Just In
- 6 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 8 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 9 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 10 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Sports IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- News തിരഞ്ഞെടുപ്പ് ദിനത്തില് പൊതു അവധി, എന്തെല്ലാം അടയ്ക്കും, തുറന്നിരിക്കുന്നത് ഇവ; അറിയാം വിവരങ്ങള്
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ടൊയോട്ടയുടെ വേരിയന്റ് പേരുകൾ അർഥമാക്കുന്നത് എന്തെന്ന് അറിയാമോ?
ഒരു കാർ വിപണിയിൽ എത്തുമ്പോൾ വ്യത്യസ്ത വേരിയന്റുകളിലാണ് എത്തുന്നതെന്ന് ഏതൊരാൾക്കും അറിയാവുന്ന കാര്യമാണ്. എന്നാൽ ഇവ അർഥമാക്കുന്നത് എന്തിനെയാണ് എന്ന കാര്യം അറിയാവുന്നവർ വളരെ ചുരുക്കവുമാണ്.
പല വാഹന പ്രേമികൾക്കു പോലും ഇത്തരം വിശദാംശങ്ങൾ അറിയില്ലെന്നതാണ് യാഥാർഥ്യം. ഏവർക്കും പ്രിയപ്പെട്ട വാഹന നിർമാതാക്കളാണ് ടൊയോട്ട എന്ന ആഗോള ബ്രാൻഡ്. എല്ലാ ടൊയോട്ട വേരിയന്റ് ലെവൽ പേരുകളും എന്താണ് അർഥമാക്കുന്നത് എന്ന് ഒന്നു പരിശോധിച്ചാലോ?
മിക്ക ടൊയോട്ട വേരിയന്റ് ലെവലുകളിലും കുറച്ച് അക്ഷരങ്ങൾ മാത്രമാണ് അടങ്ങിയിരിക്കുന്നത്. അവയുടെ ഉപരിതലത്തിൽ ആ അക്ഷരങ്ങൾ എന്താണ് അർഥമാക്കുന്നത് എന്ന് മനസിലാക്കാൻ പ്രയാസമാണ്. ഇക്കാര്യങ്ങളെ കുറിച്ചുള്ള സംശയങ്ങളാണ് ഇന്ന് വിവരിക്കാൻ പോവുന്നത്.
ആഗോള തലത്തിൽ XLE, XLS എന്നിവയും അതിലേറെയും പോലുള്ള ചുരുക്കെഴുത്തുകളാണ് ജാപ്പനീസ് വാഹന നിർമാതാക്കൾ ഭൂരിഭാഗവും ഉപയോഗിക്കാറുള്ളതു തന്നെ. എന്നാൽ ഇന്ത്യയിൽ ഇതിൽ നിന്നും വ്യത്യസ്തവുമാണ് ടൊയോട്ടയുടെ വേരിയന്റ് പേരുകൾ.
സാധാരണ ടൊയോട്ട വേരിയന്റ് ലെവൽ പേരുകൾക്ക് പിന്നിലെ അർഥമെന്താണെന്ന് നമുക്ക് ആദ്യം നോക്കാം. പൊതുവായ പേരുകളിലെ അക്ഷരങ്ങൾ എന്തിനെയാണ് സൂചിപ്പിക്കുന്നത് എന്നു മനസിലാക്കിയാൽ കാര്യങ്ങൾ കുറച്ച് എളുപ്പമാവും.
E എന്ന വേരിയന്റ് എല്ലായ്പ്പോഴും എഡിഷൻ എന്നാണ് അർഥമാക്കുന്നത്. അതേസമയം എൻട്രി ലെവൽ മാത്രമായ L വേരിയന്റിന്റെ കാര്യത്തിൽ ഒഴികെ L മിക്കവാറും ലക്ഷ്വറി എന്നതിനെയാണ് സൂചിപ്പിക്കുന്നുത്. S സ്പോർട്സ് എന്ന പദത്തെയും അർഥമാക്കുമ്പോൾ X എന്നാൽ എക്സ്ട്രീമിനെയും സൂചിപ്പിക്കും.
LE എന്നാൽ ലക്ഷ്വറി എഡിഷൻ എന്ന വാക്കിനെയാണ് അർഥമാക്കുക. XLE എന്നാൽ എക്സിക്യൂട്ടീവ് ലക്ഷ്വറി എഡിഷൻ, SE എന്നാൽ സ്പോർട്സ് എഡിഷൻ എന്നീ പദങ്ങളെയും അടിവരയിടുന്നു. XE സാധാരണ ടൊയോട്ട കാറുകളിൽ കണ്ടുവരുന്നൊരു വേരിയന്റാണ്. ഇത് എക്സ്ട്രീം സ്പോർട്ട് എഡിഷനെ സൂചിപ്പിക്കുന്നു. SR സ്പോർട്ട് റാലി, SR5 സ്പോർട്ട് റാലി 5 സ്പീഡ് എന്നിവയാണ് ബ്രാൻഡിന്റെ മറ്റ് സാധാരണ വേരിയന്റ് പേരുകൾ.
സാധാരണമല്ലാത്ത ടൊയോട്ട വേരിയന്റ് ലെവൽ പേരുകളാണ് ഇനി വിശദീകരിക്കാൻ പോവുന്നത്. ചരിത്രപരമായും സാധാരണമല്ലാത്ത ചില മോഡലുകളിലും നിങ്ങൾക്ക് മറ്റ് ചില വേരിയന്റ് പദങ്ങൾ ടൊയോട്ട കാറുകളിൽ കണ്ടെത്താനായേക്കും. എക്സ്ട്രീം റാലി, എക്സ്ട്രീം റാലി സ്പോർട് എന്നിവ അർഥമാക്കുന്ന XR, XRS എന്നീ വേരിയന്റുകളാണിവ.
CE അല്ലെങ്കിൽ ക്ലാസിക് എഡിഷൻ, DX അല്ലെങ്കിൽ ഡീലക്സ്, VE എന്ന വാല്യു എഡിഷൻ എന്നിവയും ആകസ്മികമായി ടൊയോട്ട കാറുകളിൽ ഇടംപിടിക്കാറുള്ള വേരിയന്റുകളാണ്. ഇന്ത്യയിലും ആഗോള നിരത്തുകളിലും കമ്പനിയുടെ TRD എഡിഷൻ മോഡലുകൾ വളരെ ജനപ്രിയമാണ്.
എന്നാൽ ഇവ അർഥമാക്കുന്നത് എന്താണെന്ന കാര്യം പലർക്കും അറിയില്ല. TRD വേരിയന്റ് ലെവലുകൾ ഉപയോഗിക്കുന്ന ചില മോഡലുകളുണ്ട് ടൊയോട്ട നിരയിൽ. ഇന്നോവ ക്രിസ്റ്റ, ഫോർച്യൂണർ എസ്യുവി, തൺട്ര പിക്കപ്പ്, RAV4, കാമ്രി എന്നിവയാണ് ഈ വേരിയന്റുകൾ ഉപയോഗിക്കുന്ന പ്രധാനപ്പെട്ട മോഡലുകൾ.
വളരെ ലളിതമായ അർഥമാണ് TRD എന്നതുകൊണ്ട് കമ്പനി ഉദ്ദേശിക്കുന്നത്. ടൊയോട്ട റേസിംഗ് ഡെവലപ്മെന്റ് ആണ് TRD എന്ന വേരിയന്റുകൾ പറഞ്ഞുവെക്കുന്ന കഥ. TRD-യിൽ ആഫ്റ്റർ മാർക്കറ്റ് അപ്ഗ്രേഡ് പാർട്സുകളിലൂടെ വാഹനത്തെ കൂടുതൽ സ്പോർട്ടിയർ ആക്കുന്ന രീതിയാണ് ടൊയോട്ട ഇതിലൂടെ ഉപയോഗിക്കുന്നത്.
ഇതുമാത്രമല്ല, ഓരോ ടൊയോട്ട വാഹനത്തിനും അതിന്റെ ജനറേഷൻ, പ്രധാന ഓപ്ഷനുകൾ (എഞ്ചിൻ തരം, ഗിയർബോക്സ് തരം, ബോഡി സ്റ്റൈൽ, ഗ്രേഡ് ലെവൽ) എന്നിവ വിവരിക്കുന്ന ഒരു മോഡൽ കോഡും പ്രാധാന്യമാണ്.
മോഡൽ കോഡുകൾ 1937 മുതൽ 1950 കളുടെ അവസാനം വരെ, 1950 കളുടെ അവസാനം മുതൽ 1970 കളുടെ അവസാനം വരെയും 1970 കളുടെ അവസാനം വരെയും മൂന്ന് കാലഘട്ടങ്ങളായി തിരിച്ചിരിക്കുന്നു. പുതിയ മോഡലുകൾ പുതിയ കോഡുകൾ ഉപയോഗിച്ച് ഘട്ടംഘട്ടമായി മാറിയിട്ടുമുണ്ട്.