Just In
- 28 min ago ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ...
- 52 min ago സംസ്ഥാന സർക്കാർ കൂടുതൽ ഇടപെടേണ്ടെന്ന് ഹൈകോടതി, ഭാരത് രജിസ്ട്രേഷനിൽ കോടതി വിധി
- 1 hr ago പുത്തൻ ഇലക്ട്രിക് തമ്പ്രാക്കന്മാരുടെ ആപ്പീസ് പൂട്ടും; ആക്ടിവ ഇവിയുടെ വരവിന് കുറിമാനമിട്ട് ഹോണ്ട
- 1 hr ago പവറും ലുക്കും മൈലേജും അതാണ് ഫോക്സ്വാഗന്റെ ഓഫർ! 14.08 ലക്ഷത്തിന് ടൈഗൂണിന്റെ പുതിയ വേരിയന്റ് വാങ്ങാം
Don't Miss
- News രാഹുലിന്റെ ഡിഎൻഎ പരിശോധിക്കണം, നാലാംകിട പൗരനെന്നും പിവി അൻവർ; ന്യായീകരിച്ച് മുഖ്യമന്ത്രി
- Sports IPL 2024: ലോകകപ്പില് സഞ്ജു കളിക്കട്ടെ! രോഹിത്തിനു ശേഷം ഇന്ത്യന് നായകനുമാക്കൂ, ഭാജി പറയുന്നു
- Movies അവനെ നോക്കിയാല് തല്ല് കിട്ടും! സാറ ഭീഷണിപ്പെടുത്തി; അനന്യ പാണ്ഡെയുടെ വെളിപ്പെടുത്തല്
- Lifestyle സൂര്യന് അത്യുച്ചസ്ഥായിയില്, അതിവിശേഷം പത്താമുദയം; ഏതൊരു മംഗളകാര്യത്തിനും ശുഭദിനം
- Technology തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ്
- Finance തങ്കപ്പനല്ല, പൊന്നപ്പൻ..! റെക്കോർഡ് വിലയിൽ നിന്നും താഴോട്ടിറങ്ങി സ്വർണം, 5 ദിവസം കൊണ്ട് കുറഞ്ഞത് 1,600 രൂപ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ബജാജിന്റെ തന്ത്രം ഫലിച്ചു, പള്സര് വില്പനയില് അതിശയിച്ച് ബൈക്ക് വിപണി
ബജാജിന്റെ കണക്കുകൂട്ടല് കിറുകൃത്യം. ഇന്ത്യയില് പള്സര് വില്പന അമ്പരപ്പിക്കുന്ന വേഗത്തില് കുതിക്കുകയാണ്. മെയ് മാസം മാത്രം ഏഴുപതിനായിരം പള്സറുകളാണ് ഇന്ത്യയില് വിറ്റുപോയത്. കഴിഞ്ഞ രണ്ടുവര്ഷമായി ബജാജിന്റെ പള്സര് വില്പന ഇഴയുകയായിരുന്നു. എന്നാല് പള്സറുകളുടെ കാലം കഴിയാറായെന്ന അഭിപ്രായങ്ങള്ക്ക് മുന്നില് ബജാജ് നിരാശപ്പെട്ടില്ല.
അവനാഴിയിലെ അവസാന തന്ത്രം ബജാജ് പുറത്തെടുത്തതോടെ പള്സര് വില്പന പഴയ പ്രതാപത്തിലേക്കു തിരിച്ചു വരികയാണ്.
ബജാജ് പയറ്റിയത്
എന്തു മന്ത്രജാലമാണ് ബജാജ് പ്രയോഗിച്ചതെന്നു ചിന്തിക്കുന്നുണ്ടോ? പുതിയ പള്സര് ക്ലാസിക്കിനെ കൊണ്ടുവരാനുള്ള തീരുമാനമാണ് കമ്പനിയെ തുണച്ചത്.
കാഴ്ചപകിട്ടുകള് പൂര്ണമായും ഒഴിവാക്കിയ പള്സറിന്റെ പ്രാരംഭ വകഭേദമാണ് പുതിയ പള്സര് ക്ലാസിക് 150. നിരയില് ഏറ്റവും വില കുറഞ്ഞ ബൈക്ക്. ഏഴുപതിനായിരം കുറിച്ച പള്സര് വില്പനയില് സിംഹഭാഗവും ക്ലാസിക് വകഭേദമടങ്ങുന്ന പള്സര് 150 ബൈക്കുകളുടെ സംഭാവനയാണ്.
52,759 പള്സര് 150 ബൈക്കുകളാണ് കഴിഞ്ഞമാസം വിറ്റുപോയത്. മാര്ച്ച് മാസത്തെ വില്പനയെക്കാള് 46 ശതമാനം കൂടുതലാണിത്. കമ്മ്യൂട്ടര്, പ്രീമിയം കമ്മ്യൂട്ടര്, എന്ട്രി ലെവല് സ്പോര്ട്സ്; ഏതുതരക്കാര്ക്കും പറ്റിയ ബൈക്ക് ബജാജിന്റെ പള്സര് നിരയിലുണ്ട്.
പുതുതായി പിറന്ന പള്സര് 150 ക്ലാസിക്കില് തുടങ്ങും പള്സര് ബൈക്കുകളുടെ നീണ്ട നിര. 67,437 രൂപയാണ് ഏറ്റവും ചെറിയ പള്സര് 150 ക്ലാസിക്കിന്റെ എക്സ്ഷോറൂം വില (മുംബൈ). അതായത് ഇരട്ട ഡിസ്ക്കുള്ള സ്റ്റാന്ഡേര്ഡ് പള്സറിനെ അപേക്ഷിച്ചു ആറായിരം രൂപയോളം കുറവ് 150 ക്ലാസിക് രേഖപ്പെടുത്തുന്നു.
മോഡലിന്റെ വില്പന അപ്രതീക്ഷിതമായി ഉയരാന് കാരണവുമിതു തന്നെ. നിലവില് രാജ്യത്തു മുഴുവന് 150 ക്ലാസിക്കുകള് ലഭ്യമല്ല. മോഡലിന്റെ വന്പ്രചാരം മുന്നില്ക്കണ്ട് മുഴുവന് ഡീലര്ഷിപ്പുകളിലും പുതിയ 150 ക്ലാസിക്കിനെ കൊണ്ടുവരാന് ബജാജ് നടപടികള് തുടങ്ങിക്കഴിഞ്ഞു.
പള്സര് ക്ലാസിക്കിന്റെ വില കുറയ്ക്കാന് വേണ്ടി ഗ്രാഫിക്സ്, പിറകിലെ ഡിസ്ക് ബ്രേക്ക്, വിഭജിച്ച സീറ്റ്, ടാങ്ക് എക്സ്റ്റന്ഷന് എന്നിവയൊക്കെ ബജാജ് ഒഴിവാക്കി. ഒറ്റ ഡിസ്ക് ബ്രേക്ക് മാത്രമെ പള്സര് 150 ക്ലാസിക്കിനുള്ളു.
അതേസമയം സാങ്കേതികതലത്തില് കാര്യമായ മാറ്റങ്ങളില്ല. സ്റ്റാന്ഡേര്ഡ് പള്സര് 150 -യിലുള്ള 149 സിസി ഒറ്റ സിലിണ്ടര് നാലു സ്ട്രോക്ക് എഞ്ചിനാണ് പള്സര് 150 ക്ലാസിക്കിലും. പള്സര് 150 കഴിഞ്ഞാല് NS160 -യാണ് നിരയില് അടുത്തത്.
82,000 രൂപയാണ് NS160 മോഡലിന്റെ വില. കൂടുതല് കരുത്തുത്പാദനമുള്ള സ്പോര്ടി ലിക്വിഡ് കൂള്ഡ് പതിപ്പാണ് പള്സര് NS160. ഇവര്ക്ക് മുകളിലാണ് എയര് കൂള്ഡ് എഞ്ചിനുള്ള പള്സര് 180 -യുടെ സ്ഥാനം.
വിലയുടെ കാര്യത്തില് പള്സര് 180 -യ്ക്ക് NS160 -യെക്കാള് ആയിരം രൂപ കൂടുതലാണ്. 220 സിസി എയര് കൂള്ഡ് പള്സര് പതിപ്പാണ് നിരയില് ഏറ്റവും കരുത്തന്. പള്സര് 220 -യ്ക്ക് 94,000 രൂപയാണ് വില. ഇതിനു പുറമെ NS 200, RS 200 എന്നീ ഫ്ളാഗ്ഷിപ്പ് പള്സറുകളെയും ബജാജ് വിപണിയില് കാഴ്ചവെക്കുന്നുണ്ട്.
നെയ്ക്കഡ് സ്പോര്ട്സ് ബൈക്കാണ് NS 200. RS 200 പൂര്ണ ഫെയേര്ഡ് സ്പോര്ട്സ് ബൈക്കും. ഇരു മോഡലുകളിലും എബിഎസ് സുരക്ഷ ഓപ്ഷന് ഫീച്ചറാണ്. 98,000 രൂപയാണ് പള്സര് NS 200 -ന് വില. RS 200 -ന് വില 1.24 ലക്ഷം രൂപ.