Just In
- 23 min ago ട്രക്കിടിച്ചിട്ടും കുലുങ്ങിയില്ല, യാത്രക്കാർ സേഫ്; ക്രാഷ് ടെസ്റ്റിന് മുമ്പേ കരുത്ത് തെളിയിച്ച് എക്സ്റ്റർ
- 1 hr ago ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും
- 1 hr ago കുട്ടികളോട് നിങ്ങൾ ഇങ്ങനെ ചെയ്യരുത്, കാറിൽ ഒറ്റയ്ക്ക് ഇരുത്തരുതെന്ന് ദുരന്ത നിവാരണ അതോറിറ്റിയുടെ മുന്നറിയിപ്
- 2 hrs ago സ്റ്റെഡി ലൈക്ക് എ വടി! 3 വർഷം തുടർച്ചയായി മികച്ച നേട്ടം; ഇന്ത്യയിൽ മാഗ്നൈറ്റുമായി നാഴികക്കലുകൾ കീഴടക്കി നിസാൻ
Don't Miss
- Finance ലാഭം നേടാൻ നല്ലത് ഈ റെയിൽവേ ഓഹരി, കുതിപ്പ് സർവ്വകാല റെക്കോർഡിലെത്തും, കൂടെക്കൂട്ടുന്നോ
- News സിനിമ മുതല് സർവ്വേ വരെ പാടില്ല: എന്താണ് നിശബ്ദ പ്രചരണം, അറിയേണ്ടതെല്ലാം
- Lifestyle ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ്
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
- Sports T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട്
- Movies ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
പെട്രോളിന് പിന്നാലെ സെഞ്ചുറി അടിക്കാൻ ഡീസൽ വിലയും, കുലുക്കമില്ലാതെ കേന്ദ്ര സർക്കാർ
രാജ്യത്ത് കുതിച്ചുയരുകയാണ് ഇന്ധന വില. ആരോട് പറയാൻ ആരു കേൾക്കാൻ എന്ന ചോദ്യമാണ് രാജ്യത്തെ ജനങ്ങളെ കുഴക്കുന്നതും. ഒരു വർഷത്തിനിടെ ഇന്ധന വിലയിൽ മുപ്പത് രൂപയോളം വർധനയാണ് ഉണ്ടായിരിക്കുന്നത് എന്നതും ശ്രദ്ധേയമാണ്.
പല സംസ്ഥാനങ്ങളിലും പെട്രോൾ വില 100 കടന്നു. ഇപ്പോഴിതാ ഡീസൽ വിലയും ലിറ്ററിന് 100 രൂപയോട് അടുക്കുകയാണ് എന്നതും ആശ്ചര്യം തന്നെ. കൊവിഡ് പശ്ചാത്തലത്തിൽ ഈ കുതിച്ചുകയറ്റം നോക്കിനിൽക്കാനെ ജനങ്ങൾക്ക് സാധിക്കുന്നുള്ളൂ.
രാജസ്ഥാൻ, മധ്യപ്രദേശ്, മഹാരാഷ്ട്ര, ആന്ധ്ര, തെലങ്കാന, ലഡാക്ക് എന്നിവയുൾപ്പെടെ ആറ് സംസ്ഥാനങ്ങളിലും കേന്ദ്രഭരണ പ്രദേശങ്ങളിലും പെട്രോൾ ലിറ്ററിന് 100 രൂപ കടന്നു. ഇപ്പോൾ,ഡീസലിന്റെ രൂപയാണ് നൂറിനോട് അടുക്കുന്നത്.
എണ്ണ കമ്പനികൾ വെള്ളിയാഴ്ച ഇന്ധന വില ഉയർത്തിയതിന് ശേഷം രാജസ്ഥാനിൽ ഒരു ലിറ്റർ ഡീസലിന്റെ വില 99.80 രൂപയായി. പെട്രോളിന്റെ വില ലിറ്ററിന് 29 പൈസയായി ഉയർത്തിയപ്പോൾ ഡീസലിന്റെ വില 28 പൈസയായാണ് വർധിപ്പിച്ചത്.
2021 മെയ് നാല് മുതൽ എണ്ണ കമ്പനികൾ ഇന്ധന വില 22 തവണ ഉയർത്തി. പെട്രോളിന്റെ വില ലിറ്ററിന് 5.45 രൂപയും ഡീസലിന് ലിറ്ററിന് 6.02 രൂപയും. രാജ്യത്ത് ഏറ്റവും കൂടുതൽ പെട്രോൾ, ഡീസൽ വില രാജസ്ഥാനിലെ ശ്രീ ഗംഗനഗർ ജില്ലയിലാണ്.
ഇന്ത്യ-പാകിസ്ഥാൻ അതിർത്തിക്കടുത്തുള്ള ഈ ജില്ലയിൽ പെട്രോൾ, ഡീസൽ വില യഥാക്രമം ലിറ്ററിന് 106.94, രൂപ, 99.80 രൂപ എന്നിങ്ങനെയാണ്. കഴിഞ്ഞ ഏഴു വർഷത്തിനിടയിൽ കേന്ദ്ര സർക്കാർ പെട്രോളിനും ഡീസലിനുമുള്ള നികുതി രണ്ട് മടങ്ങ് ഉയർത്തുകയും ചെയ്തിട്ടുണ്ട്.
സംസ്ഥാനങ്ങളിൽ മധ്യപ്രദേശ്, മഹാരാഷ്ട്ര, ആന്ധ്രാപ്രദേശ്, തെലങ്കാന എന്നിവയ്ക്കൊപ്പം രാജസ്ഥാനാണ് ഇന്ധനത്തിന് പരമാവധി വാറ്റ് ഈടാക്കുന്നത്. പ്രാദേശിക നികുതികളായ വാറ്റ്, ചരക്ക് കൂലി എന്നിവ അനുസരിച്ച് ഇന്ധന വില സംസ്ഥാനങ്ങളിൽ നിന്ന് വ്യത്യസ്തമാണ്.
കേരളത്തിൽ പ്രീമിയം പെട്രോളിന് കഴിഞ്ഞ ദിവസം 100 കടന്നിരുന്നു. സംസ്ഥാനത്തെ ഡീസൽ വില ഇന്ന് ലിറ്ററിന് 93.48 രൂപയാണ്. തിരുവനന്തപുരത്ത് പെട്രോള് വില 98.16 രൂപയാണ്. വില വർധനവിനെതിരെ കോണ്ഗ്രസ് ഇന്നലെ രാജ്യ വ്യാപകമായി പ്രതിഷേധം നടത്തിയിരുന്നു.
കൊവിഡിന്റെ മറവിൽ കേന്ദ്രം ഇക്കാര്യത്തിൽ നിശബ്ദത പാലിക്കുമ്പോൾ സാധാരണക്കാരുൾപ്പടെയുള്ളയുള്ള ജനങ്ങളെയാണ് ഈ വിലക്കയറ്റം നേരിട്ട് ബാധിക്കുന്നത്. ഇനിയും കേന്ദ്രം ഈ നില തുടർന്നാൽ ജീവിത ചെലവുകൾ കൂട്ടിമുട്ടിക്കാൻ പെടാപാടുപെടേണ്ടി വരും.