Just In
- 8 hrs ago രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം
- 11 hrs ago ഇടംകൈയ്യനിൽ ഒതുങ്ങില്ല! ലോകത്തെ ആദ്യ റൈറ്റ് ഹാൻഡ് ഡ്രൈവ് ഹമ്മർ ഇവി ഇതാ
- 12 hrs ago സേഫ്റ്റിയേക്കാള് വലുതാണോ വില? സുരക്ഷ കുറവായിട്ടും ആളുകള് ചോദിച്ച് വാങ്ങുന്ന 3 കാറുകള്
- 12 hrs ago മുഖംമിനുക്കി വരാൻ പണക്കാരുടെ ഥാർ എസ്യുവി, മഹീന്ദ്രയുടെ അപ്പൻ തമ്പുരാൻ രണ്ടുംകൽപ്പിച്ച് തന്നെ
Don't Miss
- Movies ആ പ്രണയം തകർന്നത് നന്നായി, പ്രസന്നയെ പോലൊരു ഭർത്താവിനെ കിട്ടി; ആ വർഷം കഠിനമായിരുന്നെന്നും സ്നേഹ
- Sports IPL 2024: 36 ബോളില് വേണ്ടത് 96! നാലു വിക്കറ്റ് മാത്രം, 'തോറ്റ' കളി റോയല്സ് ജയിച്ചതെങ്ങനെ? നോക്കാം
- News വിമാനത്താവള നഗരത്തെ ഇളക്കി മറിച്ച് സുധാകരന് വേണ്ടി ഡികെ ശിവകുമാറിന്റെ റോഡ് ഷോ
- Travel മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ്
- Lifestyle ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി
- Technology ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ
- Finance ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
കിലോമീറ്ററിന് ചെലവ് വെറും 60 പൈസ മാത്രം, ടിയാഗോ ഇവിയുണ്ടേൽ കാശ് പോക്കറ്റിൽ കിടക്കുമെന്ന് ടാറ്റ
ഇന്ത്യയിലെ ഏറ്റവും വില കുറവുള്ള ഇലക്ട്രിക് കാറായി ടിയാഗോ ഇവി കടന്നുവന്നിട്ട് ദിവസങ്ങൾ മാത്രമാണായത്. എന്നിരുന്നാലും വിപണിയിൽ തന്റെ വരവറിയിക്കാൻ ഈ ഹാച്ച്ബാക്കിനായിട്ടുണ്ട്.
2022 ഒക്ടോബർ 10-ന് ബുക്കിംഗ് ആരംഭിക്കുന്ന ഇലക്ട്രിക് ഹാച്ച്ബാക്കിന് ഇന്ത്യയിൽ 8.49 ലക്ഷം രൂപ മുതലാണ് പ്രാരംഭ വില. എന്നാൽ ടിയാഗോ ഇവിക്കായുള്ള ഡെലിവറി അടുത്ത വർഷം ജനുവരിയിലാവും തുടങ്ങുക. 2026 ഓടെ പത്ത് ഇലക്ട്രിക് വാഹനങ്ങളുടെ ഒരു നിര രൂപപ്പെടുത്താനുള്ള കമ്പനിയുടെ പദ്ധതികളുടെ ഭാഗമാണ് ഈ മോഡൽ.
IP67 റേറ്റിംഗുള്ള 24 kWh, 19.2 kWh ബാറ്ററി പായ്ക്കുകളുമായാണ് ടാറ്റ ടിയാഗോ ഇലക്ട്രിക് വിപണിയിൽ എത്തുന്നത്. ആദ്യത്തേതിന് 315 കിലോമീറ്റർ MIDC ഡ്രൈവ് റേഞ്ച് കമ്പനി അവകാശപ്പെടുമ്പോൾ രണ്ടാമത്തേതിന് ഒറ്റ ചാർജിൽ 250 കിലോമീറ്റർ ലഭിക്കുമെന്നും ടാറ്റ മോട്ടോർസ് പറയുന്നു.
വാഹനത്തെ കൂടുതൽ ആകർഷകമാക്കാൻ ബാറ്ററിക്കും ഇലക്ട്രിക് മോട്ടോറിനും എട്ട് വർഷത്തെ അല്ലെങ്കിൽ 1.60 ലക്ഷം കിലോമീറ്റർ വാറണ്ടിയും ടാറ്റ ഇലക്ട്രിക് ഹാച്ചിലുണ്ട്. കൂടുതൽ സൗകര്യത്തിനായി, നാല് ചാർജിംഗ് ഓപ്ഷനുകളും ലഭ്യമാണ്.
അതിൽ എവിടെയും, എപ്പോൾ വേണമെങ്കിലും ചാർജുചെയ്യാനുള്ള 15A പ്ലഗ് പോയിന്റ്, ഒരു സാധാരണ 3.3kW എസി ചാർജർ, 7.2kW എസി ഹോം ഫാസ്റ്റ് ചാർജർ, വെറും 30 മിനിറ്റിനുള്ളിൽ 35 കിലോമീറ്റർ റേഞ്ച് ചേർക്കാൻ കഴിയുന്ന ഒരു DC ഫാസ്റ്റ് ചാർജർ എന്നിവയാണ് ടിയാഗോ ഇവിക്കൊപ്പം ടാറ്റ നൽകുന്നത്.
ഡിസി ഫാസ്റ്റ് ചാർജിംഗിന് അര മണിക്കൂർ ചാർജിംഗ് ഉപയോഗിച്ച് 110 കിലോമീറ്റർ റേഞ്ച് നൽകാനും വെറും 57 മിനിറ്റിനുള്ളിൽ 10-80 ശതമാനം ചാർജ് ചെയ്യാനും കഴിവുള്ളതാണെന്നത് വലിയൊരു നേട്ടമാണ്. ടിയാഗോ ഇവിയുടെ പ്രവർത്തനച്ചെലവ് 1,000 കിലോമീറ്റർ ഡ്രൈവിംഗിന് വെറും 1,100 രൂപയാണ്.
നിലവിലെ പെട്രോൾ വില കണക്കിലെടുക്കുമ്പോൾ തികച്ചും വലിയ ലാഭത്തിൽ, കീശകീറാതെ കീറാതെ തന്നെ ടിയോഗോ ഇവി കൊണ്ടുനടക്കാൻ സാധിക്കുമെന്നത് ഏറെ ശ്രദ്ധേയമാണ്. കൂടാതെ 250 കിലോമീറ്ററിന് 20 യൂണിറ്റ് ഉപഭോഗം ചെയ്യുമ്പോൾ, നിങ്ങൾ കിലോമീറ്ററിന് വെറും 60 പൈസ മാത്രമാണ് ചെലവഴിക്കേണ്ടി വരിക.
കാറിലെ പെർമെനൻ്റ് മാഗ്നറ്റ് സിൻക്രണസ് മോട്ടോർ 55 kW പവറും 114 Nm torque ഉം വരെ ഉത്പാദിപ്പിക്കാൻ ശേഷിയുള്ളതാണ്. വെറും 5.7 സെക്കൻഡിനുള്ളിൽ ഇത് 0 മുതൽ 60 കിലോമീറ്റർ വേഗത കൈവരിക്കുമെന്നാണ് ടാറ്റ പറയുന്നത്.
അഞ്ച് കളർ ഓപ്ഷനുകളിലും വാഹനം തെരഞ്ഞെടുക്കാം. സിറ്റി, സ്പോർട്ട് എന്നിങ്ങനെ രണ്ട് ഡ്രൈവിംഗ് മോഡുകളും ഓരോ ഡ്രൈവ് മോഡുകളിലും നാല് ലെവൽ റീജനറേറ്റീവ് ക്രമീകരണങ്ങളും ടാറ്റ ടിയാഗോ ഇവി ലഭ്യമാക്കും.
45 കണക്റ്റഡ് കാർ ഫീച്ചറുകൾ, ആൻഡ്രോയിഡ് ഓട്ടോ, ആപ്പിൾ കാർ പ്ലേ കണക്റ്റിവിറ്റിയുള്ള 8-സ്പീക്കർ ഹർമൻ ഇൻഫോടെയ്ൻമെന്റ് സിസ്റ്റം, ലെതറെറ്റ് സീറ്റുകൾ, കോൺട്രാസ്റ്റ് റൂഫ്, സ്റ്റാൻഡേർഡായി ഓട്ടോമാറ്റിക് ക്ലൈമറ്റ് കൺട്രോൾ പ്രൊജക്ടർ ഹെഡ്ലാമ്പുകൾ, ക്രൂയിസ് കൺട്രോൾ തുടങ്ങിയ സവിശേഷതകളും ടിയാഗോ ഇവിയിൽ നൽകാൻ ടാറ്റ റെഡിയായിട്ടുണ്ട്.
ഇതിനു പുറമെ, റെയിൻ സെൻസിംഗ് വൈപ്പറുകൾ, ഓട്ടോ ഹെഡ്ലാമ്പുകൾ, ഓട്ടോ ഫോൾഡോടുകൂടിയ ഇലക്ട്രിക് ORVM-കൾ, പുഷ് ബട്ടൺ സ്റ്റാർട്ട്/സ്റ്റോപ്പ്, ഡിആർഎല്ലുകൾ, ടയർ പ്രഷർ മോണിറ്ററിംഗ് സിസ്റ്റം തുടങ്ങിയവയും ഇലക്ട്രിക് ഹാച്ച്ബാക്കിന്റെ ഭാഗമാണ്.