Just In
- 1 hr ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 2 hrs ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 2 hrs ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 2 hrs ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- Lifestyle നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം
- Movies 'അഞ്ച് ദിവസമായി ആശുപത്രിയിലായിരുന്നു, ഹെൽത്ത് ഇഷ്യു ഇല്ലായിരുന്നുവെങ്കിൽ ചിലപ്പോൾ കപ്പ് അടിച്ചേനെ'
- News ശോഭ സുരേന്ദ്രന് വിളിച്ചു എടുത്തില്ല, നമ്പര് ചോദിച്ച് വാങ്ങുകയായിരുന്നുവെന്ന് ഇപിയുടെ മകന്
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Sports T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത്
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പൊലീസ് കുപ്പായമണിഞ്ഞ് ടെസ്ല മോഡല് എക്സ്, കുറ്റവാളികള് രക്ഷപ്പെടില്ലെന്ന് ഇലോണ് മസ്ക്
'ടെസ്ല മോഡല് എക്സുള്ളപ്പോള് ഒരു കുറ്റവാളിയും രക്ഷപ്പെടില്ല', ടെസ്ലയുടെ ഫ്ളാഗ്ഷിപ്പ് എസ്യുവികള് വാങ്ങിയ സ്വിസ് പൊലീസിനെ അഭിനന്ദിച്ചു കമ്പനി തലവന് ഇലോണ് മസ്ക് കുറിച്ചതിങ്ങനെ. ഇനി മുതല് സ്വിറ്റ്സര്ലണ്ട് പൊലീസ് പായുക ടെസ്ല മോഡല് എക്സ് എസ്യുവികളില്. വൈദ്യുത വാഹനങ്ങളിലേക്ക് ലോകം ഒന്നടങ്കം ചേക്കേറുമ്പോള് തങ്ങള് മാത്രം എന്തിനു മാറിനില്ക്കണമെന്നാണ് സ്വിറ്റ്സര്ലണ്ടിലെ ബേസല് പൊലീസ് ഡിപ്പാര്ട്ട്മെന്റ് ചിന്തിച്ചത്.
പിന്നെ വൈകിയില്ല, പഴഞ്ചന് ഡീസല് എസ്യുവികള്ക്ക് പകരം മോഡല് എക്സ് വാങ്ങാന് പൊലീസ് മേധാവികള് തീരുമാനിച്ചു. ഡീസല് കാറുകളുടെ മികവ് വൈദ്യുത കാറിനുണ്ടാകുമോ? തീരുമാനം പ്രഖ്യാപിച്ച ഉടന് സ്വിസ് പൊലീസിനെ തേടി ആദ്യ ചോദ്യമെത്തി.
വൈദ്യുത കാറാണ്, ഒറ്റ ചാര്ജ്ജില് ഇത്ര ദൂരമെ ഓടുകയുള്ളു, പ്രകടനക്ഷമതയുടെ കാര്യത്തില് ഡീസല് കാറുകളുടെ ഏഴയലത്തു വൈദ്യുത കാറുകള് വരില്ലെന്ന രൂക്ഷവിമര്ശനം പല കോണുകളില് നിന്നുമുയര്ന്നു. പക്ഷെ ഈ സംശയങ്ങളൊന്നും സ്വിസ് പൊലീസിനെ അലട്ടിയില്ല.
ടെസ്ല മോഡല് എക്സിന്റെ കഴിവും കരുത്തും കണ്ടുകേട്ടറിഞ്ഞാണ് ഇവരുടെ തീരുമാനം. നിലവില് ഒരു ശരാശരി സ്വിസ് പൊലീസ് കാര് ദിവസേന 190 കിലോമീറ്റര് ദൂരം ഓടുന്നുണ്ടെന്നാണ് കണക്ക്.
ടെസ്ല മോഡല് എക്സ് എസ്യുവിയാകട്ടെ ഒറ്റ ചാര്ജ്ജില് 475 കിലോമീറ്റര് ദൂരം സുഖമായി ഓടും. അപ്പോള് പിന്നെ ദൂരപരിധിയെ കുറിച്ചു തെല്ലും ആശങ്ക വേണ്ട. മോഡല് എക്സിന്റെ ഏറ്റവുമുയര്ന്ന 100D വകഭേദമാണ് സ്വിസ് പൊലീസ് നിരയില് ചേര്ന്നത്.
പൂജ്യത്തില് നിന്നും നൂറു കിലോമീറ്റര് വേഗത്തിലെത്താന് ടെസ്ല മോഡല് എക്സ് 100D -യ്ക്ക് 4.7 സെക്കന്ഡുകള് മതി. വൈദ്യുത കാറിന് വേഗതയില്ലെന്ന വാദവും ഇതോടെ പൊളിയുന്നു. പുതിയ മോഡല് എക്സ് എസ്യുവികള്ക്ക് വേണ്ടി പ്രത്യകേ ചാര്ജ്ജിംഗ് സംവിധാനങ്ങള് പൊലീസ് സ്റ്റേഷനുകളില് അധികൃതര് സ്ഥാപിച്ചു കഴിഞ്ഞു.
|
സ്റ്റോറേജ്, നിയന്ത്രണം, ഭാരം വഹിക്കാനുള്ള ശേഷി എന്നിവയുടെ കാര്യത്തില് പൊലീസ് സേനയിലെ മറ്റു ഡീസല് കാറുകളെ ടെസ്ല മോഡല് എക്സ് കടത്തിവെട്ടുമെന്നു സ്വിസ് പൊലീസ് അഭിപ്രായപ്പെട്ടു.
വിപണിയില് ടെസ്ല മോഡല് എക്സിന് ഡീസല് കാറുകളെക്കാള് വില കൂടുതലാണ്. എന്നാല് ശേഷമുള്ള പരിപാലന ചെലവും അറ്റകുറ്റപണികളും ടെസ്ല മോഡലുകള്ക്ക് കാര്യമായില്ല. അമേരിക്കയിലെ ഫ്രമോണ്ട് ഫാക്ടറിയില് നിന്നുമാണ് ടെസ്ല മോഡല് എക്സിന്റെ ഉത്പാദനം.
മോഡല് എസിന്റെ പ്രഭാവം മോഡല് എക്സ് എസ്യുവിയുടെ രൂപകല്പനയില് തെളിഞ്ഞു കാണാം. വിശാലമായ അകത്തളം ഒരുങ്ങുന്ന ഏഴു സീറ്റര് എസ്യുവിയാണ് മോഡല് എക്സ്. മുന്, പിന് ആക്സിലുകളിലായി രണ്ടു ഇലക്ട്രിക് മോട്ടോറുകളാണ് മോഡല് എക്സിലുള്ളത്.
രണ്ടു ഇലക്ട്രിക് മോട്ടോറുകളുടെ പശ്ചാത്തലത്തില് 255 bhp കരുത്ത് മുന്ചക്രങ്ങളിലേക്കും 496 bhp കരുത്ത് പിന്ചക്രങ്ങളിലേക്കും പരമാവധിയെത്തും. രണ്ടു ഇലക്ട്രിക് മോട്ടോറുകളുടെ ആകെത്തുകയായി 967 Nm torque മോഡല് എക്സ് അവകാശപ്പെടും.
73,800 ഡോളര് മുതല് 12,300 ഡോളര് വരെയാണ് ടെസ്ല മോഡല് എക്സ് വേരിയന്റുകളുടെ അമേരിക്കന് വിപണി വില.