Just In
- 9 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 9 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 10 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 10 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- News മുക്താര് അന്സാരി അന്തരിച്ചു, ജയിലില് വെച്ച് ഹൃദയാഘാതം; യുപിയില് വന് ജാഗ്രത
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
കൊറോണ വൈറസ്; 2020 ജനീവ മോട്ടോർ ഷോ റദ്ദാക്കി
കൊറോണ വൈറസ് പകർച്ച വ്യാധിയെക്കുറിച്ച് വർധിച്ചു വരുന്ന ആശങ്കകൾ പരിഹരിക്കുന്നതിനായി രാജ്യത്ത് എല്ലാ പൊതുപരിപാടികൾക്കും താത്ക്കാലിക നിരോധനം നടപ്പിലാക്കി സ്വിസ് സർക്കാർ. മാർച്ച് 15 വരെ പ്രഖ്യാപിച്ചിരിക്കുന്ന നിരോധനത്തെ തുടർന്ന് മാർച്ച് മൂന്നു മുതൽ നടക്കാനിരുന്ന ജനീവ ഇന്റർനാഷണൽ മോട്ടോർ ഷോ റദ്ദാക്കി.
ജനീവ മോട്ടോർ ഷോയുടെ 90-ാം പതിപ്പ് മുൻ പതിപ്പുകൾ പോലെ നിരവധി ഉന്നത ലോക പ്രീമിയറുകൾ പ്രദർശിപ്പിക്കാൻ പ്രമുഖ നിർമാതാക്കളെല്ലാം ഒരുങ്ങിയിരിക്കുകയായിരുന്നു. ഇതോടെ വാഹന ലോകത്തിനും വാഹനപ്രേമികൾക്കും വൻ നിരാശയാണ് ഉണ്ടാകുന്നത്.
വലിയ പൊതുസമ്മേളനങ്ങൾ നിരോധിക്കാനുള്ള സ്വിസ് സർക്കാരിന്റെ തീരുമാനത്തിന് മുമ്പുതന്നെ, കൊറോണ വൈറസ് അണുബാധയെ പ്രതിരോധിക്കാനുള്ള മുൻകരുതലുകൾ സ്വീകരിച്ചുവരികയായിരുന്നു ജനീവ മോട്ടോർ ഷോ സംഘടകർ. അതിന്റെ ഭാഗമായി എല്ലാ പ്രദർശകരും അവരുടെ സ്റ്റാളുകളിലെ സ്റ്റാഫ് സാന്നിധ്യം ചുരുക്കാൻ തീരുമാനിച്ചിരുന്നു.
കൂടാതെ പങ്കെടുക്കുന്നവർക്ക് മുന്നറിയിപ്പ് നൽകുകയും ക്ലീനിംഗ്, അണുവിമുക്തമാക്കൽ എന്നിവയ്ക്കു വേണ്ട മുൻകരുതലുകൾ വർധിപ്പിക്കുകയും ചെയ്യുന്നതിലൂടെ പകർച്ചവ്യാധി നേരിടാൻ സജ്ജമായിരുന്നുവെന്ന് സംഘാടകർ അറിയിച്ചിരുന്നു.
പരിപാടി റദ്ദാക്കിയതിൽ ഞങ്ങൾക്ക് ഖേദമുണ്ടെന്നും എന്നാൽ ജനങ്ങളുടെ ആരോഗ്യത്തിനാണ് മുൻഗണനയെന്നും ഫൗണ്ടേഷൻ ബോർഡ് ഓഫ് ഓർഗനൈസർ ചെയർമാൻ മൗറീസ് ടുറെറ്റിനി പറഞ്ഞു. ജനീവയിൽ പ്രദർശിപ്പിക്കാൻ വൻതോതിൽ നിക്ഷേപം നടത്തിയ നിർമ്മാതാക്കൾക്ക് ഇത് വലിയ നഷ്ടമാണെങ്കിലും ഈ തീരുമാനം അവർ മനസിലാക്കുമെന്ന് ഞങ്ങൾക്ക് ഉറപ്പുണ്ടെന്നും അദ്ദേഹം കൂട്ടിച്ചേർത്തു.
എന്നാൽ ഇതിനകം വാങ്ങിയ ടിക്കറ്റുകൾക്ക് പണം തിരികെ ലഭിക്കുമെന്നും ഈ പ്രക്രിയയെക്കുറിച്ചുള്ള കൂടുതൽ വിവരങ്ങൾ ഷോയുടെ ഔദ്യോഗിക വെബ്സൈറ്റിൽ ലഭ്യമാകുമെന്നും അധികൃതർ അറിയിച്ചു.
വേദിയിലെ സ്റ്റാളുകളുടെ നിർമ്മാണം ഇപ്പോൾ ഏകദേശം പൂർത്തിയായി കഴിഞ്ഞു. ഷോ സ്റ്റാളുകൾ രൂപകൽപ്പന ചെയ്യുന്നതിനും നിർമ്മിക്കുന്നതിനും ബ്രാൻഡുകൾക്കുണ്ടായ ധാരാളം പണവും സമയവും ചിന്തയും നഷ്ടമായിട്ടുണ്ടെന്നും അതിൽ ഖേദം പ്രകടിപ്പിക്കുന്നതായും സംഘാടകർ അറിയിച്ചു.
കൊറോണ വൈറസിനെ തുടർന്ന് ചൈനീസ് വാഹന വിപണിക്ക് നിലവിൽ വൻ നഷ്ടമാണ് ഉണ്ടായിരിക്കുന്നത്. ചൈനീസ് പാസഞ്ചർ കാർ അസോസിയേഷന്റെ (CPCA) കണക്കനുസരിച്ച് 92 ശതമാനം ഇടിവാണ് ഇതുവരെ വാഹന വിപണിയിൽ ഉണ്ടായിട്ടുള്ളത്.
ഈ മാസത്തിന്റെ ആദ്യ ആഴ്ചയിലെ ശരാശരി വിൽപ്പന പ്രതിദിനം വെറും 811 വാഹനങ്ങളാണ്. വിപണിയിലെ പ്രതിവർഷ കണക്കുകളുമായി ഒത്തുനോക്കുമ്പോൾ 96 ശതമാനം ഇടിവാണ് രേഖപ്പെടുത്തുന്നത്. രാജ്യത്തെ പ്രതിസന്ധി ചൈനീസ് വാഹന വിപണിയെ മാത്രമല്ല, വിതരണ ശൃംഖലയേയും ബാധിക്കുന്നതിനാൽ ലോകമെമ്പാടുമുള്ള വിപണികളെയും ബാധിച്ചിട്ടുണ്ട്.