Just In
- 50 min ago ഈ ടാറ്റയ്ക്ക് എന്തൊരു സ്നേഹമാ... ടിയാഗോ ഇവിയിൽ അടിപൊളിയൊരു ഫീച്ചർ ചേർത്ത് കമ്പനി
- 1 hr ago സ്കോഡ റാപ്പിഡിലെ സിസർ ഡോറുകൾ കണ്ടോ, ഇന്ത്യയിലെ ആദ്യത്തെ ലംബോ സ്റ്റൈൽ ഡോറുളള കാർ
- 2 hrs ago കൂടുതൽ ചാലുകൾ കീറി വാട്ടർ മെട്രോ; പുത്തൻ സ്റ്റേഷനുകളും റൂട്ടുകളും പ്രവർത്തനം ആരംഭിച്ചു, സമയക്രമങ്ങൾ ഇങ്ങനെ
- 3 hrs ago കുറഞ്ഞ വിലയിൽ 592 കി.മീ. വരെ റേഞ്ചുള്ള ഇന്ത്യയുടെ ഇലക്ട്രിക് എസ്യുവി, ബുക്കിംഗ് തുടങ്ങി കമ്പനി
Don't Miss
- News ചാലക്കുടിയില് ഇത്തവണ ആര്: യുഡിഎഫ് കോട്ട, ഇടത് പ്രതീക്ഷ രവീന്ദ്രനാഥില്, അറിയാം ചാലക്കുടി മണ്ഡല ചരിത്രം
- Movies 'മകൾ അഡ്ജസ്റ്റ്മെന്റിന് ഓക്കെയാണെന്ന് പറയുന്ന അമ്മമാർ; ഞാനിങ്ങനെ ഉള്ളവളാണല്ലോ എന്ന കുത്തൽ ഉണ്ടാകരുത്'
- Sports IPL 2024: സൂര്യ ഉണ്ടാകില്ല, രോഹിത് അവസാന മത്സരങ്ങള് കളിച്ചേക്കില്ല! ഹാര്ദിക്കിന് മുട്ടന് പണി
- Lifestyle കനത്ത ചൂട് ചര്മ്മത്തിന് ആപത്ത്; പൊള്ളലേല്ക്കാതിരിക്കാന് വഴികള് ഇത്
- Finance വരുമാന വളർച്ചയ്ക്കൊപ്പം നികുതി ഇളവുകളും, മ്യൂച്വൽ ഫണ്ട് നിക്ഷേപം പൊളിയല്ലേ, നോക്കുന്നോ...
- Technology വേകുവോളം കാത്തവർ, ആറുവോളം കാക്കുമോ? BSNL ഡിസംബറോടെ പൂർണമായും ഫൈബർ സേവനത്തിലേക്ക് മാറും
- Travel തേക്കടിയിലെ ബോട്ടിങ്; ആനകളെയും മാൻകൂട്ടങ്ങളെയും കണ്ട് ഒരു യാത്ര, ഓൺലൈൻ ബുക്ക് ചെയ്യാം
സുരക്ഷയിലും ഫീച്ചറിലും ഇവന് കേമന്! രണ്ടാമതും Jeep Compass സ്വന്തമാക്കി ഹരീഷ് കണാരന്
കോമഡി കഥാപാത്രത്തിലൂടെ മലയാളികളുടെ മനസ്സിലേക്ക് ചേക്കേറിയ പ്രിയ നടനാണ് ഹരീഷ് കണാരന്. വളരെ കുറച്ച് കോമഡി കഥാപാത്രത്തിലൂടെ വളരെ വേഗം തന്നെ ഹരീഷ് മലയാളികളുടെ ഇഷ്ടതാരമായി മാറുകയും ചെയതു.
കുറച്ച് നാളുകള്ക്ക് ശേഷം താരം ഇപ്പോള് വീണ്ടും വാര്ത്തകളില് ഇടംപിടിച്ചിരിക്കുകയാണ്. പുതിയൊരു വാഹനം സ്വന്തമാക്കിയ വിവരം താരം തന്നെയാണ് ആരാധകരുമായി പങ്കുവെച്ചത്. അമേരിക്കന് വാഹന നിര്മാതാക്കളായ ജീപ്പില് നിന്നുള്ള കോമ്പസ് എന്ന മോഡലാണ് ഹരീഷ് സ്വന്തമാക്കിയത്.
'പുതിയ കാര് വാങ്ങി. കുടുംബത്തിലേക്ക് പുതിയ ഒരു ആള് കൂടിയെത്തി. ഇക്കാര്യം നിങ്ങളോട് സന്തോഷപൂര്വം പങ്കുവെയ്ക്കുന്നു. ജീപ്പ് ടീമിന് നന്ദി.' - ജീപ്പ് ലൈഫ്, ന്യൂകാര് എന്നീ ഹാഷ് ടാഗുകളോടെയാണ് ഹരീഷ് കണാരന് കുറിപ്പും ചിത്രങ്ങളും പങ്കു വെച്ചിരിക്കുന്നതിരിക്കുന്നത്.
ഇതിന് മുമ്പും താരത്തിന് ജീപ്പ് കോമ്പസ് സ്വന്തമായി ഉണ്ടായിരുന്നു. ഇതിന് പിന്നാലെയാണ് ഇപ്പോള് രണ്ടാമതും കോമ്പസ് തന്നെ ഹരീഷ് സ്വന്തമാക്കിയത്. ആദ്യത്തെ ജീപ്പ് കോമ്പസ് 2018-ലായിരുന്നു ഹരീഷ് സ്വന്തമാക്കിയത്. ജീപ്പ് കോമ്പസിന്റെ സുരക്ഷയും സൗകര്യങ്ങളുമാണ് ഈ വാഹനത്തിലേക്ക് കൊണ്ടെത്തിച്ചതെന്നും അതുകൊണ്ടാണ് രണ്ടാമതും ഈ വാഹനം തന്നെ തെരഞ്ഞെടുത്തതെന്നും ഹരീഷ് കണാരന് വ്യക്തമാക്കി.
കോംപസിന്റെ ഏറ്റവും ഉയര്ന്ന വേരിയന്റായ S ആണ് താരം സ്വന്തമാക്കിയിരിക്കുന്നത്. ഏകദേശം 36 ലക്ഷം രൂപയോളമാണ് ഈ വേരിയന്റിന്റെ ഓണ്റോഡ് വിലയും. ഈ വര്ഷത്തിന്റെ തുടക്കത്തിലാണ് അടിമുടി മാറ്റങ്ങളുമായി കോമ്പസിന്റെ ഫെയ്സ്ലിഫ്റ്റ് പതിപ്പിനെ കമ്പനി അവതരിപ്പിക്കുന്നത്.
പുതിയ പ്രീമിയം മിഡ്-സൈസ് എസ്യുവി അകത്തും പുറത്തും നിരവധി സവിശേഷതകളും അപ്ഡേറ്റുകളുമായാണ് വരുന്നത്. പുതിയ കോമ്പസ് ഫെയ്സ്ലിഫ്റ്റിന് 4 വേരിയന്റുകളാണ് ജീപ്പ് വാഗ്ദാനം ചെയ്യുന്നത്: സ്പോര്ട്ട്, ലോഞ്ചിറ്റിയൂഡ്, ലിമിറ്റഡ് & മോഡല് S.
പുതിയ ജീപ്പ് കോമ്പസിന്റെ എല്ലാ വകഭേദങ്ങളും സ്റ്റാന്ഡേര്ഡായി നിരവധി സവിശേഷതകളും ഉപകരണങ്ങളും നിറഞ്ഞതാണ്. പുതിയ എസ്യുവിയെ സെഗ്മെന്റില് കൂടുതല് ആകര്ഷകമായ ഓഫറാക്കി മാറ്റുന്ന, പൂര്ണ്ണമായും നവീകരിച്ച ക്യാബിനിനൊപ്പം അപ്ഡേറ്റ് ചെയ്ത ബാഹ്യ രൂപകല്പ്പനയും കമ്പനി അവതരിപ്പിക്കുന്നു.
എക്സ്റ്റീരിയറുകളില് തുടങ്ങിയാല്, പുതിയ കോമ്പസ് എസ്യുവി ഇപ്പോള് അപ്ഡേറ്റ് ചെയ്ത ഫ്രണ്ട് എന്ഡ് അവതരിപ്പിക്കുന്നു, അതില് സിഗ്നേച്ചര് സെവന് സ്ലാറ്റ് വെര്ട്ടിക്കല് ഗ്രില്, ഇന്റഗ്രേറ്റഡ് എല്ഇഡി ഡിആര്എല്ലുകളുള്ള മിനുസമാര്ന്ന എല്ഇഡി ഹെഡ്ലാമ്പുകള്, സെന്ട്രല് എയര് ഇന്ടേക്കിന് അരികിലുള്ള മുന് ബമ്പറില് എല്ഇഡി ഫോഗ് ലാമ്പുകള്, പുതുതായി ഡിസൈന് ചെയ്ത ഡ്യുവല്-ടോണ് 18 ഇഞ്ച് അലോയ് വീലുകള്, പനോരമിക് സണ്റൂഫ്, എല്ഇഡി ടെയില്ലൈറ്റുകള് തുടങ്ങി നിരവധി ഫീച്ചറുകള് ലഭിക്കുന്നു.
അകത്തും, 2021 ജീപ്പ് കോമ്പസ് ഒരു കൂട്ടം നവീകരണങ്ങളും അധിക ഫീച്ചറുകളും ഉപകരണങ്ങളുമായി വരുന്നു. എല്ലായിടത്തും സോഫ്റ്റ് ടച്ച് മെറ്റീരിയല് ഉള്ള ചെറുതായി പരിഷ്കരിച്ച ഡാഷ്ബോര്ഡ് ലേഔട്ട്, മൗണ്ടഡ് കണ്ട്രോള് ഉള്ള പുതിയ സ്റ്റിയറിംഗ് വീല് ഡിസൈനും അകത്തളത്തെ സവിശേഷതയാണ്.
അതോടൊപ്പം തന്നെ 10.25 ഇഞ്ച് ഡിജിറ്റല് ഇന്സ്ട്രുമെന്റ് ക്ലസ്റ്റര്, ആപ്പിള് കാര്പ്ലേ ഉള്ള 10.1 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, ആന്ഡ്രോയിഡ് ഓട്ടോ, ബ്രാന്ഡിന്റെ ഏറ്റവും പുതിയ ' UConnect5' സാങ്കേതികവിദ്യ എന്നിവയും അകത്തളത്തെ പ്രീമിയമാക്കുന്നു.
വയര്ലെസ് ചാര്ജിംഗ്, വെന്റിലേറ്റഡ് സീറ്റുകള്, ഡ്രൈവര് സൈഡ് ഇലക്ട്രോണിക് അഡ്ജസ്റ്റ് ചെയ്യാവുന്ന സീറ്റുകള്, 60:40 റിയര് സീറ്റ് സ്പ്ലിറ്റ്, റിമോട്ട് കീലെസ് എന്ട്രി തുടങ്ങി നിരവധി സൗകര്യങ്ങളും എസ്യുവിയില് ഉണ്ട്. 2021 ജീപ്പ് കോമ്പസ് സുരക്ഷയും ഓഫ്-റോഡ് നിര്ദ്ദിഷ്ട സവിശേഷതകളും കൊണ്ട് നിറഞ്ഞിരിക്കുന്നു.
ഗ്ലോസ് ബ്ലാക്ക് ഫ്രണ്ട് ഗ്രില്, ബ്ലാക്ക് ഡ്യുവല് ടോണ് റൂഫ്, ബ്ലാക്ക് മിററുകള്, ഡ്യുവല്-പേന് പനോരമിക് സണ്റൂഫ്, റെയിന് സെന്സിംഗ് വൈപ്പറുകള്, 18 ഇഞ്ച് ഗ്രാനൈറ്റ് ക്രിസ്റ്റല് അലോയ് വീലുകള്, ബോഡി-പെയിന്റഡ് എന്നിവയുമായിട്ടാണ് ഇതിനൊപ്പം അവതരിപ്പിച്ച ലിമിറ്റഡ് എഡിഷന് 2021 ജീപ്പ് കോമ്പസ് 80-ാം വാര്ഷിക മോഡല് വരുന്നത്. സ്പെഷ്യല് എഡിഷന് മോഡലില് ജീപ്പിന്റെ ഹെറിറ്റേജ് ചിഹ്നം പുറംഭാഗത്തും മുന് സീറ്റുകളിലും മുന് പാസഞ്ചര് വശത്തേക്ക് ഉള്ള ഇന്സ്ട്രുമെന്റ് പാനലിലും കാണാന് സാധിക്കും.
പുതിയ 2021 ജീപ്പ് കോമ്പസ് എസ്യുവി രണ്ട് എഞ്ചിന് ഓപ്ഷനുകളില് തെരഞ്ഞെടുക്കും. 163 bhp കരുത്തും 250 Nm പീക്ക് ടോര്ക്കും ഉല്പ്പാദിപ്പിക്കുന്ന 1.4 ലിറ്റര് ടര്ബോ-പെട്രോള് യൂണിറ്റും ഇതില് ഉള്പ്പെടുന്നു. മറ്റൊന്ന് 173 bhp കരുത്തും 350 Nm torque ഉം ഉത്പാദിപ്പിക്കുന്ന 2.0 ലിറ്റര് ഡീസല് എഞ്ചിന്റെ രൂപത്തിലാണ് വരുന്നത്.
2021 കോമ്പസ് എസ്യുവിയിലെ ട്രാന്സ്മിഷന് ഓപ്ഷനുകളില് ആറ് സ്പീഡ് മാനുവല്, ഏഴ് സ്പീഡ് DCT, ഒമ്പത് സ്പീഡ് ഓട്ടോമാറ്റിക് ചോയ്സ് എന്നിവ ഉള്പ്പെടുന്നു. എല്ലാ ട്രിമുകളും സ്റ്റാന്ഡേര്ഡായി ഫ്രണ്ട്-വീല് ഡ്രൈവ് സിസ്റ്റത്തോടുകൂടിയാണ് വരുന്നത്.