Just In
- 26 min ago ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
- 1 hr ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
- 2 hrs ago ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ
- 3 hrs ago തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
Don't Miss
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
- Movies ജാസ്മിനെപ്പോലൊരു കൂതറ മത്സരാര്ത്ഥി ചരിത്രത്തിലില്ല; ഇക്കൊല്ലം ടോക്സിക് റാണി: ശ്രീലക്ഷ്മി
- Sports T20 World Cup 2024: ഒരൊറ്റ ഷോട്ട്, റിഷഭാണ് ബെസ്റ്റെന്ന് അന്നു ഉറപ്പിച്ചു! ടീമില് വേണമെന്ന് ബ്രോഡ്
- Finance സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ്
- News 'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
ഇനി സേവനം പൊലീസ് കാറായി! അംബാനിക്ക് സുരക്ഷയേകാൻ ഇനി എംജി ഗ്ലോസ്റ്റർ എസ്യുവികളും
ഏഷ്യയിലെ ഏറ്റവും വലിയ സമ്പന്നനാണ് റിലയൻസിലൂടെയും ജിയോയിലൂടെയും ഇന്ത്യക്ക് സുപരിചിതനായ മുകേഷ് അംബാനി. അതിനാൽ തന്നെ Z പ്ലസ് കാറ്റഗറി സുരക്ഷയിലാണ് ധനിക കുടുംബത്തിന്റെ യാത്രകളും.
സുരക്ഷ ഉദ്യോഗസ്ഥരോടൊപ്പം തത്തെ സര്വ്വ സുരക്ഷ സന്നാഹങ്ങളുള്ള വാഹനങ്ങളും ഈ യാത്രകളുടെ ഭാഗമാണ്. ചുമ്മാതൊരു കാറിൽ യാത്ര അത്ര എളുപ്പമല്ലെന്ന് ചുരുക്കം. കാലത്തിനൊത്ത് ഈ കാർ അകമ്പടികൾ പുതുക്കാനും അദ്ദേഹത്തിന് താൽപര്യം വളരെ കൂടുതലാണ്.
അംബാനിക്കും കുടുംബത്തിനും സുരക്ഷാ ഭീഷണി നേരിടുന്ന കാര്യവും അടുത്തിടെയെല്ലാം വാർത്തകളിൽ നിറഞ്ഞിരുന്നു. അതിനാൽ തന്നെയാണ് ഇന്ത്യയിലെ ഏതൊരു പൗരനും ലഭിക്കാവുന്നതിൽവെച്ചുള്ള ഏറ്റവും ഉയർന്ന പരിരക്ഷയായ Z പ്ലസ് കാറ്റഗറി സുരക്ഷ ഒരുക്കിയിരിക്കുന്നതും.
കുറച്ച് വർഷങ്ങൾക്ക് മുമ്പ് അംബാനി കുടുംബത്തിന് Z പ്ലസ് സുരക്ഷ ലഭിച്ചപ്പോൾ മഹീന്ദ്ര സ്കോർപിയോയും മാരുതി സുസുക്കി ജിപ്സി എസ്യുവികളും ഉൾപ്പെടുന്ന ഒരു ലളിതമായ നിരയായിരുന്നു അന്ന് കൂട്ടിനുണ്ടായിരുന്നത്.
എന്നാൽ കാലത്തിനൊത്ത് ആ രീതിയും വാഹനങ്ങളും മാറി. സെക്യൂരിറ്റി ഗാർഡുകൾക്കും സിആർപിഎഫിനും പൊലീസുകാർക്കും യാത്ര ചെയ്യാൻ അംബാനി കുടുംബം കുറച്ച് ബിഎംഡബ്ല്യു X5 എസ്യുവികളും അടുത്തിടെ സ്വന്തമാക്കിയിരുന്നു.
അംബാനിയുടെ സുരക്ഷാ ജീവനക്കാർക്കായി ഇപ്പോൾ എംജി ഗ്ലോസ്റ്ററും വാങ്ങിയിരിക്കുകയാണ്. സുരക്ഷയുടെ ഭാഗമായുണ്ടായിരുന്ന മറ്റെല്ലാ സെക്യൂരിറ്റി കാറുകളെയും പോലെ ഒരു ബോഡി ഡെക്കൽ, സെക്യൂരിറ്റി സേഫ്റ്റി സ്ട്രോബ് ലൈറ്റുകൾ, സൈറൺ എന്നിവയോടൊയാണ് ഗ്ലോസ്റ്ററിനെ അണിയിച്ചൊരുക്കിയിരിക്കുന്നത്.
വശങ്ങളിൽ മുംബൈ പൊലീസ് ഡെക്കലുകളാണ് ഗ്ലോസ്റ്ററിന് ലഭിക്കുന്നത്. നിലവിൽ 29.98 ലക്ഷം മുതൽ 35.38 ലക്ഷം രൂപ വരെയാണ് എംജിയുടെ മുൻനിര എസ്യുവിയുടെ രാജ്യത്തെ എക്സ്ഷോറൂം വില. കഴിഞ്ഞ വർഷം വിപണിയിൽ എത്തിയ ഗ്ലോസ്റ്റർ ഇതിനകം തന്നെ ഏറെ ജനപ്രീതി നേടിയ വാഹനമാണ്.
ഓട്ടോണമസ് സാങ്കേതികവിദ്യയുടെ ലെവൽ വൺ മികവുമായി ഇന്ത്യയിൽ വിൽപനയ്ക്കെത്തുന്ന ആദ്യ പ്രീമിയം എസ്യുവിയാണ് ഇതെന്നതും ശ്രദ്ധേയമാണ്. ഫീച്ചര് സമ്പന്നതയിൽ ഏറെ മുന്നിലുള്ള ഗ്ലോസ്റ്റർ ആറ്, ഏഴ് സീറ്റർ കോൺഫിഗറേഷനിലും തെരഞ്ഞെടുക്കാം.
71 കണക്റ്റഡ് കാർ സവിശേഷതകളാണ് എസ്യുവി വാഗ്ദാനം അണിനിരത്തുന്നത്. 2.0 ലിറ്റർ ട്വിൻ-ടർബോചാർജ്ഡ് ഡീസൽ എഞ്ചിനാണ് ഗ്ലോസ്റ്ററിന് തുടിപ്പേകുന്നത്. ഇത് പരമാവധി 215 bhp കരുത്തിൽ 480 Nm torque ഉത്പാദിപ്പിക്കാൻ വരെ പ്രാപ്തമാണ്.
എട്ട് സ്പീഡ് ഓട്ടോമാറ്റിക്കാണ് ഇതിലെ ഗിയർബോക്സ് ഓപ്ഷൻ. ഓട്ടോ, ഇക്കോ, സ്പോർട്ട്, മഡ്, സാൻഡ്, റോക്ക്, സ്നോ എന്നീ ടെറൈൻ സെലക്ഷൻ ഉള്ള ഫോർ വീൽ ഡ്രൈവ് സംവിധാനവും ഗ്ലോസ്റ്റർ എസ്യുവിക്കുണ്ട്.