Just In
- 29 min ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 1 hr ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 1 hr ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
- 2 hrs ago കാറിനും ബൈക്കിനും മാത്രമല്ല വാണിജ്യ വാഹനങ്ങൾക്കും സേഫ്റ്റി തന്നെ പ്രധാനം, കാരണമെന്താണെന്നറിയാമോ
Don't Miss
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Lifestyle ഇന്ന് ചിക്കനാണോ, കുരുമുളകിട്ട് കിടിലന് ടേസ്റ്റില് വറുത്തെടുക്കാം
- News പിണറായിയോളം തലപ്പൊക്കമുള്ള സിപിഎം നേതാവിനെ ബിജെപിയിലെത്തിക്കാന് ദല്ലാള് ശ്രമിച്ചു: ശോഭ സുരേന്ദ്രന്
- Movies ഭാര്യയുടെ സഹോദരൻ ഇന്നും എന്നെ കുറ്റക്കാരനായി കാണുന്നു; ദേവയാനിയുമായും സംസാരമില്ല; നകുലിനെക്കുറിച്ച് രാജകുമാരൻ
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Sports IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല്
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ബൂസയെ പോപ്കോണ് മെഷീനാക്കി മാറ്റി ഒരുടമ — വീഡിയോ
രാജ്യം കണ്ട ഐതിഹാസിക ബൈക്കുകളില് ഒന്നാണ് സുസുക്കി ഹയബൂസ. 2004 -ല് പുറത്തിറങ്ങിയ ധൂം എന്ന ബോളിവുഡ് സിനിമയിലൂടെ ഹയബൂസ ഇന്ത്യക്കാരുടെ മനസ്സു കീഴടക്കുകയായിരുന്നു. ഇന്ത്യന് വിപണിയില് രണ്ടു പതിറ്റാണ്ടിലേറെ നീളുന്ന ചരിത്രമുണ്ട് ബൂസയ്ക്ക് പറയാന്. ഡ്യുക്കാട്ടി പാനിഗാലെ V4 പോലെ ട്രാക്ക് മാത്രം കേന്ദ്രീകരിക്കുന്ന തനി സ്പോര്ട്സ് ബൈക്കല്ല ബൂസ. മറിച്ച് ദീര്ഘദൂര യാത്രകള്ക്ക് അനുയോജ്യമായ വേഗം കൂടിയ സ്പോര്ട്സ് ടൂററാണ് ഈ ജാപ്പനീസ് ബൈക്ക്.
പക്ഷെ ഈ യാഥാര്ത്ഥ്യം ഉടമകളില് പലരും അംഗീകരിക്കില്ല. ഡ്രാഗ് റേസുകളിലും ഓഫ്റോഡിങ്ങ് മത്സരങ്ങളിലും ബൂസകള് പതിവു സാന്നിധ്യമാവാന് കാരണവുമിതുതന്നെ. ഹിമാലയം കയറുന്നത് ഉള്പ്പടെ ബൂസയില് പലതരം സാഹസങ്ങള് ഉടമകള് കഴിഞ്ഞ കാലങ്ങളില് നടത്തിയിട്ടുണ്ട്. എന്നാല് ഇപ്പോള് ഇവയില് നിന്നെല്ലാം വ്യത്യസ്തമായി പോപ്കോണ് ഉണ്ടാക്കാനും ബൂസയെ ഉപയോഗിച്ചിരിക്കുകയാണ് ഒരു കൂട്ടര്.
ബൂസയുടെ നാലു സിലിണ്ടര് എഞ്ചിന്, പോപ്കോണ് ഉണ്ടാക്കാനുള്ള എളുപ്പ 'മാര്ഗ്ഗമായി' ഇവര് കണ്ടെത്തിയിരിക്കുന്നു. ഇരമ്പിയാര്ക്കുന്ന അക്രോപോവിച്ച് സൈലന്സറില് നിന്നും പുറത്തേക്ക് തെറിക്കുന്ന ചൂടന് പോപ്കോണുകളുടെ ദൃശ്യം സമൂഹ മാധ്യമങ്ങളില് ശ്രദ്ധനേടുകയാണ്.
Most Read: പുതിയ വേഷത്തില് റോയല് എന്ഫീല്ഡ് ക്ലാസിക്ക് 350
ഹയബൂസയില് അക്രോപോവിച്ച് എക്സ്ഹോസ്റ്റ് സംവിധാനമല്ല സുസുക്കി നല്കാറെന്ന് ഇവിടെ പ്രത്യേകം ഓര്മ്മപ്പെടുത്തണം. ഉടമ പ്രത്യേകം ഘടിപ്പിച്ച എക്സ്ഹോസ്റ്റ് യൂണിറ്റാണിത്. പോപ്കോണ് ഉണ്ടാക്കുന്നതിനായി ചോള മണികള് സൈലന്സറിനകത്തേക്ക് ഇവര് ആദ്യമിട്ടു. എന്നിട്ടാണ് ബൂസ സ്റ്റാര്ട്ട് ചെയ്യുന്നത്. ഇന്ലൈന് നാലു സിലിണ്ടര് എഞ്ചിന്റെ പ്രവര്ത്തനം ഗാംഭീര്യമുള്ള ഇരമ്പലോടെ അക്രോപോവിച്ച് സൈലന്സറില് പ്രതിഫലിക്കുന്നത് കേള്ക്കാം.
എക്സ്ഹോസ്റ്റ് ചൂടായതോടെ സൈലന്സറില് നിന്നും പാകമായ പോപ്കോണുകള് പുറത്തേക്ക് തെറിക്കുന്നത് വീഡിയോ കാട്ടിത്തരുന്നു. ആക്സിലറേറ്ററില് ഒന്നു രണ്ടുതവണ കൈകൊടുത്തപ്പോഴേക്കും ചോള മണികള് മുഴുവന് പോപ്കോണായി പുറത്തെത്തി. എന്തായാലും നിലവില് ലഭ്യമായ ഏറ്റവും വില കൂടിയ പോപ്കോണ് മെഷീനായിരിക്കും ഹയബൂസ.
ബൈക്കിനെ കുറിച്ച് പറയുകയാണെങ്കില്, 1,340 സിസി ഇന്ലൈന് നാലു സിലിണ്ടര് എഞ്ചിനാണ് ഹയബൂസയുടെ ഹൃദയം. പ്രത്യേക ലിക്വിഡ് കൂളിങ് സംവിധാനം എഞ്ചിന് താപം കുറയ്ക്കാനായി ബൈക്കിലുണ്ട്. എഞ്ചിന് 9,700 rpm -ല് 197 bhp കരുത്തും 7,200 rpm -ല് 155 Nm torque ഉം പരമാവധി സൃഷ്ടിക്കും.
Most Read: ഇതാണ് ജാവ ബൈക്കുകളുടെ ഔദ്യോഗിക ആക്സസറികള് — വീഡിയോ
ആറു സ്പീഡാണ് ബൂസയിലെ ഗിയര്ബോക്സ്. ട്രാക്ക് കേന്ദ്രീകൃത ബൈക്കല്ലാത്തതുകൊണ്ട് 268 കിലോ ഭാരം സുസുക്കി ഹയബൂസ കുറിക്കും. തൊണ്ണൂറുകളില് ഹോണ്ട ബ്ലാക്ബേര്ഡുമായി നടത്തിയ വാശിയേറിയ വേഗമത്സരമാണ് സുസുക്കി ഹയബൂസയ്ക്ക് താര പദവിയിലേക്ക് ഉയര്ത്തിയത്.
ആ കാലഘട്ടത്തില് നിരത്ത് വാണിരുന്ന ഹോണ്ട ബ്ലാക്ബേര്ഡിനെ 'വിഴുങ്ങാന്' ഹയബൂസയെ സുസുക്കി കൊണ്ടുവരികയായിരുന്നു. 1999 -ല് മണിക്കൂറില് 320 കിലോമീറ്റര് വേഗം കുറിച്ച് ഹയബൂസ ലോകത്തെ ഞെട്ടിച്ചു. പിന്നീട് ലോകരാജ്യങ്ങള് സുരക്ഷാ നിര്ദ്ദേശങ്ങള് കര്ശനമാക്കിയതോടെ ഹയബൂസയുടെ വേഗത്തിന് കടിഞ്ഞാണിടാന് സുസുക്കി നിര്ബന്ധിതരായി. നിലവില് രണ്ടാംതലമുറ ഹയബൂസയാണ് ഇന്ത്യയില് വില്പ്പനയ്ക്ക് വരുന്നത്.
Source: Turbo Xtreme