ജെയിംസ് ബോണ്ട് ചിത്രത്തിൽ സ്റ്റണ്ടുകൾ കാഴ്ച്ചവെച്ച് ലാൻഡ് റോവർ ഡിഫെൻഡർ; വീഡിയോ

ലാൻഡ് റോവർ ഡിഫെൻഡർ മികച്ച ആക്ഷൻ സ്റ്റണ്ട് ചെയ്യുന്നതായി ഈ കാണിക്കുന്നു. ഡിഫെൻഡർ മോഡലിന്റെ നിരവധി വാഹനങ്ങൾ ഒരു കുന്നിൽ നിന്ന് ചാടുന്നതാണ് വീഡിയോയുടെ തുടക്കം.

ചാടുന്നതിനിടെ, ഒരു ലാൻഡ് റോവർ ഡിഫെൻഡർ പൂർണ്ണമായും തകിടം മറിയുകയും പിന്നീട് നേരെയാക്കുകയും വീണ്ടും ഓടാൻ തുടങ്ങുകയും ചെയ്യുന്നു. ജെയിംസ് ബോണ്ടിന്റെ അടുത്ത ചിത്രത്തിൽ ലാൻഡ് റോവർ ഡിഫെൻഡർ ഉപയോഗിക്കുന്നുണ്ടെന്ന് അറിയിക്കാനാണ് കമ്പനി ഈ വീഡിയോ പങ്കിട്ടിരിക്കുന്നത്.

അതെ, വരാനിരിക്കുന്ന "ജെയിംസ് ബോണ്ട് 007- നോ ടൈം ടു ഡൈ" എന്ന സിനിമയിൽ ഈ കാർ ഉപയോഗിക്കുന്നു. സിനിമയിൽ, വളരെ അപകടകരവും അതിശയകരവുമായ സ്റ്റണ്ട് രംഗങ്ങൾ ഈ വാഹനം ഉപയോഗിച്ച് ചെയ്തിട്ടുണ്ട്, മാത്രമല്ല ഈ വീഡിയോയിലൂടെ കാറിന്റെ കരുത്ത് കാണിക്കാനും കമ്പനി ആഗ്രഹിക്കുന്നു.

ഈ വർഷം ആദ്യം ലാൻഡ് റോവർ തങ്ങളുടെ പുതിയ എസ്‌യുവിയായ ഡിഫെൻഡർ യുഎസ് വിപണിയിൽ അവതരിപ്പിച്ചു. 2020 -ൽ ഈ എസ്‌യുവി അന്താരാഷ്ട്ര വിപണിയിലും അവതരിപ്പിക്കും. കമ്പനിക്ക് ഇന്ത്യയിൽ ഈ കാർ ലോഞ്ച് ചെയ്യാനും പദ്ധതികളുണ്ട്.

2020 ജൂൺ മാസത്തോടെ വാഹനം ഇന്ത്യയിൽ വിപണിയിലെത്തിക്കുമെന്ന് റിപ്പോർട്ടുകൾ സൂചിപ്പിക്കുന്നു. ആദ്യത്തെ ഡിഫെൻഡർ 110 ലോംഗ് വീൽ ബേസ് പതിപ്പാവും ഇന്ത്യൻ വിപണിയിൽ ഈ കാലയളവിൽ അവതരിപ്പിക്കുന്നത്. ചെറിയ, 90 വീൽ ബേസ് പതിപ്പ് ഡിഫെൻഡർ 2020 ഡിസംബറിൽ വിപണിയിലെത്തും.

രാജ്യത്ത് ലാൻഡ് റോവർ ഡിഫെൻഡർ നാല് പതിപ്പുകളിൽ അവതരിപ്പിച്ചേക്കാം. നിരവധി ആധുനിക സവിശേഷതകളും ഉപകരണങ്ങളും എല്ലാ പതിപ്പുകളിലും കമ്പനി നൽകും.

വ്യക്തമായ സൈറ്റ്, 360 ഡിഗ്രി ക്യാമറ, വെർച്വൽ ഇൻസ്ട്രുമെന്റ് ക്ലസ്റ്റർ, പ്രീമിയം ലെതർ ക്യാബിൻ, ബ്ലൈൻഡ് സ്പോട്ട് അലേർട്ട് എന്നിവ ഇതിൽ ഉൾപ്പെടുന്നു.

ഡിഫെൻഡറിനായി കമ്പനി ഒരു ആക്സസറീസ് പാക്കേജും കൊണ്ടുവരും. അർബൻ പായ്ക്കുകൾ, കൺട്രി പായ്ക്കുകൾ, അഡ്വഞ്ചർ പായ്ക്കുകൾ, എക്സ്പ്ലോറർ പായ്ക്കുകൾ എന്നിവ ഇതിൽ ഉൾപ്പെടും. ഈ പായ്ക്കുകളെല്ലാം വ്യത്യസ്ത പരിതസ്ഥിതിയിൽ പ്രവർത്തിക്കാൻ കാറിനെ സഹായിക്കും.

ഇന്ത്യയിൽ ലാൻഡ് റോവർ ഡിഫെൻഡർ എസ്‌യുവി സിംഗിൾ എഞ്ചിൻ ഓപ്ഷനിലാവും ലഭ്യമാവുന്നത്. 2.0 ലിറ്റർ നാല് സിലിണ്ടർ പെട്രോൾ എഞ്ചിൻ യൂണിറ്റായിരിക്കും, ഇത് 296 bhp കരുത്ത് ഉത്പാദിപ്പിക്കും. നാല്-വീൽ ഡ്രൈവ് ഓപ്ഷനുള്ള ഒരു ഓട്ടോമാറ്റിക് ഗിയർബോക്സാവും വാഹനത്തിൽ നിർമ്മാതാക്കൾ ഒരുക്കുന്നത്.

ഇന്ത്യയിൽ ലാൻഡ് റോവർ ഡിഫെൻഡർ 110 പതിപ്പിന് പ്രാരംഭ വില 90 ലക്ഷം രൂപയും ഡിഫെൻഡർ 90 ന് 70 ലക്ഷം രൂപയുമാരിക്കും എന്ന് പ്രതീക്ഷിക്കാം.

ജീപ്പ് റാങ്‌ലർ, മെർസിഡീസ് ബെൻസ് G350d എന്നിവയ്ക്ക് കടുത്ത മത്സരം നൽകാൻ കഴിയുന്നവയാണ് ലാൻഡ് റോവർ ഡിഫെൻഡർ മോഡലുകൾ.