Just In
- 1 min ago തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
- 1 hr ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
- 13 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 15 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
Don't Miss
- News ദിലീപ് ശ്രമിച്ചത് അതിനായിരുന്നു': നടി ആക്രമിക്കപ്പെട്ട കേസില് പുതിയ വെളിപ്പെടുത്തലുമായി ടിബി മിനി
- Sports IPL 2024: രോഹിത് അടുത്ത പഞ്ചാബ് ക്യാപ്റ്റന്! എല്ലാം പറഞ്ഞു സമ്മതിപ്പിച്ചു? പ്രതികരിച്ച് പ്രീതി
- Lifestyle സംശയാലുവായ ഭാര്യയും ഭര്ത്താവും, ദാമ്പത്യത്തിന്റെ അന്ത്യത്തിന് വഴിയൊരുക്കുന്ന 5 ശീലങ്ങള്
- Finance കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ
- Travel നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ്
- Movies 'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും'
- Technology ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
മിനി കണ്ട്രിമാന് S JCW സ്വന്തമാക്കി യുവരാജ്; ചിത്രങ്ങള് വൈറലാക്കി ആരാധകര്
ഒരു കാലത്ത് ടീം ഇന്ത്യയുടെ നെടും തൂണായ ബാറ്റ്സ്മാനായിരുന്നു യുവ്രാജ് സിംഗ്. ഇന്ത്യയ്ക്കായി ഒരുപാട് വെടിക്കെട്ട് പ്രകടനങ്ങള് പുറത്തെടുത്തിട്ടുള്ള യുവരാജിനെ അത്രപെട്ടെന്ന് ആരാധകര് മറക്കില്ല.
പ്രത്യേകിച്ച് 2007-ലെ പ്രഥമ ട്വന്റി 20 ലോകകപ്പിലെ പ്രകടനം. ക്രിക്കറ്റിനൊപ്പം വാഹനങ്ങളോടും താരത്തിനുള്ള കമ്പം ഒന്നു വേറെ തന്നെയാണ്. നിരവധി തവണ ഇത് വാര്ത്തകളില് നിറയും ചെയ്തിട്ടുണ്ട്.
ഇപ്പോഴിതാ അത്തരത്തില് വീണ്ടും വാര്ത്തകളില് നിറയുകയാണ് താരം. മറ്റൊന്നുമല്ല തന്റെ കാര് ശേഖരത്തിലേക്ക് പുതിയൊരു മോഡല് കൂടി താരം എത്തിച്ചു. മിനി കണ്ട്രിമാന് എന്ന മോഡലാണ് താരം സ്വന്തമാക്കിയത്.
MOST READ: ഹോണ്ട BR-V മുതൽ റെനോ ക്യാപ്ച്ചർ വരെ; ഈ വർഷം നിരത്തൊഴിഞ്ഞ അഞ്ച് കാറുകൾ
വാഹനത്തിനൊപ്പം താനും ഭാര്യയും നില്ക്കുന്ന ചിത്രങ്ങള് താരം തന്നെയാണ് സോഷ്യല് മീഡിയയില് പങ്കുവെച്ചത്. ആരാധകര് തന്നെ പിന്നീട് ഇത് വൈറലാക്കുകയും ചെയ്തു.
ബ്രിട്ടീഷ് കാര് നിര്മ്മാതാക്കളില് നിന്നുള്ള ഏറ്റവും വലിയ ഹാച്ച്ബാക്കുകളിലൊന്നാണ് പുതിയ മിനി കൂപ്പര് കണ്ട്രിമാന്. പെട്രോള് എഞ്ചിന് ഓപ്ഷന് മാത്രം വിപണിയില് എത്തുന്ന മോഡലില്, രണ്ട് വേരിയന്റുകള് മാത്രമേ ലഭ്യമാകൂ.
MOST READ: കോംപാക്ട് എസ്യുവി നിരയിൽ മിന്നിതിളങ്ങി കിയ സോനെറ്റ്; വിജയഗാഥ ഇങ്ങനെ
ചില്ലി ചുവപ്പ് നിറത്തില് കറുത്ത വരകളുള്ള കാറാണ് യുവരാജ് വാങ്ങിയത്. ഇത് ഒരു CBU മോഡലാണ്. ഇന്ത്യയിലെ മിനി കൂപ്പര് കണ്ട്രിമാന്റെ അടിസ്ഥാന വില 38.5 ലക്ഷം രൂപയാണ്. എന്നാല് യുവരാജ് സിംഗ് JCW ഇന്സ്പൈര്ഡ് കൂപ്പര് കണ്ട്രിമാനാണ് തെരഞ്ഞെടുത്തിരിക്കുന്നത്.
ഈ പതിപ്പിന് ഇന്ത്യയില് 42.4 ലക്ഷം രൂപയാണ് എക്സ്ഷോറൂം വില. ഇത് മിനി കണ്ട്രിമാന് S പതിവ് വേരിയന്റല്ല. ഇതിനെ JCW പ്രചോദിത പതിപ്പ് എന്ന് മിനി വിളിക്കുന്നു. ഈ മോഡല് ധാരാളം ഓപ്ഷണല് കോസ്മെറ്റിക്, ഫീച്ചറുകളുമായിട്ടാണ് വിപണിയില് എത്തുന്നത്.
MOST READ: ആൾട്രോസ് ടർബോ വേരിയന്റ് വിപണിയിലേക്ക്; പുതിയ ടീസറുമായി ടാറ്റ
ഈ വേരിയന്റിന് ഒരു സ്പോര്ട്ടിയര് ട്രാന്സ്മിഷന് ലഭിക്കുന്നു, പക്ഷേ എഞ്ചിന് റെഗുലര് പതിപ്പിന് സമാനമായി തുടരുന്നു. എഞ്ചിനെക്കുറിച്ച് പറയുമ്പോള്, 2.0 ലിറ്റര് പെട്രോള് എഞ്ചിനാണ് കാറില് വരുന്നത്.
1,350 rpm-ല് ഇത് പരമാവധി 192 bhp കരുത്തും 280 Nm torque ഉം സൃഷ്ടിക്കുന്നു. ഇതേ എഞ്ചിനാണ് സാധാരണ മിനി കൂപ്പര് S കണ്ട്രിമാനെയും ശക്തിപ്പെടുത്തുന്നത്.
MOST READ: 2022 ഓടെ റഷ്യയില് കാറുകള് വില്ക്കുന്നത് നിര്ത്താനൊരുങ്ങി ഹോണ്ട
എന്നിരുന്നാലും, JCW ഇന്സ്പയര്ഡ് വേരിയന്റിന് 8 സ്പീഡ് സ്പോര്ട്ട് ഓട്ടോമാറ്റിക് സ്റ്റെപ്ട്രോണിക് ട്രാന്സ്മിഷന് ലഭിക്കുമ്പോള് സാധാരണ പതിപ്പിന് 8 സ്പീഡ് നോണ്-സ്പോര്ട്ട് ഓട്ടോമാറ്റിക് ട്രാന്സ്മിഷന് മാത്രമാണ് ലഭിക്കുന്നത്.
എന്നിരുന്നാലും, ഔദ്യോഗിക കണക്കനുസരിച്ച്, രണ്ട് വേരിയന്റുകളും സമാനമായ 7.5 സെക്കന്ഡിനുള്ളില് മാത്രമാണ് 0-100 കിലോമീറ്റര് വേഗത കൈവരിക്കുന്നത്. രണ്ട് വേരിയന്റുകള്ക്കിടയില് മറ്റ് മെക്കാനിക്കല് മാറ്റങ്ങളൊന്നുമില്ല. രണ്ട് വേരിയന്റുകളും ഒരേ ഇന്ധനക്ഷമതയും നല്കുന്നു.
പുറത്ത്, JCW പ്രചോദിത വേരിയന്റിന് ജോണ് കൂപ്പര് വര്ക്ക്സ് എയറോഡൈനാമിക് കിറ്റ് ലഭിക്കും. കിറ്റിന്റെ ഭാഗമായ ഫ്രണ്ട് അണ്ടര്ബോഡി സ്പോയിലര് കണ്ടെത്താനാകും. കൂടാതെ, ഈ പതിപ്പിന് ബ്ലാക്ക് ഔട്ട് ORVM- കള് ലഭിക്കുന്നു.
പിന്ഭാഗത്ത്, JCW പ്രചോദിത പതിപ്പ് റിയര് സ്പോയിലര് വിംഗിനൊപ്പം സ്പോട്ടിയായി കാണപ്പെടുന്നു. കണ്ട്രിമാന് S-ന്റെ കൂടുതല് ചെലവേറിയ പതിപ്പ് കംഫര്ട്ട് ആക്സസ് സിസ്റ്റവും വാഗ്ദാനം ചെയ്യുന്നു.
ഇത് അടിസ്ഥാനപരമായി ഒരു കീലെസ്സ് എന്ട്രി സിസ്റ്റമാണ് കൂടാതെ ഡോറുകളില് റിക്വെസ്റ്റ് സെന്സറും ചേര്ക്കുന്നു. ബൂട്ട് തുറക്കുന്നതിനും ഇതേ സിസ്റ്റം അനുവദിക്കുന്നു. സാധാരണ മിനി കൂപ്പര് S കണ്ട്രിമാന് ഈ സവിശേഷത ലഭിക്കുന്നില്ല.
അകത്ത്, കുറച്ച് അധിക ഉപകരണങ്ങളും വാഹനത്തിന് ലഭിക്കുന്നു. പിക്നിക് ബെഞ്ച്, ആന്ത്രാസൈറ്റ് ഹെഡ്ലൈനര്, ഹര്മാന് കാര്ഡണ് സ്പീക്കറുകള്, ഹെഡ്സ് അപ്പ് ഡിസ്പ്ലേ, നാവിഗേഷന് സിസ്റ്റം, മിനി കണക്റ്റഡ് XL, വയര്ലെസ് ചാര്ജിംഗ്, JCW ഡോര് എന്ട്രി സ്ട്രൈപ്പുകള്, സ്റ്റെയിന്ലെസ് സ്റ്റീല് പെഡല് കവറുകള് എന്നിവയും പതിപ്പില് ലഭ്യമാണ്.
റണ്-ഫ്ലാറ്റ് ടയറുകളുള്ള ജോണ് കൂപ്പര് വര്ക്ക്സ് ത്രില് സ്പോക്ക് വീലുകളും JCW ഇന്സ്പൈറിന് ലഭിക്കുന്നു. കൂടാതെ, ക്യാബിന് കൂടുതല് പ്രീമിയം ലെതര് പഞ്ച് കാര്ബണ് ബ്ലാക്ക് അപ്ഹോള്സ്റ്ററിയും ലഭിക്കും.
ഇത് കൂടാതെ നിരവധി മോഡലുകള് താരത്തിന്റെ കൈയ്യില് കാണാന് സാധിക്കും. ഹോണ്ട സിറ്റിയാണ് യുവരാജ് സിംഗ് ആദ്യം സ്വന്തമാക്കിയ കാര്. ദേശീയ ക്രിക്കറ്റ് താരമായിരുന്ന, പിന്നീട് പഞ്ചാബി സിനിമകളിലെ താരമായി മാറിയ, യുവരാജ് സിംഗിന്റെ അച്ഛന് യോഗ്രാജ് സിംഗ് ആണ് ആദ്യത്തെ കാര് സമ്മാനിച്ചത്.
2007-ലെ ഐസിസി ലോക ടി20 മത്സരത്തില് ഇംഗ്ലണ്ടിനെതിരെ ഡര്ബനില് വെച്ച് നേടിയ ഏറ്റവും വേഗമേറിയ അര്ധസെഞ്ച്വറിക്ക് സമ്മാനമായാണ് പോഷെ 911 യുവരാജിന്റെ കൈകളിലെത്തുന്നത്.
പോഷെയുടെ കൊടിപേറുന്ന വാഹനമാണ് പോഷെ 911. ഇതുകൂടാതെ ഇനിയും നിരവധി ആഢംബരങ്ങള് യുവിയുടെ ഗാരേജിലുണ്ട്. മെര്സിഡീസ് ബെന്സ്, ബിഎംഡബ്ല്യു M5, M3 എന്നീ വാഹനങ്ങള് യുവിയുടെ പക്കലുണ്ട്.
ലോകക്കപ്പിലെ ആള് റൗണ്ട് പ്രകടനത്തിന് ഔഡി ഇന്ത്യയില് നിന്ന് സമ്മാനമായി ഒരു കാര് ലഭിക്കുകയുണ്ടായി. തരത്തിന്റെ കൈയ്യിലെ മറ്റൊരു മോഡലാണ് ബിഎംഡബ്ല്യു X6M. ഇന്ത്യയിലെ അപൂര്വ കാറാണ് ബിഎംഡബ്ല്യു X6M. എസ്യുവി കൂപ്പെയുടെ ഉയര്ന്ന പ്രകടനമുള്ള പതിപ്പാണിത്.
ഡിസി ഡിസൈനുകളുടെ ബോസ്മാന് ദിലീപ് ചബാരിയയില് നിന്നാണ് അദ്ദേഹത്തിന് ഇത് ലഭിച്ചത്. യുവരാജ് സിങ്ങിനെ ഈ വാഹനത്തില് മാത്രമാണ് കൂടുതല് തവണ കണ്ടെത്തിയത്. യുവരാജിന്റെ ഉടമസ്ഥതയിലുള്ള ബിഎംഡബ്ല്യു X6M മികച്ച ബീച്ച് ബ്ലൂ ഷേഡില് പൂര്ത്തിയാക്കി, ഇത് കാറിനെ വളരെ മനോഹരമാക്കുന്നു.
4.4 ലിറ്റര് ടര്ബോചാര്ജ്ഡ് V8 പെട്രോള് എഞ്ചിന് 567 bhp കരുത്തും 750 Nm torque ഉം ആണ് ഉത്പാദിപ്പിക്കുന്നത്. എട്ട് സ്പീഡ് ഓട്ടോമാറ്റിക് ട്രാന്സ്മിഷനുമായി കാര് ജോടിയാക്കുന്നു. 4.2 സെക്കന്ഡിനുള്ളില് പൂജ്യത്തില് നിന്നും 100 കിലോമീറ്റര് വേഗതയില് കൈവരിക്കും.
ബിഎംഡബ്ല്യു M3 കണ്വേര്ട്ടിബിളാണ് താരത്തിന്റെ കൈയ്യിലെ മറ്റൊരു വാഹനം. ബിഎംഡബ്ല്യു ഒരിക്കലും ഇന്ത്യന് വിപണിയില് കാര് ഔദ്യോഗികമായി വില്പ്പനയ്ക്ക് എത്തിച്ചിട്ടില്ല. എന്നിരുന്നാലും, യുവരാജ് സ്വകാര്യമായി ഇറക്കുമതി ചെയ്യുകയായിരുന്നു.
ഇന്ത്യയില് ഐപിഎല് ടൂര്ണമെന്റിനായി കളിക്കുമ്പോള് ബ്രെറ്റ് ലീയെപ്പോലുള്ള കളിക്കാരുമായി ഇതേ E46 M3 നിരത്തുകളില് കണ്ടിരുന്നു. മനോഹരമായി കാണപ്പെടുന്ന അരാന്സിയോ അറ്റ്ലസ് നിറമുള്ള ലംബോര്ഗിനി മുര്സിലാഗോ LP 640-4 യുവരാജിന് സ്വന്തമാണ്.
ഇന്ത്യയുടെ ഏക ഫോര്മുല -1 റേറ്റ് ട്രാക്കായ ബുഷ് ഇന്റര്നാഷണല് സര്ക്യൂട്ടില് അദ്ദേഹത്തെ പതിവായി കാണുകയും ചെയ്യാറുണ്ട്. ഡല്ഹിയിലെ നിരത്തുകളില് യുവരാജ് കാര് ഓടിക്കുന്നത് നേരത്തെ വാര്ത്തകളില് നിറഞ്ഞിരുന്നു.