മല്ലിക ഷെഹരാവത്തിന് ആരാണ് ലാമ്പോര്‍ഗിനി സമ്മാനിച്ചത്?

താളുകളിലൂടെ നീങ്ങുക.

ഒരു ലാമ്പോര്‍ഗിനി അവന്റഡോര്‍ ആണ് മല്ലിക ഷെഹരാവത്തിന്റെ പക്കല്‍ എത്തിയിരിക്കുന്നത്. ഈ കാര്‍ മല്ലികയ്ക്ക് എങ്ങനെ ലഭിച്ചു എന്നത് സംബന്ധിച്ച് വലിയ ഊഹാപോഹങ്ങളാണ് നടക്കുന്നത്. ആരോ സമ്മാനിച്ചു എന്നാണ് ചിലര്‍ ഗോസിപ്പടിക്കുന്നത്. ആരായിരിക്കും ഇത്?

2011ലെ ജനീവ മോട്ടോര്‍ഷോയിലാണ് അവന്റഡോര്‍ ആദ്യമായി അവതരിപ്പിക്കപെട്ടത്.

വിഖ്യാതമായ ലാമ്പോര്‍ഗിനി മഴ്‌സിലാഗോയ്ക്ക് പകരക്കാരനായി എത്തിയതാണ് അവന്റഡോര്‍.

പ്രശസ്ത ഇറ്റാലിയന്‍ ഓട്ടോമൊബൈല്‍ ഡിസൈനര്‍ ഫിലിപ്പോ പെരിനിയാണ് ലാമ്പോര്‍ഗിനി അവന്റഡോറിന്റെ ശില്‍പം രൂപപ്പെടുത്തിയത്.

അവന്റഡോറിന്റെ പേര് വരുന്നത് ഒരു പോരുകാളയുടെ പേരില്‍ നിന്നാണ്. സ്‌പെയിനില്‍ 1993ല്‍ നടന്ന ഒരു കാളപ്പോരില്‍ വീറോടെ പൊരുതി നിന്ന ഒരു കാളയുടെ പേരായിരുന്നു അവന്റഡോര്‍.

അവന്റഡോര്‍ സ്‌പോര്‍ട്‌സ് കാറിന്റെ 4000 പതിപ്പുകള്‍ മാത്രമാണ് കമ്പനി പുറത്തിറക്കുക.

അവന്റഡോറിന്റെ കാര്‍ബണ്‍ ഫൈബര്‍ മോണോകോക്ക് ഫ്രെയിം രൂപപ്പെടുത്താന്‍ എട്ട് അച്ചുകളാണ് നിര്‍മിച്ചിട്ടുള്ളത്. ഓരോന്നിലും 500 ഫ്രെയിമുകള്‍ മാത്രമേ നിര്‍മിക്കാനാവൂ.

ഇന്ത്യന്‍ വിപണിയില്‍ അവന്റഡോര്‍ വില്‍ക്കുന്നുണ്ട്. പൂര്‍ണമായും വിദേശത്തു നിര്‍മിച്ച് ഇറക്കുമതി ചെയ്യുന്ന ഈ കാറിന് മൂന്നേമുക്കാല്‍ കോടി രൂപയോളം എക്‌സ്‌ഷോറൂം വില വരും.

8250 ആര്‍പിഎമ്മില്‍ 700 കുതിരശക്തി ഉല്‍പാദിപ്പിക്കാന്‍ അവന്റഡോറിലെ 6.5 ലിറ്റര്‍ പെട്രോള്‍ എന്‍ജിന് ശേഷിയുണ്ട്. 5500 ആര്‍പിഎമ്മില്‍ 690 എന്‍എം ആണ് ചക്രവീര്യം.