Just In
- 8 min ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 53 min ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 1 hr ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
- 2 hrs ago ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ്
Don't Miss
- Movies അഞ്ച് വർഷം ഗർഭം ധരിക്കാൻ ശ്രമിച്ചു, പക്ഷെ നടന്നില്ല; വാടക ഗർഭധാരണ മാർഗം സ്വീകരിച്ചതിനെക്കുറിച്ച് കിരൺ
- News ഒന്നാം ഘട്ട വോട്ടെടുപ്പ് അവസാനിച്ചു; ബംഗാളിലും ത്രിപുരയിലും കനത്ത പോളിംഗ്
- Lifestyle Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
10 ലക്ഷം രൂപയില് താഴെ വിലയുള്ള മികച്ച ടര്ബോചാര്ജ്ഡ് എസ്യുവികള് ഇതൊക്കെ
ഇന്ത്യന് എസ്യുവി സെഗ്മെന്റ് പെട്രോള് സബ്-കോംപാക്ട്, മൈക്രോ എസ്യുവികള്ക്ക് അനുകൂലമായി ഡിമാന്ഡ് മാറിക്കൊണ്ടിരിക്കുകയാണ്, ഈ സെഗ്മെന്റില് മുമ്പ് ഡീസല് എസ്യുവികളായിരുന്നു ആധിപത്യം പുലര്ത്തിയിരുന്നത്.
എന്നാല് ജനങ്ങളില് പാരിസ്ഥിതിക അവബോധവും പെട്രോള് എസ്യുവികളില് നിര്ബന്ധിത ഇന്ഡക്ഷന് അവതരിപ്പിച്ചതുമാണ് ഈ മാറ്റത്തിന് കാരണം. വാഹനങ്ങളുടെ പുറന്തള്ളലിനെക്കുറിച്ചും മലിനീകരണത്തെക്കുറിച്ചും കൂടുതല് ബോധമുള്ള ഒരു ആഗോള തരംഗമുണ്ട്, ഉപഭോക്താക്കളും നിര്മാതാക്കളും ഇപ്പോള് ഇത് ഗൗരവമായി കാണുകയും ചെയ്യുന്നു.
ഇന്ധന വിലയിലും ഇന്ധനക്ഷമതയിലും ഡീസല് കൂടുതല് ലാഭകരമായതിനാല് എസ്യുവി വിപണിയില് ഡീസല് എസ്യുവികള് ആധിപത്യം സ്ഥാപിച്ചു. പെട്രോള് എഞ്ചിനുകളെ അപേക്ഷിച്ച് ഡീസല് എഞ്ചിനുകള് കൂടുതല് ടോര്ക്ക് സൃഷ്ടിച്ചു. ഡീസല് എസ്യുവികളുടെ ആവശ്യം പല നിര്മാതാക്കളും അവരുടെ ഉല്പ്പന്നങ്ങള്ക്ക് പെട്രോള് എഞ്ചിന് ഓപ്ഷന് പോലും വാഗ്ദാനം ചെയ്യുന്നില്ല.
കൂടുതല് സുസ്ഥിരവും വൃത്തിയുള്ളതുമായ ഒരു സമൂഹം കെട്ടിപ്പടുക്കുന്നതിനുള്ള ദേശീയ അന്തര്ദേശീയ അവബോധത്തെത്തുടര്ന്ന് ഗവണ്മെന്റുകള് പോലും നെറ്റ് സീറോ കാര്ബണ് ഉദ്വമനത്തിനായുള്ള ഉത്തരവുകള് പുറത്തിറക്കാനും കൂടുതല് സുസ്ഥിരവും ശുദ്ധവുമായ ഇന്ധനങ്ങളിലേക്ക് മാറാനും സ്വയം ഏറ്റെടുത്തു.
ഇന്നത്തെ കാലഘട്ടത്തില് പെട്രോളിന്റെയും ഡീസലിന്റെയും ഇന്ധന വിലകള് തമ്മിലുള്ള വ്യത്യാസം പണ്ടത്തെ പോലെയല്ല, അതിനാല് ഡീസല് എസ്യുവികള് പഴയത് പോലെ ലാഭകരമല്ല. മറുവശത്ത്, ഡീസല് എസ്യുവികള്ക്ക് ഒരു പെട്രോള് എസ്യുവിയെ കൂടുതല് ലാഭകരമായ ഒരു ബദലായി മാറ്റാന് നിര്മാതാക്കള്ക്ക് സാധ്യതകള് ശക്തിപ്പെടുത്തേണ്ടതുണ്ട്.
ഈ വിടവ് നികത്താന് നിര്മാതാക്കള് ഹൈബ്രിഡ് പവര്ട്രെയിനുകള്, മൈല്ഡ്-ഹൈബ്രിഡുകള്, ഏറ്റവും പ്രധാനമായി നിര്ബന്ധിത ഇന്ഡക്ഷന് എന്നിവയുള്ള പെട്രോള് കാറുകള് അവതരിപ്പിക്കാന് തുടങ്ങി. ടര്ബോചാര്ജിംഗ് എന്ന് സാധാരണയായി വിളിക്കപ്പെടുന്ന നിര്ബന്ധിത ഇന്ഡക്ഷന്, ഇതില് കൂടുതല് വായുവും ഇന്ധനവും ഒരു എഞ്ചിന്റെ ജ്വലനം നല്കുകയും ചെയ്യുന്നു.
ഇത് ഒരു എഞ്ചിനില് നിന്ന് നാച്ചുറലി ആസ്പിറേറ്റഡ് അവസ്ഥയുമായി താരതമ്യപ്പെടുത്തുമ്പോള് കൂടുതല് ശക്തിയും ടോര്ക്കും നല്കുന്നു. ഈ പുതിയ ടര്ബോചാര്ജ്ഡ് പെട്രോള് എസ്യുവികള് ഇന്ന് കോംപാക്ട്, സബ്-കോംപാക്ട്, മൈക്രോ എസ്യുവി വിഭാഗങ്ങളില് പ്രചാരത്തിലുണ്ട്. ഇന്ന് വിപണിയില് 10 ലക്ഷത്തില് താഴെ വാങ്ങാന് കഴിയുന്ന മികച്ച 5 ടര്ബോചാര്ജ്ഡ് എസ്യുവികളെയാണ് ഇവിടെ പരിചയപ്പെടുത്തുന്നത്.
ടാറ്റ നെക്സോണ് XE (7.60 ലക്ഷം രൂപ)
ഇന്ത്യയിലെ ടാറ്റ മോട്ടോര്സിന്റെ ഇന്നിംഗ്സിന്റെ വഴിത്തിരിവില് നിര്ണായക പങ്ക് വഹിക്കുന്ന മോഡലാണ് നെക്സോണ്. പെട്രോള്, ഡീസല്, ഇലക്ട്രിക് എന്നിങ്ങനെ മൂന്ന് പവര്ട്രെയിന് ഓപ്ഷനുകളുള്ള ഒരു എസ്യുവിയാണിത്.
പ്രതിമാസ വില്പ്പനയില് മികച്ച വില്പ്പനയും മോഡലിനുണ്ട്. 118 bhp കരുത്തും 170 Nm torque ഉം ഉത്പാദിപ്പിക്കുന്ന 3 സിലിണ്ടര് 1.2 ലിറ്റര് ടര്ബോചാര്ജ്ഡ് പെട്രോള് എഞ്ചിനാണ് നെക്സോണിന്റെ പെട്രോള് പതിപ്പിന് കരുത്തേകുന്നത്. ഡീസല് എസ്യുവിക്ക് 17.54 കിലോമീറ്റര് ഇന്ധനക്ഷമതയും കമ്പനി അവകാശപ്പെടുന്നു.
നിസാന് മാഗ്നൈറ്റ് ടര്ബോ XV എക്സിക്യൂട്ടീവ് (8.01 ലക്ഷം രൂപ)
നിസാന് മാഗ്നൈറ്റിന്റെ അവതരണം ഇന്ത്യന് വാഹന വിപണിയില് നിസാന്റെ താലവര തന്നെ മാറ്റി മറിച്ചുവെന്ന് വേണം പറയാന്. വര്ഷങ്ങളോളം ഇന്ത്യന് വിപണിയില് സാന്നിധ്യമറിയിച്ച നിസാന് ഒടുവില് ജനശ്രദ്ധ നേടിയ ഒരു ഉല്പ്പന്നം സ്വന്തമാക്കിയെന്ന് പറയുന്നതാകും ശരി.
അടിസ്ഥാന വേരിയന്റുകളില് 1.0 ലിറ്റര് നാച്ചുറലി ആസ്പിറേറ്റഡ് എഞ്ചിനാണ് നിസാന് മാഗ്നൈറ്റിന് നല്കിയിരിക്കുന്നത്, എന്നാല് മിഡ്, ഹൈ വേരിയന്റുകളില് ടര്ബോ പെട്രോള് എഞ്ചിന് ഓഫര് ചെയ്യുന്നു. മാഗ്നൈറ്റിലെ 3 സിലിണ്ടര് 1.0 ലിറ്റര് ടര്ബോചാര്ജ്ഡ് പെട്രോള് എഞ്ചിന് 98 bhp കരുത്തും 160 Nm torque ഉം ഉത്പാദിപ്പിച്ചു. ലിറ്ററിന് 20 കിലോമീറ്ററാണ് അവകാശപ്പെടുന്ന ഇന്ധനക്ഷമത.
റെനോ കൈഗര് RXT Opt ടര്ബോ (8.92 ലക്ഷം രൂപ)
റെനോ കൈഗറില് 2 പെട്രോള് പവര്ട്രെയിന് ഓപ്ഷനുകളുമുണ്ട്, ഒന്ന് നാച്ചുറലി ആസ്പിറേറ്റഡ് 3 സിലിണ്ടര് 1.0 ലിറ്റര് എഞ്ചിന്, മറ്റൊന്ന് 98 bhp കരുത്തും 160 Nm ടോര്ക്കും ഉത്പാദിപ്പിക്കുന്ന 1.0 ലിറ്റര് ടര്ബോചാര്ജ്ഡ് 3 സിലിണ്ടര് പെട്രോള് എഞ്ചിനാണ്.
നോര്മല്, ഇക്കോ, സ്പോര്ട്ട് എന്നിങ്ങനെ മൂന്ന് ഡ്രൈവ് മോഡുകളും ഇതില് സജ്ജീകരിച്ചിരിക്കുന്നു. 19.17 kmpl ആണ് ഇതിന് അവകാശപ്പെടുന്ന ഇന്ധനക്ഷമത. സെഗ്മെന്റില് മികച്ച വില്പ്പന നേടുന്ന മോഡലുകളില് ഒന്നുകൂടിയാണിത്.
കിയ സോനെറ്റ് HTK പ്ലസ് ടര്ബോ iMT (9.99 ലക്ഷം രൂപ)
മൂന്ന് എഞ്ചിന് ഓപ്ഷനുകളും ആറ് വേരിയന്റുകളിലായി അഞ്ച് ട്രാന്സ്മിഷന് ഓപ്ഷനുകളുമാണ് കിയ സോനെറ്റിന് വാഗ്ദാനം ചെയ്യുന്നത്. എഞ്ചിന്, ട്രാന്സ്മിഷന് ഓപ്ഷനുകളുടെ നിരവധി പെര്മ്യൂട്ടേഷനുകളും കോമ്പിനേഷനുകളും ഉപയോഗിച്ച് സോനെറ്റ് വാങ്ങാം.
എന്നാല് 6-സ്പീഡ് iMT അല്ലെങ്കില് 7-സ്പീഡ് DCT എന്നിവയുമായി ജോടിയാക്കാന് കഴിയുന്ന ടര്ബോചാര്ജ്ഡ് പെട്രോള് എഞ്ചിനിലാണ് ഞങ്ങള് ഇന്ന് പ്രാഥമികമായി ശ്രദ്ധ കേന്ദ്രീകരിക്കുന്നത്. 118 bhp കരുത്തും 172 Nm torque ഉം ഉത്പാദിപ്പിക്കുന്ന 3 സിലിണ്ടര് 1.0 ലിറ്റര് ടര്ബോചാര്ജ്ഡ് പെട്രോള് എഞ്ചിനാണ് ഇത്. 18.3 kmpl ആണ് ഇതിന് അവകാശപ്പെടുന്ന ഇന്ധനക്ഷമത.
ഹ്യുണ്ടായി വെന്യു S Opt ടര്ബോ iMT (10 ലക്ഷം രൂപ)
സോനെറ്റിന് സമാനമായ എഞ്ചിന്, ട്രാന്സ്മിഷന് ഓപ്ഷനുകളുള്ള വെന്യുവും ഹ്യുണ്ടായി വാഗ്ദാനം ചെയ്യുന്നു, കൂടാതെ പവര് ഔട്ട്പുട്ടുകള് പോലും സമാനമാണ്.
വെന്യു S ടര്ബോ iMT 10 ലക്ഷം രൂപ വിലയുടെ അരികിലാണ്. 118 bhp കരുത്തും 172 Nm torque ഉം ഉത്പാദിപ്പിക്കുന്ന 1.0 ലിറ്റര് ടര്ബോചാര്ജ്ഡ് 3 സിലിണ്ടര് എഞ്ചിനാണ് ഇതിന് കരുത്തേകുന്നത്. ലിറ്ററിന് 18 കിലോമീറ്ററാണ് അവകാശപ്പെടുന്ന ഇന്ധനക്ഷമത.