രൈവിംഗ് ദിവസങ്ങളില് കുറഞ്ഞ വേഗതയില് മിതമായ രീതിയില് ആയിരിക്കണം പരിശീലനം. കുറഞ്ഞ വേഗതയില് വാഹനം ഓടിക്കാനുള്ള കഴിവാണ് ആദ്യം വികസിപ്പിച്ചെടുക്കേണ്ടത്.
6. കൃത്യമായ അകലം പാലിക്കുക- നിങ്ങള് ഒരിക്കലും ടെയില്ഗേറ്റ് ചെയ്യരുത്. മുന്നിലുള്ള വാഹനങ്ങളില് നിന്ന് എല്ലായ്പ്പോഴും സുരക്ഷിതമായ അകലം പാലിക്കുക.
7. ഹോണും ഇന്ഡിക്കേറ്ററും ശരിയായി ഉപയോഗിക്കുക- അപകടങ്ങള് ഒഴിവാക്കാന് നിങ്ങള് സമര്ത്ഥമായും ഉദാരമായും ഹോണും ഇന്ഡിക്കേറ്ററും ഉപയോഗിക്കുന്നുണ്ടെന്ന് ഉറപ്പാക്കുക. സിഗ്നലുകളിലും തിരക്കേറിയ ട്രാഫിക്കിലും വെറുതെ ഹോണ് മുഴക്കരുത്. നിങ്ങള് വളവുകളില് നിന്നും തിരിയുന്ന സമയത്തും റോഡിലെ വരി മാറുമ്പോഴും ഇന്ഡിക്കേറ്റര് ഉപയോഗിക്കാന് മറക്കരുത്.