Just In
- 5 min ago പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
- 1 hr ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- 2 hrs ago എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
- 3 hrs ago ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
Don't Miss
- News തിരഞ്ഞെടുപ്പിന് ഉപയോഗിക്കുന്നത് എത്ര കുപ്പി മഷിയെന്ന് അറിയുമോ? പൊട്ടിച്ച് ഒഴിച്ചാല് മഷിപ്പുഴയാകും
- Movies ദീപികയും രണ്വീറും ഒന്നിച്ചതിന് ഞാനും ഒരു കാരണമാണ്; വിധി എന്നൊന്നുണ്ട്; കരീന കപൂര് പറയുന്നു
- Sports IPL 2024: ധോണി തകര്ത്തടിക്കുന്നു, എന്നിട്ടും കളിക്കുന്നത് 8ാം നമ്പറില്! കാരണം ഫ്ളമിങ് പറയുന്നു
- Lifestyle ചാണക്യനീതി; പുരുഷന് ഭാര്യയല്ലാതെ മറ്റ് സ്ത്രീകളോട് താല്പര്യം തോന്നുന്നതിന് 5 കാരണം
- Technology നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
ഇക്കാര്യത്തിൽ ഇവരാണ് മുന്നിൽ, സൗകര്യപ്രദമായ മൂന്നാം നിര സീറ്റുകളുള്ള കാറുകൾ
കഴിഞ്ഞ കുറച്ചു വർഷത്തിൽ ഇന്ത്യൻ വാഹന വിപണിക്ക് സംഭവിച്ച മാറ്റം ഏത് വാഹന നിർമാണ കമ്പനിയേയും മോഹിപ്പിക്കുന്നതാണ്. അതിനുള്ള ഉദാഹരണമാണല്ലോ എംജി, കിയ പോലുള്ള ബ്രാൻഡുകളുടെ വളർച്ചയും കടന്നുവരവും.
വില ഒരു പ്രധാന ഘടകമായി ആരും കാര്യമായി പരിഗണിക്കുന്നില്ലെന്നു വേണം പറയാൻ. സുരക്ഷയ്ക്കും പ്രായോഗികതയ്ക്കും കംഫർട്ടിനും മുൻഗണന കൊടുക്കുന്ന ഇന്ത്യൻ ജനത വിപണിയുടെ സ്വഭാവം തന്നെ മാറ്റിയെടുത്തു. 7 സീറ്റർ മോഡലുകളുടെ വളർച്ചയും ആവശ്യവുമാണ് ഇതിൽ ഏറ്റവും ശ്രദ്ധേയം.
ടാറ്റ തങ്ങളുടെ സിഗ്നേച്ചർ എസ്യുവിയായ സഫാരിയും മഹീന്ദ്ര തങ്ങളുടെ നിരയിലേക്ക് അൾട്ടിമേറ്റ് XUV700 മോഡലും കൂട്ടിച്ചേർത്തപ്പോൾ ഹ്യുണ്ടായി അൽകാസർ പുറത്തിറക്കി.
വലിയ 7 സീറ്റർ എസ്യുവികളും എംപിവികളുമെല്ലാം നമ്മുടെ വിപണിയിൽ ഇപ്പോൾ ഇടംപിടിച്ചിട്ടുണ്ടെങ്കിലും മൂന്നാം നിര ഉപയോഗിക്കാൻ അത്ര പ്രായോഗികമല്ലാത്ത വാഹനങ്ങളാണ് കൂടുതലുമുള്ളത്. എന്നാൽ ഇവയിലും സുഖപ്രദമായ മൂന്നാം നിര സീറ്റുകൾ വാഗ്ദാനം ചെയ്യുന്ന മോഡലുകൾ ഏതെല്ലാമാണെന്ന് ഒന്നു നോക്കിയാലോ?
ടൊയോട്ട ഇന്നോവ ക്രിസ്റ്റ
സുഖപ്രദമായ 7 സീറ്റർ കാറുകളെ കുറിച്ച് പറയുമ്പോൾ മനസിൽ തെളിയുന്ന ആദ്യത്തെ വാഹനമാണ് ടൊയോട്ട ഇന്നോവ ക്രിസ്റ്റ. 2005 മുതൽ ഇന്ത്യൻ നിരത്തുകളിൽ ചീറിപായുന്ന പാരമ്പര്യമാണ് ഈ ജാപ്പനീസ് വമ്പന് പറയാനുള്ളതും.
MOST READ: ഒരു Fortuner വിറ്റാൽ Toyota -യുടെ പോക്കറ്റിൽ എത്ര വീഴും? ചിന്തിച്ചിട്ടുണ്ടോ?
എല്ലാവർക്കും പ്രിയങ്കരമായ ഇന്നോവ മികച്ച കഴിവുകളും അതിശയകരമായ സൗകര്യങ്ങളും ഇന്റീരിയറും ഉള്ള ഏത് നീണ്ട ടൂറുകൾക്കും റോഡ് യാത്രകൾക്കും തെരഞ്ഞെടുക്കാനാവുന്ന ആദ്യത്തെ കാർ തന്നെയാണ്. മൂന്നാം നിരയിലും അധികം ബുദ്ധിമുട്ടുകളൊന്നുമില്ലാതെ മുതിർന്ന രണ്ട് പേർക്ക് സുഖമായി യാത്ര ചെയ്യാനും ഇന്നോവ അനുവദിക്കുന്നു.
മാരുതി സുസുക്കി എർട്ടിഗ
വിപണിയിൽ എത്തിയ കാലം മുതൽ ടൊയോട്ട ഇന്നോവയ്ക്ക് ബദലായി പലരും പരിഗണിക്കുന്ന വാഹനമാണ് മാരുതി സുസുക്കി എർട്ടിഗ. പോക്കറ്റ് കാലിയാക്കാതെ സ്വന്തമാക്കാൻ സാധിക്കുന്ന എല്ലാ ഗുണങ്ങളുമുള്ള തികഞ്ഞൊരു കോംപാക്ട് എംപിവി മോഡലാണിത്.
എർട്ടിഗയ്ക്ക് പുതിയ ഗിയർബോക്സോടു കൂടിയ ഒരു ഫെയ്സ്ലിഫ്റ്റ് പരിഷ്ക്കാരവും ലഭിച്ചു. പെട്രോളിന് പുറമെ സിഎൻജി വേരിയന്റുകളും മാരുതിയുടെ ഈ മൾട്ടി പർപ്പസ് വാഹനത്തിൽ ലഭ്യമാവും. മൂന്നാം നിര സീറ്റുകളിൽ വേണ്ടത്ര ലെഗ്റൂമും കംഫർട്ടുമാണ് എർട്ടിഗ നൽകുന്നുവെന്നതും ശ്രദ്ധേയമാണ്.
മഹീന്ദ്ര മറാസോ
മഹീന്ദ്രയുടെ ഒരേയൊരു മൾട്ടി യൂട്ടിലിറ്റി വാഹനമാണ് മറാസോ. കരുത്തും സുരക്ഷയും പോലുള്ള ബ്രാൻഡിന്റെ സിഗ്നേച്ചർ ഗുണങ്ങളോടെയാണ് ഇത് വരുന്നത്. ഒരു ഷാർക്ക് പോലെയുള്ള ഡിസൈൻ ഉള്ളതിനാൽ സെഗ്മെന്റിലെ അണ്ടർറേറ്റഡ് കാറുകളിൽ ഒന്നാണിതെന്നും പറയാം.
MOST READ: 10 ലക്ഷം രൂപയിൽ താഴെ വിലയുള്ള ഇന്ത്യയിലെ പവർഫുൾ കോംപാക്ട് എസ്യുവികൾ
ക്യാപ്റ്റൻ സീറ്റുകളോ ബെഞ്ച് ടൈപ്പ് സീറ്റുകളോ ഉള്ളതിനാൽ ഇതിന് മതിയായ സ്പേസാണ് മഹീന്ദ്ര ഒരുക്കിയിരിക്കുന്നത്. കൂടാതെ 8 പേർക്ക് വരെ സുഖമായി യാത്ര ചെയ്യാനും മഹീന്ദ്ര മറാസോ അനുവദിക്കുന്നുണ്ട്. ഇത് ശക്തവും സുരക്ഷിതവും വിശാലവും വിശ്വസനീയവുമാണ്. ഇവയെല്ലാം തന്നെ മറാസോയെ ഒരു മികച്ച ഫാമിലി എംയുവിയാക്കുന്നു.
ടാറ്റ സഫാരി
ടാറ്റയുടെ സിഗ്നേച്ചർ എസ്യുവിയായ സഫാരിയും മൂന്നാം നിര സീറ്റുകളിലെ സ്ഥലസൗകര്യങ്ങളുടെ കാര്യത്തിൽ മികച്ചതാണ്. റോഡ് സാന്നിധ്യത്തിനും ഓഫ്റോഡിംഗ് കഴിവുകൾക്കും ആളുകൾ സഫാരിയുടെ മുൻ തലമുറകളെ വളരെയധികം സ്നേഹിച്ചു. എന്നാൽ പുതിയ അവതാരത്തിൽ ലൈഫ്സ്റ്റൈൽ രീതിയാണ് വാഹനം സ്വീകരിച്ചത്.
ലാൻഡ് റോവറിൽ നിന്ന് ഉരുത്തിരിഞ്ഞ പ്ലാറ്റ്ഫോം അതിന് ഉറപ്പുള്ളതും സുരക്ഷിതവുമായ നിർമാണ നിലവാരത്തിനൊപ്പം അസാധാരണമായ ഒരു റോഡ് സ്റ്റാൻസ് നൽകുന്നു. 6-7-സീറ്റർ വേരിയന്റുകളിൽ ക്യാപ്റ്റൻ സീറ്റുകളും 6-സീറ്റർ പതിപ്പിനായി ബോസ് മോഡും ലഭ്യമാണ്. സുഖപ്രദമായ യാത്രയ്ക്കായി ഓരോ നിരയിലും വിശാലമായ സ്ഥലമാണ് ടാറ്റ ഒരുക്കിയിരിക്കുന്നത്.
മഹീന്ദ്ര സ്കോർപിയോ
വിശാലവും പരുക്കനുമായ എസ്യുവികൾ പരിഗണിക്കുമ്പോൾ സ്കോർപ്പിയോയെ ഒഴിവാക്കാനാവില്ല. ഇത് കുറച്ച് കാലമായി ഇന്ത്യൻ നിരത്തുകളിലെ താരമാണ്. മഹീന്ദ്രയുടെ രണ്ടാമത്തെ ബെസ്റ്റ് സെല്ലർ എന്ന നിലയിൽ വിപണിയിൽ അതിന്റെ ആധിപത്യ സാന്നിധ്യം നിലനിർത്താനും ഇക്കാലയളവിൽ സ്കോർപിയോയ്ക്ക് സാധിച്ചിട്ടുണ്ട്.
ഒരു വർഷത്തിലേറെയായി പരീക്ഷണയോട്ടത്തിലുള്ള സ്കോർപിയോയുടെ പുതുതലമുറ മോഡൽ അധികം വൈകാതെ തന്നെ വിപണിയിൽ ഇടംപിടിക്കുന്നതായിരിക്കും. നിലവിൽ ഇത് 7-9 സീറ്റർ ഓപ്ഷനുകൾ വാഗ്ദാനം ചെയ്യുന്നുണ്ട്. എല്ലാം യഥാക്രമം വിശാലവും പ്രായോഗികതയും ഉപയോഗക്ഷമതയും വർധിപ്പിക്കുന്നതിന് ഉയർന്ന മാർക്കറ്റ് സൗകര്യങ്ങളാലാണ് സജ്ജീകരിച്ചിരിക്കുന്നത്.
ടൊയോട്ട ഫോർച്യൂണർ
പ്രീമിയം ഫുൾ-സൈസ് എസ്യുവി സെഗ്മെന്റിലെ രാജാവാണ് ടൊയോട്ട ഫോർച്യൂണർ. കാലത്തിനനുസരിച്ച് കോലം മാറാനും അതിനൊത്ത ഫീച്ചറുകൾ അവതരിപ്പിക്കാനും ജാപ്പനീസ് ബ്രാൻഡിന് എക്കാലവും സാധിച്ചിട്ടുണ്ട്. ലോഞ്ച് ചെയ്തതു മുതൽ ജനപ്രിയമായി നിലനിൽക്കാനും ഇക്കാരണങ്ങൾ സഹായിക്കുകയുണ്ടായി.
ഫോർഡ് ഇന്ത്യൻ വിപണിയിൽ നിന്ന് പുറത്തായതോടെ പ്രധാന എതിരാളിയായ എൻഡവർ കളമൊഴിഞ്ഞതും ഫോർച്യൂണറിന് സഹായകരമായിട്ടുണ്ട്. ഇതിന് മികച്ച സൗകര്യവും ഓഫ്റോഡിംഗ് ട്രാക്കുകൾ കീഴടക്കാൻ നല്ല ഈടുമുള്ള ആധികാരിക റോഡ് സാന്നിധ്യവുമുണ്ട്. യാത്രക്കാർക്ക് സുഖപ്രദമായ യാത്രയ്ക്കായി വിപുലമായ സൗകര്യങ്ങളുള്ള എല്ലാ നിരകളിലും മതിയായ ഇടം ഫോർച്യൂണർ വാഗ്ദാനം ചെയ്യുന്നുമുണ്ട്.
എംജി ഗ്ലോസ്റ്റർ
ഈ സെഗ്മെന്റിലെ ഏറ്റവും ആഡംബര പൂർണമായ വാഹനമാണ് എംജി ഗ്ലോസ്റ്റർ എന്ന് നിസംശയം പറയാം. ഉയർന്ന മാർക്കറ്റ് അപ്ഹോൾസ്റ്ററിയും ക്യാബിനിലെ ശുദ്ധീകരിച്ച ആഡംബരവുമുള്ള പ്രീമിയം ഫീച്ചറുകളുടെ ഒരു ലിസ്റ്റും ഗ്ലോസ്റ്ററിന്റെ പ്രത്യേകതയാണ്. ആരാധകരും വിമർശകരുമുള്ള ഇന്ത്യയിലെ ആദ്യത്തെ ഓട്ടോണമസ് ലക്ഷ്വറി എസ്യുവിയാണിത്.
ശക്തമായ എഞ്ചിനും ഓഫ്റോഡിംഗിനായി AWD ഉള്ളതിനാൽ, സുഖകരവും വിശാലവുമായ ഇരിപ്പിടങ്ങളോടുകൂടിയ ശോഭയുള്ളതും പ്രായോഗികവുമായ ഇന്റീരിയറാണ് ഗ്ലോസ്റ്റർ പ്രതിദാനം ചെയ്യുന്നത്. കൂടാതെ 6/7 സീറ്റർ ലേഔട്ടുകളിലും വാഹനം തെരഞ്ഞെടുക്കാനാവും.