Just In
- 6 min ago ഏപ്രിൽ 30 മുതൽ ഈ മോഡലുകൾക്ക് വില കൂടുന്നുണ്ടേ, ഇഷ്ടവാഹനം സ്വന്തമാക്കാൻ സുവർണാവസരം
- 47 min ago ബ്രെസയും നെക്സോണും പോലെ കമ്പനിയിട്ട പേരുകളല്ല! സ്കോഡ എസ്യുവിക്ക് ജനങ്ങള് നിര്ദേശിച്ച 10 പേരുകള് കണ്ടോ...
- 1 hr ago ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ്
- 2 hrs ago പപ്പടം പോലെ പൊടിയില്ല! കുട്ടികളുടെ സുരക്ഷയിൽ 5-സ്റ്റാർ നേടി കാരെൻസ്; മുതിർന്നവരുടെ കാര്യത്തിൽ മെച്ചപ്പെടണം
Don't Miss
- Movies ഗബ്രിയെ തേക്കുന്ന ദിവസം; ജാസ്മിന് ചതിച്ചത് ഒരേസമയം രണ്ട് പേരെ; നിലനില്പ്പിന് വേണ്ടി എന്തും ചെയ്യും!
- Finance മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം
- Lifestyle രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം
- News പോളിംഗ് ബൂത്തില് ചൂടൊന്നും പ്രശ്നമാകില്ല; എല്ലാ സൗകര്യവുമുണ്ടാകുമെന്ന് മുഖ്യ തിരഞ്ഞെടുപ്പ് ഓഫീസര്
- Technology അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
- Sports T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
ഇത്രക്ക് ഒക്കെ വേണോ? നെക്സോണിൽ ടാറ്റ അവതരിപ്പിക്കുന്നത് 77 വേരിയന്റുകൾ! എങ്ങനെ, എന്തിന്? അറിയാം...
ടാറ്റയുടെ വാഹനങ്ങള്ക്ക് ഇന്നുള്ള ജനപ്രീതി കൈവരിക്കുന്നതില് മുഖ്യപങ്ക് വഹിച്ചിട്ടുള്ള വാഹനം ഏതെന്ന ചോദ്യത്തിന് ഏവർക്കും ഒരൊറ്റ ഉത്തരമേയുള്ളൂ... അതാണ് നെക്സോണ്. 2017 ൽ വിപണിയിലെത്തിയ കോംപാക്ട് എസ്യുവിയുടെ വില്പന അടുത്തിടെ 4 ലക്ഷം യൂണിറ്റും മറികടന്നിരുന്നു.
രണ്ടു ലക്ഷം യൂണിറ്റ് ഒരു വർഷവും 11 മാസവും എടുത്തപ്പോൾ നിർമാണം മൂന്നു ലക്ഷം യൂണിറ്റ് പിന്നിടാൻ 8 മാസവും നാലു ലക്ഷം യൂണിറ്റ് പിന്നിടാൻ 7 മാസവും മാത്രമാണ് എടുത്തത്. ഇപ്പോൾ തന്നെ മനസിലായില്ലേ നെക്സോണിന്റെ റേഞ്ച് എന്താണെന്ന്. സുരക്ഷ മുഖമുദ്രയാക്കി എത്തിയ ഈ വാഹനം പെര്ഫോമെന്സിലും സാങ്കേതികവിദ്യയിലും സ്റ്റൈലിലും ഒരേ പോലെ വ്യത്യസ്തതയാണ് പുലർത്തുന്നതും.
ആഭ്യന്തര വിപണിയിലെ വാഹന ഉപയോക്താക്കള്ക്ക് ആഗ്രഹിച്ചതെല്ലാം നല്കിയ ഈ വാഹനത്തെ ഇന്ത്യക്കാരും കൈവിട്ടില്ല. ഇന്ന് എല്ലാ ബ്രാൻഡുകളും കഴിയുന്നത്ര ഉപഭോക്താക്കളെ പിടിക്കാൻ വ്യത്യസ്തമാർന്ന വേരിയന്റുകളും സ്പെഷ്യൽ എഡിഷൻ വാഹനങ്ങളും പുറത്തിറക്കുന്നതിൽ പ്രത്യേക താത്പര്യം തന്നെ കാണിക്കാറുണ്ട്. അതിൽ ഏറ്റവും പ്രധാനിയാണ് ടാറ്റ മോട്ടോർസ്.
ഇന്നത്തെ കണക്കനുസരിച്ച് നെക്സോണിന് മൊത്തം 77 വകഭേദങ്ങളുണ്ട്! ഇപ്പോൾ ഇത് ശരിക്കും ആവശ്യമാണോ? എന്തിനാണ് ടാറ്റ ഇത്തരം നടപടികളുമായി മുന്നോട്ടുപോവുന്നതെന്ന് പലരും മനസിൽ ചോദിക്കുന്ന കാര്യമാണ്. ഇതുകൊണ്ട് എന്തേലും ഗുണമുണ്ടോയെന്ന് ഒന്നു ചെകഞ്ഞുനോക്കിയാലോ?
ടാറ്റ നെക്സോണിലെ 77 വേരിയന്റുകൾ എങ്ങനെ വിപണിയെ അല്ലെങ്കിൽ ഉപഭോക്താക്കളെ സ്വാധീനിക്കുന്നുവെന്ന് മനസിലാക്കി തരാം...
നെക്സോണിന്റെ വിലയിൽ നിന്നും തന്നെ ആദ്യം തുടങ്ങാം. നിലവിൽ ഈ കോംപാക്ട് എസ്യുവിക്ക് ഇന്ത്യയിൽ 7.59 ലക്ഷം രൂപ മുതൽ 14.07 ലക്ഷം രൂപ വരെയാണ് എക്സ്ഷോറൂം വില വരുന്നത്. ഇത് വലിയ വില അന്തരമാണെന്ന് ആദ്യ കാഴ്ച്ചയിൽ തന്നെ മനസിലാവും.
ഓൺ-റോഡ് വിലകൾ കണക്കിലെടുക്കുമ്പോൾ, നെക്സോണിന്റെ വില 9 ലക്ഷം രൂപ മുതൽ സംസ്ഥാനം അനുസരിച്ച് 16 ലക്ഷം രൂപ വരെ ചെലവ് വരും. അതായത് ഏകദേശം 7 ലക്ഷം രൂപയുടെ വ്യത്യാസമാണ് ബേസ് വേരിയന്റ് മുതൽ ടോപ്പ് എൻഡ് പതിപ്പ് വരെ വരുന്നത്.
ആയതിനാൽ 7 ലക്ഷം രൂപ വ്യത്യാസം ന്യായീകരിക്കാൻ ടാറ്റക്ക് ധാരാളം വേരിയന്റുകൾ ആവശ്യമാണെന്നതിൽ തർക്കമൊന്നുമില്ല. എന്നാൽ ഇതിന് 77 വേരിയന്റുകളോളം ആവശ്യമുണ്ടോയെന്നത് ഇപ്പോഴും ഉയർന്നു വരുന്ന ഒരു പ്രധാന ചോദ്യമാണ്?
എന്തിന് ടാറ്റ നെക്സോണിന് 77 വേരിയന്റുകൾ?
എസ്യുവിയിലുള്ള ഈ 77 വേരിന്റുകളെല്ലാം 4 അടിസ്ഥാന വകഭേദങ്ങളികളിൽ നിന്നാണ് ഉരുത്തിരിയുന്നത്. XE, XM, XZ, XZ+ എന്നിവയായിരുന്നു ഇവ. പെട്രോൾ, ഡീസൽ, ഓട്ടോമാറ്റിക് (എഎംടി), മാനുവൽ ഓപ്ഷനുകൾ എന്നിവ കണക്കാക്കുമ്പോൾ ഏകദേശം 10 വേരിയന്റുകളുണ്ടായിരുന്നു.
തുടർന്ന് ടാറ്റ ഡാർക്ക് എഡിഷൻ അവതരിപ്പിച്ചു. അവിടുന്ന് നെക്സോൺ ശ്രേണിയിലേക്ക് കാസിരംഗ എഡിഷനും ഇതിന് പിന്നാലെ ജെറ്റ് എഡിഷനും എത്തി.പുതിയ പതിപ്പുകൾ വന്നപ്പോൾ പുതിയ സവിശേഷതകൾ ചേർത്ത് ടാറ്റ നെക്സോൺ കോംപാക്ട് എസ്യുവിയെ ഒരുക്കിയെടുത്തു. പിന്നീട് മറ്റ് "റെഗുലർ" വേരിയന്റുകളിലേക്ക് ഈ സവിശേഷതകൾ ചേർക്കുന്നതിനായി ടാറ്റ XMS, XMS+ പോലുള്ള കൂടുതൽ വകഭേദങ്ങൾ അവതരിപ്പിച്ചു.
ഇപ്പോൾ ഈ വേരിയന്റുകളെല്ലാം സ്പെഷ്യൽ എഡിഷനുകൾ, പെട്രോൾ, ഡീസൽ ഓപ്ഷനുകൾ, മാനുവൽ, എഎംടി ഓപ്ഷനുകൾ, ലക്ഷ്വറി പായ്ക്കുകൾ, ഡ്യുവൽ-ടോൺ ഓപ്ഷനുകൾ എന്നിവയുമായി സംയോജിപ്പിക്കുമ്പോഴാണ് നിങ്ങൾ 77 വ്യത്യസ്ത വേരിയന്റുകളിലേക്ക് വാഹനം തെരഞ്ഞെടുക്കാൻ ലഭ്യമാവുന്നത്.
ഇങ്ങനെ നോക്കിയാൽ ഈ 77 വേരിയന്റുകളും ശരിക്കും അർഥവത്താക്കുന്നുവെന്നതാണ് ശ്രദ്ധേയം. ഇവിടെയാണ് ടാറ്റയുടെ വിജയവും. എന്നാൽ ഇവയെല്ലാം ശരിക്കും വേണോയെന്ന ചോദ്യം എതിർഭാഗത്തുനിന്നും ഉയരുന്നുണ്ട്. ഉപഭോക്താക്കളെ കൂടുതൽ കൺഫ്യൂഷനിലേക്ക് ഇതെല്ലാം തള്ളിവിടുമെന്നാണ് എതിർവാദവും.
പക്ഷേ ഒരു ബിസിനസ് കാഴ്ച്ചപ്പാടിൽ, ഇത് ഒരു മികച്ച ട്രിക്ക് ആണ്. കൂടുതൽ വകഭേദങ്ങൾ അണിനിരത്തുന്നതിലൂടെ കൂടുതൽ ഉപഭോക്താക്കളെ തൃപ്തിപ്പെടുത്താൻ കഴിയും. എന്നിരുന്നാലും, ഇത് വാങ്ങുന്നവർക്ക് ആശയക്കുഴപ്പമുണ്ടാക്കിയേക്കാം.
എങ്കിലും മറുവശത്ത് ടാറ്റ തങ്ങളുടെ കാറുകളിൽ അവർക്ക് ആവശ്യമുള്ളത് കൃത്യമായി നൽകാൻ ശ്രമിക്കുന്നതിനെ അഭിനന്ദിക്കുന്ന ധാരാളം ഉപഭോക്താക്കളുണ്ട്.അത് ഫീച്ചറുകളായാലും സൺറൂഫുകളായാലും വെന്റിലേറ്റഡ് സീറ്റുകളായാലും എല്ലാം ഒന്നായാലും.
വേരിയന്റുകളുടെ എണ്ണം ഒരു അസൗകര്യം എന്നത് ശരിക്കും ഒരു ആത്മനിഷ്ഠമായ കാര്യമാണ്. ചിലർക്ക് ഇഷ്ടപ്പെട്ടേക്കാം, ചിലർക്ക് ഇഷ്ടപ്പെടാതിരിക്കാം. അത് കാലാകാലങ്ങളായി അങ്ങനെ നിലനിൽക്കുന്ന രണ്ട് വശങ്ങളാണ്. അത് ഇനിയും തുടരുകയും ചെയ്യും.