Just In
- 14 min ago ഈ വിലയ്ക്ക് 2 ആൾട്ടോയും ഒരു സ്വിഫ്റ്റും പോർച്ചിൽ കിടക്കും; കണ്ണഞ്ചിപ്പിക്കും വിലയിൽ 2024 അപ്രീലിയ ട്യൂണോ 660
- 37 min ago ഈ വിലക്ക് ഒരു എസ്യുവി വാങ്ങിയാൽ 5 ആൾക്ക് പോവാലോ! പുതിയ അപ്രീലിയ RS 660 എല്ലാര്ക്കും താങ്ങൂല
- 56 min ago ഇതൊന്ന് ഓടിച്ചാൽ പിന്നെ എസ്യുവി വാങ്ങില്ല, രാജ്യത്തെ ഏറ്റവും വില കൂടിയ അഡ്വഞ്ചർ ബൈക്കുമായി അപ്രീലിയ
- 1 hr ago എല്ലാവർക്കും എസ്യുവി മതി, യൂസ്ഡ് കാർ മാർക്കറ്റിൽ 40 ശതമാനം വളർച്ച
Don't Miss
- Lifestyle മോശം രക്തചംക്രമണത്തിന്റെ ചില ലക്ഷണങ്ങളും ശരീരത്തില് രക്തചംക്രമണം കൂട്ടാന് ചെയ്യേണ്ട ചില കാര്യങ്ങളും ഇവിടെ നി
- Technology കാലം വരുത്തിയ മാറ്റങ്ങൾ; ദിവസം 2.5ജിബി ഡാറ്റ ലഭിക്കുന്ന ഇപ്പോഴത്തെ ജിയോ പ്ലാനുകൾ ഇതാ
- Sports T20 World Cup 2024: സഞ്ജുവും ഡിക്കെയുമല്ല! റിഷഭാണ് ടീമില് വേണ്ടത്, കാരണം പറഞ്ഞ് പോണ്ടിങ്
- Movies 'നോറയായിരുന്നു ശരി, കിട്ടിയ ചാൻസിൽ സായ് അടക്കം എല്ലാവരും മാസ് കളിച്ച് സ്കിറ്റ് കുളമാക്കി, അവസാനം ടീം തോറ്റു'
- Finance വിപണിയുടെ ഇടിവിലും വാങ്ങാൻ 3 ഓഹരികൾ, മുന്നേറ്റത്തിന് കാരണം ഇതാണ്, നോക്കുന്നോ...
- News കേരളത്തിലേക്ക് ആദ്യത്തെ ഡബിൾ ഡക്കർ ട്രെയിൻ എത്തുന്നു; പരീക്ഷണയോട്ടം ഇന്ന്
- Travel ശെന്തുരുണിയിലേക്ക് കാനനയാത്ര, മുത്തങ്ങയിൽ ജംഗിൾ സഫാരി... അവധിക്കാല പാക്കേജുമായി കെഎസ്ആർടിസി
രാജ്യത്തെ ഏറ്റവും കരുത്തുറ്റ ഡീസല് ലോക്കോമോട്ടീവുമായി ഇന്ത്യന് റെയില്വേ
രാജ്യത്തെ ഏറ്റവും കരുത്തുകൂടിയ ഡീസല് ലോക്കോമോട്ടീവ് എഞ്ചിന് ഉപയോഗിക്കാന് ഇന്ത്യന് റെയില്വേ. അമേരിക്കന് നിര്മ്മിത WDG-6G ഡീസല് ലോക്കോമോട്ടീവ് ഇന്ത്യന് റെയില്വേയുടെ ഭാഗമാകാനുള്ള ഒരുക്കങ്ങള് പൂര്ത്തിയാക്കി. സൗത്ത് സെന്ട്രല് റെയില്വേ സോണ് ട്രാക്കുകളില് നീണ്ടകാലം പരീക്ഷണയോട്ടം നടത്തി മികവ് തെളിയിച്ചതിനെ തുടര്ന്നാണ് WDG-6G ഡീസല് ലോക്കോമോട്ടീവിനെ നിരയില് ഉള്പ്പെടുത്താനുള്ള റെയില്വേയുടെ തീരുമാനം.
വൈകാതെ ഇന്ത്യയിലെ ഏറ്റവും കരുത്തുറ്റ ലോക്കോമോട്ടീവ് എഞ്ചിനായി WDG-6G അറിയപ്പെടും. ലോകത്തെ ഏറ്റവും ഭാരം കുറഞ്ഞ 6,000 HP ഡീസല് ലോക്കോമോട്ടീവ് എഞ്ചിന് കൂടിയാണ് WDG-6G. പെന്സില്വാനിയ ആസ്ഥാനമായി പ്രവര്ത്തിക്കുന്ന ജനറല് ഇലക്ട്രിക്കാണ് WDG-6G ലോക്കോമോട്ടീവ് നിര്മ്മിക്കുന്നത്.
രണ്ടാഴ്ച്ചക്കകം 'കണ്ഫേര്മേറ്ററി ഓസിലോഗ്രാഫ് കാര് റണ്' എന്ന കടമ്പ കൂടി പൂര്ത്തിയാക്കുന്നപക്ഷം WDG-6G ലോക്കോമോട്ടീവ് ഇന്ത്യന് റെയില്വേയുടെ ഭാഗമാകും. സൗത്ത് സെന്ട്രല് റെയില്വേ സോണിന് കീഴിലുള്ള വികര്ബാദ് – പാര്ലി മേഖലയിലാണ് അവസാനവട്ട പരീക്ഷണയോട്ടത്തിന് പുതിയ എഞ്ചിന് ഇറങ്ങുക.
ബീഹാറിലെ മര്ഹൗറയില് ഡീസല് ലോക്കോമോട്ടീവ് ഷെഡ് ജനറല് ഇലക്ട്രിക് സ്ഥാപിക്കുമെന്ന ധാരണയുടെ അടിസ്ഥാനത്തിലാണ് അമേരിക്കന് കമ്പനിയില് നിന്നും WDG-6G ലോക്കോമോട്ടീവ് എഞ്ചിന് ഇന്ത്യന് റെയില്വേ വാങ്ങുന്നത്. കരാര് പ്രകാരം മുന്നൂറ് WDG-6G ലോക്കോ എഞ്ചിനുകള് ജനറല് ഇലക്ട്രിക് ഇന്ത്യന് റെയില്വേയ്ക്ക് കൈമാറും.
കരാര് കാലാവധിയില് എഞ്ചിനുകളുടെ പൂര്ണ്ണ ഉത്തരവാദിത്വം ജനറല് ഇലക്ട്രിക്കിനാണ്. WDG-6G എഞ്ചിനുകളുടെ പരിപാലനവും അറ്റകുറ്റപ്പണികളും ഇവര് നടത്തുമെന്ന് റെയില്വേ പറയുന്നു. ആദ്യഘട്ടത്തില് അമേരിക്കന് നിര്മ്മിത എഞ്ചിന് യൂണിറ്റുകളാണ് റെയില്വേയുടെ ഭാഗമാവുക. രണ്ടാംഘട്ടത്തില് മെയ്ക്ക് ഇന് ഇന്ത്യാ പദ്ധതി പ്രകാരം ഇന്ത്യന് നിര്മ്മിത WDG-6G യൂണിറ്റുകള് കമ്പനി ഇവിടെ നിര്മ്മിക്കും.
ജനറല് ഇലക്ട്രിക്കിന്റെ ഇവലൂഷന് ശ്രേണിയില്പ്പെടുന്ന ഡീസല് ലോക്കോമോട്ടീവ് എഞ്ചിനാണ് WDG-6G. 16 സിലിണ്ടറുകളുള്ള V-16 നാലു സ്ട്രോക്ക് ടര്ബ്ബോ എഞ്ചിനും ഇന്റര്കൂളിങ് യന്ത്രവും WDG-6G ലോക്കോമോട്ടീവിന്റെ ഭാഗമാണ്. റെയില്വേയുടെ മറ്റു ഡീസല് ലോക്കോമോട്ടീവുകളെ അപേക്ഷിച്ച് പുതിയ WDG-6G ഉയര്ന്ന ഇന്ധനക്ഷമതയും കുറഞ്ഞ മലിനീകരണവും അവകാശപ്പെടും.
Most Read: വിറ്റാലും നഷ്ടമില്ല, ഏറ്റവും കൂടുതൽ റീസെയിൽ വിലയുള്ള പത്ത് കാറുകൾ
ഇലക്ട്രോണിക് ഫ്യൂവല് ഇഞ്ചക്ഷന് സംവിധാനമാണ് WDG-6G -യില് പ്രവര്ത്തിക്കുന്നത്. രാജ്യാന്തര നിര്ദ്ദേശങ്ങള് പാലിക്കുന്ന UIC 1 നിലവാരം എഞ്ചിന് പുലര്ത്തുന്നു. UIC 1 നിലവാരമുള്ള റെയില്വേയുടെ ആദ്യ ഡീസല് ലോക്കോമോട്ടീവ് എഞ്ചിന് കൂടിയാകും WDG-6G.
Most Read: ഹെല്മറ്റ് വാങ്ങുന്നതിന് മുമ്പ് അറിയേണ്ട പ്രധാന കാര്യങ്ങൾ
നൂതന സംവിധാനങ്ങള്ക്കൊപ്പമാണ് പുതിയ എഞ്ചിന്റെ ഡ്രൈവര് ക്യാബിന് ഒരുങ്ങുന്നത്. ഹീറ്റഡ് വിന്ഡ്ഷീല്ഡ്, ഹോട്ട് പ്ലേറ്റ്, ലോക്കോ പൈലറ്റുകള്ക്ക് വേണ്ടിയുള്ള പ്രത്യേക ഡിസ്പ്ലേ സ്ക്രീനുകള് എന്നിവ ക്യാബിന് വിശേഷങ്ങളാവുന്നു.
Most Read: റോക്സോറില് മഹീന്ദ്രയുടെ പുതിയ പരീക്ഷണം, ഇതാണ് റോക്സ്ബോക്സ്
ലോക്കോ വിഷന്, ട്രിപ്പ് ഒപ്റ്റിമൈസര്, ക്യാബ് സിഗ്നലിങ് തുടങ്ങിയ സൗകര്യങ്ങള് കണ്സോളിഡേറ്റഡ് കണ്ട്രോള് ആര്ക്കിടെക്ച്ചര് കണ്ട്രോള് സംവിധാനം മുഖേന നിയന്ത്രിക്കാം. ഓക്സിലറി പവര് യൂണിറ്റുമായി ബന്ധപ്പെടുത്തി ഓട്ടോ എഞ്ചിന് സ്റ്റാര്ട്ട്/സ്റ്റോപ്പ് സംവിധാനവും കമ്പനി ഉറപ്പുവരുത്തുന്നുണ്ട്.
എഞ്ചിന്റെ ആരോഗ്യനില വെളിപ്പെടുത്തുന്ന ഓണ്ബോര്ഡ് ഡയഗ്നോസ്റ്റിക്സും WDG-6G ലോക്കോമോട്ടീവിന്റെ പ്രത്യേകതയാണ്. ലോക്കോമോട്ടീവിന്റെ മുന് വിന്ഡ്ഷീല്ഡ് വലിയ ആഘാതങ്ങള്വരെ പ്രതിരോധിക്കുമെന്ന് ജനറല് ഇലക്ട്രിക് പറയുന്നു.