Just In
- 3 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 3 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 3 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 4 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Sports IPL 2024: 26 പന്തില് 26, പിന്നെ വെടിക്കെട്ട്! സഞ്ജു ഉപദേശിച്ചതെന്ത്? വിജയ മന്ത്രം പരാഗ് പറയുന്നു
- News സാമ്പത്തികനേട്ടങ്ങള് ഉണ്ടാകും, പ്രണയലക്ഷ്യങ്ങള് സാധിക്കും, നിങ്ങളുടെ രാശിഫലം അറിയാം
- Movies ട്രെയിനില് വിശന്നിരുന്ന എനിക്ക് ഭക്ഷണം തന്ന ആ യുവാവ്; സുരേഷ് ഗോപിയെക്കുറിച്ച് മണിയന് പിള്ള രാജു
- Lifestyle ബ്രേക്ക്ഫാസ്റ്റിനെ കുറിച്ചോര്ത്ത് ടെന്ഷന് വേണ്ട; പത്തുമിനിട്ടില് കിടിലന് സേമിയ ഉപ്പുമാവ് ഉണ്ടാക്കാം
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
മെച്ചപ്പെടുത്തലുകൾ അനിവാര്യം; ഇന്ത്യൻ വിപണിയിൽ തലമുറ മാറ്റത്തിനൊരുങ്ങുന്ന എസ്യുവികൾ
വരും വർഷങ്ങളിൽ, ഇന്ത്യൻ ഓട്ടോമൊബൈൽ വ്യവസായം ഇലക്ട്രിക് മൊബിലിറ്റി മുതൽ സ്വയംഭരണാധിഷ്ഠിതവും നൂതനവുമായ സാങ്കേതികവിദ്യകളിലേക്ക് ചില പ്രധാന മാറ്റങ്ങൾക്കായി ഒരുങ്ങുകയാണ്. കാർ നിർമ്മാതാക്കൾ ഇതിനകം തന്നെ വിവിധ വിഭാഗങ്ങളിലായി നിരവധി പുതിയ ഉൽപ്പന്നങ്ങൾ അണിനിരത്തിയിട്ടുണ്ട്.
പുതിയ ലോഞ്ചുകൾക്ക് പുറമേ, ജനപ്രിയ വാഹനങ്ങൾക്ക് മിഡ്-ലൈഫ് അപ്ഡേറ്റുകളും ജനറേഷൻ മാറ്റവും ലഭിക്കും. ഇത്തരത്തിൽ അടുത്ത രണ്ട് വർഷത്തിനുള്ളിൽ പുതിയ തലമുറയിലേക്ക് പ്രവേശിക്കാൻ ഒരുങ്ങുന്ന ഇന്ത്യൻ വിപണിയിലെ മികച്ച അഞ്ച് മികച്ച എസ്യുവികളുടെ ഒരു ഹ്രസ്വ വിവരണമാണ് ഈ ലേഖനത്തിൽ ഞങ്ങൾ പങ്കുവെക്കുന്നത്.
മാരുതി വിറ്റാര ബ്രെസ
റിപ്പോർട്ടുകൾ വിശ്വസിക്കാമെങ്കിൽ, പുതിയ തലമുറ മാരുതി വിറ്റാര ബ്രെസ 2022 ഫെബ്രുവരിയിൽ നിരത്തിലെത്തും. സബ് കോംപാക്ട് എസ്യുവി മെച്ചപ്പെട്ട രൂപകൽപ്പനയും നൂതന കണക്റ്റിവിറ്റി സവിശേഷതകളും സുഖസൗകര്യങ്ങളും നൽകുമെന്ന് പ്രതീക്ഷിക്കുന്നു. നിലവിൽ വാഹനത്തിന്റെ പുതുതലമുറ മോഡലിനെക്കുറിച്ചുള്ള വിശദാംശങ്ങൾ വളരെ കുറവാണ്. എന്നിരുന്നാലും പുതുക്കിയ എക്സ്റ്റീരയും ഇന്റീരിയറുമായി വാഹനം വരും എന്ന് പ്രതീക്ഷിക്കുന്നു.
ശക്തമായ ഹൈബ്രിഡ് സാങ്കേതികവിദ്യ ഉപയോഗിച്ച് 2022 മാരുതി വിറ്റാര ബ്രെസയ്ക്ക് 1.5 ലിറ്റർ, നാല് സിലിണ്ടർ K15B നാച്ചുറലി ആസ്പിറേറ്റഡ് പെട്രോൾ എഞ്ചിൻ ലഭിക്കുമെന്ന അഭ്യൂഹങ്ങൾ പരക്കുന്നു. നിലവിലുള്ള നാല്-സ്പീഡ് ഓട്ടോമാറ്റിക് ഗിയർബോക്സ് പുതിയ ആറ്-സ്പീഡ് ഓട്ടോമാറ്റിക് യൂണിറ്റ് ഉപയോഗിച്ച് മാറ്റിസ്ഥാപിച്ചേക്കാം. ഇത്തവണ, ഫാക്ടറി ഫിറ്റഡ് സൺറൂഫും വയർലെസ് ചാർജിംഗ് പാഡും ഉപയോഗിച്ച് കോംപാക്ട് എസ്യുവി വാഗ്ദാനം ചെയ്യാം.
മഹീന്ദ്ര സ്കോർപ്പിയോ
പുതിയ തലമുറ സ്കോർപിയോ 2022 -ന്റെ ആദ്യ പാദത്തിൽ എത്തുമെന്ന് മഹീന്ദ്ര & മഹീന്ദ്ര ഇതിനകം സ്ഥിരീകരിച്ചിട്ടുണ്ട്. കൂടുതൽ കരുത്തുറ്റ എഞ്ചിനുകൾക്കൊപ്പം രൂപകൽപ്പനയിലും സവിശേഷതകളിലും സമഗ്രമായ മാറ്റങ്ങൾക്ക് എസ്യുവി സാക്ഷ്യം വഹിക്കും.
2022 മഹീന്ദ്ര സ്കോർപിയോ 155 bhp, 2.2 ലിറ്റർ എംഹോക്ക് ഡീസൽ, 2.0 ലിറ്റർ എംസ്റ്റാലിയൻ ടർബോ പെട്രോൾ എഞ്ചിനുകൾ എന്നിവ മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകളിൽ വാഗ്ദാനം ചെയ്യും. RWD ഓഫർ വാഹനത്തിൽ തുടരും. പരിഷ്കരിച്ച ലാഡർ ഓൺ ഫ്രെയിം ചാസിയിലാണ് പുതിയ എസ്യുവി രൂപകൽപ്പന ചെയ്തിരിക്കുന്നത്. ഇത് കൂടാതെ വാഹനത്തിന്റെ ഇന്റീരിയറിലും ഫീച്ചറുകളിലും കാര്യമായ അപ്പ്ഡേറ്റ് ഞങ്ങൾ പ്രതീക്ഷിക്കുന്നു.
ടൊയോട്ട ഫോർട്ട്യൂണർ
നിലവിൽ അതിന്റെ പരീക്ഷണ ഘട്ടത്തിലുള്ള പുതിയ തലമുറ ടൊയോട്ട ഫോർച്യൂണർ 2022 -ൽ ഷോറൂമുകളിൽ എത്തും. വാഹനത്തിന്റെ അകത്തും പുറത്തും കമ്പനി വലിയ മാറ്റങ്ങൾ വരുത്താൻ സാധ്യതയുണ്ട്. വെഹിക്കിൾ സ്റ്റെബിലിറ്റി കൺട്രോൾ, ഇലക്ട്രിക് പവർ സ്റ്റിയറിംഗ്, പുതിയ കണക്റ്റഡ് കാർ സവിശേഷതകൾ എന്നിവയ്ക്കൊപ്പം ADAS (അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം) എന്നിവയുമായാണ് ഇത് വരുന്നത്.
എഞ്ചിന്റെ കാര്യത്തിൽ 2022 ടൊയോട്ട ഫോർച്യൂണറിന് (ഗ്ലോബൽ-സ്പെക്ക്) ഡീസൽ ഹൈബ്രിഡ് പവർട്രെയിൻ ലഭിക്കും. ഇന്ത്യയിൽ, ഇത് 204 bhp, 2.8 ലിറ്റർ ഡീസൽ, 166 bhp, 2.7 ലിറ്റർ പെട്രോൾ എഞ്ചിൻ ഓപ്ഷനുകൾ എന്നിവ വാഗ്ദാനം ചെയ്യാം.
ടാറ്റ നെക്സോൺ
ടാറ്റയുടെ ഏറ്റവും കൂടുതൽ വിറ്റഴിക്കപ്പെടുന്ന നെക്സോൺ സബ് കോംപാക്ട് എസ്യുവി അടുത്ത രണ്ട് വർഷത്തിനുള്ളിൽ പുതിയ തലമുറയിലേക്ക് പ്രവേശിക്കും. വാഹനത്തിന്റെ ഔദ്യോഗിക ലോഞ്ച് ടൈംലൈൻ ഇതുവരെ വെളിപ്പെടുത്തിയിട്ടില്ല. പുതിയ തലമുറ ടാറ്റ നെക്സോൺ ഡിസൈനിലും ഫീച്ചറുകളിലും കാര്യമായ മാറ്റങ്ങൾ പ്രതീക്ഷിക്കുന്നു.
വാസ്തവത്തിൽ, ആൾട്രോസ് ഹാച്ച്ബാക്കിലും പഞ്ച് മൈക്രോ എസ്യുവിലും ഇതിനകം ഉപയോഗിച്ചിട്ടുള്ള ആൽഫ പ്ലാറ്റ്ഫോമിനെ സബ് കോംപാക്ട് എസ്യുവി പിന്തുണയ്ക്കും. പുതിയ തലമുറ ടിയാഗോയിലും ടിഗോറിലും ഇതേ ആർക്കിടെക്ച്ചർ ഉപയോഗിക്കും. ഹുഡിന് കീഴിൽ, നെക്സോണിൽ 1.2 ലിറ്റർ ടർബോ പെട്രോൾ, 1.5 ലിറ്റർ ടർബോ ഡീസൽ എഞ്ചിനുകൾ ഫീച്ചർ ചെയ്യുന്നത് തുടരാം.
മഹീന്ദ്ര ബൊലീറോ
അടുത്ത അഞ്ച് വർഷത്തിനുള്ളിൽ ബൊലേറോയ്ക്ക് ഒരു തലമുറ മാറ്റം ലഭിക്കുമെന്ന് ആഭ്യന്തര കാർ നിർമ്മാതാക്കൾ സ്ഥിരീകരിച്ചു. ഇത് 2024 -ഓടെ എത്താൻ സാധ്യതയുണ്ട്. ഇപ്പോൾ ഇതിനെക്കുറിച്ച് വിശദാംശങ്ങൾ ലഭ്യമല്ല. എന്നിരുന്നാലും, ഇതിന് ഏറ്റവും പുതിയ ഡിസൈനിനൊപ്പം കൂടുതൽ അപ്പ് മാർക്കറ്റ് ഇന്റീരിയറും ശുദ്ധീകരിച്ച എഞ്ചിൻ സജ്ജീകരണവും ലഭിക്കുമെന്ന് ഞങ്ങൾ പ്രതീക്ഷിച്ചു.
നിലവിൽ, എസ്യുവി മൂന്ന് വേരിയന്റുകളിലാണ് വരുന്നത് 1.5 ലിറ്റർ ഡീസൽ എഞ്ചിൻ 75 bhp കരുത്തും 210 Nm torque ഉം പുറപ്പെടുവിക്കാൻ പര്യാപ്തമാണ്. അഞ്ച് സ്പീഡ് മാനുവൽ ഗിയർബോക്സാണ് ട്രാൻസ്മിഷൻ ചുമതലകൾ നിർവഹിക്കുന്നത്. എന്നാൽ പുതുതലമുറ വേരിയന്റിൽ വാഹനത്തിന് കൂടുതൽ മികവുറ്റ എഞ്ചിൻ ഗിയർബോക്സ് ഓപ്ഷനുകൾ പ്രാദേശിക വാഹന നിർമ്മാതാക്കൾ വാഗ്ദാനം ചെയ്യുമെന്ന് ഞങ്ങൾ പ്രതീക്ഷിക്കുന്നു.