Just In
- 7 min ago സ്കൂട്ടറിനേക്കാൾ ലാഭമാണല്ലോ, 70 കി.മീ. വരെ റേഞ്ചുള്ള ഇലക്ട്രിക് സൈക്കിളുമായി ഹീറോ
- 1 hr ago വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം
- 1 hr ago 10 പേര്ക്ക് സുഖമായി പോകാം, കിലോമീറ്ററിന് ചെലവ് വെറും 3.5 രൂപ! 'മാജിക്' തുടരാന് ടാറ്റ വാന്
- 2 hrs ago ഹൈലക്സിനെ ആണിയടിച്ച് ചുവരിൽ തൂക്കുമോ ഇസൂസു? 2024 V -ക്രോസിന്റെ പുത്തൻ വിശദാംശങ്ങൾ പുറത്ത്
Don't Miss
- Sports IPL 2024: ഇന്ത്യക്ക് വേണ്ട, പക്ഷെ സഞ്ജുവിന്റെ തുറുപ്പു ചീട്ട്! തന്റെ തന്ത്രം വെളിപ്പെടുത്തി സന്ദീപ്
- Lifestyle ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്, ചങ്ക് തകരും
- Movies ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി
- News പൊന്നാനിയില് കളിവിട്ട് കാര്യത്തിലേക്ക്; അടിയൊഴുക്കുകള്ക്ക് ശ്രമം, പറഞ്ഞതില് മാറ്റമില്ലെന്ന് ജിഫ്രി തങ്ങള്
- Finance മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..?
- Technology രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ജാവയും ബുള്ളറ്റും മുഖാമുഖം ഏറ്റുമുട്ടുമ്പോള് — വീഡിയോ
ബുള്ളറ്റോ, ജാവയോ - കേമന് ആരാണ്? ജാവ ബൈക്കുകള് ഇന്ത്യയില് തിരിച്ചെത്തിയതു മുതല് വാഹന പ്രേമികള് ഈ ചോദ്യത്തിന് ഉത്തരം കണ്ടെത്താന് ശ്രമിക്കുകയാണ്. ഇത്രയുംകാലം ശക്തനായ എതിരാളിയില്ലാത്തതിനാല് റോയല് എന്ഫീല്ഡ് വിപണിയില് സൈ്വര്യവിഹാരം നടത്തി. പക്ഷെ ജാവയുടെ കടന്നുവരവില് അടിയൊഴുക്കുകള് സംഭവിക്കാന് തുടങ്ങി.
ബുള്ളറ്റ് വില്പ്പനയ്ക്ക് പഴയ ആവേശം ഇപ്പോഴില്ല. പുതിയ ജാവ എങ്ങനെയുണ്ടെന്നറിഞ്ഞിട്ട് ബുള്ളറ്റ് വാങ്ങാമെന്ന കണക്കുകൂട്ടലിലാണ് പലരും. ഇതേസമയം, ആഞ്ഞുവീശുന്ന ജാവ തരംഗത്തെ പ്രതിരോധിക്കാനുള്ള കരുനീക്കങ്ങള് റോയല് എന്ഫീല്ഡും അണിയറയില് ആവിഷ്കരിക്കുന്നുണ്ട്. നിലവില് രണ്ടു ബൈക്കുകളെയാണ് ജാവ വിപണിയില് എത്തിക്കുന്നത് — ജാവയും ജാവ ഫോര്ട്ടി ടൂവും.
രണ്ടു ബൈക്കുകളും ഒരേ എഞ്ചിനും ഷാസിയും പങ്കിടുന്നു. റോയല് എന്ഫീല്ഡ് 350, 500 സീരീസ് ബൈക്കുകളുമായി താരതമ്യം ചെയ്താല് ജാവ ബൈക്കുകളുടെ എഞ്ചിന് കൂടുതല് ആധുനികമാണെന്നു സമ്മതിക്കേണ്ടി വരും. 293 സിസി ഒറ്റ സിലിണ്ടര് എഞ്ചിന് തുടിക്കുന്ന ജാവ ബൈക്കുകള് റോയല് എന്ഫീല്ഡ് 350 മോഡലുകളുമായാണ് കടലാസില് അങ്കം കുറിക്കുന്നത്.
കരുത്തിന്റെ കാര്യത്തില് ജാവ, ജാവ ഫോര്ട്ടി ടൂ ബൈക്കുകള്തന്നെ മുന്നില്. പക്ഷെ ബുള്ളറ്റുകളുടെയും ജാവ ബൈക്കുകളുടെയും ടോര്ഖ് ഉത്പാദനം സമാനമാണ്. കരുത്തുള്ളതുകൊണ്ടു മാത്രം ജാവ കേമനാണെന്നു വിധിക്കുന്നതില് അര്ത്ഥമില്ല. അടുത്തിടെ ജാവ ഫോര്ട്ടി ടൂവും റോയല് എന്ഫീല്ഡ് ക്ലാസിക്ക് 350 സിഗ്നല്സും തമ്മില് നടത്തിയ വേഗ മത്സരവും കേമനാരാണെന്ന ചോദ്യത്തിന് ഉത്തരം കണ്ടെത്താനുള്ള ശ്രമമാണ്.
ഇരു ബൈക്കുകളുടെയും ആക്സിലറേഷന് മികവ് മത്സര ദൃശ്യങ്ങളില് കാണാം. മത്സരത്തില് ഏകപക്ഷീയമായാണ് ജാവ ഫോര്ട്ടി ടൂവിന്റെ വിജയം. 27 bhp കരുത്തും 28 Nm torque ഉം സൃഷ്ടിക്കുന്ന 293 സിസി ഒറ്റ സിലിണ്ടര്, ലിക്വിഡ് കൂള്ഡ് എഞ്ചിന് ജാവ ഫോര്ട്ടി ടൂവിന്റെ പ്രകനടത്തില് നിര്ണായകമായി.
Most Read: പുസ്തക വില്പ്പനയ്ക്കിറങ്ങി ബെന്റ്ലി, ബുക്കൊന്നിന് വില 1.80 കോടി രൂപ
മത്സരത്തില് ആറു സ്പീഡ് ഗിയര്ബോക്സും ജാവയെ കാര്യമായി പിന്തുണച്ചിട്ടുണ്ട്. റോയല് എന്ഫീല്ഡ് 350 -യെക്കാള് കുറഞ്ഞ ഗിയര് അനുപാതമാണ് ജാവ ഫോര്ട്ടി ടൂവിന്. മറുഭാഗത്ത് റോയല് എന്ഫീല്ഡ് ക്ലാസിക്ക് 350 സിഗ്നല്സില് 346 സിസി ഒറ്റ സിലിണ്ടര് എഞ്ചിന് തുടിക്കുന്നുണ്ടെങ്കിലും കരുത്തുത്പാദനം 19.8 bhp - 28 Nm torque എന്ന നിലയിലേക്ക് പരിമിതപ്പെടുന്നു.
Most Read: വില കുറഞ്ഞ ബൈക്കുകള് വില്ക്കാന് ഹാര്ലി, നോട്ടം റോയല് എന്ഫീല്ഡിന്റെ വിപണി
എയര് കൂളിങ് സംവിധാനം മാത്രമേ റോയല് എന്ഫീല്ഡ് ക്ലാസിക്ക് 350 -യിലുള്ളൂ. ഇതേസമയം വേഗ മത്സരങ്ങള്ക്ക് വേണ്ടിയോ, ചടുലമായ പ്രകടനക്ഷമത മുന്നിര്ത്തിയോ അല്ല ബുള്ളറ്റുകള് പുറത്തിറങ്ങുന്നത്. ലോങ് സ്ട്രോക്ക് എഞ്ചിനായതുകൊണ്ട് റോയല് എന്ഫീല്ഡ് ബൈക്കുകളുടെ വ്യക്തിത്വം തികച്ചും വ്യത്യസ്തമാണ്.
Most Read: ചൂടിനെ പ്രതിരോധിക്കാന് കാറിന് ചാണകം മെഴുകി ഉടമ
കുറഞ്ഞ ആര്പിഎമ്മിലും ഉയര്ന്ന ടോര്ഖ് ലഭ്യമാക്കുംവിധമാണ് എഞ്ചിന് യൂണിറ്റുകളെ റോയല് എന്ഫീല്ഡ് രൂപകല്പ്പന ചെയ്യുന്നത്. എന്തായാലും വേഗവും ആക്സിലറേഷനും മാത്രം പരിഗണിച്ചാല് ജാവയാണ് കേമനെന്ന് ഇവിടെ വ്യക്തം.
Disclaimer: പൊതുനിരത്തില് വെച്ചുള്ള ഇത്തരം വേഗമത്സരങ്ങള് അനധികൃതമാണ്. വാഹനങ്ങള് തമ്മിലുള്ള മത്സരയോട്ടം വലിയ അപകടങ്ങള് ക്ഷണിച്ചു വരുത്തും.
Source: Footloose Dev