Just In
- 24 min ago പപ്പടം പോലെ പൊടിയില്ല! കുട്ടികളുടെ സുരക്ഷയിൽ 5-സ്റ്റാർ നേടി കാരെൻസ്; മുതിർന്നവരുടെ കാര്യത്തിൽ മെച്ചപ്പെടണം
- 1 hr ago കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ
- 13 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 15 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
Don't Miss
- Lifestyle ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം
- News സ്വര്ണവില വീണ്ടും മാറി; ഇന്നലെ ബുക്ക് ചെയ്തവര്ക്ക് നേട്ടം... ചാഞ്ചാട്ട സാധ്യത, ഗ്രാം വില അറിയാം
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
- Sports T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
- Finance സാമ്പത്തിക സ്വാതന്ത്ര്യം നേടാം 30 വയസിൽ; ചെയ്യേണ്ടതും ചെയ്യരുതാത്തതും…
- Technology ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി
- Movies 'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?'
ടാറ്റ സഫാരിക്ക് 63.50 ലക്ഷം രൂപയോ? നേപ്പാളിലെയും പാകിസ്ഥാനിലെയും ഇന്ത്യൻ കാറുകളുടെ വില അറിയാം
ഇന്ത്യൻ വിപണിയിൽ നിർമിക്കുന്ന നിരവധി വാഹനങ്ങളാണ് കമ്പനികൾ നേപ്പാളിലേക്ക് കയറ്റുമതി ചെയ്യുന്നത്. എന്നാൽ അയൽരാജ്യത്തെത്തുന്ന ഇത്തരം മോഡലുകൾക്ക് ഇവിടെ വിൽക്കുന്നതിലും ഇരട്ടിയിലധികമാണ് വിലയെന്നത് ആരെങ്കിലും ശ്രദ്ധിച്ചിട്ടുണ്ടോ? അങ്ങനെയെങ്കിൽ എന്തുകൊണ്ടാണ് ഇങ്ങനെ സംഭവിക്കുന്നത് എന്ന് ചിന്തിച്ചിട്ടുണ്ടോ ആരെങ്കിലും?
ഒരു മെയ്ഡ് ഇൻ ഇന്ത്യ പ്രൊഡക്ടിന് ഇത്രയുമധികം വിലയുണ്ടോയെന്ന് വരെ നാം ചിന്തിച്ചുപോവാറുണ്ട്. വാഹനങ്ങൾക്ക് വളരെ വലിയ നികുതി ചുമത്തപ്പെടുന്നതു തന്നെയാണ് ഇതിനു പിന്നിലുള്ള പ്രധാന കാരണങ്ങളിൽ ഒന്ന്.
ഇന്ത്യയിൽ 20 ലക്ഷം രൂപയുള്ള അതേ കാറിന് ഇന്ത്യയിലെ വിലയെ അപേക്ഷിച്ച് മൂന്നു മടങ്ങ് വരെ വില കൂടുതലായിരിക്കും നേപ്പാൾ പോലുള്ള രാജ്യങ്ങളിൽ. കൂടാതെ ഇന്ത്യൻ വിപണിയിൽ വിൽക്കുന്ന നിരവധി കാറുകൾ പാകിസ്ഥാനിലും ലഭ്യമാണ്. എന്നാൽ ഇവിടങ്ങളിലേക്ക് കയറ്റുമതി ചെയ്യപ്പെടുന്ന അതേ കാറുകളുടെ വില കേട്ടാൽ നിങ്ങൾ ചിലപ്പോൾ അത്ഭുതപ്പെട്ടേക്കും.
ഉദാഹരണത്തിന് പറഞ്ഞാൽ ജനപ്രിയമായ ടാറ്റ സഫാരിക്ക് ഇന്ത്യയിൽ 15.25 മുതൽ 23.46 ലക്ഷം രൂപ വരെയാണ് എക്സ്ഷോറൂം വില. എന്നാൽ മൂന്ന് വരിയുള്ള എസ്യുവിയുടെ വില നേപ്പാളിൽ 63.56 ലക്ഷം രൂപയ്ക്ക് തുല്യമാണെന്ന് കേട്ടാൽ നിങ്ങൾ ഞെട്ടരുത്. കാരണം അതാണ് വാസ്തവം.
അതായത് നേപ്പാളിൽ വിൽപ്പനയ്ക്ക് എത്തുന്ന ടാറ്റ സഫാരിക്ക് ഇന്ത്യയിലേതിനേക്കാൾ 2.7 മടങ്ങ് വില കൂടുതലാണെന്ന് സാരം. 6, 7 സീറ്റർ ഓപ്ഷനുകളിലെത്തുന്ന എസ്യുവിക്ക് NPR 83.49 ലക്ഷം എന്ന പ്രാരംഭ വിലയിലാണ് അവിടെ വിൽപ്പനയ്ക്ക് എത്തുന്നത്. അതേസമയം സഫാരിയുടെ ടോപ്പ് വേരിയന്റിനായി ഒരു കോടി രൂപയിലധികം വരും.
ഇന്ത്യയിൽ 7.15 ലക്ഷം രൂപ മുതൽ എക്സ്ഷോറൂം വിലയുള്ള കിയ സോനെറ്റിന് നേപ്പാളിൽ അടിസ്ഥാന വിലയായ 36.90 ലക്ഷം എൻപിആർക്കാണ് വിൽപ്പനയ്ക്ക് എത്തിക്കുന്നത്. ഇത് ഇന്ത്യൻ കറൻസിയിൽ ഏകദേശം 23.10 ലക്ഷം രൂപയായി മാറുന്നു. ഹൈ-എൻഡ് ഇറക്കുമതി ചെയ്ത വാഹനങ്ങൾക്ക് നേപ്പാളിൽ മൊത്തം നികുതിയുടെ 298 ശതമാനം വരെ അടക്കേണ്ടി വരുമെന്നതാണ് ഈ ഉയർന്ന വിലയുടെ കാരണം.
പാകിസ്ഥാൻ വാഹന വ്യവസായത്തെക്കുറിച്ച് സംസാരിച്ചാൽ ആൾട്ടോ, വാഗൺആർ, സ്വിഫ്റ്റ് എന്നിവയുൾപ്പെടെ ഇന്ത്യയിലും ലഭ്യമായ നിരവധി കാറുകൾ സുസുക്കി രാജ്യത്ത് വാഗ്ദാനം ചെയ്യുന്നുണ്ട്.
പാകിസ്ഥാനിൽ ആൾട്ടോയുടെ വില ആരംഭിക്കുന്നത് 14.75 ലക്ഷം PKR മുതലാണ്. അതായത് ഏകദേശം 6 ലക്ഷം രൂപ. പാകിസ്ഥാനിലെ വാഗൺആറിന് 20.84 ലക്ഷം രൂപ മുതലാണ് വില മുടക്കേണ്ടത്. ഇത് ഏകദേശം 8.47 ലക്ഷം രൂപയോളം മൂല്യം വരും.
പുതിയ തലമുറ വാഗൺആർ ഇപ്പോൾ മൂന്ന് വർഷത്തിലേറെയായി ഇന്ത്യയിൽ വിൽപ്പനയ്ക്കെത്തിക്കുന്നുണ്ടെങ്കിലും പാകിസ്ഥാനിൽ വിൽപ്പനയ്ക്ക് എത്തുന്ന വാഗൺആർ യഥാർഥത്തിൽ മുൻ തലമുറ പതിപ്പാണെന്നതും ശ്രദ്ധേയമാണ്. മാത്രമല്ല അവിടെ വിൽക്കുന്ന ആൾട്ടോ യഥാർഥത്തിൽ ജപ്പാനിലുള്ള കെയ് കാറിനെ അടിസ്ഥാനമാക്കിയുള്ളതാണ്.
ഇതിന് 39 bhp കരുത്ത് നൽകുന്ന ചെറിയ 658 സിസി എഞ്ചിനാണ് കമ്പനി വാഗ്ദാനം ചെയ്യുന്നതും. മറുവശത്ത് സ്വിഫ്റ്റ് പാകിസ്ഥാനിൽ വിൽക്കുന്നത് അടിസ്ഥാന വിലയായ 27.74 ലക്ഷം രൂപയ്ക്കാണ്. അതായത് ഇന്ത്യൻ കറൻസിയിൽ ഏകദേശം 11.28 ലക്ഷം രൂപയോളമെന്ന് ചുരുക്കം.
ഇതിനു വിപരീതമായി ഇന്ത്യയിൽ മാരുതി സുസുക്കി ആൾട്ടോയുടെ വില വെറും 3.39 ലക്ഷം രൂപയിൽ നിന്നാണ് ആരംഭിക്കുന്നത്. അതേസമയം വാഗൺആറിനും സ്വിഫ്റ്റിനും യഥാക്രമം 5.47 ലക്ഷം രൂപയും 5.92 ലക്ഷം രൂപയുമാണ് നമ്മുടെ വിപണിയിലെ പ്രാരംഭ എക്സ്ഷോറൂം വില.
ഈ കാറുകളുടെ വില ഇന്ത്യൻ വിപണിയിൽ വിലയേക്കാൾ ഇരട്ടിയാണെന്ന് ഇത് വെളിപ്പെടുത്തുന്നു.