നാനോ വാങ്ങിയപ്പോള്‍ ഈടാക്കിയത് അമിത തുക, ടാറ്റ ഡീലര്‍ഷിപ്പിന് പിഴ വിധിച്ച് കോടതി

താന്‍ നല്‍കിയതിനെക്കാളും കുറവ് തുക ഇന്‍വോയ്‌സില്‍ രേഖപ്പെടുത്തിയതിനെതിരെ റെഡ്ഡി ഉടന്‍ തന്നെ നല്‍ഗൊണ്ട ഉപഭോക്തൃ തര്‍ക്ക പരിഹാര കോടതിയെ സമീപിച്ചു. ഇതുമായി ബന്ധപ്പെട്ട രേഖകളും ശ്രീധര്‍ റെഡ്ഡി കോടതിയില്‍ സമര്‍പ്പിച്ചു.

ഡീലര്‍ഷിപ്പ് തന്റെ പക്കല്‍ നിന്നു അധികമായി ഈടാക്കിയ 19,482 രൂപയ്‌ക്കെതിരെയാണ് റെഡ്ഡി കോടിതിയെ സമീപിച്ചിരുന്നത്. ഇന്‍വോയ്‌സില്‍ രേഖപ്പെടുത്തിയതിനെക്കാളും ഏതാണ്ട് 16.2 ശതമാനും അധിക തുകയാണ് ഇവര്‍ ഇദ്ദേഹത്തില്‍ നിന്ന് ഈടാക്കിയിരുന്നത്.

ഇരുഭാഗത്തിന്റെയും വാദം കേട്ടതിന് ശേഷം പരാതിക്കാരന് 5000 രൂപ നഷ്ടപരിഹാരമായി നല്‍കാനും ഇദ്ദേഹത്തില്‍ നിന്ന് ഈടാക്കിയ അമിത തുക ഒമ്പത് ശതമാനം വാര്‍ഷിക പലിശ നിരക്കില്‍ തിരിച്ച് നല്‍കാനും കോടതി വിധിച്ചു.

എന്നാല്‍, വിധി തൃപ്തികരമാവാത്തതിനെ തുടര്‍ന്ന് റെഡ്ഡി ഉന്നത കമ്മീഷനെ സമീപിച്ചു. ഒമ്പത് ശതമാനം വാര്‍ഷിക പലിശ നിരക്ക് 24 ശതമാനമായി ഉയര്‍ത്തണമെന്നായിരുന്നു റെഡ്ഡി കമ്മീഷനില്‍ ഉന്നയിച്ച വാദം.

എന്നാല്‍, പരാതിക്കാരന്റെ ഈ വാദത്തില്‍ കഴമ്പില്ലെന്നും നിശ്ചയിച്ച ഒമ്പത് ശതമാനം ന്യായമായ തുകയാണെന്നും കമ്മീഷന്‍ കണ്ടെത്തി. എന്നിരുന്നാലും അധിക തുക ഈടാക്കിയ ഡീലര്‍ഷിപ്പിന്റെ പ്രവൃത്തി ശരിയായില്ലെന്ന് കണ്ടെത്തിയ കോടതി, നഷ്ട പരിഹാരമായി നിര്‍ദ്ദേശിച്ച 5,000 രൂപയ്ക്ക് പകരം 50,000 രൂപ ഉടമയ്ക്ക് നല്‍കണമെന്ന് വിധിക്കുകയായിരുന്നു.

Most Read: വരാനിരിക്കുന്ന അഞ്ച് ടാറ്റ എസ്‌യുവികള്‍

നാല് വര്‍ഷങ്ങള്‍ക്കിപ്പുറം തനിക്ക് നീതി ലഭിച്ചതില്‍ സന്തുഷ്ടവാനാണെന്ന് ശ്രീധര്‍ റെഡ്ഡിയും അറിയിച്ചു. ടാറ്റ നാനോ ഇപ്പോള്‍ വില്‍പ്പനയ്ക്കുണ്ടെങ്കിലും ഔദ്യോഗികമായി നാനോയുടെ നിര്‍മ്മാണം ടാറ്റ നിര്‍ത്തി.

Most Read:മെര്‍സിഡീസ് ബെന്‍സ് E ക്ലാസ് ലോങ്ങ് വീല്‍ബേസ് വിപണിയില്‍ - വില 57.5 ലക്ഷം രൂപ മുതല്‍

നിലവിലുള്ള സ്‌റ്റോക്ക് തീരുന്നതു വരെ മാത്രമെ നാനോ വിപണിയിലുണ്ടാവൂ. നാനോയ്ക്ക് പരമായൊരു കാര്‍ തങ്ങളുടെ നിരയില്‍ അണിനിരത്താന്‍ പദ്ധതിയുണ്ടെന്ന് ടാറ്റ സൂചിപ്പിച്ചിരുന്നു. വിപണിയില്‍ ടിയാഗൊയ്ക്ക് തൊട്ട് താഴെയായിരിക്കും ഇതിന്റെ സ്ഥാനം.

Most Read: മഹീന്ദ്ര ഥാറിന് ഓട്ടോമാറ്റിക് ഗിയർബോക്സ് തയ്യാർ

ആധുനിക ഫീച്ചറുകളെല്ലാം ഉള്‍പ്പെട്ട ഈ കാര്‍ അഞ്ച് സ്റ്റാര്‍ സേഫ്റ്റി റേറ്റിംഗുള്ളതായിരിക്കും. കമ്പനിയുടെ പുതിയ ALFA പ്ലാറ്റ്‌ഫോം അടിസ്ഥാനമാക്കിയായിരിക്കും ഇത് ഒരുങ്ങുക. പ്രധാനമായും മാരുതി ആള്‍ട്ടോയ്ക്കായിരിക്കും ഈ ചെറുകാര്‍ വെല്ലുവിളി ഉയര്‍ത്തുക.

*ചിത്രങ്ങള്‍ പ്രതീകാത്മകം

Source: Rushlane