Click it and Unblock the Notifications
Just In
-
-
-
-
Don't Miss
-
IPL 2024: എന്റെ പിഴവല്ല, തോല്വിയില് ബൗളര്മാരെ പഴിച്ച് ഗില്! വിമര്ശിച്ച് ആരാധകര് -
കണ്ണൂരില് ആവേശം അലകടലായി, കൊട്ടിക്കലാശം സമാധാനപരം; കരുത്തുകാട്ടി മുന്നണികള് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
കെടിഎം 390 ഡ്യൂക്കിന്റെ ഭാവത്തില്‍ പുതിയ ബെനലി 302S, ഭീഷണി ബിഎംഡബ്ല്യു G310 R -നും
ഹൈദരാബാദ് ആസ്ഥാനമായ മഹാവീര്‍ ഗ്രൂപ്പുമായി ചേര്‍ന്നു ഇന്ത്യയില്‍ സജീവമാകുമെന്നു അടുത്തിടെയാണ് ഇറ്റാലിയന്‍ ബൈക്ക് നിര്‍മ്മാതാക്കളായ ബെനലി പ്രഖ്യാപിച്ചത്. പുതിയ കൂട്ടുകെട്ടില്‍ കൂടുതല്‍ ബെനലി ബൈക്കുകള്‍ ഇന്ത്യന്‍ തീരമണയുമെന്നു ബെനലി പറഞ്ഞതിന് പിന്നാലെ പുതിയ TNT 302S ഉടന്‍ ഇന്ത്യന്‍ തീരമണയുമെന്നു റിപ്പോര്‍ട്ട്.
നിലവില്‍ വില്‍പനയിലുള്ള TNT 300 -ന് പകരക്കാരനാകും ബെനലി 302S. 2017 മിലാന്‍ മോട്ടോര്‍സൈക്കിള്‍ ഷോയില്‍ ഇംപെരിയാലെ 400 -ന് ഒപ്പം കമ്പനി അവതരിപ്പിച്ച 302S, കാഴ്ച്ചക്കാരുടെ ശ്രദ്ധ ഒന്നടങ്കമാണ് പിടിച്ചുപറ്റിയത്.
TNT 300 ബൈക്കിനെ അടിസ്ഥാനപ്പെടുത്തിയാണ് 302S -നെ ബെനലി ഒരുക്കുന്നതെങ്കിലും വ്യത്യസ്തമായ രൂപഭാഷയാണ് മോഡലിന്. TNT 300 -നെക്കാളും സ്‌പോര്‍ടിയാണ് ബെനലി 302S. പുതിയ കെടിഎം 390 ഡ്യൂക്കിന്റെ ശൈലി ബെനലി 302S -ന് പ്രചോദനമേകിയിട്ടുണ്ട്.
390 ഡ്യൂക്കിന്റെ മാതൃകയില്‍ രണ്ടായി തിരിഞ്ഞ ഹെഡ്‌ലാമ്പുകളും എല്‍ഇഡി ഡെയ്‌ടൈം റണ്ണിംഗ് ലൈറ്റുകളുമാണ് ബെനലി 302S -ല്‍ ഒരുങ്ങുന്നത്. മോഡലിന്റെ രൂപഭാവത്തില്‍ മസ്‌കുലീന്‍ പ്രഭാവം അനുഭവപ്പെടും.
ട്രെല്ലിസ് ഫ്രെയിം തുറന്നുകാട്ടുന്ന ബോഡിയും വലുപ്പമേറിയ ഇന്ധനടാങ്കും ബൈക്കിന്റെ ഡിസൈന്‍ സവിശേഷതകളില്‍പ്പെടും. പിറകില്‍ ഒരുപടി ഉയര്‍ന്നാണ് സീറ്റിന്റെ ഒരുക്കം. ചെത്തിയൊതുക്കിയ പിന്‍ഭാഗവും അറ്റത്തായി ഒരുങ്ങുന്ന ടെയില്‍ലാമ്പും മോഡലിന്റെ ഡിസൈന്‍ പ്രത്യേകതകളാണ്.
അലൂമിനിയം കവചിത എക്‌സ്‌ഹോസ്റ്റ്, വേര്‍തിരിച്ച ഗ്രാബ് റെയിലുകള്‍, അലോയ് വീലുകള്‍, ഡിജിറ്റല്‍ ഇന്‍സ്ട്രമെന്റ് ക്ലസ്റ്റര്‍, എല്‍ഇഡി ഹെഡ്‌ലാമ്പ്; ബെനലി 302S വിശേഷങ്ങള്‍ തീരില്ല.
മുന്നില്‍ ഇരട്ട പെറ്റല്‍ ഡിസ്‌ക്കുകള്‍ ബ്രേക്കിംഗ് നിറവേറ്റുമ്പോള്‍ പിന്നില്‍ ഒരു ഡിസ്‌ക് മാത്രമെ ബൈക്കിന് നിയന്ത്രണം നല്‍കുകയുള്ളു. ഇരട്ട ചാനല്‍ എബിഎസ് മോഡലില്‍ സ്റ്റാന്‍ഡേര്‍ഡ് ഫീച്ചറാണ്.
ബെനലി 302S -ലുള്ള 300 സിസി പരലല്‍ ട്വിന്‍ എഞ്ചിന് 37.5 bhp കരുത്തും 25.6 Nm torque ഉം സൃഷ്ടിക്കാനാവും. ആറു സ്പീഡാണ് ഗിയര്‍ബോക്‌സ്. 302 കിലോ ഭാരമുള്ള 302S -ന്റെ ഇന്ധനടാങ്ക് 16 ലിറ്ററാണ്. ഇന്ത്യയില്‍ ബിഎംഡബ്ല്യു G310 R, കെടിഎം 390 ഡ്യൂക്ക് മോഡലുകളോടാണ് ബെനലി 302S മത്സരിക്കുക.
Source: IAB
