Just In
- 5 min ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 1 hr ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 2 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 3 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Lifestyle വൈഡ് ലെഗ് ജീന്സ് മുതല് ബഗെറ്റ് ബാഗ് വരെ; ജെന് Z ആഗ്രഹിക്കുന്ന ഫാഷന് എസന്ഷ്യലുകള് ഇവയാണ്
- Movies റസിയക്കാണോ പ്രാധാന്യമെന്ന് കാവ്യക്ക് സംശയം; എന്നെ വിളിച്ചു; ദിലീപ് ഇങ്ങോട്ട് ആവശ്യപ്പെട്ട റോൾ; കമൽ
- News ഈ രാശിക്കാർക്ക് കര്മ്മപുഷ്ടിയും സാമ്പത്തികനേട്ടവും, ദൂരയാത്രകള് ആവശ്യമായി വരും, രാശിഫലം
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
വൈദ്യുതിയിലും പെട്രോളിലുമോടും ഇന്ത്യയിലെ ആദ്യ ഹൈബ്രിഡ് ആക്ടിവ; വീഡിയോ
ഇലക്ട്രിക് സ്കൂട്ടറുകളും മോട്ടോർസൈക്കിളുകളും ഇപ്പോൾ നമ്മുടെ വിപണിയിൽ സാധാരണമാണ്. മൊബിലിറ്റിയുടെ ഭാവി ഇതായിരിക്കുമെന്നതിനാൽ നിരവധി നിർമ്മാതാക്കൾ ഈ വിഭാഗത്തിലേക്ക് പ്രവേശിച്ചു.
ടിവിഎസ്, ബജാജ് തുടങ്ങിയ നിർമ്മാതാക്കൾ പോലും ഇലക്ട്രിക് സ്കൂട്ടറുകൾ വിപണിയിൽ അവതരിപ്പിച്ചു. ഇലക്ട്രിക് സ്കൂട്ടറുകളും ബൈക്കുകളും വിപണിയിൽ അവതരിപ്പിച്ച ഏഥർ, റിവോൾട്ട്, ഒഖിനാവ തുടങ്ങിയ നിർമ്മാതാക്കളുണ്ട്. ഇന്ത്യയിൽ നമുക്ക് പെട്രോൾ, ഇലക്ട്രിക് ഇരുചക്രവാഹനങ്ങളുമുണ്ട്.
എന്നാൽ നിലവിൽ ഒരു ഹൈബ്രിഡ് സ്കൂട്ടർ പുറത്തിറക്കിയ നിർമ്മാതാക്കളൊന്നുംതന്നെയില്ല. ഹൈബ്രിഡ് സ്കൂട്ടർ ഒരു ഹൈബ്രിഡ് കാർ പോലെയാണ്. ഇതിന് എഞ്ചിനും ഇലക്ട്രിക് മോട്ടോറും ഉണ്ടാകും. ഒരു സാധാരണ ഹോണ്ട ആക്ടിവയെ ഒരു വ്ലോഗർ ഹൈബ്രിഡ് സ്കൂട്ടറാക്കി മാറ്റുന്നതെങ്ങനെയെന്ന് കാണിക്കുന്ന വീഡിയോയാണ് ഞങ്ങൾ ഇവിടെ പങ്കുവെക്കുന്നത്.
MOST READ: പ്രതിദിന ഫാസ്ടാഗ് കളക്ഷനില് വന് വര്ധനവ്; 104 കോടി കടന്നതായി ദേശീയപാതാ അതോറിറ്റി
ക്രിയേറ്റീവ് സയൻസ് എന്ന യൂട്യൂബ് ചാനലാണ് വീഡിയോ അപ്ലോഡുചെയ്തിരിക്കുന്നത്. വ്ലോഗർ തന്റെ പദ്ധതി വിശദീകരിച്ചുകൊണ്ടാണ് വീഡിയോ ആരംഭിക്കുന്നത്. വീഡിയോ പ്രകാരം, ഈ പ്രോജക്റ്റിനായി ആവശ്യമായ കാര്യങ്ങളും ഘടകങ്ങളും വ്ലോഗർ മുമ്പ് തന്നെ വാങ്ങിയിരുന്നു.
സ്കൂട്ടറിലെ ഫ്രണ്ട് പാനലുകൾ നീക്കം ചെയ്തുകൊണ്ടാണ് അദ്ദേഹം ആരംഭിക്കുന്നത്. സൈഡ് കവർ ഉൾപ്പെടെയുള്ളവയും ഹെഡ്ലാമ്പുകളും മറ്റ് ബോഡി പാനലുകളും നീക്കംചെയ്തു. ആക്സിലറേറ്റർ കേബിൾ മാറ്റുന്നതിനാണ് ഇവയെല്ലാം മാറ്റിയത്. സ്കൂട്ടറിൽ നിലവിലുള്ള കേബിൾ പ്രോജക്റ്റിന് അനുയോജ്യമല്ലാത്തതിനാലായിരുന്നു ഇത്.
ആക്സിലറേറ്റർ കേബിൾ ഇൻസ്റ്റാൾ ചെയ്തതിനുശേഷം, ഇലക്ട്രിക് ഹബ് മോട്ടോർ ഇൻസ്റ്റാൾ ചെയ്യുന്നതിനായി വ്ലോഗർ പിൻ ടയർ നീക്കംചെയ്യുന്നു. ഹബ് മോട്ടോർ ഇൻസ്റ്റാൾ ചെയ്യുന്നതിനുമുമ്പ്, റിമ്മിൽ ഒരു മെറ്റൽ പ്ലേറ്റ് ഉറപ്പിക്കുന്നു.
ഇത് ഇലക്ട്രിക് മോട്ടോറിന്റെ അടിസ്ഥാനമായി പ്രവർത്തിക്കുന്നു. മെറ്റൽ പ്ലേറ്റ് ഇൻസ്റ്റാൾ ചെയ്തുകഴിഞ്ഞ്, ടയർ വീണ്ടും സ്ഥാപിക്കുകയും തുടർന്ന് ബോൾട്ടിൽ നിന്ന് പുറത്തേക്ക് തള്ളിനിൽക്കുന്ന ലോഹത്തിന്റെ കഷണം മെറ്റൽ പ്ലേറ്റിന്റെ അതേ നിലയിലാക്കുന്നതിന് ഗ്രൈന്റ് ചെയ്യുകയും ചെയ്തു.
MOST READ: പ്രതീക്ഷകളുമായി ഫോർഡ്; ഇക്കോസ്പോർട്ട് SE വേരിയന്റ് മാർച്ച് രണ്ടാം വാരം വിപണിയിലേക്ക്
അതിന് ശേഷം, ഇലക്ട്രിക് മോട്ടോർ പ്ലേറ്റിൽ ഉറപ്പിച്ചു. എക്സ്ഹോസ്റ്റ് ഇരിക്കുന്ന ക്ലാമ്പിലേക്ക് torque ആം ബന്ധിപ്പിച്ചിരിക്കുന്നു. മോട്ടോർ ഒരു കൺട്രോളറുമായി യോജിപ്പിച്ചിരിക്കുന്നു, കൂടാതെ കൺട്രോളറിൽ നിന്നുള്ള വയർ സ്കൂട്ടറിന്റെ മുൻവശത്തേക്ക് പോകുന്നു. ആ പ്രത്യേക വയർ ഇലക്ട്രിക് മോട്ടോറിനായി ഒരു ഓൺ / ഓഫ് സ്വിച്ചിലേക്ക് ഘടിപ്പിച്ചിരിക്കുന്നു.
ഓൺ-ഓഫ് സ്വിച്ച് സാധാരണ ഇഗ്നിഷൻ വയറുമായി ബന്ധിപ്പിച്ചിരിക്കുന്നതിനാൽ സ്കൂട്ടർ അൺലോക്ക് ചെയ്യുമ്പോൾ മാത്രമേ കറന്റ് ഫ്ലോ ചെയ്യാൻ തുടങ്ങുകയുള്ളൂ. ത്രോട്ടിൽ പ്രതികരണം നിയന്ത്രിക്കുന്നതിന് കൺട്രോളറിൽ നിന്നുള്ള മറ്റൊരു വയർ ആക്സിലറേറ്റർ കേബിളുമായി ബന്ധിപ്പിച്ചിരിക്കുന്നു.
എല്ലാം സജ്ജീകരിച്ചതിനുശേഷം, ഇവയെല്ലാം ശരിയായി പ്രവർത്തിക്കുന്നുണ്ടോ ഇല്ലയോ എന്ന് പരിശോധിക്കാൻ ഒരു ബാറ്ററി ബന്ധിപ്പിച്ചു. ട്രയൽ ചെയ്തതിന് ശേഷം, വ്ലോഗർ ബാറ്ററി അണ്ടർ സീറ്റ് സ്റ്റോറേജിനുള്ളിൽ സ്ഥാപിക്കുന്നു.
അതിനുശേഷം, നീക്കം ചെയ്ത എല്ലാ പാനലുകളും തിരികെ സെറ്റ് ചെയ്യുന്നു. പുറത്ത് പ്രകടമായ മാറ്റങ്ങളൊന്നുമില്ലാത്തതിനാൽ ഇതൊരു ഹൈബ്രിഡ് സ്കൂട്ടറാണെന്ന് ആർക്കും മനസിലാക്കാൻ പ്രയാസമാണ്. വീഡിയോയിൽ ഈ ഹൈബ്രിഡ് സ്കൂട്ടർ എങ്ങനെ ഉപയോഗിക്കാമെന്ന് വ്ലോഗർ കാണിക്കുന്നു.
റൈഡറിന് ഇലക്ട്രിക് പവർ ഉപയോഗിക്കാൻ താൽപ്പര്യമുണ്ടെങ്കിൽ, കീ ഓണാക്കാം, സെൽഫ് സ്റ്റാർട്ട് സ്വിച്ചിലേക്ക് പോകുന്നതിനുപകരം മോട്ടോർ സ്വിച്ച് ഓണാക്കി സ്കൂട്ടർ ഓടിക്കാം. കേവലം ഇലക്ട്രിക് കരുത്ത് ഉപയോഗിച്ച് സ്കൂട്ടറിന് പരമാവധി 45 കിലോമീറ്റർ വേഗത കൈവരിക്കാൻ കഴിയും.
ചാർജ് തീർന്ന് കഴിഞ്ഞാൽ, ഇലക്ട്രിക് സ്കൂട്ടർ സ്വിച്ച് ഓഫ് ചെയ്ത് സാധാരണ സ്കൂട്ടർ പോലെ സ്കൂട്ടർ സ്റ്റാർട്ട് ചെയ്ത് ഉപയോഗിക്കാം. കൺസെപ്റ്റ് മികച്ചതാണ്, ഒപ്പം വ്ലോഗർ അത് കൃത്യമായി നിർവ്വഹിച്ചു. ഭാവിയിൽ ഇതേപോലെ നിരവധി ഹൈബ്രിഡ് സ്കൂട്ടറുകൾ കാണുമെന്ന് ഞങ്ങൾ പ്രതീക്ഷിക്കുന്നു.