Just In
- 2 hrs ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 3 hrs ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 3 hrs ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 3 hrs ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- Movies 'വിന്നർ ലാലേട്ടൻ തന്നെ, ജിന്റോ ഭയങ്കര സംഭവമാണെന്ന് തോന്നിയില്ല, എല്ലാത്തിനും കാരണം ജാസ്മിന്റെ കയ്യിലിരുപ്പ്'
- News ഇന്ദിരയുടെ സ്വത്തുക്കള് നഷ്ടമാവാതിരിക്കാന് രാജീവ് ആ നിയമം ഇല്ലാതാക്കി; പുതിയ ആരോപണവുമായി മോദി
- Sports IPL 2024: ആദ്യ 16 ബോളില് 31, അടുത്ത 21 ബോളില് 19! വീണ്ടും ഫിഫ്റ്റിക്കു കളിച്ച് കോലി, വിമര്ശനം
- Lifestyle നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കീശ കാലിയാക്കാത്ത പുതിയ ബിഎംഡബ്ല്യു ബൈക്കുകള് — അറിയേണ്ടതെല്ലാം
G310 R, G310 GS – പുതിയ ബിഎംഡബ്ല്യു ബൈക്കുകള് കീശ കാലിയാക്കില്ലെന്ന് ഉറപ്പിക്കാം. വില അടിസ്ഥാനപ്പെടുത്തിയാണ് വിപണിയില് മോഡലുകളുടെ തലവര. നിലവില് ബിഎംഡബ്ല്യു ബൈക്ക് വേണമെന്നു ആഗ്രഹിച്ചാല് പന്ത്രണ്ടു ലക്ഷത്തിന് മേലെ മുടക്കേണ്ടതുണ്ട്. ഈ സ്ഥിതിവിശേഷം ബിഎംഡബ്ല്യു ബൈക്കുകളില് നിന്നും സാധാരണക്കാരനെ അകറ്റി നിര്ത്തുന്നു. എന്നാല് വരാനുള്ള പുതിയ G310 R, G310 GS ഇരട്ടകള് ഈ അകലം ഗണ്യമായി കുറയ്ക്കും.
ഇന്ത്യ പ്രതീക്ഷയോടെ കാത്തിരിക്കുകയാണ് ബിഎംഡബ്ല്യു G310 R, G310 GS ബൈക്കുകള്ക്ക് വേണ്ടി. മോഡലുകളുടെ ബുക്കിംഗ് ബിഎംഡബ്ല്യു മോട്ടോറാഡ് ഔദ്യോഗികമായി തുടങ്ങി. ഈ അവസരത്തില് ബിഎംഡബ്ല്യു G310 R, G310 GS മോഡലുകളെ കുറിച്ച് അറിയേണ്ടതെല്ലാം —
അപാച്ചെ RR310 ഒരുങ്ങുന്ന ടിവിഎസിന്റെ ഹൊസൂര് നിര്മ്മാണശാലയില് നിന്നാണ് ഇരു ബിഎംഡബ്ല്യു ബൈക്കുകളുടെയും ഒരുക്കം. G310 R, G310 GS ബൈക്കുകളെ ജര്മ്മന് നിര്മ്മാതാക്കള് ആദ്യം കാഴ്ചവെച്ചത് 2018 ഓട്ടോ എക്സ്പോയില്. ഇരു മോഡലുകളിലും ഒരുങ്ങുന്നത് ഒരേ എഞ്ചിന്.
313 സിസി ലിക്വിഡ് കൂള്ഡ് ഒറ്റ സിലിണ്ടര് എഞ്ചിന് G310 R, G310 GS ബൈക്കുകളില് തുടിക്കും. 33.5 bhp കരുത്തും 28 Nm torque ഉം എഞ്ചിന് പരമാവധിയുണ്ട്. ഗിയര്ബോക്സ് ആറു സ്പീഡ്. ടിവിഎസ് അപാച്ചെ RR310 -ല് ഉള്ളതും ഇതേ എഞ്ചിന് തന്നെ.
പരമാവധി വേഗം 143 കിലോമീറ്റര്. വേഗതയുടെ കാര്യത്തില് ഇരു മോഡലുകളും ഒരുപോലെ. പൂജ്യത്തില് നിന്നും നൂറു കിലോമീറ്റര് വേഗത്തിലെത്താന് G310 R, G310 GS ബൈക്കുകള്ക്കും അഞ്ചു സെക്കന്ഡ് മതി.
ബിഎംഡബ്ല്യു മോട്ടോറാഡില് നിന്നുള്ള എന്ട്രി-ലെവല് പെര്ഫോര്മന്സ് മോഡലുകളാണ് പുതിയ G310 ഇരട്ടകള്. നെയ്ക്ക്ഡ് ബൈക്ക് ഗണത്തില്പ്പെടും G310 R; അഡ്വഞ്ചര് ബൈക്കാണ് G310 GS. ശരാശരി 30 കിലോമീറ്റര് മൈലേജ് ബൈക്കുകളില് നിന്നും പ്രതീക്ഷിക്കാം.
എന്നാല് റൈഡിംഗ് രീതിയെ ആശ്രയിച്ചു ഇതു വ്യത്യാസപ്പെടും. രണ്ടു മോഡലുകള്ക്കും ഇന്ധനശേഷി 12 ലിറ്റര്. ദൈനംദിന യാത്രകള്ക്കും ചെറിയ ദൂരയാത്രകള്ക്കും ഇതു ധാരാളം.
ഇരു ബൈക്കുകള്ക്കും മുന്നില് നാലു പിസ്റ്റണ് കാലിപ്പറുള്ള 300 mm ഡിസ്ക് ബ്രേക്ക് ഒരുങ്ങുന്നുണ്ട്. പിന്നില് 240 സിസി ഡിസ്ക് ബ്രേക്കിംഗ് നിറവേറ്റും. എബിഎസ് സ്റ്റാന്ഡേര്ഡ് ഫീച്ചറാണ്. 110-70-17, 10-60-17 ടയറുകളാണ് G310 R -ന് മുന്നിലും പിന്നിലും.
G310 GS -ന് മുന്നില് 110-80-19 ടയറും പിന്നില് 150-70-17 ടയറും ഒരുങ്ങുന്നു. ബിഎംഡബ്ല്യു G310 R -ന് ഭാരം 158.5 കിലോ. അതേസമയം 169.5 കിലോ ഭാരമുണ്ട് G310 GS -ന്. G310 GS -ന് ഗ്രൗണ്ട് ക്ലിയറന്സ് 220 mm. G310 R -നാകട്ടെ ഗ്രൗണ്ട് ക്ലിയറന്സ് 165 mm ഉം.
രാജ്യത്തുടനീളമുള്ള ബിഎംഡബ്ല്യു മോട്ടോറാഡ് ഡീലര്ഷിപ്പുകളില് നിന്നും പുതിയ ബൈക്കുകളെ ആവശ്യക്കാര്ക്ക് ബുക്ക് ചെയ്യാം. ബുക്കിംഗ് തുക അമ്പതിനായിരം രൂപ. മുംബൈ, അഹമ്മദാബാദ്, പൂനെ, ദില്ലി, കൊച്ചി, ചെന്നൈ, ബെംഗളൂരു നഗരങ്ങളില് ബിഎംഡബ്ല്യു മോട്ടോറാഡിന് സാന്നിധ്യമുണ്ട്.
ജൂലായില് പുതിയ ബൈക്കുകള് വിപണിയില് എത്തും. കെടിഎം 390 ഡ്യൂക്ക്, ടിവിഎസ് അപാച്ചെ RR310, യമഹ YZF-R3 എന്നിവരോടാണ് ബിഎംഡബ്ല്യു G310 ഇരട്ടകളുടെ അങ്കം.