Just In
- 10 min ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 55 min ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 1 hr ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
- 2 hrs ago ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ്
Don't Miss
- Movies അഞ്ച് വർഷം ഗർഭം ധരിക്കാൻ ശ്രമിച്ചു, പക്ഷെ നടന്നില്ല; വാടക ഗർഭധാരണ മാർഗം സ്വീകരിച്ചതിനെക്കുറിച്ച് കിരൺ
- News ഒന്നാം ഘട്ട വോട്ടെടുപ്പ് അവസാനിച്ചു; ബംഗാളിലും ത്രിപുരയിലും കനത്ത പോളിംഗ്
- Lifestyle Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ലക്ഷ്യം ഹാര്ലി ഡേവിഡ്സണ്, 'ബോബര്' ലുക്കില് റോയല് എന്ഫീല്ഡ്
ഇത്തവണ രണ്ടും കല്പ്പിച്ചാണ് റോയല് എന്ഫീല്ഡ്. പ്രീമിയം ബൈക്ക് നിരയില് ഒരുപടികൂടി മുകളില് കയറണം. നാളിതുവരെ 350 സിസി, 500 സിസി മോഡലുകളിലാണ് റോയല് എന്ഫീല്ഡ് ശ്രദ്ധ ചെലുത്തിയത്. വരാന്പോകുന്ന 650 സിസി ഇന്റര്സെപ്റ്ററും കോണ്ടിനന്റല് ജിടിയും കമ്പനിയുടെ പ്രീമിയം പ്രതിച്ഛായ പടുത്തുയര്ത്തും.
പക്ഷെ 650 സിസി ബൈക്ക് നിര്മ്മാതാക്കളായി മാത്രം അറിയപ്പെടാന് റോയല് എന്ഫീല്ഡിന് ആഗ്രഹമില്ല. വാഹന ലോകത്ത് പുതിയ മേച്ചില്പ്പുറങ്ങള് തേടുകയാണ് കമ്പനി. ബൈക്ക് പ്രേമികൾ ഉറ്റുനോക്കുന്ന മിലാന് മോട്ടോര്സൈക്കിള് ഷോയില് പുതിയ ബോബര് മോഡലിനെ റോയല് എന്ഫീല്ഡ് കാഴ്ച്ചവെക്കും.
ആരാധകരുടെ പ്രതീക്ഷകള് ഉയര്ത്തി കമ്പനി പുറത്തുവിട്ട ബോബറിന്റെ ടീസര് ദൃശ്യങ്ങള് സമൂഹമാധ്യമങ്ങളില് വന്പ്രചാരം നേടുകയാണ്. ബോബര് ഘടനയോടു നീതിപുലര്ത്തി താഴ്ന്നിറങ്ങുന്ന ആകാരമാണ് പുതിയ റോയല് എന്ഫീല്ഡ് ബൈക്കിന്.
Most Read: ബുള്ളറ്റ് ആരാധകര്ക്ക് ആശങ്കപ്പെടാനുള്ള വകയുണ്ട്, ഇതാണ് പുതിയ ജാവ ബൈക്ക്
മുന്നിലെ ഇരട്ട ഡിസ്ക് ഉയര്ന്ന എഞ്ചിന് ശേഷിയെ സൂചിപ്പിക്കുന്നു. പൂര്ണ്ണ എല്ഇഡി ഹെഡ്ലാമ്പില് തന്നെയാണ് ഡെയ്ടൈം റണ്ണിംഗ് ലൈറ്റുകളും. ബോബര് ശൈലി പിന്തുടരുന്ന മോഡലിന് പരന്ന ഹാന്ഡില്ബാറാണ് കമ്പനി നല്കുന്നത്.
നീളംകൂടിയ വീല്ബേസും താഴ്ന്ന സീറ്റും റോയല് എന്ഫീല്ഡ് ബോബറിന്റെ സവിശേഷതകളില്പ്പടും. അലോയ് വീലുകളാണ് മോഡല് ഉപയോഗിക്കുന്നതെന്നു ദൃശ്യങ്ങളില് വ്യക്തം. ഇരട്ട പുകക്കുഴലുകളും മോഡലില് പരാമര്ശിക്കണം.
എഞ്ചിനും ഇന്ധനടാങ്കും സംബന്ധിച്ച അഭ്യൂഹം മാത്രമെ ഇനി നിലനില്ക്കുന്നുള്ളൂ. ലിക്വിഡ് കൂളിംഗ് സംവിധാനമുള്ള 830 സിസി എഞ്ചിനിയിരിക്കും പുതിയ മോഡലിനെന്നു റിപ്പോര്ട്ടുകളുണ്ട്. പോളാരിസ് ഇന്ഡസ്ട്രീസുമായി ചേര്ന്നാണ് ബോബറിനെ റോയല് എന്ഫീല്ഡ് വികസിപ്പിക്കുന്നത്. ഇന്ത്യന് മോട്ടോര്സൈക്കിള് കമ്പനിയുടെ ഉടമസ്ഥരാണ് പോളാരിസ് ഇന്ഡ്സ്ട്രീസ്.
എന്തായാലും റോയല് എന്ഫീല്ഡ് ഇറക്കിയിട്ടുള്ളതില്വെച്ചു ഏറ്റവും ഉയര്ന്ന അവതാരമായിരിക്കും ഈ വരുന്നത്. 80 മുതല് 90 bhp വരെ കരുത്തുത്പാദനം കുറിക്കാന് 834 സിസി ഇരട്ട സിലിണ്ടര് (V-ട്വിന്, DOHC) എഞ്ചിന് കഴിയുമെന്നാണ് വിവരം.
Most Read: സാന്ട്രോയുടെ വഴിയെ ഇന്ത്യയില് തിരിച്ചുവരുന്ന 'പഴയ' കാറുകള്
ഇടത്തരം, ഉയര്ന്ന ശേഷിയുള്ള എഞ്ചിനുകള് നിര്മ്മിക്കുന്നതില് പോളാരിസിനുള്ള പ്രാഗത്ഭ്യം റോയല് എന്ഫീല്ഡിന്റെ ക്രൂയിസറിന് മുതല്ക്കൂട്ടായി മാറും. ഹാര്ലി ഡേവിഡ്സണ് കൈയ്യടക്കി വെച്ചിട്ടുള്ള പ്രാരംഭ ക്രൂയിസര് ശ്രേണി പിടിച്ചെടുക്കുകയാണ് റോയല് എന്ഫീല്ഡിന്റെ ലക്ഷ്യം.
അതേസമയം കോണ്ടിനന്റല് ജിടി, ഇന്റര്സെപ്റ്റര് 650 മോഡലുകളുടെ അവതരണത്തിന് ശേഷം മാത്രമെ ക്രൂയിസറിലേക്കു കമ്പനി പൂര്ണ്ണ ശ്രദ്ധ ചെലുത്തുകയുള്ളൂ. ഈ മാസമാണ് ഇന്റര്സെപ്റ്റര്, കോണ്ടിനന്റല് ജിടി 650 മോഡലുകള് ഇന്ത്യയില് എത്തുക. ബുള്ളറ്റുകള്ക്ക് അമിത പ്രചാരമുള്ള ഇന്ത്യന് വിപണിയില് റോയല് എന്ഫീല്ഡ് കരുതിവെച്ചിട്ടുള്ള സുപ്രധാന മോഡലുകളാണ് ഇരുവരും.