Just In
- 7 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 8 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 9 hrs ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- 10 hrs ago വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കിയ ഈ നടിയെ അറിയുമോ?
Don't Miss
- Sports IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ്
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- News പ്രമേഹ രോഗി, ഇന്സുലിന് ആവശ്യപ്പെട്ടിട്ടും നല്കിയില്ല; കെജ്രിവാളിനെ കൊല്ലാന് ഗൂഢാലോചനയെന്ന് എഎപി
- Movies അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
6-സ്പീഡ് ഗിയർബോക്സുള്ള ബൈക്കോ? താങ്ങാനാവുന്ന വിലയിൽ വാങ്ങാം ഈ കിടിലൻ മോഡലുകൾ
കുറഞ്ഞ പൈസ മുടക്കി ഉഗ്രൻ ബൈക്ക് വാങ്ങണമെന്ന് ചിന്തിക്കുന്നവരായിരിക്കും നമ്മളിൽ പലരും. ഒരു സാധാനത്തിനും അധികം തുക ചിലവഴിക്കാൻ പലർക്കും താത്പര്യമില്ലെങ്കിലും ചില കാര്യങ്ങൾ പണം മുടക്കാതെ കിട്ടില്ലല്ലോ. താങ്ങാനാവുന്ന വിലയുള്ള ബൈക്കുകൾ എപ്പോഴും വിപണിയിൽ ജനപ്രിയമാണ്. നേരത്തെ കമ്മ്യൂട്ടർ ബൈക്കുകൾക്കാണ് മുൻഗണന നൽകിയിരുന്നതെങ്കിൽ ഇപ്പോൾ ആളുകൾ സ്പോർട്ടിയർ മോട്ടോർസൈക്കിളുകൾക്കാണ് ഇപ്പോൾ മുൻഗണന നൽകുന്നത്.
ആറു സ്പീഡ് ഗിയർബോക്സ് സാധ്യമാക്കുന്ന വേഗതയും മൈലേജുമാണ് ഇത്തരക്കാർ തേടുന്നത്. ഗിയറുകളുടെ എണ്ണം കൂടും തോറും ഉയർന്ന മൈലേജും കൈവരിക്കാൻ സഹായിക്കും. ഇലക്ട്രിക് ബൈക്കുകൾ എത്തിയതോടെ ഗിയർ എന്ന സംവിധാനം പയ്യെ ബൈക്കുകളിൽ നിന്നും ഇല്ലാതാവുകയാണ്. ഇന്ന് സ്കൂട്ടർ സെഗ്മെന്റിൽ എല്ലാം ഗിയർലെസ് വാഹനങ്ങളുടെ അതിപ്രസരവുമാണ്. പലരും ഗിയർ മാറ്റി വണ്ടിയോടിക്കാൻ ഇഷ്ടപ്പെടുന്നുവരുമാണ്. അതിനാൽ ആറ് ഗിയറുകളുള്ള താങ്ങാനാവുന്ന വിലയും മികച്ച പെർഫോമൻസുമുള്ള ബൈക്കുകളെ ഒന്നു പരിചയപ്പെട്ടാലോ?
ബജാജ് പൾസർ NS200
24.13 bhp കരുത്തിൽ 18.5 Nm torque വരെ ഉത്പാദിപ്പിക്കാൻ കഴിയുന്ന 199.5 സിസി എഞ്ചിനിലാണ് പൾസർ NS 200 വരുന്നത്. ബൈക്കിന്റെ മുൻവശത്ത് 300 mm ഡിസ്ക് ബ്രേക്കുകളും ടെലിസ്കോപിക് ഫ്രണ്ട് സസ്പെൻഷനും പിന്നിൽ 230 mm ഡിസ്ക് ബ്രേക്കുകളും മോണോഷോക്ക് സസ്പെൻഷനുമാണ് ഈ സ്പോർട്ടി ബൈക്കിൽ ബജാജ് ഒരുക്കിയിരിക്കുന്നത്. ബജാജ് പൾസർ NS 200 പതിപ്പിന് 1.66 ലക്ഷം രൂപയോളമാണ് ഇന്ത്യയിലെ ഓൺറോഡ് വില വരുന്നത്. കൂടാതെ ആറ് സ്പീഡ് ഗിയർബോക്സ് ലഭിക്കുന്ന ഇന്ത്യയിലെ ഏറ്റവും വിലകുറഞ്ഞ ബൈക്കാണിത് എന്നതും ഹൈലൈറ്റാണ്.
കെടിഎം ഡ്യൂക്ക് 125
ഇന്ത്യയിലെ ഏറ്റവും വില കുറഞ്ഞ കെടിഎം ബൈക്കുകളിലൊന്നാണ് ഡ്യൂക്ക് 125. കൂടാതെ 6 സ്പീഡ് ഗിയർബോക്സും ഇതിലുണ്ട്. ഓസ്ട്രിയൻ ബ്രാൻഡിന്റെ മോഡലുകളിലെ സ്പോർട്ടിയർ സ്വഭാവം കണക്കിലെടുക്കുമ്പോൾ ഇത് അതിശയിക്കാനുള്ള കാര്യമൊന്നുമില്ല താനും. സൂപ്പർ ഡ്യൂക്ക് 1290-ൽ നിന്ന് പ്രചോദനം ഉൾക്കൊണ്ടാണ് ഡ്യൂക്ക് 125-ന്റെ ഡിസൈൻ. മുൻവശത്ത് 300 mm ഫ്രണ്ട് ഡിസ്ക്കും പിന്നിൽ 230 mm ഡിസ്ക്കും ബ്രേക്കിംഗിനായി ക്രമീകരിച്ചിരിക്കുന്നു. ഈ മോഡലിന്റെ ഓൺ റോഡ് വില ആരംഭിക്കുന്നത് 2.06 ലക്ഷം രൂപ മുതലാണ്.
യമഹ MT15
യമഹയുടെ സ്ട്രീറ്റ് ബൈക്കാണ് MT 15. നിരവധി വേരിയന്റുകളിലും കളർ ഓപ്ഷനുകളിലും ലഭ്യമായ ഈ എൻട്രി ലെവൽ സ്പോർട്സ് ബൈക്ക് MT 09 മോഡസിൽ നിന്ന് പ്രചോദനം ഉൾക്കൊണ്ട് നിർമിച്ച കുഞ്ഞൻ പതിപ്പാണ്. എൽഇഡി ഡിആർഎല്ലും പ്രൊജക്ടർ ഹെഡ്ലാമ്പും ഇതിന് വളരെ ആക്രമണാത്മക രൂപം നൽകുന്നു. മുൻവശത്ത് MT-15 മോട്ടോർസൈക്കിളിന് ടെലിസ്കോപിക് സസ്പെൻഷനും പിന്നിൽ ഒരു മോണോ ഷോക്ക് സസ്പെൻഷനും ലഭിക്കുന്നു.
വില നിർണയത്തെക്കുറിച്ച് പറഞ്ഞാൽ MT 15 സ്ര്ടീറ്റ് മോട്ടോർസൈക്കിളിന് ഓൺറോഡ് വില ഏകദേശം 2.01 ലക്ഷം രൂപയിൽ തുടങ്ങി 2.04 ലക്ഷം രൂപ വരെയാണ്. R15-ൽ കാണുന്ന അതേ 155 സിസി ലിക്വിഡ് കൂൾഡ്, സിംഗിൾ സിലിണ്ടർ എഞ്ചിനാണ് മോട്ടോർസൈക്കിളിന് കരുത്തേകുന്നത്. ഇത് 18.14bhp പവറിൽ പരമാവധി 14.1 Nm torque വരെ നിർമിക്കാൻ പ്രാപ്തവുമാണ്. ഇതിന് 6 സ്പീഡ് ഗിയർബോക്സ്, ലിക്വിഡ് കൂളിംഗ്, സ്ലിപ്പർ ക്ലച്ച്, ഡ്യുവൽ ചാനൽ എബിഎസ് എന്നീ സവിശേഷതകളും ലഭിക്കുന്നു.
സുസുക്കി ജിക്സർ SF250
ജാപ്പനീസ് ഇരുചക്ര വാഹന നിർമാതാക്കളായ സുസുക്കിയിൽ നിന്നുള്ള ഫുള്ള ഫെയർഡ് മോട്ടോർസൈക്കിളാണ് ജിക്സർ SF250. ആറു സ്പീഡ് ഗിയർബോക്സുമായി ജോടിയാക്കിയ 249 സിസി എഞ്ചിനിലാണ് ഇത് വരുന്നത്. 26.13 bhp കരുത്തിൽ പരമാവധി 22.2 Nm torque ഉത്പാദിപ്പിക്കാൻ ശേഷിയുള്ളതാണ് എഞ്ചിൻ. മുൻവശത്ത്, ജിക്സറിന് 300 mm ഡിസ്ക് ബ്രേക്കും ടെലിസ്കോപ്പിക് സസ്പെൻഷനും ലഭിക്കുന്നു. പിന്നിൽ, 220 mm ഡിസ്ക് ബ്രേക്കും മോണോ-ഷോക്ക് സസ്പെൻഷനുമുണ്ട്. ഈ ക്വാർട്ടർ ലിറ്റർ ബൈക്കിന് വില 2.31 ലക്ഷം രൂപയിൽ തുടങ്ങി 2.33 ലക്ഷം രൂപ വരെയാണ് ഓൺറോഡ് വില വരുന്നത്.
ബജാജ് ഡൊമിനാർ 250
ബജാജിൽ നിന്നുള്ള അനോറ്റർ സ്ട്രീറ്റ് ബൈക്കാണ് ഡൊമിനാർ 250. പേര് സൂചിപ്പിക്കുന്നത് പോലെ 26 bhp പവറിൽ 23 Nm torque നൽകാൻ ശേഷിയുള്ള 248 സിസി എഞ്ചിനിലാണ് ഡൊമി വരുന്നത്. ഇതോടൊപ്പം സ്ലിപ്പർ അസിസ്റ്റ് ക്ലച്ചുള്ള ആറു സ്പീഡ് ഗിയർബോക്സും കമ്പനി നൽകിയിരിക്കുന്നു. മുൻവശത്ത് 300 mm ഡിസ്ക് ബ്രേക്കും പിന്നിൽ 230 mm ഡിസ്ക്കുമാണ് ഡ്യുവൽ ചാനൽ എബിഎസിന്റെ സഹായത്തോടെ ബ്രേക്കിംഗിനായി നൽകിയിരിക്കുന്നത്. ഡൊമിനാർ ക്വാട്ടർ ലിറ്റർ മോഡലിന്റെ ബ്രേക്ക് സജ്ജീകരണം NS200-ന് സമാനമാണ്. 2.08 ലക്ഷം രൂപ മുതലാണ് ഇതിന്റെ ഓൺറോഡ് വില വരുന്നത്.