Just In
- 39 min ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
- 1 hr ago ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ
- 2 hrs ago തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
- 3 hrs ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
Don't Miss
- Movies മുക്ത എട്ടാം ക്ലാസില് പഠിക്കുമ്പോള് കള്ളം പറഞ്ഞാണ് സിനിമയില് അഭിനയിച്ചത്; സലിം കുമാര്
- Finance സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ്
- Sports IPL 2024: ലോകം മുഴുവന് കണ്ടു, കണ്ണടച്ച് അംപയര്! മുംബൈക്കു മാത്രമല്ല ചെന്നൈയ്ക്കും പിന്തുണ
- News 'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി
- Technology മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട്
- Travel ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
കേരളത്തിലെ ആദ്യ മിനി ക്ലബ്മാന് സമ്മര് എഡിഷന് സ്വന്തമാക്കി ജയസൂര്യ
വേറിട്ട വേഷങ്ങളിലൂടെ മലയാള സിനിമയില് താരപദവി നേടിയെടുത്തവരില് ഒരാളാണ് ജയസൂര്യ. സിനിമയോടുള്ള പ്രേമം പോലെ തന്നെ വാഹനത്തിനോടും, താരത്തിനുള്ള കമ്പം ഒന്നുവേറെ തന്നെയാണ്.
എന്തായാലും ഈ വര്ഷം തിരുവോണവും, ജനന്മദിനവും ഒന്നിച്ച് ആഘോഷിക്കാന് സാധിച്ചതിന്റെ സന്തോഷത്തിലാണ് താരം. അതുപോലെ തന്നെ പുതിയൊരു അംഗത്തെ കൂടി കുടുംബത്തിലേക്ക് കൊണ്ടുവാരാനും സാധിച്ചു.
വാഹന കമ്പത്തില് ഒട്ടും പിന്നിലല്ലാത്ത ജയസൂര്യയുടെ ഗ്യാരേജിലേക്ക് ഇപ്പോള് പുതിയൊരു അഥിതി കൂടി എത്തി എന്നുവേണം പറയാന്. ബ്രിട്ടീഷ് വാഹന നിര്മ്മാതാക്കളായ മിനിയുടെ ക്ലബ്മാന് സ്പെഷ്യല് പതിപ്പായ ഇന്ത്യന് സമ്മര് എഡിഷനാണ് താരം സ്വന്തമാക്കിയിരിക്കുന്നത്.
MOST READ: ക്ലച്ചില്ലാതെ ഗിയര് മാറാം; ഹ്യുണ്ടായി വെന്യു iMT പതിപ്പിന്റെ ആദ്യ ഡ്രൈവ് റിവ്യൂ
സ്പെഷ്യല് പതിപ്പായതുകൊണ്ട്, സമ്മര് എഡിഷന്റെ 15 മോഡലുകളാണ് മിനി ഇന്ത്യന് വിപണിയില് വില്പ്പനയ്ക്ക് എത്തിച്ചിരിക്കുന്നത്. അതിലെ ഏറ്റവും ഉയര്ന്ന മോഡലാണ് താരം സ്വന്തമാക്കിയത്.
കേരളത്തില് ഈ വാഹനം സ്വന്തമാക്കുന്ന ആദ്യ വ്യക്തിയാണ് ജയസൂര്യ. അതുപോലെ ഇന്ത്യയിലെ മൂന്നാമത്തെ സമ്മര് എഡിഷന് ഉടമയും. ഭാര്യക്കും മക്കള്ക്കുമൊപ്പം കൊച്ചിയിലെ മിനി ഡീലര്ഷിപ്പിലെത്തിയാണ് അദ്ദേഹം വാഹനം ഏറ്റുവാങ്ങിയത്.
MOST READ: ചുവപ്പഴകിൽ ഹോട്ട് കസ്റ്റമൈസ്ഡ് പോളോ
സാധാരണ പതിപ്പില് നിന്നും വേറിട്ട് നില്ക്കുന്നതിനായി വാഹനത്തിന്റെ ഡിസൈനിലും ഫീച്ചറുകളിലും ഒരുപിടി മാറ്റങ്ങള് കമ്പനി ഉള്പ്പെടുത്തിയിട്ടുണ്ട്. കൂടുതല് പ്രീമിയം ലുക്കോടെയാണ് ക്ലബ്മാന് ഇന്ത്യന് സമ്മര് എഡിഷന് വിപണിയില് വില്പ്പനക്കെത്തുന്നത്.
മെറ്റാലിക് റെഡ് കളര് ഓപ്ഷനാണ് വാഹനത്തിന്റെ ആദ്യ പുതുമ. പുനര് രൂപകല്പ്പന ചെയ്ത എല്ഇഡി ഹെഡ്ലാമ്പുകള്, ഫോഗ്ലാമ്പുകള്, എല്ഇഡി ടെയില് ലാമ്പുകള് എന്നിവയും പുതിയ പതിപ്പിന്റെ സവിശേഷതയാണ്.
MOST READ: മിതമായ വിലയിൽ ഏഴ് സീറ്റർ AMT; റെനോ ട്രൈബർ ഓട്ടോമാറ്റിക്കിന്റെ ആദ്യ ഡ്രൈവ് റിവ്യൂ
ഹെഡ്ലാമ്പിന് ചുറ്റുമായി പിയാനോ ബ്ലാക്ക് ഇടംപിടിച്ചിരിക്കുന്നത് കാണാന് സാധിക്കും. പരിഷ്കരിച്ച ഗ്രില്ലിലെ ഇന്സേര്ട്ടുകളും ക്ലബ്മാന് ഇന്ത്യന് സമ്മര് എഡിഷനില് വ്യത്യസ്തമാണ്. മിനിയുടെ ബ്രിട്ടീഷ് പൈതൃകത്തിനുള്ള ആദരസൂചകമായി എല്ഇഡി ടെയില് ലാമ്പുകളുടെ ഇന്സേര്ട്ട്സിന് യൂണിയന് ജാക്ക് (ബ്രിട്ടീഷ് പതാക) ഡിസൈനാണ് കമ്പനി നല്കിയിരിക്കുന്നത്.
പിന്നിലെ സ്പ്ലിറ്റ് ഡോര് ഇപ്പോള് എളുപ്പത്തില് തുറക്കാവുന്ന ഫീച്ചറും കമ്പനി വാഹനത്തില് ചേര്ത്തിട്ടുണ്ട്. ബൂട്ട് സ്പേസിന് താഴെയായി കാലുകൊണ്ട് ഒന്ന് വേവ് ചെയ്താല് തന്നെ ടെയില്ഗേറ്റ് തുറക്കുന്ന പുതിയ സംവിധാനമാണ് ക്ലബ്മാന്റെ ഇന്ത്യന് സമ്മര് എഡിഷന് പതിപ്പിന്റെ മറ്റൊരു ആകര്ഷണം.
MOST READ: 70,000 രൂപയ്ക്ക് കഫേറേസറായി രൂപംമാറി ബജാജ് ഡിസ്കവർ
അകത്തളത്തിലും കാര്യമായ മാറ്റങ്ങളോടെയാണ് വാഹനം വിപണിയില് എത്തുന്നത്. എല്ഇഡി റിങ്ങോടുകൂടിയ 6.5 ഇഞ്ച് ഇന്ഫോടെന്മെന്റ് സിസ്റ്റം, പനോരമിക് ഗ്ലാസ് റൂഫ്, പിയാനോ-ബ്ലാക്ക് ഹൈലൈറ്റുകള്, ആംബിയന്റ് ലൈറ്റിംഗ്, പ്രൊജക്ഷന് ലാമ്പുകള്, ഇലക്ട്രിക്കിലി ക്രമീകരിക്കാവുന്ന സീറ്റുകള് എന്നിവയെല്ലാം വാഹനത്തിലെ സവിശേഷതകളാണ്.
കാര്ബണ് ബ്ലാക്ക് ലെതറേറ്റ് ഫിനിഷുള്ളതും, മെമ്മറി ഫങ്ക്ഷന് ഉള്ളതുമായ ഇലക്ട്രിക്ക് സ്പോര്ട്സ് സീറ്റുകളാണ് അകത്തളത്തിലെ മറ്റൊരു ആകര്ഷണം. ചെക്വര്ഡ് ഡിസൈനിലിലുള്ള ഡാഷ്ബോര്ഡ് ഗാര്ണിഷ്, ലെതറില് പൊതിഞ്ഞ സ്റ്റിയറിങ് വീല് എന്നിവയും ക്ലബ്മാന് ഇന്ത്യന് സമ്മര് എഡിഷനിലെ മറ്റ് ഫീച്ചറുകളാണ്.
2.0 ലിറ്റര് ഫോര് സിലിണ്ടര് ടര്ബോചാര്ജ്ഡ് പെട്രോള് എഞ്ചിനാണ് വാഹനത്തിന്റെ കരുത്ത്. ഈ എഞ്ചിന് 190 bhp കരുത്തും 280 Nm torque ഉം സൃഷ്ടിക്കും. ഏഴ് സ്പീഡ് ഓട്ടോമാറ്റിക്കാണ് ഗിയര് ബോക്സാണ് വാഹനത്തില് ഇടംപിടിച്ചിരിക്കുന്നത്.
പൂജ്യത്തില് നിന്ന് 100 കിലോമീറ്റര് വേഗത കൈവരിക്കാന് 7.2 സെക്കന്റ് മതി. 228 കിലോമീറ്ററാണ് വാഹനത്തിന്റെ പരമാവധി വേഗത. സ്പോര്ട്ട്, ഗ്രീന് എന്നിങ്ങനെ രണ്ട് ഡ്രൈവിംഗ് മോഡുകളും വാഹനത്തില് ഇടംപിടിച്ചിട്ടുണ്ട്.