Just In
- 8 min ago ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
- 1 hr ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
- 2 hrs ago ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ
- 2 hrs ago തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
Don't Miss
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
- Movies ജാസ്മിനെപ്പോലൊരു കൂതറ മത്സരാര്ത്ഥി ചരിത്രത്തിലില്ല; ഇക്കൊല്ലം ടോക്സിക് റാണി: ശ്രീലക്ഷ്മി
- Sports T20 World Cup 2024: ഒരൊറ്റ ഷോട്ട്, റിഷഭാണ് ബെസ്റ്റെന്ന് അന്നു ഉറപ്പിച്ചു! ടീമില് വേണമെന്ന് ബ്രോഡ്
- Finance സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ്
- News 'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി
- Technology മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട്
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
ഇന്നോവയുടെയും എർട്ടിഗയുടെയും എതിരാളി, നിസാൻ ഇവാലിയ തോറ്റുപിൻവാങ്ങിയ കഥ
മാഗ്നൈറ്റ് വരുന്നതിനു മുമ്പ് ഇന്ത്യയിൽ അത്ര നല്ല ഓർമകളൊന്നും ഇല്ലാതിരുന്ന വാഹന നിർമാണ കമ്പനിയായിരുന്നു നിസാൻ. ജാപ്പനീസ് ബ്രാൻഡിന്റെ ഇന്ത്യയിലെ യാത്ര തികച്ചും കടുത്ത വെല്ലുവിളകൾ നിറഞ്ഞതായിരുന്നു എന്നുവേണം പറയാൻ.
നിസാനിൽ നിന്നും ഏറ്റവും കൂടുതൽ വിറ്റഴിക്കപ്പെട്ട മൈക്ര, സണ്ണി തുടങ്ങിയ കാറുകൾ പോലും കണക്കുകളുടെ കാര്യത്തിൽ എതിരാളികൾക്ക് ഏറെ പിന്നിലായിരുന്നു. ടീനയും എക്സ്-ട്രെയിലുമായി ആഡംബര വിപണിയിൽ പ്രവേശിക്കാൻ പോലും കമ്പനി പല ശ്രമങ്ങളും നടത്തി.
പക്ഷേ അവിടെയും വളരെ കുറച്ച് മോഡലുകൾ മാത്രമേ വിൽക്കാൻ കഴിഞ്ഞുള്ളൂവെന്നതാണ് യാഥാർഥ്യം. അത്തരത്തിലുള്ള മറ്റൊരു കാറായിരുന്നു നിസാൻ ഇവാലിയ എന്ന മൾട്ടി പർപ്പസ് വാഹനം. എന്തുകൊണ്ടാണ് നിസാൻ ഇവാലിയ ഇന്ത്യൻ വിപണിയിൽ പരാജയപ്പെട്ടതെന്ന് പലരും സംശയിക്കുന്ന ഒരു കാര്യമായിരിക്കാം.
വിദേശ വിപണികളിൽ 'NV200' എന്ന പേരിൽ വിൽപ്പനയ്ക്കെത്തുന്ന ഇവാലിയ അവിടങ്ങളിൽ വമ്പൻ ഹിറ്റായിരുന്നു. ഈ പശ്ചാത്തലത്തിലാണ് എംപിവിയെ ഇന്ത്യയിലേക്കും നിസാൻ കൊണ്ടുവന്നത്. അതുവരെ നമ്മുടെ നിരത്തുകൾ കാണാതിരുന്ന പരമ്പരാഗതമല്ലാത്ത ശൈലി തന്നെയായിരുന്നു ഇവാലിയ എന്ന വാഹനത്തെ വേറിട്ടുനിർത്തിയത്.
എന്നാൽ ഇത് അംഗീകരിക്കാൻ ആളുകൾ അക്കാലത്ത് തയാറായിരുന്നില്ല. എന്തുകൊണ്ടാണ് നിസാൻ ഇവാലിയ ഇന്ത്യൻ വിപണിയിൽ പരാജയപ്പെട്ടതെന്ന് ഒന്നു നോക്കിയാലോ?
ആവശ്യകതയുടെ അഭാവം
നിസാൻ ഇവാലിയ പരാജയപ്പെടാനുള്ള ഒരു കാരണം എംപിവികൾ വാങ്ങാൻ അന്ന് ആളുകൾ ഇല്ലായിരുന്നു എന്നതാണ്. ഈ കാർ വിൽപ്പനയ്ക്കെത്തിയ സമയത്ത് ആളുകൾക്ക് എംപിവി മോഡലുകളോട് അത്രപ്രിയമൊന്നുമില്ലായിരുന്നു. ഹാച്ച്ബാക്ക്, സെഡാൻ മോഡലുകൾ അരങ്ങുവാണിരുന്ന കാലമായിരുന്നു അത് എന്നും പറയാം.
മാത്രമല്ല, ഒരു എംപിവി വാങ്ങാൻ താത്പര്യപ്പെട്ടവരെല്ലാം ടൊയോട്ട ഇന്നോവയോ, മാരുതി സുസുക്കി എർട്ടിഗയോ സ്വന്തമാക്കാനാണ് ആഗ്രഹിച്ചതും. കൂടാതെ ധാരാളം പരസ്യങ്ങൾ ഉണ്ടായിരുന്നിട്ടും ആളുകൾ ഈ സെഗ്മെന്റിനെ കുറിച്ച് ബോധവാന്മാരുമായിരുന്നില്ല. മാത്രമല്ല ഇന്നോവയെ ഒരു മാനദണ്ഡമായി മാത്രമേ കാണൂ. ഇവാലിയ ഒരു മികച്ച വിഎഫ്എം എംപിവി ആയിരുന്നെങ്കിലും വിപണിയിൽ അതിനെ അംഗീകരിക്കാനുള്ള സമയം ആയിട്ടുണ്ടായിരുന്നില്ല എന്നും കരുതാം.
മോശം ഡിസൈൻ
ഇന്ത്യൻ ഉപയോക്താക്കൾക്ക് ഇവാലിയ സ്വീകാര്യമാവാതെ പോയത് പരമ്പരാഗതമല്ലാത്ത ശൈലിയിലുള്ള രൂപകൽപ്പനയാണെന്നാണ് മറ്റൊരു വശം. കാലഘട്ടിന് ഇണങ്ങിയ രൂപമെങ്കിലും ഉണ്ടായിരുന്നെങ്കിൽ അൽപം കൂടി പിടിച്ചു നിൽക്കാൻ ചിലപ്പോൾ നിസാന് കഴിയുമായിരുന്നു.
വളരെ സുഖകരവും ധാരാളം സവിശേഷതകൾ ഉള്ളതും മാന്യമായ വിലയുള്ളതും ആയ വാഹനമായിരുന്നിട്ടും കാഴ്ച്ചയിലെ വശങ്ങളാണ് നിസാൻ ഇവാലിയയുടെ തലവര മാറ്റിയത്. മാരുതി എർട്ടിഗയും ഇന്നോവയും പോലെയുള്ള വമ്പൻമാർ ഇവാലിയയെക്കാൾ മികച്ചതായി കാണപ്പെടുകയും കൂടുതൽ ശ്രദ്ധനേടുകയും ചെയ്തു. നിസാൻ ഇവാലിയ ഇന്ത്യൻ വിപണിയിൽ പരാജയപ്പെടാനുള്ള പ്രധാന കാരണങ്ങളിലൊന്ന് ഇതാണ്.
മികച്ച എഞ്ചിൻ, ഗിയർബോക്സ് ഓപ്ഷനുകളുടെ അഭാവം
നിസാൻ ഇവാലിയ ഇന്ത്യൻ വിപണിയിൽ പരാജയപ്പെടാനുള്ള മറ്റൊരു കാരണം മികച്ച എഞ്ചിൻ, ഗിയർബോക്സ് ഓപ്ഷനുകളുടെ അഭാവം കൂടിയായിരുന്നു. ഒരു ഡീസൽ എഞ്ചിനും മാനുവൽ ഗിയർബോക്സും മാത്രമായിരുന്നു എംപിവിക്കുണ്ടായിരുന്നത്.
എന്നിരുന്നാലും ടാക്സി വിഭാഗത്തിന് ഇത് നന്നായി യോജിക്കുന്ന മോഡലായിരുന്നു ഇവാലിയ എങ്കിലും ഈ വിഭാഗത്തിലും കാര്യമായ ചലനങ്ങൾ സൃഷ്ടിക്കാൻ വാഹനത്തിന് സാധിച്ചില്ല. 1.5 ലിറ്റർ നാലു സിലിണ്ടര് കോമണ് റെയില് ഡീസൽ എഞ്ചിനായിരുന്നു നിസാൻ എംപിവിയിൽ തുടിച്ചിരുന്നത്.
5 സ്പീഡ് മാനുവൽ ഗിയർബോക്സുമായി ജോടിയാക്കിയ എഞ്ചിൻ 3750 rpm-ൽ പരമാവധി 85 bhp കരുത്തും 1900 rpm-ൽ 200 Nm torque ഉം ഉത്പാദിപ്പിക്കാൻ പ്രാപ്തമായിരുന്നു. ഒരു ഏഴ് സീറ്റർ കോംപാക്ട് എംപിവിക്ക് പവർ നൽകാൻ ഈ കണക്കുകൾക്ക് വേണ്ടത്ര മികവില്ലെന്ന് പേപ്പറിൽ തന്നെ വ്യക്തമാകുമായിരുന്നു.
8.49 ലക്ഷം രൂപ മുതൽ 9.99 ലക്ഷം രൂപ വരെയായിരിക്കുന്നു 2012-ൽ പുറത്തിറങ്ങിയ നിസാൻ ഇവാലിയയുടെ എക്സ്ഷോറൂം വില. മൂന്നു വർഷങ്ങൾക്ക് ശേഷം 2015-ൽ പടിയിറങ്ങുമ്പോൾ വെറും 2,412 യൂണിറ്റിന്റെ വിൽപ്പനയാണ് ഇവാലിയയ്ക്ക് സ്വന്തമാക്കാൻ കഴിഞ്ഞിരുന്നത്.