Just In
- 9 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 11 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 12 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 12 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Movies അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ
- News കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Sports IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ?
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
പ്രായം വെറും അക്കങ്ങള് മാത്രം! സോഷ്യല് മീഡിയയില് വൈറലായി അപ്പൂപ്പന്റെ ഡ്രൈവിങ്
പ്രായഭേദമന്യേ വാഹനങ്ങളെ ഇഷ്ടപ്പെടുന്നവരാണ് നമ്മള്. ഇഷ്ടപ്പെടുന്നതിനൊപ്പം ഒരു അവസരം കിട്ടിയാല് ഒന്നു ഓടിക്കാനും നമ്മളില് പലര്ക്കും മടിയില്ല. അതിന് നിയമത്തിന്റെ കുറച്ച് കാര്യങ്ങള് ഒഴിച്ചു നിര്ത്തിയാല് പ്രായം ഇന്ന് അതിനൊരു ബുദ്ധിമുട്ട് സൃഷ്ടിക്കുന്നില്ലെന്ന് വേണം പറയാന്.
സമൂഹമാധ്യമങ്ങള് ഒന്നു തുറന്നു നോക്കിയാല് മതി. ചെറിയ കുട്ടികള് മുതല് പ്രായം ചെന്നവര് വരെ വാഹനം ഓടിക്കുന്നതും അതില് അഭ്യാസങ്ങള് നടത്തുന്നതും കാണാന് സാധിക്കും. അത്തരത്തിലൊരു വീഡിയോയാണ് ഇപ്പോള് സമൂഹമാധ്യമങ്ങളില് വൈറലായിരിക്കുന്നതും.
കേരള ഡ്രൈവേഴ്സ് എന്നൊരു യുട്യൂബ് പേജിലാണ് വീഡിയോ പ്രത്യക്ഷപ്പെട്ടിരിക്കുന്നത്. ഏകദേശം നല്ല പ്രായം തോന്നിക്കുന്ന ഒരു അപ്പൂപ്പന് ചെറുപ്പക്കാരുടെ അതേ ആവേശത്തില് ടൂറിസ്റ്റ് ബസ് ഓടിക്കുന്ന വീഡിയോ ആണ് വൈറലായിരിക്കുന്നത്.
വീഡിയോ പുതിയതാണോ പഴയതാണോ എന്നൊന്നും വ്യക്തമല്ല. എങ്കിലും 2019 നവംബര് 5 -നാണ് ഈ പേജില് വീഡിയോ അപ്ലോഡ് ചെയ്തിരിക്കുന്നത് എന്ന് കാണിച്ചിട്ടുണ്ട്. അപ്പൂപ്പന് പുലിയാണ് എന്ന് അടിക്കുറിപ്പോടെയാണ് വീഡിയോ പോസ്റ്റ് ചെയ്തിരിക്കുന്നത്.
ആറായിരത്തിലധികം വ്യൂസ് ഈ ദിവസങ്ങളിലായി ആ വീഡിയോയ്ക്ക് ലഭിച്ചിട്ടുണ്ട്. താഴെയായി കമന്റുകളും പ്രത്യക്ഷപ്പെട്ടു തുടങ്ങിയിട്ടുണ്ട്. എന്നാല് സ്ഥലം എവിടെയാണെന്നോ, വീഡിയോ സംബന്ധിച്ച് കൂടുതല് വിവരങ്ങളോ ഒന്നും തന്നെ ലഭ്യമല്ല.
വാഹനം ഓടിക്കുന്നതിന് പ്രായ കൂടുതല് ഒരു പ്രശനമല്ല. പലപ്പോഴും പറഞ്ഞു കേള്ക്കാറുണ്ട് പ്രായം കൂടും തോറും വാഹനം ഓടിക്കുന്നതിന് ഇരുത്തം വരുമെന്ന്. എന്നാല് പ്രായകൂടുതല് ഉള്ളവര് വാഹനം ഓടിക്കുമ്പോള് ശ്രദ്ധിക്കേണ്ട നിരവധി കാര്യങ്ങളും ഉണ്ട്.
പ്രായം കൂടുംതോറും നമ്മുടെ ശരീരവും തളരും. അപ്പോള് സ്വഭാവികമായി തന്നെ കാഴ്ച കുറയും, കേള്വി കുറവ് ഉണ്ടാകും, നമ്മള് ആഗ്രഹിക്കുന്ന രീതിയില് നമ്മുടെ ശരീരം വഴങ്ങിയെന്നു വരില്ല, അതിനൊപ്പം തന്നെ ആരോഗ്യ സ്ഥിതിയും മോശമാകാം.
എന്നാല് ഇതെല്ലാം നിങ്ങളുടെ ഡ്രൈവിങ് കഴിവ് നഷ്ടപ്പെടുത്തുന്നുവെന്നല്ല ഉദ്ദേശിച്ചത്. മറിച്ച് സുരക്ഷിതമായ ഒരു യാത്ര നടത്തുന്നതിന് ഒരു തടസ്സം സൃഷ്ടിച്ചേക്കാം. എന്നാല് പ്രായം ഇത്രയൊക്കെ ആയാലും ഇന്നും ചെറുപ്പക്കാര്ക്ക് ഒപ്പം നിരത്തില് വാഹനങ്ങള് ഒടിക്കുന്ന അപ്പുപ്പന്മാരെ കാണാന് സാധിക്കും.
സുരക്ഷിതമായ ഡ്രൈവിങ് തുടരാന് കുറച്ച് കാര്യങ്ങള് നിങ്ങള് ശ്രദ്ധിച്ചാല് മതി. കാഴച കുറയുന്നുവെന്ന് മനസ്സിലാക്കിയാല് കണ്ണുകള് കൃത്യമായ ഇടവേളകളില് പരിശോധിക്കുക. ലെന്സുകള് നിലവിലുള്ളതാണെന്ന് ഉറപ്പാക്കുക. വിന്ഡ്ഷീല്ഡ്, മിററുകള്, ഹെഡ്ലൈറ്റുകള് എന്നിവ നല്ല കാഴ്ച ലഭിക്കുന്ന വിധത്തില് സൂക്ഷിക്കുക.
ആവശ്യമെങ്കില് ഡാഷ്ബോര്ഡിലെ ഇന്സ്ട്രുമെന്റ് പാനലില് തെളിച്ചം വര്ദ്ധിപ്പിക്കുക. കാഴ്ചയ്ക്കൊപ്പം കേള്വിയും പരിശോധിക്കുക. നിങ്ങള്ക്ക് ശ്രവണസഹായികള് ആവശ്യമുണ്ടെങ്കില്, വാഹനമോടിക്കുമ്പോള് അവ ധരിക്കുന്നുവെന്ന് ഉറപ്പാക്കുക.
രോഗങ്ങള്ക്ക് മരുന്നുകള് ഉപയോഗിക്കുന്ന ആളാണു നിങ്ങളെങ്കില് ഡ്രൈവിങ് കഴിവിനെ എങ്ങനെ ബാധിക്കുമെന്ന് ഡോക്ടറുമായി സംസാരിക്കുക. നന്നായി ഉറങ്ങുക. നന്നായി വാഹനമോടിക്കുന്നതിന് മതിയായ ഉറക്കം ലഭിക്കേണ്ടത് അത്യാവശ്യമാണ്.
Source: Kerala Drivers/YouTube